وابتدأت الحكــايـه •’• من نقطــة البدايـــة

[زييزا]

صااحبة امل

مشكوره عالمعنوياات الحلوه والكلام البلسم .... الله يحلي اياامك

كريم كرااميل ، بينك سترااوبري ، لحن ان شاء الله نتوفق

ونوصل اللي نبي

بالنسبه للتواقيع سهله جدا شوفو هالموضوع

http://www.q8yat.com/t906425.html


اما الرساايل فامرها سهل مايبيله
روحي لوحة التحكم > الرسائل الخاصه > ارسال رساله جديده > اكتبي اسم العضوه اللي تبين زي ماهو بالمنتدى بالضبط

واكتبي العنوان والرساله اللي تبين >>>>>>>>>> اعتمد الرساله .

................... وووبس
اتمنى اكون افدتكم
واذا ماافهمتوا علي حطيتلكم صور
انتو امروا بس

 

[زييزا]

يومياتي كالعااده كاستين مويه

صحيت متاخر فطوري كورن فليكس وحليب
بامشي شويتين لاني امس مااتحركت

بنات في تمارين لحرق دهون البطن والارداف

انسخ الرابط واحطه لكم مررررررره سهله وبسيطه وماتاخذ وقت

 

[لحن مختلف]

الســـلام عليكم

زييييزااا..

كلك ذووق يا عسل.. وشكرا على الرابط وعلى شرح الرسائل الخاصه
تسلمين يا الغلا على جهدك لـ مساعدة الجميع
دمتِ متألقــه ..


يومي كااااان موووش ولا بد
شرفت الزائره الشهرية وعفست المزاج والنفسية والشهية
الفطور كان تمام..
في الغدااء خربطت وبعدها اكلت قطعة حلو
طبعا كـ العادة اذا خربطت ما راح اتعشى
وما فيني امشي اليوم
ان شاء الله بكرة يومي يكون اكثر ترتيب ونظاااام
دعواتكم

 

[لحن مختلف]

حبيبة قلبي أنا معاكي قلبا وقالبا

ربنا ينحفنا يارب من غير شر عاجل غير آجل

على فكرة أنا اشتركت في المسابقة
جزاكي الله خير
على الله نجاح المقاصد


آآآمين..

يشرفنـي وجودك معانـا.. وان شاء الله ربنا يوفقنا
واذا حبتي تكتبي يومياتك معانا حياكـِ ونشجع بعض
دمتِ بتوفيقٍ من الله

 

[زييزا]

اليوم بس بنعذرك بس مو تعيدينها وتخربطيييييييييين .... ياويلك ترا

 

[لحن مختلف]

اليوم بس بنعذرك بس مو تعيدينها وتخربطيييييييييين .... ياويلك ترا


هههههههههههههههه ..ايوه يا التهديد يا قويه :ggdw:
توووبة .. ما اعيدها ان شاء الله..
الله يسعدكـ ويوفقكـ:eh_s(7):

 

[صاحبة أمل]

حبيباتي وصديقاتي
كيف أحوال الرشيقات ؟؟؟

يا رب تكونوا بخير
يوم جديد وفجر جديد وفرصة عظيمة من الخالق عز وجل لتحقيق أحلام جديدة

حلو التفاؤل ده

مع إني امس كنت مطكلمة يعني مقفولة ... بس الحمد لله فرجت
من نعم ربنا علينا والله تبدل الأحوال ... سبحانك يا ربي ما عبدناك حق عبادتك

يعني ما نقدر نعيش طول العمر حزانى ومكتئبين ولو ما جربانش الحزن مش هنحس بطعم الأمل والتفاؤل

إيه الحكم دي على الصبح !!!!

عارفين ... عمنا صلاح جاهين كان بيقول ايه :

ايه العمل فى الوقت ده يا صديق

غير اننا عند افتراق الطريق

نبص قدامنا

على شمس أحلامنا

نلقاها بتشق السحاب الغميق

وارجع واقول

لسه الطيور بتفنّ

والنحلايات بتطنّ

والطفل ضحكه يرنّ

مع إن مش كل البشر فرحانين

..................... وعجبي


صباح العسل والريجيم المنضبط والرشاقة بإذن الله

 

[زييزا]

لحن

تسلمين حبيبت
صااحبة امل ماشاء الله عليك وعلى نفسك امفتوحه واخلاقك العسل


عسااه دوووم هالروقاان


/ / / انا اليوم صحيت بدري مرره بعوض الايام اللي فاتت
شربت مويه وبسوي تماارين شويتين بسيطه لليدين والبطن
بامشي على السير
اليوم نااويتها همه
فطوري موزه وكوب حليب قليل الدسم

وليومي بقيه ...................

 

[كريم كراااميل]

صبااااااااح الورد 

لحن و زييزا مشكورررين ع الشرح ...

صاحبة الامل صباااحج نشااط و تفاااؤل ..


قعدت بدري اليوم شربت قهوه + بطل ماي
و سويت رياضه ..
للحين ما تريقت ...
لليوم بقيه ..................

 

[لحن مختلف]

مــــساااء التفااااااؤل

يوم جديد.. وحكاايه امل جديدة نحــو الطريق الى الرشاااقه

صاحـــبة امل.. اسمك كلــه تفاؤل وحيااه ولكـِ من اسمكـ نصيب يا صاحبة الكلام الجميل

" لَا بأسْ إنْ خَذَلتُكَ الحَيَاةْ يوُمًا فَهَيَ تُخبَأ لَكَ حِكَمَةْ ، ♥ رُغِمْ كُلْ شَئ الحَيَاةْ مُستَمرة ‎ "
اللهم لك الحمد والشكر ..

اليوم رجعت ضبط وضعي وكله تمام الحمد لله

3 كوب ماء على الريق..
الافطااار...كوب كورن فلكس فتنس + حليب قليل الدسم
الضحى.. شاي أبيض
الغداااء.. 6 حبات شيشي طااووق وسلطه
الان.. نسكاافيه

ولليوم بقييـــه..

بالتوفيق للجميع

 

[صاحبة أمل]

السلام عليكم حبيباتي
شكلنا هنخس يا بنات ... وهتبقى حدوتة كل اللي حوالينا
بالله شدوا الهمة

اليوم الحمد لله ثالث يوم لي في الريجيم وأعتقد أظبط يوم
أكلت سعرات حرارية = 1400 سعر تقريبا
لكن شايفة غذاكم قليل ... موفقات بأمر الله

كمان ما شاء الله عليكم لحن مختلف وزييزا وكريم كرامل : الماي على الريق حلو جدا للريجيم وللصحة العامة
لازم بأمر الله أرجع أداوم عليها
الرياضة : ساعة مشي وأيروبكس
الماي : لتر
الأعشاب الصحية : شاي أخضر بالمريمية وشاي أبيض ورويال

أأقول لكم على حاجة تضحك وحاجة تفلق :

أولا الحاجة اللي تضحك : وقفت اليوم على الميزان وقفة مش مضبوطة كان رجل على الميزان والثانية على الأرض لقيت الميزان بيقول 63 فرحت وقلت الحمد لله خسيت بسرعة أوي هههههههههههههه

الثانية اللي تفلق بقى : قابلت واحدة بتقول إنها صاحبتي قالت لي : مش هتعملي ريجيم بقى ؟؟؟
كنت هاتفلق بس ما اتفلقتش ... قلت لها ريجيم ليه !!! وابتسمت ابتسامة ليس لها معنى ومشيت

تصبحوا على خير يا حبوبات

 

[P!Nk StraWbeRRy]

مساء الخير صبايا :eh_s(17):

يعطيكم العافية صبايا :eh_s(7): ..... لحن و صاحبة امل يعجبني فيكم المعنويات الحلوة والكلام التفاؤلي والايجابي تعطونا تشجيع وهمة ونشاط :eh_s(7):

امس يومي كان مضبوط
ريوق : على ريج قلاص ماي بعدين نسكافيه مع حليب
الغدا : نص دياية مشوية + سلطة
العشا: 2 توست مع جبن سلفايد

اليوم
نفس ريوق امس
الغدا : شوربة كنور الجاهزة + خس + 3 توست
على مغرب شربت شاي مع حليب قليل دسم

العشا للحين ما تعشيت بس راح أتعشى روب مع خيار

بعد شوي بمشي ساعة مع تمارين ايروبكس


موفقين جميعا وان شاء الله نضعف بصحة وعافية ياررررب :yaaaaaarb:

 

[كريم كراااميل]

مسااااااكم الله بالخير جميعاً

لحن .. زييزا .. ستروبري .. صاحبة امل



اكمل باقي يومي الساعه11 الظهر اكلت خبزه سمره مع جبن دايت و جرجير


الساعه 2 اكلت موزه ..



و العصر آخ آخ آخ ياالعصر اكلت شبس اشتهيته اسبوعين رجيم ما اكلته نفسي هفت عليه >>> استاهل الزف صح

بس تحسفت حيل ... اني اخذته ...



قبل شوي اكلت تفااحه خضرا... 


الصبح لعبت رياضه ساعه ..*

 

[*شوقي معنيني*]

حبيبتي بسسسجل معاااج
امممم من وين ابداا
انا من شهر 1 وانا اسوي رجيم وماابي
اظعف بسرعه
مايهمني جم الفتره
وزني السابق:60،4
الوزن الحالي:57 ماشاءالله
وطولي:160او 163
الهدف الاول:55
الهدف الثاني:53
الهدف الاخير:50

اليوم كان منتظم

الريوق : صمون اسمر وحلوم من امريكانا
الضحى:عصير مانجو وككاو
الغدا:صمون اسمره داخله خضار ودياي بالفرن
العصر:برد
العشا:سب واي

تقريباً مشيت نص سااعه

 

[لحن مختلف]

وأحــلى مساااااا لاحلى صبايــااااا..:eh_s(17):


صاحــبة امــل.. هههههههههههههههه لذيذة ال 63 ايــه السرعه دي..
انا عندي طريقه اسرع منكـ.. نروح القمـــر ..مو وزن الانسان على القمر = 1/6 وزنه الحقيقي
يعني ع القمر وزنا هيكون العشريناااات:eh_s(9): ............. شفتي اسرع من كده رشااقه


ستروبري... الله يعافيكـِ
موفقـــة حبيبتـــي واستمرري..:ggdw:



كريم كراميل...:rgewrg:
يالله مرة كل اسبوعين مو مشكلــه .. سماااح هالمرة لكن لا تعيدها بعدين اخلى زيييزا تتولى امرك
عليها تهديد قووي :eh_s(4):.. تدخل عليك تقولك يا ويلك ترا:eh_s(14)::eh_s(14):
موفقـة حبيبتي

 

[زييزا]

مساااااااااااااااكم مطر وجو يفتح النفس

كيفكم حبوباات

ياسلااام على الالتزاام والنفسيات التمااام

عسااها دوووم ياربي

طبعا بما اني بديت النظام قبل لحن بيوم اليوم غداي كان سلطه خضرا وتونه مغسوله من الزيت

وشربت كوب نسكافيه بحليب قليل الدسم

وتقهويت مع زوجي طبعا قهوه عربي

والحين بتعشا زبادي قليل الدسم بس يمكن مااخذ معاه توست اخليه بلحاله

شوقي معنيني

هلابك حبيبتي ××نيابه عن لحن × ـ o

لو وزني مثلك ماافكرت فالريجيم ماشاء الله

الله ينولك اللي تبين

 

[لحن مختلف]

*شوقي معنيني*

حيأأكــِ بيـــنــا.. وجودكـ يشرفنــا..

لكن مو كـأنة رجيمكـ " عذااااب "... اقصد عذاب لنـأ..
يعني اذا يومياتكـ بتكون سب واي وماكدونالدز وكنتاكي وبرد وكاكاو رحــنا فيهــا
راح تنفتح الشهية واحنا نحاول جاهدين تسدهـا صراحه :eh_s(10):

حبيبتــي ان شاء الله تضعفين بصحه وعافيه..انتي الحمد لله مو محتاجه نزول
كثير ولا نظام حرمان مجرد تخفيف من الاكل الدسم وبفترة بسيطه بتكونين قمة في الرشاقه باذن الله..
وابتعدي عن عصير المانجا والجنك فود وخففي كاكاو وكل امورك بتكون تمام..

موفقه يا الغلا:eh_s(17):

 

[زييزا]

اي صح ...

الاخت كريم كرااميل

مو كل ماتهف نفسك عليه تاكلينه لا حبيبتي
احنا ماسوانا بذا الوزن الا هفت النفس

حبيبتي تذكري انك قاعده تشقين وتتعبين وان ذا الشي يخرب عليك كل اللي اشتغلتيه بلحظه

وتذكري ان هالشيبس هو عدوك الاول بعد السمنه

انا مدمنه شوكليت بس من بديت مااذقت قطعه

رغم ان النظام فيه بس ماخذيت لاني لوذقتها باشتهيها اكثر

لحن لاتخوفين البنات فيني تراني حنينه ..... بس اللي تخربط مره تانيه ياويلها مني هههههههههههه

 

[لحن مختلف]

زيــــزاااا .. مساااااء الانوااار

يعطــيكــ العااافيه.. ان شاء الله مرتاحه مع الرجيم..!!

نسيت أكمل يومياتي...

المغرب شربت قهوة تركي بدون سكر + قطعه صغيره شكولاته جلاكسي

العشــاء.. كان لبن وخيار

وبعدها شربت شاي ابيـض
والحمد لله مو حاسه بالجوع وما خربطت اليوم
بس مشكلتي الرياضه صارلي كم يوم مطنشاها

موفقـــين جميـــعااا

 

[لحن مختلف]

انــتـــى سُكـــرت القروب.. وحنيتكـ واصلتنا من كلامك
وخوفك وتشجيعك.. الله يسعدك وينولك اللي في بالك يا زيــزاا