هل لديكم طفل يعاني من التوحد- خلونا نتجمع

[سنع ومنع]

انا ما قلت لها اهي بروحها من اول نظره شافت الولد جان على طول اول سؤال اسئلته لي: موقفه الكورس..؟ سئلتها اشدراج جان تقولي مبين واضح عليه انه صاير هايبر, بس انا قلت لها لا تاجلين الموعد شوفيه شويه عالاقل, جان تقولي بسويله جم شغله وبعدين ناجل موعده لبعد اسبوعين, سوته واسئلته جم سوال وشافته انه مو راضي يقعد كلش, بس من خلال هالربع ساعه قالتلي ترا ولدج متحسن حيل لان بين لها بس حسافه انج وقفتي علاجه, ردي عالكورس وتعالي بعد اسبوعين..

تدرين عاد ولدي صج مبين عله انه موقف علاج لان رد شوي مثل حالته قبل العلاج, وعموما انا قلت لها ان صارله اسبوع من خلص الكورس بس اهو صارله شهر.. :eh_s(6):

ناني بدعتي .. انزين اذا رحتي لها الزيارة اليايه سأليها لي متى بيظل على الفيتامينات ؟؟ يعني مو معقوله عيالنا يظلون طووووووووووول عمرهم يزرطون بهالفيتامينات .... والله لو تشوفون طاولة الأدوية مالت ولدي تخترعون .. صج الولد في تحسن بس لي متى ؟؟؟؟
تصدقين يمكن لو انا مكانج كنت راح أسوي نفس الشي .. ساعات ودج تعرفين هالتطور من وين ؟؟؟
من المدرسة ولا المورس ولا الدايت ؟؟؟؟؟؟ الله يعينا ويصبرنا يا رب

 

[Emanova]

نوعه ..انا زينه انتي اشلونج و اشلون حمادي ...

 

[ناني سيكرتس]

ناني بدعتي .. انزين اذا رحتي لها الزيارة اليايه سأليها لي متى بيظل على الفيتامينات ؟؟ يعني مو معقوله عيالنا يظلون طووووووووووول عمرهم يزرطون بهالفيتامينات .... والله لو تشوفون طاولة الأدوية مالت ولدي تخترعون .. صج الولد في تحسن بس لي متى ؟؟؟؟
تصدقين يمكن لو انا مكانج كنت راح أسوي نفس الشي .. ساعات ودج تعرفين هالتطور من وين ؟؟؟
من المدرسة ولا المورس ولا الدايت ؟؟؟؟؟؟ الله يعينا ويصبرنا يا رب

صاجه عشان جذيه بدعت بالولد كنت بشوف هالتطور من اي جهه صاير من المدرسه ولا من العلاج..؟ ولقيت الحل ان العلاج مكمل لشغل المدرسه بس ما ادري لي متى..؟

 

[Emanova]

بنات انا كلمت دكتوره فاطمه العوضي و تقول اذا تبون ورشه عمل ثانيه نفس اللي سووها شهر 3 حاضر ...و اهي تحاول تفتح حضانه aba لان لو راح تييب المدربين بس بدون ما يكون احد يدفع راح يصيير وليد غالي على الاهالي ...و قالت لي متى ما تبونها نقعد معاها اهي حاضر

 

[wathoo7a]

شلونكم بنات شخباااااااااااااااركم؟؟؟؟؟؟؟؟؟؟
شلوون عيالكم
عطلو مدارسهم ولا لأ؟
ووين بتودونهم بالعطلة؟
أنا كنت حاايسة مع أمتحانات بنتي
واليوم راااحة باجر عطلة
كل عام وأنتم بخير بمناسبة
السنة الهجرية الجديدة

 

[سنع ومنع]

بنات انا كلمت دكتوره فاطمه العوضي و تقول اذا تبون ورشه عمل ثانيه نفس اللي سووها شهر 3 حاضر ...و اهي تحاول تفتح حضانه aba لان لو راح تييب المدربين بس بدون ما يكون احد يدفع راح يصيير وليد غالي على الاهالي ...و قالت لي متى ما تبونها نقعد معاها اهي حاضر

هلا أمونة .. هذي خووووووووش أخبار ..
تصدقين اهيا لو تفتح حضانة ABA صدقيني الناس مستعدة تدفع حق عيالها في سبيل انها تشوف على عيالها التطور المنشود .. حلوة المنشود ها :dddds:
ويا ريت تعيد الملتقى اللي صار شهر 3 ... واذا تحدد تاريخ لتجمعنا يكون أفضل لأن اذا بتشوفين متى يناسب هذي ومتى يناسب هذيث ما راح نخلص .. خل اهيا تحدد تاريخ معين نقول بعد 10 أيام أو اسبوعين أتوقع الكل يكون متفرغ إن شاء الله ..
الله يعطيج ألف عافيه أمونة ..

 

[Emanova]

هلا أمونة .. هذي خووووووووش أخبار ..
تصدقين اهيا لو تفتح حضانة aba صدقيني الناس مستعدة تدفع حق عيالها في سبيل انها تشوف على عيالها التطور المنشود .. حلوة المنشود ها :dddds:
ويا ريت تعيد الملتقى اللي صار شهر 3 ... واذا تحدد تاريخ لتجمعنا يكون أفضل لأن اذا بتشوفين متى يناسب هذي ومتى يناسب هذيث ما راح نخلص .. خل اهيا تحدد تاريخ معين نقول بعد 10 أيام أو اسبوعين أتوقع الكل يكون متفرغ إن شاء الله ..
الله يعطيج ألف عافيه أمونة ..

خلاص اقول لها بس خل نجمع امهات وايد

 

[سنع ومنع]

شلونكم بنات شخباااااااااااااااركم؟؟؟؟؟؟؟؟؟؟
شلوون عيالكم
عطلو مدارسهم ولا لأ؟
ووين بتودونهم بالعطلة؟
أنا كنت حاايسة مع أمتحانات بنتي
واليوم راااحة باجر عطلة
كل عام وأنتم بخير بمناسبة
السنة الهجرية الجديدة

هلا وضوحة .. وانت بخير وصحة وسلامة
عيالنا الحمد لله .. تمام
ماكو أي مخططات بالعطلة حاليا ..
اذا عندج مقترحات فيدينا

 

[wathoo7a]

إيمان إذا في ورشة عمل أنا وياكم
سنوعة ماأعرف وين في أماكن فيها ونتر كامب حق حالات إعيالنا
لو فيه على طول أدخله
ولو في أحط يعطي دروس في البيت جان يبتله
اللي يعرف لايبخل علينا

 

[ناني سيكرتس]

هاي رجعت من بعد غياب..
سنوعه خوش صدفه يوم شفتج بمركز سلطان, والله استانست وايد على شوفتج..

امونه اشلونج واشلون الحمال وياج..؟
اذا في ورشة عمل دزولي مسج عالموبايل بليز..

وضوح ولهنا عليج ..؟

 

[wathoo7a]

نانيييييييييييييييي شخبااااااااااااااارج
توله عليج ألف عافيه حبوبه
شلون يسافي وشخباره مع ألعاب السباعي؟
سنع شسالفتج مع الصدف
أنا بعد شفتج بالمركز العلمي تذكرين
إيمان شقالتلج الدكتورة يصير تطلعين؟

 

[سارونهh_a_z]

هاااااااااااااااي


بنووووووووتات كل عام وانتووووو بخير

اشلون عيالكم وشنوووو المستجدات

حسافة شكله في وايد سوالف طافتني

 

[اسراء205]

ولد عمي فيه توحد وعمره الحين 23 سنه ... امه وابوه واخوانه اتعبو عليه حيل ... والحمد لله الدكاتره كانو يقولون عنه انه محظوظ لانه بوسط هذه العيله ... والحين اهو واييد وايييد احسن ... وهو كان يدرس بمدرسة التربيه النموذجيه بالسالميه ... والحين يشتغل طباع عند عمي . واي تبي اي استفسار تدزلي على الخاص .

 

[سنع ومنع]

شلونكم بنات .. وشخباركم مع البرد اللي يهبل
لما قريت كلام اسراء عورني قلبي .. ما أتخيل شنو كان الوضع قبل 23 سنة لما يقولون حق العايلة إن ولدكم فيه توحد ..
يعني اللي احنا فيه الحين نعمه .. على الأقل العلم تطور .. وصار في وعي أكثر .. على الأقل في حالات شوف عينا تشافت من التوحد ..
الحمد لله رب العالمين

 

[ام^صالح]

صباح الخير واحلى ورد لاروع تجمع

اللهم ان ابناءنا مسهم الضر فارفعه عنهم اللهم اشفهم واشفي مرضى المسلمين كاااااااااااااااااااااااااااااافه

 

[ناني سيكرتس]

هاي بنات اشلونكم مع البرد..

 

[Cute_Girle]

مرحبا جميعا ..


الله يعطيكم العافيه ويرزق ابناؤكم وكل مريــض الصحه والعافيه ..ويشافي كل مريض يارب؟؟

انا عندي بنت خالتي فيها توحد .. قعدت خالتي خمس سنين ماتبي تسمع او حتى تقتنع ان بنتها فيها توحد ..
البنت ماتتكلم ومن سئ الى اسوأ .. بعدها استوعبت شوي وودتها وشخصوها توحد ..
وعلطول سافرت فيها لندن بس للأسف قالولها تأخرتي!! وقالولها بعد علاجها الوحيد انها تاخذ ادوية مهدئه وتخليها تنام بالليل ..
وعطوها نظام غذائي وحمية صارمه .. وحذروها من الحلويات والكاكاو لان يزيد النشاط ..
لكن للاسف خالتي تارسه غرفتها حلويات وبيبسي وكل ماثارت عطوها !!
للامانه اول ماردت من لندن التزمت شوي بالنظام وكانت البنت اهدى .. بس احسها يئست ..




يمكن تكون بنت خالتي شاغله بال عايلتنا كلها .. وودنا نساعدها بس مابيدنا شي ..


بسألكم بنات تكفوون بشغلة ثانيه : بنت خالتي الثانيه اكبر من اللي فيها توحد ..
احنا كلنا شاكين ان فيها توحد بس خفيف .. عمرها 13 سنة .. ذكية مو ذكيه الا عبقريه .. لكن عايش بعالمها ..
حتى كلامها مو مرتب .. لغة عربيه على عاميه .. للحين تشوف سبيس تون .. نكون كلنا قاعدين نسولف وهي سرحانه .. وفجأة تضحك بس تمسك ضحكتها .. شرايكم بنات الحالة توحد؟؟
واذا توحد نصارح خالتي ؟؟ بصراحه احنا مانبي نصدمها؟؟​

 

[ناني سيكرتس]

الله يشافيهم ..
حبيبتي حق اي دكتور ودوها في لندن ..؟

 

[Miss_Hopless]

مرحبا بنات اشلونكم شخباركم شمسوين اشدعوه ماتسألون علي ولا على بزراني؟؟
المهم بشروني عنكم وعن عيالكم؟؟
طبعا انا من بدى البرد وعيالي مو مترقعين بس مرضى وحالتهم حاله ربي الشافي المعافي
حبيت اسألكم تعرفون الG-therapy???
اذا اي وحده سامعه عنه ياريت تعطيني خبر انا قريت عنه وايد وشفت حالات تحسنت اللي مسوي هالعلاج دكتور هندي ومسويله مركز بالهند وقاعده اتراسل معاه واذا رد علي بودي اليهال واتكالي على رب العالمين
عسى مايضيع تعبي وتعب كل وحده فينا
امونه فرحتلج وايد وايد وربي يثبت البيبي ويجعله من الذريه الصالحه:*

 

[amamr]

السلام عليكم ورحمة الله وبركاته خواتي العزيزات
كنت مشغولة الفترة الماضية ولا زلت من بدات ببرتكول سحب الرصاص لابني عمرو والحالة صعبة والاثار الجانبية كثيرة ودايما على اتصال مع الدكتورة عبير مشان التغيرات طبعا بعد كم يوم راح نبدا المرحلة الرابعة التحسنات تقريبا لايوجد ولكن هناك الكثير من السلبيات عاد السلوك السئ لابني وازدادت العدوانية والضرب لاخوه الصغير ولكل افراد العائلة دائما اشعر انه تعبان وجسمه مرهق -الدكتورة عبير تقول الشغلة لازمها صبر وانه من بعد الدورة السادسة ان شاء الله تبدا تظهر الاثار الجيدة -على مااذكر الاخت سنع منع بدات بلبرتكول قبلي ارجو منه ان تكتب لي عن التطورات التي حصلت معها واين وصلت وهل اجرت تحليل البول ومتى كان موعد التحليل وكيفية الطريقة -هل هو بعد انتهاء دورة سحب الرصاص -لا تنسواالدعاء لابني عمرو ولجميع اطفال المسلمين ومرضاهم