هل لديكم طفل يعاني من التوحد- خلونا نتجمع

[amamr]

اظن اختي الطريقة حق الدكتور الهنديي اسمها الhemopathy الدكتور حاليا بالامارات وراح يروح البحرين
روحي اختي على هل رابط راح تجدين الموقع الالكتروني وكذلك ارقام الهواتف له
http://www.t7di.net/vb/showthread.php?t=18614&page=4

 

[سنع ومنع]

اختي مس هوب لس على ما اعتقد انت تقصدين د.كيتان باتل بس هذا اللي اعرفه عنه يستخدم علاج اسمه homeopathy مو g-therapy .. اول مرة اسمع عن هذا العلاج فيدينا اكثر شنو اهوا وباسم الدكتور لو سمحتي ..
وبالنسبه للاخت ام عمرو انا حاليا خلصت الدورة السادسة مع ولدي و للامانه مافيه ذاك التغيير الكبير .. والاسبوع الماضي سوينا له تحليل دم وبول وانت بكرامة وناطرين نتيجة التحليل ..الله كريم ان شاء الله

 

[سارونهh_a_z]

مرحبا جميعا ..


الله يعطيكم العافيه ويرزق ابناؤكم وكل مريــض الصحه والعافيه ..ويشافي كل مريض يارب؟؟

انا عندي بنت خالتي فيها توحد .. قعدت خالتي خمس سنين ماتبي تسمع او حتى تقتنع ان بنتها فيها توحد ..
البنت ماتتكلم ومن سئ الى اسوأ .. بعدها استوعبت شوي وودتها وشخصوها توحد ..
وعلطول سافرت فيها لندن بس للأسف قالولها تأخرتي!! وقالولها بعد علاجها الوحيد انها تاخذ ادوية مهدئه وتخليها تنام بالليل ..
وعطوها نظام غذائي وحمية صارمه .. وحذروها من الحلويات والكاكاو لان يزيد النشاط ..
لكن للاسف خالتي تارسه غرفتها حلويات وبيبسي وكل ماثارت عطوها !!
للامانه اول ماردت من لندن التزمت شوي بالنظام وكانت البنت اهدى .. بس احسها يئست ..




يمكن تكون بنت خالتي شاغله بال عايلتنا كلها .. وودنا نساعدها بس مابيدنا شي ..


بسألكم بنات تكفوون بشغلة ثانيه : بنت خالتي الثانيه اكبر من اللي فيها توحد ..
احنا كلنا شاكين ان فيها توحد بس خفيف .. عمرها 13 سنة .. ذكية مو ذكيه الا عبقريه .. لكن عايش بعالمها ..
حتى كلامها مو مرتب .. لغة عربيه على عاميه .. للحين تشوف سبيس تون .. نكون كلنا قاعدين نسولف وهي سرحانه .. وفجأة تضحك بس تمسك ضحكتها .. شرايكم بنات الحالة توحد؟؟
واذا توحد نصارح خالتي ؟؟ بصراحه احنا مانبي نصدمها؟؟​

لا ان شاء الله مو توحد يمكن لسانها ثقيل

بس هم اكيد طبعا لاتسكتون عنها وكلمو امها واكيد امها عارفة وساكتة

الله المستعان​

 

[القرآن ربيع قلبي]

التفاؤل والامل هو الذي يعزز العلاج ويسرع بالشفاء
اسال الله العظيم ان يشفي ابناءكم يارب عاجلا غير آجل وان يفرح قلوبكم برؤيتهم يمارسون حياتهم بشكل طبيعي

هذي امراة سعودية رزقها الله ببنت توحدية اسمها ياسمين وعالجتها واجتهدت وتحسنت البنت ولله الحمد والمنة وقامت تتكلم وتنادي امها
امها منزلة كذا شريط لها باليوتيوب وتبشر وتقول انها بدت تتكلم ولوانه غير مفهوم وقامت تلعب مع الاطفال وتتفاعل معاهم اجتماعيا
هذا شريط لصورها منذ الولادة
ماشاء الله تبارك الرحمن على البنت تشوق
http://www.youtube.com/watch?v=y0Bst8RWpIw&NR=1
وهذا شريط لها في المدرسة
http://www.youtube.com/watch?v=At9JczaE2wc&feature=related
وهذا الشريط وهي تلعب
http://www.youtube.com/watch?v=e9nhmzmp4DI&feature=related
واهني تغني ماشاء الله عليها قطعت قلبي وهي تقول امي امي امي
http://www.youtube.com/watch?v=lqrW4Vtiu6U&feature=related
واهني مع مدرستها
http://www.youtube.com/watch?v=Gz7NvzStPew&feature=related
في النهاية اهدي هالمقاطع لكل ام توحدي حتى تتفاءل والله يشفي عيالكم يارب
بنات ادعو لياسمين الله يتمم عليها وان يشفيها تماما مع العلم ان عمرها ماشاء الله خمس سنوات

 

[القرآن ربيع قلبي]

بنات والله قلبي معاكم وتوني ابحث لقيت لكم بنت عالجوها بالخلايا الجذعية وتشافت سبحان الله عمرها 13 سنة
وشكل الدكتور من كلامه مو امريكي شوفو الشريط ومترى محطوط العنوان والايميل راسلوهم والله كريم

حيل فرحت لما شفت الشريط لان البنت صارت طبيعية سبحان الله تماما
http://www.youtube.com/watch?v=lrcqpuQrot8&feature=related


http://www.youtube.com/watch?v=vZDSZWxGpds&NR=1

وهني جاطين عنها تقرير بالاخبار عندهم
http://www.youtube.com/watch?v=d0ZanIBoGHU&feature=related

 

[سنع ومنع]

مشكورة وما قصرتي على المقاطع الحلوة اللي حاطتها .. فكرت وااااايد في علاج الخلايا الجذعيه بس المشكلة ان ما يسوونه الا مستشفيات بالصين و كوستريكا .. هذي اكبر مشكلة ان للحين مو اكيد 100% معتمد و مسألة ان 3 ابر تنعطا للطفل بالنخاع الشوكي شوي المسألة تخرع .. انا اللي قاعدة افكر فيه علاج الاكسجين بس مأجلته شوي ..
ما قصرتي حبيبتي على جهدج و دعواتج الحلوة

 

[Miss_Hopless]

مساء الخير بنات اشلونكم شخباركم؟؟
انا قصدي عن دكتور ثاني هندي وعنده مركز بالهند وامس كلمته وحاليا قاعده اسوي اتصالاتي وبحوستي عليه
اسمهGunvant Oswal وعلاجه اسمهG-therapypحطو اسم العلاج وراح تلاقون موقعه ورقمه وحاليا قاعد يتراسل معاي وكلمته على موبايله الشخصي وقال ان السفره ماتاخذ اسبوع يشوف الصبيان ويعطيهم علاج لمده 6 اشهر وتالي نتابع قال التشخيص والعلاج يكلف2500دولار وانا مافكر فيها من ناحيه ماده لان ربنا كريم بس اذا في نتيجه مثل مايقولون بدزه الهند مع اليهال وراحج اضبط الوضع كثر ماقدر
راح اعطيكم اخر التطورات وشنو صار معاي
ادعولي بنات

 

[سنع ومنع]

عسى الله يوفقج ويسهل عليج امرج ..
انا قعدت اسوي سيرج عن هالنوع من العلاج لقيته انه نوع من انواع homeopathy وهذا النوع يعالج فيه هم دكتور هندي موجود في دبي .. انا اقول انت سوي سيرج على g therapy واذا لقيتيه اهوا نفسه homeopathy حسافه روحي دبي اقرب ..
والله يسهل عليج حبيبتي ويشافي عيالج وعيالنا كلنا يا رب

 

[Miss_Hopless]

الاخت العزيزه سنع ومنع
اتوقع ان نوعيه العلاج تختلف وماظن ان نفس علاج الدكتور الهندي اللي بدبي
واتمنى اي وحده عندها معرفه او سامعه عن هالعلاج ماتبخل علي بالمعلومه

 

[القرآن ربيع قلبي]

عزيزاتي علاج الخلايا الجذعية موجود بالاردن ادور لكم اسم المستشفى ان شاء الله القاه
سنع ومنع وجميع الاخوات ترى الكويت ويؤسفني علاج التوحد فيها متاخر جدا شوفو السعودية ماشاء الله الطب عندهم متطور اكثر من اهني
راسلو المستشفيات هناك ان شاء الله خير والله كريم يارب
وللعلم الخلايا الجذعية نسبة نجاح العملية 80 %واكثر

 

[سنع ومنع]

الله يبشرج بالخير هذي خوووووش اخبار واللي يسلمج اختي لو تلاقين اسم المستشفى اكون لج شاكرة .. شنسوي الواحد يبي اي أمل ممكن يعلق فيه والله كريم ان شاء الله ..
وبسألج اختي اذا تعرفين احد تعالج بالخلايا الجذعيه ??
وما تقصرين على هالمعلومات اللي تشرح القلب

 

[القرآن ربيع قلبي]

هلا حبيبتي سنع ومنع
والله اني ادش موضوعكم وانا مستحية احس نفسي مزعجة بس \
شوفي لقيت هالعلاج في السعوديةhttp://www.asharqalawsat.com/details.asp?section=4&issueno=10877&article=486063&feature=
ودورت اسم المستشفى الاردني ماحصلته ان شاء الله باذن الله القاه

 

[القرآن ربيع قلبي]

لا والله عزيزتي سنع ومنع مااعرف احد تعالج بالخلايا الجذعية بس اثناء بحثي عنه يقول العلماء انه راح يسوي ثورة طبية لانه يعالج امراض القلب وجربوها العملية هذي بالاردن بس فريق اوروبي سواها هناك ويعالج السكر والتكسر بالدم والتوحد وبعض الاعاقات سبحان الله احسه رحمة من الله هالعلاج

وبالصين شكثر يعالجون بالخلايا الجذعية ومسويين دعايات قوية بس انا ماحطيتها لكم لان شغل الصيبن الواحد مايثق فيهم ويخرعون
والله كريم وان شاء الله ربي يشفي كل مريض

 

[حوورية الكويت]

انا عندي صديقه عندها نفس الحاله وان شاءالله تفيدكم بخبراتها

 

[سنع ومنع]

انا عندي صديقه عندها نفس الحاله وان شاءالله تفيدكم بخبراتها

هلا أختي حورية .. ياريت والله تكتبين لنا خبرتها او اهيا تشاركنا .. تدرين احنا تجمعنا لنقل الخبرات والاستفادة من بعضنا بعض .. واشكر لج مشاركتج

 

[سنع ومنع]

هلا حبيبتي سنع ومنع
والله اني ادش موضوعكم وانا مستحية احس نفسي مزعجة بس \
شوفي لقيت هالعلاج في السعوديةhttp://www.asharqalawsat.com/details.asp?section=4&issueno=10877&article=486063&feature=
ودورت اسم المستشفى الاردني ماحصلته ان شاء الله باذن الله القاه

ليش جذي تقولين .. مشاركتج معانا فيها اثراء للموضوع وما فيها أي ازعاج ..
انا مت زمااااان سمعت عن الخلايا الجذعيه بس على قولتج كل المستشفيات اللي طلعت لي كانت بالصين وحاطين لج عدد حالات التوحد اللي عالجوها .. بأمريكا الموضوع لازال تحت التجربة بس حييييل متفائلين فيه .. مع العلم انهم بدوا في علاج السكر و امراض القلب وامراض الدم .. يعني رسميا هالامراض قاعدين يعالجونها الحين بس التوحد للحين ما اعلنوز رسمي انهم يقدرون يعالجونه مع ان في حالات تحسنوا .. بس مثل مانتي عارفة مشكلة التوحد انه يختلف من طفل الى اخر عشان جذي تشوفين اللي يعالج هذا مو شرط انه يعالج الثاني .. والحمدلله ان العلم قاعد يطور والله كريم ان شاء الله

 

[amamr]

السلام عليكم خواتي ممكن الاخت سنع ومنع تقلي اذا طلعت نتيجة التحليل -وهل اضافت الدكتورة عبير اي دواء لانها قالت لي انها سوف تضيف دواء اخر لمجموعة ادوية سحب المعادن الثقيلة بعد ظهور نتيجة التحليل لكني لا ادري ما هو

 

[سنع ومنع]

هلا أختي أم عمرو ..
طلعت نتيجة التحليل والحمدلله بينت التحاليل ان المعادن قاعدة تطلع من الجسم .. وما قالت لي الدكتورة انها بتضيف دوا يديد حق ولدي ..

 

[ILUV SMW Autism]

السلام عليكم.....أنا ودي أضيف شيئ سامعين بالأكسجين هايبر باريك، هذا اسلوب علاج مستخدم لحالات التوحد في أمريكا مفعوله عجيب وسريع في حالات التوحد وما له آثار جانبية هو عبارة عن غرفة يتم فيها ضغط الهواء مع ضخ أكسجين نقي هذا يساعد في تنشيط خلايا الجسم كلها والأهم خلايا المخ

هلا أختي أم عمرو ..
طلعت نتيجة التحليل والحمدلله بينت التحاليل ان المعادن قاعدة تطلع من الجسم .. وما قالت لي الدكتورة انها بتضيف دوا يديد حق ولدي ..

 

[سنع ومنع]

الدكتور الهندي اللي في دبي يعالج أول الكورس homeopathy وبعدين آخر الكورس بعالج بالأكسجين ..
علاج الأكسجين ممتاز والحين يابوه السعوديه .. تفيدنا أكثر في هالمجال أختنا ايمانوفا ..