وحدة ملاحقة زوجييي!! تكفون ساعدوني

[eman84]

ويعه عفيه وحده !! اهم شي متخصره يامال الدقم ان شاء الله

والله هالبنات قليلات ادب بس واااضح انها تربية شوااارع ومالها والي

وريلج مسكين مايبي يضايقج شكو تزعلين عليه ابفهم ؟ يعني غيره يخش السالفه ويسوي اشياء من وراج ؟ الحين ليش انه يصارحج ويعلمج والموقف صار جدام عيوونج توخرين عنه ؟؟ لا عاد بهذي ماعندج سالفه !! اخلي بنت ابليس تحوش عليه وتاخذه و اترك لها مجال
اقلها المسكين بيحتر ليش انتي محتره وزعلانه و يعصب ويقول يالله خل اشووف تاليتها وياهالبنت ويروح يتفاهم معاها من باب ان بينهي السالفه وهني تتبطل سالفه يديده انا اقول خلج مع ريلج وقضبيه عدل وحرام مبين انه شاريج ويحبج و هذي اصلا شكلها نزوه من الماضي و انتهى مالج حق تحاسبين ريلج عليها !!

 

[شــــــــــــــوقــــه]

الله يصبر قلبج

ماله ذنب ريلج حسب كلامج حرام لا تقسين عليه

قوليله وقفها عند حدها اذا صج ما تبيها اخاف تسوي بولدي شي

 

[LA TROO7]

تنامين عند اخته !!!

ليش تفضحين نفسج وكأنج تقولين لزوجج انا مو كفوو انك صارحتني

تراا كان بأمكانه يخش عنج

حبيبتي سووري بس واضح كان بينهم علااقه وللحين حاقده عليه

 

[بنوته توته]

لا حول ولا قوة الا بالله صج زمن البنات فيه فاصخين الحيا الله يعطيها ما يلهيها عنكم وانتي خلج مع ريلج شكوو تعلين علييه حتى لو كان يعرفها هذاا ماااااااااااااضي وانتي الكل في الكل الحيين لا تخلينها توصل للي تبيه وتخرب علييج

 

[la_chat]

قبل ما تروحون تشتكون عليها لازم يكون عندكم دليل قوي
خوفج باجر عندها واسطه وتورطكم!!
انا الي اعرفه مافي بنات بهالجرأه بس ماادري احس على الي تسويه حييل واثقه
اهم شي حاولي تسجلين لها واحتفظي بالمسجات الي تدزها لكم وتوكلو على الله

 

[Al9out-Aljare7]

مشكورين حبايبي على ردودكم..
وصارلي شكثرابي ارد مو قادرة المنتدى ينني
وهالبنت مثل السجين بقلبي والله ميته ميته منها يعني قلة ادب ووقاحه جذي ماشفت
موصجييييه والله لو شايفينها شلون واقفتلي وشكلها اييب المرض
استغفر الله شكلها مو طبيعي لابسه نفنوف شقصره ودلعته شكبرها والله ملوعه جبدي شالاشكال
طبعا غير كلامها قليله الادب​

 

[a7la_soso]

حسبي الله ونعم الوكيل فيها
حبيبتي واضح من كلامج ان زوجج شاريج وانه بنت ابليس اهى اللى تلاحقه فسواء يعرفها اولا
نصحتي لج حطي في بطنج بطيحه صيفي على قولتهم ولا تاثر على حياتج لانه هنوعيه من البنات يبون بس خراب البيوت علاجها بس الحقران
فنصيحه من وحده مجربه لاتفكرين في كلامها وخليج واثقه بزوجج وخليها على الله
ابيج كل يوم تقرين سوره البقره تصلين لج ركعتين قيام الليل وتدعين ربج من قلب انه يفكم من شرها
وادعي اللهم من اراد بي و زوجي سوء اشغله بنفسه واجعل كيده في نحره واجعل تدبيره تدميره
اللهم يامصرف القلوب اصرف عنا هذا البلاء
اللهم اكفينيها بما شئت

واستغفري الله اقل شئ 100 مره في اليوم
لاحو ولاقوه الا بالله بعد 100 مره
وادعي بكل وقت واهم شئ حسن الظن بالله وانج تكونين متأكدة انه الله راح يستجيب لج
وصدقيتي حبيبتي راح اتشوفين العجايب

 

[الفدنه]

حبيبتي لا تخسرين زوجج بسبت هالاشكال الوصخه
واصلا اذا خسرتيه بتخلينه لها بااااارده مبرده

 

[رفاعيه]

طلعي اسمها وعنوانها وخل ريلج او انتي كلموا اهلها يوقفونها عند حدها

 

[ريتااجي]

رد : وحدة ملاحقة زوجييي!! تكفون ساعدوني

شكلها من الماضي وهالشي المفروض ماتحاسبيه عليه أدري إنه صعب

بس حاولي ماتحاسبيه عليه ولاتتركيه لها ترى لو يراضيج الحين بكرة لازعلتي ماراح يراضيج

ولاتخلي يكون عندها فرصة إن يرد يكلمها

ولو أنا مكانج ووقفتني بنت ماابكي قدامها بالعكس علشان لاتتوقع اني ممكن أتنازل لها عن ريلي وإني ضعيفة

وكان طقيتها كف على ويهها خليت اللي مايشتري يتفرج قطع تقطع البنات اللي جذي

وربي يعينج

 

[حجيه هيونه]

هذي العربي تبيج تتطلقين منه


انا لو مكانج اعطيها طاف من امه


ولما اشوفها بمكان بره وانا معاه اقوله كا يت المينونه واقوم اضحك واطنشها

خل تعرف انه تصرفاتها مو قاعده تأثر فيكم لين تمل وتبعد

 

[ام احلى خلودى]

صج ماتستحى على ويها فى وقاحه جذى ؟؟؟؟؟
اذا تمادت اشتكو عليها بالمخفر هذا الحل الوحيد .. بس عندى سؤال شلون عرفت انكم رايحين برج الحمام شسالفه مراقبتكم شكلها @@@

 

[Un-6be3iya]

الديرة ليش فيها قانون ؟!
عشان هالاشكال ماتتمآدى خل يشتكي عليها ويطلب امر ابعاد من المحكمة ماتقدر تقرب صوبكم @@

 

[NauGhty nuRse]

الله یعینج والله

 

[ريماس77]

الله ياخذها ان شاء اللله والله هذي مووقحه الا منتهيه بصراحه محد مخرب رياييلنا الا هالاشكال الله يبعد عنه الحرام ويسخر ازواجنا ويهديهم

 

[جوري الزبير]

حبيتي سواء كان يعرفها أو لأ ، الأكيد إنها ماضي ، قبل وجودك ،
واكثر الشباب لهم ماضي !
المهم شنو ؟ ان الرجال شاريك ويبيك ، والا كان استمر وياها من وراك !
لو مكانك لاشفتها اقهرها واحرها ، خل تولي هذي واضح ان الأخلاق والحيا عندها معدومة الله لايبلانا !
وزوجك قوليله انك مستعدة تسامحينه على شرط انه مايخش عليك شي وتكونون واضحين وصادقين مع بعض !
وهذي اذا مصختها بلغوا عليها اي مخفر خل اتمرمط شوي ، مع اني اشك ان هالشي بيأثر فيها !
المهم توكلي على ربك ولاتخلين بنات الشوارع تخرب حياتك ، أنتي توك متزوجة وهذي مفروض أحلى سنين عمرك !​

كلامها عين العقل والبنات ماقصرو 00 حبوبه انسسسسسسسسسسسسيها واكيد زوجج بيوقفها عند حدها لا تحققين لها الي تبيه
ردي دارج وحبي زوجج اكثر واكثر وامليه عليه حياته 00 واكبر دليل انه يحبج ويبيج انه يبي خاطرج ويعتذر لج 00
مافي رجل ما عنده سوالف قبل الزواج لا وفي بعدها بعد 00 دام الله رزقكم بحمل عسى ربي يتممه وتفرحون بشوفة ولدكم 00 موزين عليج القهر والبجي وانتي باول اشهر الحمل 00
ارجع واقول انسيها وبتمل وتندقر يو تعرف ان بيتكم اقوى من انها تخربه
الله يحفظ لج بيتج ويكفيج شر بنات ابليس

 

[kuwaitya_zoGaa]

هذى يبي لها مخفر ... شافتكم ساكتين لها وتيرعت عليكم
ديري بالج هذى باجر توصل فيها تييج الجامعه وتشرشحج وقفوها عند حدها احسن لها

 

[đeɱɛɼɑ™]

ما احط بذمتي
بس هالمرة ما صارت شرسة وجريئة جذي وتلاحقكم من مكان ليه مكان
الا اذا كان بينها وبين ريلج شي ..وتركها ! / او كان حب من طرف واحد !
الله يهدي الجميع ان شاء الله
سواءا ريلج بالفعل له علاقة فيها او لا .. هالشي صااار ماضي
واتمنى (اذا لا سمح الله كان هالشي صج) انه ريلج يكون تاااب وندم
.. لانه كما تدين تدان .. قولي حق ريلج هالكلآم .. ترى الدنيآ ما تسوى .. ،


وبعدين ليش مخلية غرفتج ونايمة عند اخته ؟!
الله يهديج بس .. رجعي عند ريلج وتعوذي من ابليس ..
اذا كان له ماضي فـ اهو انتهى وخلص لما تزوجج .. لا تهدمين حيآتج بايدج

اذا تعرضت لكم مرة ثآنية وان شاء الله ما تتعرض
روحوا المخفر وقدموا شكوى ...
بسسسسس استخيروا قبل كل شي < اهم شي الاستخآرة ​

 

[* MARS *]

رد : وحدة ملاحقة زوجييي!! تكفون ساعدوني

حبيبتي مادري شقول بس والله موقفج صعب لكن بقولج وانتي اللي يريحه قلبج سويه

ربي سبحانه خالقها وقادر ان يوقفها ادعيه من كل قلبج ان يبعد عنكم شرها ويشغلها بنفسها وتبعد عنكم وسلط عليها من يشغلها عنكم

ما ادري اذا اللي بقوله صح او لا صراحه بس بقوله

خلج قريبه من زوجج لاتبعدين عنه وااايد واتنامين بعيد عنه صدقيني اهوا اكيد لايعه جبده منها لاتخلينها تفرق بينكم هالخايسه ودي اسب سبة اكبر بس مايصير ههههه

بس صج بينيله احيانا انج متضايقه من الوضع ومن السالفه لكن لاتبعدين عنه وتتركين لها فرصه

وصدقيني رفعي ايدج وربي ما راح يخيبج

ومثل ماقلت لج اللي خلقها قادر ان يوقفها وربي يدري بكل اللي قاعده تسويه الخايسه وباللي راح تسويه ادعي وتصدقي كل يوم لو مية فلس بنية ان ربي يبعد عنج وعن زوجج وبيتج كل شر

وخلج على يقين ان ربج راح يستجيب لج ويمكن خير هالسالفه يبين فيها مدى حب زوجج لج والله اعلم احيانا تصير لنا سوالف نشوفها شر لكن باطنها خير كثير

يارب الله يبعد عنج وعن زوجج وبيتج كل شر يارب وتمم عليج حملج وقر عينكم في بعض ولايفرقكم يارب

 

[ليمار الكويت]

حبيبتي دام ريلج صريح معاج لا تخلينه يتحسف انه مصارحج ولا تتزعلين عليه خليه يحس انه اذا يا وصارحج ماراح تزعلين وبتتفهمين الموضوع
وهذي الخايسه خليه يروح عند اهلها ولا الاحسن انه يشتكي عليها بالمخفر
هذي النوعيه الزباله عشاج ماتيي الا بجذيه
وريلج لا تخلينه بروحه ينام نصيحه لا توخرين عنه وتبعدين وتعودينه على فراقج ترى بعدين يصير عادي عنده
الله يهدي سركم ويبعد عنكم بنات الحرام
والله يقومج بالسلامه ياقلبي