وابتدأت الحكــايـه •’• من نقطــة البدايـــة

[لحن مختلف]

القروب = الجروب = شله = group

 

[لحن مختلف]

انا امووووووووت بالشكووووولاته..

عارفه كيف تصرفت.. اشتريت جلاكسي الحبااات الصغيره اللي نفس علبة جواهر لكن باكيت

وخليت زوجي يخبيها بمكاااان ما اعرف وينه.. وبس لما يجي وقت القهوة اخد وحده بس وخلاص
واتشحتف على غيرها .. لكن نو ثم نو

وان شاء الله تتم امورنا على خير ياارب

 

[كريم كراااميل]

مسااااااء الامطاااار 

اللهم صيباً نافعاً


لحن .. زييزا ... شكراً شكراً ع النصيحه ادري انه غلط ...
و عاقبت نفسي امس سويت غوري زنجبيل بالزعفران بدووون سكر و شربته كله ..


قعدت الصبح بدري شربت بطلين ماااي ... و نمت ..

و الحين اشرب القهوووه ..

غداي راح يكون ( توست اسمر حبتين مع جبنه دايت بالجرير+ بطل ماي ) و بس ...

 

[كريم كراااميل]

تصحيح *
جرير= جرجير 

 

[صاحبة أمل]

السلام عليكم
كيفكم يا صبايا وصبايا يعني بنات
عاملين ايه في الريجيم وريجيم يعني دايت
هههههههههههههه حلو القاموس ده
أنا باهزر إوعاكم تزعلوا
القافية تحكم
الحمد لله الريجيم ماشي عال
دعواتكم
بس اليوم ما جا على بالي رياضة
أنشغلت في حاجات تانية مع العيال يعني ولا رياضة ولا حركة
الحقيقة قلت خليني بدون رياضة وبكرة بأمر الله نستأنف المشوار

صحيح متى هتفتح المسابقة اللي قدمنا فيها يا بنات يا حلوات ؟؟؟
سلام عليكم يعني ويك إند سعيد

 

[كريم كراااميل]

و عـلـيـكـم الـسـلام و رحـمـة الله و بـركـاتـه

هلا صاحبة امل .. ان شاء الله مستمرين بالرجيم ..
حلووو رووح المقاااومه و الاصرار ..
يارب يعينا و يصبرنا ..


المسابقه إن شاء الله ١٤ / ٤ يوووم السبت ..

 

[كريم كراااميل]

و عـلـيـكـم الـسـلام و رحـمـة الله و بـركـاتـه

هلا صاحبة امل .. ان شاء الله مستمرين بالرجيم ..
حلووو رووح المقاااومه و الاصرار ..
يارب يعينا و يصبرنا ..


المسابقه إن شاء الله 14 / 4 يوووم السبت ..

 

[زييزا]

بما ان الجو امطاااار مساكم رحمه من ربي


لحونه حبيبتي فديتك .... الله يسامحك على الصوره
عذاب والله بس انا كاخذت لاني مدمنه فقصرت الموضوع
ولغيتها

كراميلا لا تقسين ع نفسك مرره عاقبيها بس بشويش

والله يعينا

صاحبة امل تعجبني روحك والله الله بالرياضه




بنات سربرااااااااااااايز



وزنت
ولقيت وزني




















١٢٢
تخيلوا ٣.٥ نزلتهم ولله الحمد

هذا اكبر دليل اني مرتااحه بالدايت وحتى زوجي لاحظ هالشي

مشكوره لحونه

 

[كريم كراااميل]

مرحبا بنات

مبرووووووووووووووووووووووووووك زييزا والله والله فرحت لج من كل قلبي تستاهيلن كل خير



اكمل يومي امس المغرب اكلت توست ساده مع عصير برتقال فرش


الساعه 8 شربت حليب بالهيل و الزعفران



و ع 11 اكلت تفاحه حضرا

 

[*شوقي معنيني*]

صبااااحكم رشاااقه

اممم امس حصلت ظروف وما دخلت

اليوم ريوقي
صمونه بطاط وطحينه

وبس
والغدا ماكووو
والعشا معزومين

 

[زييزا]

صبااااح الخيرااات
جمعه مباا كه حبيباتي

الله يبارك فيك ياااحلى كراميلا الله يسعدك
بس انا اظن ان طريقتي في الوزن كانت غلط لاني وزنت بعد المغرب
زوجي كان مقرر مااشتري الميزان الا بعد شهر وامس سمحلي اجيبه
ووزنت اول ماجبته
مفروض اوزن الصباح بعد الشاور صح

يالله ملحوقه يوم الاحد ان شاء الله

اليوم فطوري كورن فليكس مع كوب حليب قليل الدسم

والغدا حيكون فاكهه صنف وااحد
وادعولي ربي يقوي عزيمتي اليوم جمعه يمكن دعوتكم تكون بساعة استجابه

 

[لحن مختلف]

السلام عليــــكم..

جمعـــة مباااركـــة للجمـــيع...

زيــــزاااااااا... ألـــف مبـــروك الوزن الجديد :eh_s(9):,, ووداعا لـ الشحوم الذاهبــة بلا عودة ان شاء الله
فرحــت لك ولعزيمتكـ والله يارب يكمل نزولك على خير وبصحه وعافيه..
ونزول اي وحده فينا يسعدنا جميعا لان من نزولكم نستمد استمرارنا وحماسنا واقبالنا على الرجيم..هذا اولاَ ( قاعدة اخطب اليوم )..

ثانيــاً.. مبرووووك الميزاااااان اخيراااا :rerrerek:
ثالثـا.. اعتقد يا قلبي الميزان اي وقت مو شرط الصباح ونظريتي منية على ان احنا نروح لاخصائية التغذية ونزول اي وقت نروح فيه صبح عصر مغرب ..( هذا رااي بالموضوع )
وان شاء الله توزنين يوم الاحد وتطلعي نااااقصه كمان وكمااان..

رابعـا.. لا تشكريني يا غاليه .. اشكري نفسك وارادتك وعزيمتك انتي اللي تعبتي وانتي اللي تحديتي نفسك انا .. الشكر مني لـ روحك الحلوه..
ماشاء الله عليكـِ حبيتي وان شاء الله تستمري وانتي صحه وعافيه فرحتي قلبي.:eh_s(15):

 

[لحن مختلف]

وبعـد المــسااء والسلااام ..

بتكلم عن لحــن امس.. وشنو هببت.. صراحه امس كان يوم دمااار بالنسبة لي وخجلت اكتب امس استحيت من نفسي ومنكم
لكن قلت بكتب علشان استحي على روحي مرة ثانية ولا اعيدها وعلشان اتذكر دايما شنو خبصت فما اعيدها..
أمس خذلت نفسي قبل اني أخذل أي احد..
فطوري وغداي كان تمااااام.. الجريمه كانت في العشاااء.. خربتهــاااااا واكلت كنااافه وشكولاااته
وبعدهـا قعدت ابكـي على اللي سويته.. ومن كثر ما بكيت تازمت اكثر ورحت اكلت ايس كريم " مجرمة بقووه "..
طبعـا تازمت بالليل ما عرفت انام " يعني حاشني تانيب ضمير على نفسي " وحسيت بتقل على الصدر " طبعا من كثر الاكل "
سامحوني..أستاهل البهدله

اسبوعي كان موش ولا بد.. فرجعت اعيد الرجيم من اليوم.. لان الاخصائية قالت لي اذا خرطي لا تيجي الا لما تعيده.

فطوري ..
كورن فلكس وحليب..
وبعدها بساعتين شربت كوب عصير برتقال فريش..
الغدا كمان شوي.. بكون دجاج على الفحم وسلطه ..

دعواتكم..

 

[لحن مختلف]

زيــــزااا حبيبتي..

لما تخلصي هذا الاسبوع.. ممكن ترجعين للاسبوع الاول لان مسموح بالتكرار فيه..
واللي مسموح بالتكرار فيه ترجعين له باي وقت وتمشين عليه حتى لو شهر..
على الخميس انشاء الله اكون عندها.. واحط النظام الجديد

وموفقــه حبيتـي.. والتوفيق للجميع اذن الله
ويااارب بـفضل هذا اليوم الكريم ننحف كلنا بصحه وعافيه وبراحه ياارب

 

[زييزا]

اولا عجبتني الخطبه هههههه

تانيا الله يبارك فيك والله ياني طرت من الفرح لمن جبته
ثالثا انا بزمناتي كنت اروح لاخصائيه وكانت تقولي وزن الصباح هو الافضل
لان الجسم يكون متخلص من السموم وماكليتي شي بااقي علشان اخذ الوزن الحقيقي لكتلة الجسم
وفعلا اليوم وزنت علشان ارسل الوزن للمسابقه لقيته اقل ب نص كيلو
والنص تفرق عندنا

ثالثا الا مشكوره ومشكوره
انت وباقي البنات
لو ماسويتي التجمع ماكنت التزمت كمان انا تتعبي وتروحي الاخصائيه وانا اخذ علے الجاهز

طبعا اكيد افئت نفسي مو باكل لا كافئتها بهالكيلوات اللي راحت


اخيرا وهو اهم شي
انت انا استغربت امس كله ماشفتك ولا شفت منك شب

لا لا ليه كذا
ان شاء الله ماتنعاد اخر مره
واذا خبصتي لاتازمين نفسك بكل بساطه تناسي
ولمن تصحين اليوم التاني انسي امس وابدي يوم جديد
حبيبتي لا تزعلين نفسك وتلجاين للاكل تحطين حرتك فيه
خلي الموضوع بسيط وتافه علشان نفسيتك
بس لمن تجين تعيدينها خليه مصيبه ماتنقرب

وعجبتني صراحتك مع نفسك قبل ماتكون معانا

ان شاء الله ماتتكرر وتوصلين للي تبين واحنا معاك



ناخذ على ايدين بعض ونتساعد نوصل للي نبي

 

[زييزا]

ويييييييين البنات



بينك ستراوبري حبيبتي عسا مااشر لايكون بطلتي دايت ننتظرك علشان يزيد الحماس

صااحبة امل عودتينا على كلمات عسل مثلك ياعسل وعلى روح حلوه ليه اليوم غايبه عنا مانستغني ترا


دودي وفطوووم. ليه اختفيتوا. من طول الغيبات جاب الغناااايم

اتمنى تجون ومعاكم مفاجآت حلوه بحلاكم


///// اكمل يومياتي

العصر اتقهويت قهوه عربي وخليت السناك حقي حبتين ٢تمر صغااار مره

وبس اتعشيت زبادي قليل الدسم وتوست اسمر حبه كاامله

وبس انتها اليوم بدون اي تخبيص
واقدر اعطي نفسي ٩.٩من عشره على الالتزام هذا الاسبوع
بكره يوم جديد بمشوار التحرر

 

[كريم كراااميل]

هاااااااااي بنات ...

زييزا : صاجه افضل وقت لقياس الوزن الصبح قبل لا تاكلين اي شي
و لازم يكون الميزان ع سيراميك مو على زوليه << هذا كلام الدكتور عبدالله المطوع


لحن ... ما ادري شنو اقوووول ع التخبيص الي سويتيه ..
اهم شي اذا خبصتي انسي انج اكلتي مو تقولين خرب الرجيم
عشان لا تتعب نفسيتج ...
و ان شاء الله تخبيص مره وحده ما يضر ..بس هااا لا تفكرين تخربطين مره ثانيه امسكي نفسج ..



-------------------

شربت القهوه كالعاده + بطل ماي


تغديت روب بس ما كنت مشتهيه شي

العصر اكلت سلطه + ٢ توست

الساعه ٧ شربت حليب بالهيل و الزعفران ..



الساعه10 اكلت برتقال



و لعبت رياضه نص ساااعه ..



اليوووم بالنسبه لي كان ١٠ / ١٠ ..

 

[P!Nk StraWbeRRy]

السلام عليكم صبايا:eh_s(17):

زيييزا حبيبتي شر مايييج ومبروك على الوزن و الميزان اليديد وان شاء الله تنزلين من وزنج بصحة وعافية يارررب

لحن حاولي حاولي الايام ثانية تشدين على روحج تعوضين عن اليوم اللي خربتي فيه

امس واليوم كل شي تمام بس الجمعة لازم اخرب بالريجيم .... زوارة الأهل كل من يتفنن بالاكل كان تعذيب نفسي :eh_s(2):
كليت قطعة حلو وحاسة بتأنيب ضمير فقررت ما أتعشى

ريوقي كان نسكافيه مع حليب

الغدا نص دياية مشوية و سلطة

بعدها خربت بالريجيم :eh_s(4): ولا تعشيت


ان شاء الله نبدي بالمسابقة لازم نشد حيلنا ونحاول كثر ما نقدر ما نخرب :eh_s(9):

 

[صاحبة أمل]

السلام عليكم حبوبات وصاحبات الخير
حيث إننا بنتصارح
فأنا كمان خربطتها مش لحن فقط
اتوزنت حبيباتي يوم الخميس الصبح لقيتني 121,5 فرررررررررررررررحت كثييير لأن كان بداية ريجيمي من 3 أيام فقط
وبدأت الطمع في لقمة من هنا ولقمة من هناك وخلص الخميس وقلت بداية جديدة من الجمعة وطلع الجمعة زي الخميس

لا وخابت أكثر علشان ما عملت رياضة بالمرة
بالكم لو كنت اهتديت بالله ولعبت أي شيء ... ولكن قدر الله وما شاء فعل
هاعمل ايه يعني هابدأ من أول وجديد وزني اليوم رجع 123,2 بس أتمنى تكون زيادة الوزن سوائل ودهون قريبة وبأمر الله تذوب بسرعة من أول يوم ... دعواتكم

يالله يا لحن ... خربطنا الدنيا وخلاص ... لازم نكمل ... جفت الدموع يا حبيبتي ... وطلع النهار ومعاه يوم جديد ... معاه جولة جديدة ما بينا وبين البدانة والدهون ... واحنا المنتصرين بإذن الله ... خدي دي :

الفجر بان
يدهن حيطان عمر الشقا
يمنع رموشنا م البكا
يغزل نهار
طلع الصباح
مستني خيط الشمس يأزن للنهار
مات لانتظار..زيحوا الستار
بس السؤال... معقول يكون اخر طريقي منحني ؟؟؟!!!

 

[زييزا]

لحن مختلف

كريم كرااميل

بينك ستراوبري

صااحبة امل

صباااااااح الخيراات حبيباااااتي

اشرقت الشمس وبدا يوم جميل جديد في مشوارنا

فلنغتنمه في ماينفعنا دنيا ودين

وخلونا نكسب هاليوم لصالحنا ونتغلب علے العدو اللدود

صحيت بدري شربت مويه وبرجع انام الصدق ماشبعت نوم

يومي باوله بس بانهيه ان شاء الله احسن من امس

وانتم اكيد بتسوون مثلي او احسن مني بعد

يالله وروني الهمه .،.،.،.

يارشيقااااااااااااااات