هل تقبلين أن تكوني الزوجة الثانية؟؟؟

[بيت التوت]

آنا ما ارضي أكون زوجه ثانيه ............... ولا أرضي ان زوجي يزوج علي


وحتي عدوتي ما أرضالها هالشي لانه صعب حيل صعب

 

[kekat kakaw]

مادري انا عااااادي عندي اصير اولى و لا ثانية و لا ثالثه و لا رابعه


اشدعوى يعني اذا رضيت و لا لا بيرد علي الريال اذا حاط في باله الزواج بيتزوج شئت ام ابيت

 

[v1666]

السلام عليكم موضوعكم حلو وغلى تحب زوجها اكيد ماترضي تجي وحده وتشاركها في بيتها وزوجها وحلالها

 

[^^السندريلا^^]

:flower:
:flower:
:flower:
:flower:
:flower:
:flower:
:flower:
:flower:
:flower:
:flower:

 

[ملوووووكه*]

بقول شي للفائده فقط :
احنا مسلمين وكل وحده فينا تعرف معنى الاسلام ومن معانيه الخضوع لله سمعنا واطعنا غفرانك ربنا واليك المصير الخوات اللي يقولون انتوا تخلطون كل شي بالدين والخوف من الله احنا مـــا نخلط شي ولانفرق شي نحن اصلا ممزوجيين بالدين..
انتي كإمرأه لو تحل فيج اي كربه لاسمح الله بتلجئيين لله بنقولج ليش تخلطين! لأ .. ليش لأننا نعلم بأن الله هو المشرع لك وهو ربك..
حياتنا كلها مع الله ولله..
الله شرع الزوجه الثانيه لحكمه يعلمها من يعلمها ويجهلها من يجهلها.. انا كزوجه ارفض تماما ان يتزوج زوجي علي وبصراحه اغااااااااار جدا"
لكن انا مسلمه اذعن لأمر الله... وما اقول هذا خلط ابدا بل هذا ماأراد الله...
لي من الخوات 9 غير متزوجات كلهن جامعيات وموظفات وجمييييييييييييييييييييييييييييييلات وجدا" وكل مواصفات الزوجه المطلوبه فيهن لكن الله ماكتب لهن الزواج ولسن بطايحات الحظ عفوا" على هالكلمه... بل والله والله كل من يراهن يستغرب انهن لازلن دون زواج!! (رشيقات وجميلات وكشيخات) لكن هذا أمر الله الكثير يقول بأنها عين او سحر لا أعلم...
ثم انهن رفضن اللجوء لآخر الحلول الحل النهائي كي تحل مشكلتهن وهو انهن مصرات أن لا يكن زوجات ثانيات والمجتمع ونظرته والغيره والتوتر والعذاب وما الى ذلك!!!
ونسيين ان يفكرن بأنفسهن.. وأنهن نساء والمرأة بطبيعتها تحتاج الرجل..
وهاهن الآن منهن وليس كلهن (البعض)من لم تعد صالحه للزواج ولاحتى زوجه ثانيه.. تربي ابناء الخوات والاخوان وتدرسهم و...و..و..
لدرجة اني والله ابكي اذا رأيتهن الرأس مليء بالشيب والنفسيه تعبانه..
خل تفيدها الحين نظرة المجتمع والغيره !!!
الكثير خطبهن منهم من كان يتصل بزوجي ويرجوه اقناعهن عن طريقي لكن لامفر من امر الله..وهاهن الآن نادمات متحسرات ...
يحببن كل طفل على وجه الأرض فقط لأنه طفل..
انا صراحه أأيد الزوجه الثانيه لأنه امر من الله ولأني اتحدث عن تجربه رأيتها امامي..
وأحمد الله ان رزقني الزوج الصالح وارجو من كل امرأة متزوجه تنام قريرة العين بحضن زوجها ان تحمد الله على هذه النعمه.
عفوا على الاطاله...

 

[استبرق أم علاوي]

ماله داعي نقارن بزوجات الرسول
لو بنات هل ايام مثل زوجات الرسول جان انا زوجت ريلي بنفسي
هل ايام البنت تاخذ ريلج وتخربه علبج وفي بنات يخلونه يطلقج
وهم لو الريايل مثل الرسول يعدلون هم زين

 

[dodowa el7elwa]

انا عن نفسي نوووووووووووووو:lkmnkl::eh_s(3)::eh_s(3):

 

[@سيدة نفسي@]

ماأتصور زوجي مع وحدة ثانية والله أموووووووووووووووووت من القهر الله لايييب ذاك اليوم!!!

 

[The Boutique]

مستحححححححححححححححححححححححححححححححححححيل زوجه ثانيه
اصلا شلون انام يمه واهو ينام مع وحده غيري ويحضنها ويقولها كلام حب وووووو
ووووووع ووووووع

 

[قطوه ورديه]

واااااااااااي لا نووي
واذا عزم على هالشي
ومدام انه من حقه
اطلب الطلاق واعيالي يكونون
معاي واهو خل يتهنا بزواجه الثاني

 

[درب السنع وينه؟]

لأأأأأ

 

[wjdan]

مشكلتنا بنات حواء نتكلم بالعواطف مو بالعقل

واعتقد إذا مو كلكم راح يكون اغلبكم ترضى وإذا ما رضت راح تتحسر وتندم طول عمرها

سبحان الله نتكلم اللحين بس كلام لكن إذا جت ساعتها بتفكرين عشرين مره قبل لأ تقررين

مو مثل اللحين

تمنياتي لكن بمزيد من السعاده والزوح الوحيد لكن ​

 

[! بــدويه وآآيــد !]

:~


وآآآي أكيــد مــآآحــب اهدم بيــت وحـــده عشــآن اتزوج !!




نوو وووي مستحييل ارضى‘ اكون الثآنيه ومستحيل ارضى‘ وحــده تكــــون بعدي ألأ اذا فيه اسبآب





ومشكوره





:~

 

[شوشو الشقيه]

تسلمين اختي على موضوع الجنان والله
انا بصراحه معاج ما اؤيد البنات الي ينتزوجون رجل متزوج
لان بصراحه شلون تبنين سعادتك على هدم سعاده غيرج
حتى لو كان بالحلال
بعد كل الناس احرار في تصرفاته محد يقدر يقول لهم شيء اذاذ كان بالحلال
بس بالنسبه لي انا
مستحيل ابني حياتي على تعاسه غيري
حتى لو كنت احب هذا الشخص اموت فيه ما اقدر اعيش بدونه
افضل ابقي اعيش وحدي بدونه ولا اتزوجه واخذ من زوجته الاولي
واخذه من اطفاله
حتى لو بالحلال

من اختج شوشو الشقيه

 

[شوشو الشقيه]

رد: مشاركة: هل تقبلين أن تكوني الزوجة الثانية؟؟؟

وووووووووى زوجه ثانيه مستحييييييل اقبل
عاد انا زوجى كلا يطفرنى يقولى بتزوج عليج عاد انا اقول روح تزوج كيفك بس القاضى الي بزوجك يطلقنى بدوون تفكير وانا مثل(( الفريك الي ما يحبش شريك ))

وتسلمين حياتى بنوته

بصراحه ضحكتني وانا ما فيني الضحكه ربي يفرج يونسج مثلل ما خليتيني اضحك
بصراحه الدنيا خليتني صعب اضحك
تسلمين دمج خفيف
والله قويه
هههههههههه
من اختج شوشو

 

[شوشو الشقيه]

يا بنات المشكله
في انكي
تبنين سعادتج وتفرحين و
والزوجه الاولي مسكينه تنقهر وتالم تغار يعني بصراحه شلون قلبج يفرح وانتي كنتي سبب تعاسه انسانه
بالله عليكم
بصراحه ضميرك يالمك وما ترتاحين بحياتج
انا افرح واضحك وانسانه غيري تموت من القهر والم والحسره
بصراحه ما ارضاها علي نفسي ولا ارضاه لغيري
ثانيا ليس كل الرجال يعدلون بيين زوجاتهم على فكره
وحتى لو عدل بين الزوجات
بعد الزوجه اولي بتعيش في تعاسه ليش انا اكون السبب الرئيسي لتعاسه انسانه
الحين الناس قاموا يفعلوا الخير عشان يفرحون قلوب المساكين
انا اروح ابحث عن تعاسه الاخرين استغفر الله العظيم
احنا ما نعترض على حكمه الرب
صدق الزوجه قدام زوجها ما بتقول ولا راح تتكلم بكلمه
ولكن قلبها الي يتحرق
قبل ما تحكمون على الشيء
حطزا مكانكم بدالها
انتوا الي في منتدي اغلبتكم كبار يعني مراهقات وشابات
تخيلوا ابوكم تزوج على امكم شنو الشعور الي تحسونه بصراحه
تخيلوا ابوكم يتبختر بامراه اجنبيه شقراء ياتي البيت
هههههههههههههه
يقول لكم تفضلوا زوجتي المصونه نيلي او ماريا
تقولكم الاجنبيه هااااااااااااي
بعد دلع الاجانب غير والله هههههههههههه
والله انتوا تنقهرون تموتون من القهر
انتوا بعد كبار وتحاتون في بالكم هل ابوكم بيبقي مثل اول يعامل امكم او يتغير
وحتى الاطفال يعيشون بحاله قلق
وبيئه صحيه غير متزنه
لانهم يشوفون الم الام وقهرها وتفرقه المعامله قدام عينهم

الله لا يجيب اليوم الي ابوكم يتزوج على امكم يا ربلا تقولون الطفل ما يفهم
الطفل يفهم كل شيء
لا تحاولن تخبون الشيء لان الطفل يفهم ويحس

تخيلوا اشكر الاضرار الي تصير لما الاب يتزوج على زوجته بدون سبب مقنع
اولا الاطفال يعيشون في بيئه قلق
الاطفال يحسون بالتفرقه الاب لمعامله امهم
الام تعيش بتعاسه
واايد اشياء
من اختكم شوشو الشقيه

 

[Mazyoona]

ماله داعي نقارن بزوجات الرسول
لو بنات هل ايام مثل زوجات الرسول جان انا زوجت ريلي بنفسي
هل ايام البنت تاخذ ريلج وتخربه علبج وفي بنات يخلونه يطلقج
وهم لو الريايل مثل الرسول يعدلون هم زين

ردج استبرق عجبني و عين الصح بصرااحه

لو الريايل هالايام نفس زمن الرسول عليه الصلاة و السلام يعدلون أوكي
بس الحين لا و الف لا نلاحظ بمجتمعنا اللي يتزوج
ثانيه و لا ثالثه ولا بعد رابعه دايماً يفضل "ألاجدد"
بكل شي.
الحين اذا تزوج عليج تفر الثانيه راسه عليج و تكرها فيج ...

بس أنا بعد أئيد الزواج عالأولى اذا كانت مقصره
و الله فيه وحده قالولي ريلها تزوج عليها قلت تستاهل
مرات ممكن يكون الغلط من المرأه نفسها و الذكيه هالأيام
مو اللي تتفوق بالدراسه و بس مو الدكتوره و المهندسه بس
الذكيه اللي تكسب زوجها و تخليه ما يفكر الا فيها



و بس

مشكووره حيل مديرتنا
نقاش مهم بصرااحه

 

[Judy abbott]

مستحييييييييييييييييييييييل ارضى اتزوج وااحد متزوج

ما ابني سعادت يعلى تعاسه غيرييييييي

 

[ريـــحانــة]

تبـون الصـج سـاعــات ..لما يقهـرنـي بشغلــة ويعل قلبـي <<< قلبها كله معلـول ههههه:dddds:

أقـولـه له بس آنا اللي صابرة عليــك وإلا وحدة غيري جان علـوم ؟؟؟

وكله أقوله روح خذلك ثانيــة والمهر من عندي لووووووووووول :tomato2:

الشريـجة تحرر لوهي بالقبر ...ماأرضا فيها بس إذا سواها بعد القسمـة والنصيب وشرع الله

وأشوف نفسيتي ..أقدر أتأقلم وإلا لا ...الله مايكلف أحد فووق طاقتـه

مشكــورة بنت الكويــت عـلى الموضوع ...يعطيـج العـافيـة

 

[دانة الروابي]

:nocommint: