هل لديكم طفل يعاني من التوحد- خلونا نتجمع

[Emanova]

انا ام لحمودي عمره 6 سنوات , اكتشفت انا اعني من التوحد قبا 4 سنوات و الحمدالله قاعين انكافح.
اتمنى ان كان احد عندة تجربة يقولي و نساعد بعضنا.
مشكورين

 

[همسات ليالي]

جيكييييييييي علي الخاص

 

[soseta]

ولد خالتي عمره تقريبا 4 سنين وعنده توحد والمسكين احس اهله هاملينه مو قاعديين يسوون شي ..

 

[وردة العاشقq8ya]

انا ولد اختي فيه التوحد

بس ليش جذي المدارس مايساعدون يعني الاهل شيسوون ؟

ولد اختي كل مايسجلونه بمدرسه مايقبلوونه يريت تقوليلي شلون قاعدين تكافحووووون

اختي كاسره خاطري

ولما اشوفه يعورني قلبي عليه

 

[وردة العاشقq8ya]

دششته اختي الروضه حكومه امبيه تخيلوووو


كانو يطقونه ويدرون بحالته واهوا مسكين والله

اذا احد طقه مايعصب ولا شي بس يمسح على المكان الي يعوره ويقول اح

ومايعرف يتكلم حتى توه يقول بابا وماما يعور القلب والله


حسبي الله عليهم بالروضه صج صج صج صج صج ماكانو يراعونه وهاملينه

اختي كانت حييل تنقهر ماقامت توديه

وكله تبجي عليه بس الحين قامت تتقبل

ماله علاج ؟؟

 

[سنع ومنع]

فرحت واااايد لما شفت الموضوع .. صج احنا محتاجين نجتمع عشان نتبادل الخبرات ..
ولدي عمره 3 سنوات واكتشفنا ان فيه توحد من فترة قصيرة .. صدمة حياتي يوم اكتشفت مرضه .. فعلا فعلا فعلا آآآآآآخر شي كنت أتوقعه ان يكون ولدي مريض توحد .. طبعا ماكان في شي واضح جدامي .. من وين أبدا ..شنو أسوي ..
المهم بلشنا نراجع عند الدكتورة عبير في مستشفى السلام .. الدكتورة ممتازة جدا جدا .. تشافا على ايدها 32 طفل فيهم توحد .. تتبع نظام غذائي مع مكملات غذائية .. طبعا كل ما كان الطفل صغير يكون أفضل .. ولدي الحين أحسن من أول بس ما تشافى 100% واحنا للحين ما خلصنا كورس العلاج .. بس من يومها وانا أدور بالنت وأحاول أثقف روحي كثر ما أقدر بهالمرض .. وصراحة انصدمت بالكم الهاااااائل من اليهال اللي تشافوا من المرض ..
والله ما تصدقون يا أخواتي .. هذا النظام الغذائي شلون يغير اليهال ويشافيهم تماما من التوحد ويصير الطفل طبيعي بعد العلاج .. وهذا اللي مصبرني على اني أكمل مع ولدي .. يمكن تقولون أبالغ .. بحط لكم اللينك عشان تشوفون بعينكم ..

ومن خلال بحثي المتواصل بالنت .. اكتشفت أيضا إن في طريقة ثانية للعلاج .. وهي العلاج عن طريق الخلايا الجذعية .. وهي حقن الطفل بهذي الخلايا وهم يتشافى الياهل بشكل كبيييييير ..
العلاج هذا موجود حاليا بالصين بشكل كبير ويعالج أمراض وااااااايد مو بس التوحد .. وموجود بأمريكا ..
لو بتكلم عن التوحد ما راح أخلص .. بس ودي أتشارك معاكم خواتي ونفضفض لبعض ..
فيدونا من خبراتكم

 

[سنع ومنع]

فرحت واااايد لما شفت الموضوع .. صج احنا محتاجين نجتمع عشان نتبادل الخبرات ..
ولدي عمره 3 سنوات واكتشفنا ان فيه توحد من فترة قصيرة .. صدمة حياتي يوم اكتشفت مرضه .. فعلا فعلا فعلا آآآآآآخر شي كنت أتوقعه ان يكون ولدي مريض توحد .. طبعا ماكان في شي واضح جدامي .. من وين أبدا ..شنو أسوي ..
المهم بلشنا نراجع عند الدكتورة عبير في مستشفى السلام .. الدكتورة ممتازة جدا جدا .. تشافا على ايدها 32 طفل فيهم توحد .. تتبع نظام غذائي مع مكملات غذائية .. طبعا كل ما كان الطفل صغير يكون أفضل .. ولدي الحين أحسن من أول بس ما تشافى 100% واحنا للحين ما خلصنا كورس العلاج .. بس من يومها وانا أدور بالنت وأحاول أثقف روحي كثر ما أقدر بهالمرض .. وصراحة انصدمت بالكم الهاااااائل من اليهال اللي تشافوا من المرض ..
والله ما تصدقون يا أخواتي .. هذا النظام الغذائي شلون يغير اليهال ويشافيهم تماما من التوحد ويصير الطفل طبيعي بعد العلاج .. وهذا اللي مصبرني على اني أكمل مع ولدي .. يمكن تقولون أبالغ .. بحط لكم اللينك عشان تشوفون بعينكم ..
http://youtube.com/watch?v=hh64V4-quBc&feature=related
http://youtube.com/watch?v=ccM7BFYs61o&feature=related
ومن خلال بحثي المتواصل بالنت .. اكتشفت أيضا إن في طريقة ثانية للعلاج .. وهي العلاج عن طريق الخلايا الجذعية .. وهي حقن الطفل بهذي الخلايا وهم يتشافى الياهل بشكل كبيييييير ..
العلاج هذا موجود حاليا بالصين بشكل كبير ويعالج أمراض وااااااايد مو بس التوحد .. وموجود بأمريكا ..
لو بتكلم عن التوحد ما راح أخلص .. بس ودي أتشارك معاكم خواتي ونفضفض لبعض ..
فيدونا من خبراتكم

واللي يسلمكم ادعوا حق ولدي يتكلم .. ويسمعني كلمة "ماما " ..

 

[وردة العاشقq8ya]

انشالله يااارب يتكلم

يعني فيه له علاج ؟؟؟؟؟

 

[Emanova]

نع و منع... انا راجعت عند عبير عوض بس ما فاد النظام معاه ظليت عليه سنه كاملة بدون اي تغيير حتى المسكين كنت لا اقدر اوديه الزواره و لا اطلعه برة علشان لا يشوف الاكل .
و بعدين تركت النظام ,, لان المشكلة اشلون ابي اخليه يكتسب مهارات اجتماعية و يتعلم من اليهال لما ا<ا ما طلع و شاف.
حتى طلعت المولات علشان يوعى حق الدنيا حواليه.
انا قريت في المنتدى عن وحده قالت ان مستشفى رويال حياة ياخ<ون الخلايا من الحبل السري و المشيمة , راح ادق عليهم باجر ان شاء الله .
احنا لازم نكون مع بعض علشان نتبادل الخبرة .. و علشان المجتمع يتقبل اطفال التوحد .. و الله اعينا كلنا

على فكرة انا ولدي في مدرسه هوب و ابي اطالعه منها ,, انتي ولدخ اي مدرس؟

 

[Emanova]

ورده .. بالحكومه خل اختج تغسل ايدها .. اللابلات مالهم خلق ... مالكو الا مدارس الحتياجات الخاصة و هم لج عليهم.. مع ان الوزارة اتابعهم و كل شي بس لهم اشوية سوالف ... بس خليها على الله.. و اي شي اختج تبيه ما يردج الا السانج

 

[Emanova]

سوسو .. هالاولاد ما تدرين شنو حكمة رب العالمين اللي عطانا اياهم... انا دايما اقول حق زوجي ولدي بركة ,, علشان نتعب فيه و الله يعطينا الاجر.
م المشكلة ان الوعي عند المجتمع .. دايما اقولون فشلة و ما نبي احد اعرف,,, و خشوون اعيالهم ... انا لما اطلع ولدي الناس يطالعوني .. ز انا اقولوهم فيه شي؟!؟!؟! فيوخرون .
اما لما اسافر الناس كلاها تساعدني خصوصا لما اكون ابروحي وياه .. تخيلي حتى مصر اللي يعتبرون ما يدرون شالسالفه يتفهمون و عندهم معلومات عكس ربعنا في الديره

 

[تفاحه كويتيه]

والله يا بنات ما تدرون شلون فرحت لما شفت الموضوع انا اخوي

عمره الحين 8 سنوات لا تعليم ولاشئ احنا نسكن الجهراء والمدرسه الوحيده

الي تقبله بحولي ما تصدقون يا بنات لو اقولكم اذا طلعنا اي مكان يقعد يصرخ مثل الحريم

ويبجي ويضحك بنفس الوقت بصوت عالي وخلق الله كلهم يطالعون فينا

يا بنات يسوي تصرفات غريبه بيده يحركها بطريقه عجيبه حتي الحين

صاير عنده نشاط زايد الواحد ما يقدر ينام تخافون يسوي جريمة قتل بخوانه الاصغار

حتي الكبير وهو نايم يطقه باكبر شئ عنده صرنا نقفل باب الدار علينا اذا بنام

والله يا بنات ما تصدقون اذا قلتلكم انه حرق سرير غرفته مره من المرات ما ندري عنه

شلون حصل ولاعتة سجاير ابوي وشب الديباج ومخده اقسملكم يا بنات ان النار

وصلت للسقف والحين طايحله بحركه غريبه وتصرفات اغرب صراحه استحي اني

بس تصدقون ان ولد عمي وهو بنفس الوقت ولد خالتي فيه مرض التوحد من زمان

اخاف يكون وراثي هذا المرض

بس انا من باجر باخذه مستشفي السلام انشالله يشفيه ويشفي مرضا المسلمين

امين يارب العالمين

 

[Emanova]

تفاحة حبيبتي .. في باصات اتودي و تييب .. لازم يدش مدرسة و يتعلم و في بالطب التطوري مستشفى الصباح ادوية اتخليه يطخ... و التوحد للحين محد عارف شنو سببه بس تدرين ان الكويت النسبة فيها بالاعاقات و النشاط الزايد وايد مرتفعه بالنسبه للكثافة السكانية.... الله يعينكم

 

[تفاحه كويتيه]

Emanova

الوالده مو راضيه انها تخليه يروح حولي بروحه تقول اخذه مع السايق واقعد معاه

بس ادارة المدرسه مو راضيه ان امي دقعد عند اخوي امي ما عندها قلب تخليه يروح اي

مكان بروحه لازم هي والشغاله معاه

بعدين امي راجعت فيه بمستشفي الصباح الدكتوره ما رضت تعطيه ادويه

اقعد تراويه في الصور وهو يسمي كل صوره يشوفها هو ماشالله عليه ذكي

وايد وعنده موهبة الموسقي يحب يعزف عليها بس يعصب يكسر الاورغ

وكل شئ يشوفه اقباله ويعض ايده وايد يضغط عليها بسنانه

وعلمت علي ايده بقعه بنيه من كثر العض الله يصلحه انشالله

 

[Emanova]

تفاحه حبيبتي .. راجعوا عند دكتورة فاطمة العوضي... في فاطمة كلينيك و كانت رئيسة قسم الطب التطوري و تعطيكم ادويه ا<ا كان اهو محتاج و تقول صرفوه من الحكومه... و اهي وايد بالها طويل على اليهال ... و لازم يتعلم قولي حق الوالدة عقبها الله يخليها نو يبي اجابله ... لازم الواحد يشوف لجدام وايد

 

[سنع ومنع]

هلا أختي ..
انا رحت حق الشركة اللي تتعامل معاها مستشفى رويال حياة .. أسمها cryo-save تحفظ لج خلايا المشيمة والحبل السري اذا كنت حامل .. يعني عقب ما تولدين بالسلامة وبقصون الحبل السري للياهل بابرة صغيرة ادخلها بالحبل السري عقب ما تعقم المكان ينزل الدم اللي موجود بالمشيمة والحبل السري .. العملية جدا بسييييييطة .. طبعا ما تحسين بأي ألم أو شي لأن ماكو شي يقزونه فيج أنت .. ويحفظ هذا الدم لمدة 20 سنة .. الشركة تحفظه في دبي و بلجيكا .. يعني اذا اضطريتي تعالجين الياهل لا سمح الله في مصر السعوديه الامارات طرشوا اللي في دبي .. اذا كان العلاج في امريكا لندن ألمانيا طرشوا اللي في بلجيكا .. طبعا تكلفة هذي العملية تقريبا 1000 كويتي ..
الدم هذا يعالج وااااااايد أمراض .. و مو بس حق الياهل نفسه .. المستفيد الأول منه .. الياهل ثم أخوانه ثم الأم والأبو .. ثم العمام والخوال ..
يعالج أمراض الدم كلها .. تكسر الدم .. سرطانات الدم ..
السكر ... جلطات القلب ..
وأمراض وايد بعد ماني ذاكرتها الحين
الأمراض اللي ذكرتها يعالجها أكييييييد ...
بالنسبة للتوحد للحين قاعدين يسوون دراسات .. يعني مو أكيد 100% .. بس في مستشفيات تعالج مثل ما ذكرت .. وأطفال وايد تحسنوا واختفت منهم علامات التوحد نهائيا ..
أختي Emanova اذا حابة أحطلج رقم الشركة قوليلي ... مديرة الشركة اسمها هند وااااااايد حليوة تقدرين تاخذين موعد معاها وتقعدين تسولفين وياها .. جدا جدا جدا حليوة ..
وانا للحين ولدي في حضانة .. مادري اذا بيروح مدرسة شراح أسوي صج صج محتارة .. لأن وايد مدراس بس ماتدرين شنو الأحسن ..
عسى الله يعينا يا رب ويشافي عيالنا وعيال المسلمين ..

 

[سنع ومنع]

أختي emanova شلون مافاد النظام مع ولدج ؟؟؟ غريبة ؟؟
انا لما سويت حق ولدي التحليل المفروض يطلع معاه نسبة الجلوتين والكازين أقل من 100 هذي النسبة الطبيعية للانسان الطبيعي ..
ولدي يا حبيبي طلعت بالآآآآلاااااف تخيلي .. ففعلا واضح ان جسمة ما يهضم هالمادتين .. وهالمادتين اهيا اللي تسبب الخدر حق الياهل مثل المورفين .. فتشوفينه في عالم ثاني ...
صار لي مدة بسيطة مع النظام الغذائي وتعبانة مع ولدي وايد وايد وايد .. في الزوارات والطلعات .. بس قاعدة أقول عشان مصلحته ميخالف .. عشان يرجع طبيعي ميخالف .. وما في ذاك التغير الكبير الملحوظ لا والله بس في تغيرات بسيييييطة ..

شفتي مقابلة أوبرا مع وحدة عالجت ولدها من التوحد .. اهيا ممثلة .. المهم هالمرة أصرت أصرت ان تعالج ولدها .. وتعالج الولد وشوفي تماما .. بعد كفاح ومعاناة .. وكتبت قصتها بكتاب .. شريت الكتاب .. الصراحة شي مو طبيعي .. وايد وايد وايد حلو .. يعور القلب .. حلو تحسين ان في أحد يمر بنفس اللي أنت قاعدة تمرين فيه ..
اسم الكتاب louder than words .. للأسف المكتبة العربية فقييييييرة بالكتب المختصة في هالمجال .. شي يضيق الخلق .. قمت أشتري من النت كتب متخصصة بالتوحد .. وأقرا review الناس شقايليين عنها وشرايهم فيها .. الكتاب اللي أحسه بيفيدني شريته ..
وهم شريت ديفيديات تساعدني .. وتساعد الطفل على الكلام .. لأن ولدي ما يتكلم للحين
عسى الله يعينا يارب..

 

[ناني سيكرتس]

واي لاحوا ولا قوة الا بالله..
اثاري مو بس انا اعني من هالموضوع لا في غيري وايد..

شوفوا انا ولدي البجر عمره 6 سنين من يوم ما يبته وانا احاسه انه في شي غلط, حبا على عمر 9 اشهر ومشى على السنه ونص بس ما تكلم الا بعمر السنتين ونص تخيلوا,,
بالاول كنت شاكه ليش ما يتكلم ولما وديته الطبيب قالي فيه لحمه عشان جذيه ما يتكلم ويمكن سمعه ضعيف, وديته وسووله جميع التحاليل وسوينا عملية اللحميه, وعقبها شوي شوي قام يتكلم بس هم مو مظبوط الولد, دخلته حضانه انجليزي وماشاء الله الولد انطلق معاهم بالانجليزي بس بالعربي ما يفهم شي, وقمنا نكلمه انجليزي. بهالوقت كنت على طول اسالهم بالحضانه في شي ملاحطين عليه شي بس اهم تدرون انجليز وبالهم وايد طويل عاليهال وقالولي بالعكس الولد زين ومافيه شي..
خلص الحضانه ودش روضه الحكومه وانا هم كنت متابعه الوضه وكنت على طول اسال في شيه ولا ملاحضين عليه شي, ويم سالت الابله مالته: جان تقولي: ازوين بس وايد حرج نشاطه وايد ( مفرط الحركه) وبس ما قالتلي اكثر, بسهم كنت حاسه انه فيه شي لام اليهال بعمره ماشاءالله عليهم يتكلمون الا ولدي ساعات وايد يكون بعالم اخر.
سنه ثانيه روضه ابلته يزاها الله خير كانت حابه ولدي وايد وعندها ضمير حي ماشاء الله عليها, كنت كله اسالها عفيه اذا لا حظتي عالولد شي بلغيني, اهني قالتلي تراولدج صاير وايد هادي وساعات وايد يقعد بروحه, وساعات تكون حركته زايد بس والله انه بعيوني وراح اراعيه, اهني فتحت عيني على شي اول مره اعرفه, وقمت ووديتهعند الدكتور مازن العيسى مره ثالثه وشرحتله حالته اهني حس ان الموضوع جد وان لازم اتصرف, طلب مني اسويله اختبارت سمع وفحص عند الدكاترة الانف والاذن والحنجره وبعد عطاني تقرير حق الطب التطوري, اهني رحت وسويت كل الي بغاه, وطلعتلي مليون واسطه عشان اييبولي موعد بالطب التطوري لان موعيدهم وايد بعيده.
يوم رحت الموعد والمشرفه اول تشوفه ويعدين الطبيب, تخيلوا اثنينهم قالولي ان ولدي فيه بطئ تعلم وفيه شبه توحد, انا اهني انصدمت توحد عاد مره وحده, انا الي اعرفه عن التوحد ان الياهل يكون انطوائي وما يتكلم وما يعرف اشياء وايد بس انا ولدي مو جذيه, واكمل باجي الاختبرات والتحاليل, وخذيت منهم لسته باسامي المدارس الي تقبل حالته بعد ما سويت اوراقه عشان يدخل من ظمن الامجلس الاعلى للمعاقين.
كل مكان رحت حقه وكل مدرسه باللسته وديته وخليتهم يسووله اختبار, وكل محد شافه قالي لا اكيد فيه توحد , واموت من البجي تخيلوا صارلي 3 شهور وانا بحاله ما يعلم فيها الا الله سبحانه.
ليما قالولي ليش ما تروحين عند الدكتوره عبير عوض بمستشفى السلام, تخليها تشوفه وتعطيه نظام غذائي وان شاء الله يصير زين, والله واروح لها ماشاء الله عليها اتهبل , عقب ما فحصته وشافت اوراقه اصدمتني وقالتلي: شوف تقرير الطب التطوري غلط لان الولد كلش مافيه توحد ..؟ كل الي فيه انه عنده تاخر عقلي بسيط وهالشي نقدر نتلاحقه فيه عن طريق الاكل والمدرسه الي بروح لها وعن طريق معملتي له, طبعا هالشي مو سهل بس توكلي على الله وان شاء الله بتشوفين نتيجه, عطتني لسته بالفيتامينات الي راح ياخذها وشنو الاكل الي ياكله والي ما ياكله, وقالتلي اي مدرسه اوديه, تخيلوا قالتلي وديه مدرسه انجليزيه عاديه مع اليهال احسن له, اذاوديته مدرسة احتياجات خاصه يمكن هالشي يؤثر عليه.

والحين انا توني باديه معاه كورس الفيتامينات ماله وان شاء الله بسجله بمدرسه انجليزيه بحولي,وكاني قاعده احاول وان شاء الله الله يكتب الي فيه الخير له.

الي بقوله لكم : لا تياسون من رحمة الله, سواا كل الي تقدرون عليه, ودو عيالكم لكل مكان تحسون ان فيه فايد , غيروا اكلهم لان الاكل له تاثير كبير بصحتهم, عاملوهم بحب وحنان اكثر, صبروا صبروا صبروا ان الله مع الصابرين..

الله يفي عيالنا ويشفي عياكم ويشفي جميع مرضى المسلمين..

 

[ناني سيكرتس]

الي تقدر تفيدنا بخبرتها خل تفيدنا, والي تعرف اي شي بهالمواضيع ان شاء الله لو معلومه بسيطه خل تفيدنا بعد, جزاكم الله خير.

 

[وردة العاشقq8ya]

اي والله نبي نستفييييييد

لانه صج كل مكان نروحله يطالعون ولد اختي

وحرام يكسرون بخاطر اختي كله يقولولها ولدج مينون وماادري شنو انا اتضايق شلون اهيا

الله يشفيهم انشالله

بس وديناه عند ناس يقرون عليه قالولنه انه فيه مس لانه امه واهيا حامل فيه سوت حادث وانتو بكرامه على بالوعه واهيا تأذت بعد بس يلااا االله يشفيهم ونشوووف نوديه انشالله ويتعالج