هل تنزل الاعانه لخريجات الكورس الاول ؟

[انجبر قلبي]

الله يسمع منج انشالله

 

[انجبر قلبي]

اخر الاخبار

جريدة الأنباء الكويتية | الخدمة المدنية 200 دينار شهرياً للخريجين حتى التوظيف


يالله متفائلين هالشهر

 

[كتكوتة89]

انا خريجة كورس أول و نزلوها لي ��

 

[انجبر قلبي]

اي كورس اول اختي ؟

 

[كتكوتة89]

هالكورس هذا

 

[حنانو 89]

انجبر قلبي يعني شنو بس بتنزل ٢٠٠ دينار والأثر الرجعي شلون عليه ماكوووو ؟؟؟؟؟؟

 

[كلي خجـل]

"ديوان الخدمة": 200 دينار شهرياً للطلبة بعد تخرجهم

"ديوان الخدمة" : 200 دينار شهرياً للطلبة بعد تخرجهم

 

[нάγoηά cнεмίsтяγ]

كلي خجل الخبر صارله من بدايه الاسبوع االلي فات

وماكو اي خبر عقبه


يعني عفيه لي متى النطرة ما ادري

 

[كلي خجـل]

الله المستعان ��

 

[3sl:~]

امل مفقوووووود
وعلا قولتهم " لو فيه شمس كان بانت من امس "
انا خريجه كورس اول ٢٠١٢ لي سنه و شهر من تخرجت بالضبط وياخبر كاااااااااااان
وما مشوا لي اي شي سواء اعانه الجامعه او البطاله كل ما اروح يماطلون اخر شي وكلت امري لله وشهر١٢ طلع اسمي بالتربيه ورفضت قرارات مالها اي صحه مو معقوله رفيجاتي معاي بنفس الدفعه ينقبلون مدرسات وانا بسبب تعطيل المجلس وامور التازيم الي صايره يصكون علينا ويلغون تعيينا مدرسات ويتعذرون بميزانيه التربيه ، الحين وصلت مرحله عفت التربيه بكبرها دام هذا اولها ورفضت التربيه والحين انطر ينزل اسمي
مومعقوله جامعيه وانطر سنه وشهر والسبب ان التخصص غير مرغوب؟ شذنبنا يعني ندرس ٤ سنين واخر شي تطيح الشهاده بجبدنا !!!

 

[нάγoηά cнεмίsтяγ]

حبيبتي عسا الله يعوض صبرج خير و يرزقج من اوسع ابوابه

انا معاج صارلي سنه و شهر من تخرجت و بسرعه نزل اسمي بالتربيه و رفضتها و للحين ناطرة

انا رفضت ب شهر 4 عقبها ما نزل اسمي ب مكان

و سجلت ب بدل بطاله عقب ست شهور من الرفض و نزلت لي الحمدالله بس ياختج لازم كل شهر تروحيلهم وتوقعين عشان تنزلج البطاله

وانا موعدي طاف توه ماقدرت اروح وماراح ينزلونها لي هالشهر مالت عليهم

انتي ليش ماينزلج البدل ؟؟

 

[3sl:~]

هلا هيونه ...
انا تخرجت شهر ١ بس قدمت عالديوان شهر ٦ وبسبب المجلس ومشاكله وتاجيلهم نزل اسمي شهر١٢ ورفضت وكل مره ابي اقدم عالبطاله يطلعون لي قصه
يقولون دفعه جديده بتنزل وماتسوى اراكض واخر شي يمكن تنزل ويمكن لا
وبعدين ماادري شصاير بالديره مفروض اعانتنا تنزل علا طول لانه امر اميري؟؟؟؟
مومعقوله سنه وشهرين ننطر؟؟؟!

 

[3sl:~]

شصاااار يابناااات ؟؟؟
تهقون راح ينزلونهاااا ولا بس كلااام كالعاده

 

[__amool]

السلام عليكم بنات انا خريجه والحين ميداني
قدمت على مكافئه التفوق اول الشهر للمعهد
بس مانزلوها بس نزلوا الاعانه الاساسيه ليش؟ متى ينزلونها ؟

 

[أم*سلمان]

آب

آب

لعيونكم

 

[3sl:~]

الله يعطيج العافيه يا ام سلمااان

 

[3sl:~]

امووول دامج ماتخرجتي للحين راح تمشي اعانتج
بس من تتخرجين انسي تشوفينهااااا
وبخصوص اعانه التفوق لنا سنه وشهرين نطلب اعانتنا الاساسيه ولا شفنا منهم شي
لازم تراكضين فيها روحي اسالي وشيكي بمعهدج لان اذا
تخرجتي راح يسحبون علييييج نفس وضعنا

 

[micmac]

أنا توني تخرجت شهر يناير ونزلت لي فيه
وأما شهر فبراير اللي إحنا فيه حبيت أقول : " اشووووفك وين يامهاااجر خخخخخخخخخخ
خلاص رااااااحت

ننطر أسامينا بالديوان يارب وفقنااااااااا

 

[falfola-falfola]

أنا جني مرة قريت خبر بجريدة الرأي إنه الإعانة راح تمشي لما نتوظف

 

[3sl:~]

الديوان كاتبين ٢٠٠ باخر الشهر للخريجين؟؟؟!!
اي شهر قصدهم ؟ ياكثر الشهور الي عشمونا فيهاااا هههههههخه
حسبي الله ونعم الوكيل )؛