هل تقبلين أن تكوني الزوجة الثانية؟؟؟

[انصاريه قمره]

رجاءا لا تقارنون نفسكم بزوجات الرسول
الرسوول عدجل بين زوجاته وهذا زمن وذاك زمن
واللي يعافيكم منو يعدل الحين بين ثنتين ؟؟

 

[بنت شرق]

اقبل فى حاله ا1ذا زوجته راضيه او فيها مرض ما تقدر تقوم برعايه الزوج

 

[q8iLady]

موضوع قديم و جديد

و

مثير للجدل

 

[طموح مفقود]

السلام عليكم
الصراحه انا ماعندي مانع اتزوج واحد متزوج بس اول اعرف الاسباب اللي خلته يتزوج مرة ثانية والكل يعرف ان بعض الزوجات حيل متعبين ازواجهم .
واذا اقتنعت بالاسباب ليش لا خاصة اذا كان صاحب منصب ورجل له سمعته بين الرجال يعني اخليه علشان انه متزوج ]والحمدالله انا اذا خذيته شيء اكيد ماراح اكرهه​

​

باهله واولاده لانني اعلم ان هناك رب سيحاسبني
​

.

ادعوا لي ان الله يكتب لي النصيب الطيب "وانشاء الله مايكون متزوج"​

 

[ارض الاجواد]

شغله صعبه سواء كنت الاولى ولا الثانيه
الاثنين يضيقون الخلق الاولى انقهر على الي صارلي والثانيه احس اني ارتكبت ذنب بحق المراءه الاولى مشكوره حبيبتي
تقبلي مروري

 

[MisS-Graph!c]

والله اذبحه اشرب من دمه اذا تزوج علي @@

<<متوحشة البنت

طبعا ولا وحدة ترضى زوجها يتزوج عليها او تكون الزوجة الثانية لان كل وحدة تحب يكون زوجها لها برووحها ومحد يشاركها فيه

وحريمنا هالايام مو مقصرين عسى بس الرياال يقول لها كلمة قامت عليه بالمخمة ولا النعال تكرمون وعلمته شلون يتسنع

يسلمو حبيبتي على الموضوع

 

[Spoildish]

كل اللي قالوا ما نرضى نكون الزوجة الثانية
اقووول لهم ما جربتم
وانا متأكدة انه لو وحدة منكم تطلقت راح تدور اي زوج حتى لو تكون الثالثة
والله العظيم اعرف بنات كانوا جذيه
لما تطلقوا ما خلوا خطابة يبون الزواج حتى لو ثانية

اكيد الزوجة الثانية هم وغم
بس اذا الوحده ما عندها الا هالحل
يعني تعيش بدون عيال طول عمرها؟؟
وتعيش تحت رحمة حريم اخوانها؟؟؟
اظن ما جربتم هالشي

احمدوا ربكم

ترضين بعد ما تتزوجين زوجج ياخذ عليج وحده مطلقه ولا ارمله؟؟؟؟؟؟؟؟؟؟؟؟؟؟؟؟ وفوقها الثالثه؟؟
حلوة والله انا مطلقه بتزوج واحد متزوج ومايهمني انه عنده بيت وعيال و مسؤوليه ثانية واحتمال انج تكونين سبب طلاقه من زوجته الاولى , واذا انتي مخليا حريم اخوانج يدوسون على رسج ولا انتي صايرة تحت رحمتهم هذا شي يراجعلج , على مااعتقد عندج لسان تتكلمين فيه و توقفينهم عند حدهم انتي حماتهم تقدرين تطلقينهم من اخوانج

 

[kwtyan9on9]

السلام على الموجودات كلهم
انا بالنسبه لي عااااادي اكون الزوجه الثانية لان التركيبة السكانية والدراسات اتأكد ان الحريم اكثر من الريايل وترى لو كل ريال يتزوج اكثر من حرمه تنحل مشكلة العنوسة ونستر على المطلقات والأرامل

 

[الواثقه بالله]

نغييير نعم

ونمووووووووووون بعد من الغيره

لكن إذا قرر الريال جد انه يتزوج الثانيه

وكنتي انتي الأولى

قرري

شنو المميزات اللي راح تكسبينها أو تفقدينها ؟!!!!

وشنو اللي تقدرين تتحملينه واللي ما تقدرين تتحملينه ؟!!!

وعليها قرري هل تستمرين معاه أو تتركين الجمل بما حمل ؟؟؟!!!!!!


وفي النهايه ما تقدرين تحرمين شي الله حلله


لكن تقدرين تحددين لنفسج الحياه اللي راح تعيشينها ؟!!!!


حتى لو كانت أخف الضررين!!!!!!!!!

 

[Abady2005]

اهنيييييييييييج ياbnt-kwt وهذا اللي انا قلته بعد من شروطي اصلا بتزوج دربك خضررررر بس ورقتي اول مع ان الشرع حلل بس انا دلوعة وما ارضى احد ياخذ مني شي ملكي .

 

[Queen eldl3]

لا ليش اكون الزوجه الثانيه ؟؟! ليش اعور راسي

بس اذا تزوجت ولاقدر الله ريلي تزوج علي

لو ماعندي عيال يمكن اطلب الطلاق ... ولوعندي عيال بصبر عشانهم

وبرافجها وامري لله ...

 

[ضحكه مستعاره]

هو من ناحية الشرع صح انه حلال ومافيه عيب بعد
بس بالنسبه لي لو تخلا الدنيا من الرياييل ماخذيت واحد متزوج الواحد مايبني سعادته على تعاسة غيره واللي ماتحب شي لنفسها ماتحبه لبنات الناس بس انا ملاحظه انه هالايام البنات هابين ماياخذون الا متزوج وفي وحده اعرفها ماتبي تتزوج تقدمووو لها 2 مو متزوجين ماتبيهم تقول ابي واحد متزوج عشان يشوف فيني اللي ماشافه بزوجته ويدللني شوف العقل شكبره الله يرفع عنها

 

[مشعلله]

والله لو يرد فيني الزمن اتزوج واحد متزوج ابرك
على الأقل يكون مكون نفسه عنده بيت وراتبه قوي
ويدلعني ويعرف قيمتي ويعرف الفرق بيني وبين النسره مرته الاوليه خخخخخخخخخخخخخخخخ
بس حسافه طافت علي خلاص تزوجت وانا الاولى والاخيره أن شاءالله
الله يعيني على كفاح الحياه واي تعب
وأهــــــــــــــم شي يكونون أمه وابوه ميتين
عشان أرتاح من تحرشهم وغيرتهم من مرت ولدهم
يارب ترفع من فلوبهم هالغيره :0bee2e8d89:

 

[㋡..PRINCESS..㋡]

لا ما اقبل الله لا يحطنا بهالموقف ان شاءالله ..

 

[زينة الشرق]

كلنا نعرف ان الشرع حلل أربع
والقصص الأولية عن بعض الأنبياء
والرسل اذ مو أغلبهم أتوقع كان عندهم
تعدد الزوجات شئ عادي بس بدينا الاسلامي
تقلص العدد الى أربع بس وطبعا الشئ له حكمة
ليس من صالح الرجل بل على العكس تماما
أنا أشوف تعدد الزوجات من صالح المرأة
يعني فترة الحمل وفترة الولادة غير تربية الأطفال
غير وغير وغير أسباب وايد تخلي الوحدة تحتاج
ان تكون مستقلة نفسيا وتكون جل اهتمامها بنفسها وبس
فيكون وجود الزوجة الثانية أو حتى الثاله تخفيف عبئ
على الزوجة أيا كان ترتيبها <<< لاحد يقولي بنشوفج برة المنتدى لوووووول
بس أتكلم صج يعني مادري وصلت الفكرة ولا لا ويكون التفاهم متبادل بين الزوجين
وطبعا هني مو أي رجل يصلح له الزواج من زوجة ثانية أو حتى ثالثة لا وألف لا
هناك مواصفات يجب أن تنطبق على الزوج اللي يرغب بتعدد الزوجات أن يكون
قد المسؤولية ويعدل بينهم في كل شئ يعني الوحدة ما توافق تكون الزوجة الثانية
الا بموافقة الزوجة الأولى وأن يكون الزوج أهل للزواج بأخرى بكل ما تحمله الكلمة من
معاني وله فوائد <<< قلبت باللغة العربية خخخخخ
يعني من فوائده زيادة النسل
المحافظة على القيم للطرفين ( رجل أو فتاة)
وتجنب تفشي الفاحشة والعياذ بالله تحصين للطرفين
وطبعا ما ننسى أن الزواج قسمة ونصيب يعني في كل شئ الله له حكمة
وياما متزوجات يشكون مرارة الرجل وظلمه مع انه تكون الزوجة الوحيدة
وياما في شرايج زي السمن على العسل وماكو أحد ما يختلف بالرأي بس أهم شئ
ان ماحد يكون أناني وكل واحد يتمنى الخير لغيره والأرزاق بيد رب العالمين سواء كانت الأولى
أو الثانية ....وكل واحد وظروفه وخصوصيته ما نقدر نعمم نقول لا يعني ممكن نخص ناس لهم ظروف
والكل ما يخفي عليه طبيعة هذه الظروف يعني ذات هموم وشجون قد تكون للطرفين.((رجل أو امرأة ))
بس أكيد شئ يقهر بيني وبينكم يعني اذ تزوجت أكيد ماقبل يكون لوحدة غيري.

يعني لا يارب لا يحطني بهلموقف قولوا آمين

 

[عاشقه رويشد]

اذا الله سبحانه وتعالي محلله اربع شلون ماارضي اوكي بضايق يوم يومين سنه مردي برضي عشان عيالي وبيتي واذا كان عادل بينه ليش اضايق

 

[نجمة البحر]

لأ طبعا ما ارضى اتزوج واحد متزوج حتى لو بظل عانس طول عمري
ما اخرب بيت عشان أبني بيتي
واذا ريلي فكر ان يتزوج علي الله وياه خل يروح يتزوج بس طبعا ورقتي توصلني قبل لا يخلص اوراق زواجه
ومثل ما انا ما ارضى حق نفسي ليش ارضى حق غيري
وبيني وبينكم راح اذبحه قبل لا يفكر يتزوج علي-هذا اللي ناقص بعد

 

[مجنونه راااقيه]

لا طبعا مستحيييييييييييل اصير زوجه ثانيه واكيد ماسمح ولا ارضى تشاركني وحده ثانيه بحياتي صحيح ان الشرع قال اربع بس اذا كانت الاولى مقصره بحق زوجها اما اذا بدون شي راح تزوج عليها ليه عسى ماشر ترضى تقعد عنده اهي بعد تروح تشوف نصيبها والله اني عصبت وتفاعلت مع موضوعج مشكوره حبيبتي

 

[سنافية مطير]

لا // مستحيــــــــــــل ...............​

 

[جوجو.]

في حريم يستاهلون أزواجهم يتزوجون عليهم
مع احترامي للي ازواجهم متزوجين عليهم
في الحالتين ما أقبل