وحدة ملاحقة زوجييي!! تكفون ساعدوني

[om deaj]

حبيبتي ما يبيلها بجي ودموع وحلف على القرآن يروح المخفر ويبلغ عليها ويوريهم اتصالاتها ومسجاتها وين قاعدين؟؟

سكوتكم على تصرفاتها يخليها تتمادى

مو باجي الا بنات الشوارع بعد ينقصون علينا عيشتنا

 

[Tutti-Frutti]

ردي حـق غـرفـتـج يـم ريـلـج
وتـعـوذي مـن ابـلـيـس
لا تـخـلـيـن هـالـبـنـت تـخـرب بـيـنـج وبـيـن ريـلـج
تـرى هـذا الـلـي اهـي تـبـيـه

وابـسـط شـي تـسـوونـه تـودون رقـمـهـا الـمـخـفـر

 

[tata tata]

حبيبتي هذه خرابه بيوت خل ريلج يكون حازم ويشتكي عليها بالمخفر تسجل تعهد ان ما تتعرضلكم نهائيا والمسجات والمكالمات شاهده على انها مسببه لكم ازعاج ...........
حطي بالج على نفسج وعلى زوجج سبب زعلج ونومج بغرفه بروحج ترى ما راح اييب نتيجه ترى واحتمال تصرفج هذا يرجع عكسي عليج ترى الريال بسرعه ما يمل ..............
كوني قويه والي تحاول تخرب تقطعينها بايدج واضروسج ............. كلمي زوجج عادي والزعل ما اييب نتيجه خصوصا واتنتي حامل مو زين عليج التعب والضيقه....................
الله يسهل عليج ويرزقج الذريه الصالحه وسهل امورج ويهديج ياااااارب

 

[al-musk]

أمبيه شنو هذا..خلها تولي هذ مبين وصخة لدرجة الزواع وماتستحي ..عندكم ياها يبيلها أحد يخرعها يخليها تزوع العافية وطبعا بكل صلة وبسجودج ادعي ربج( الله اكفينيهم بماشئت)

وطبعا أذكار الصباح والمساء..

بس هذي يبيلها هزة ونفضة

 

[^مرايم^]

حبيبتي انا مابي اشتتج زود ..

لازم تعرفين منين يت و ليش حاقدة عليه و شقصتها اكيد لها قصه قديمة!

حزتها ترتحين انج عرفتي و ترجعين لطبيعتج معاه ..

لا تعطينها مجال تخرب .. و إن كانت صج ما بينها و بينه شي بيشتكي عليها بالمخفر و يبهذلها حزتها بتيوز عن عمايلها ..

اقري على نفسج و على ريلج .. و ربي يحفظج و يوفقج ..

 

[ســكره ورديه]

شوفي حبوبه

هذي اكييييييييد كانت تعرف زوجك قبل يمكن كانوا على علاقه وتركها وحقدت عليه

بس انتي تقولي غير الرقم ودقت.......؟ من وين عرفت هالرقم انا اقول اكيد واحد من اصحابه يعرفها بس لو من غير زوجك يغير الرقم ويعطيه ناس ثقه ومعينه ويشوف اذا دقت فأكيد هو راح يعرف مين معها واللي جالس يعطيها رقمه كل مره وخليه ياخذ بدون اسم

بس هالنوعيه امسحوا وجهها القاع مافيه لا اسوي واسوي لا خليكم فعل مو قول يسحبها للشرطه ويمرمط اهلها لاتكبر السالفه عالم مومتربيه حتى لو كان بينهم شي تحشم عمرها وتحتفظ بباقي كرامتها مو كذا

 

[Um Turki]

ليه مايغير رقم تلفونه

 

[روح عاشقها]

الله يعينج والله مادري شقولج

 

[الصعيريه]

الله يعينج صرااحه
وهالووقحه المفروض زوجج يوقفها عند حدهاا

ياإنه يبلغ عليهاا بالمخفر ولا عند أهلهاا خل يربونهاا

عسى الله يسخرلج زوجج ومآيشوووف غيرج من الحريم

 

[كويتيه مذهله 87]

جنه مسلسل تركي

 

[الجــادل]

رد : وحدة ملاحقة زوجييي!! تكفون ساعدوني

سواء يعرفها او لا هذي ماضي وانتهى والمفروض ما تزعلين وتهدين زوجج

اذا تكرر الازعاج اشتكو بالمخفر

والله يفكم من شر عيال وبنات الحرام

 

[اشتياق]

في بنت توصل لهالمرحله من العشق والتعلق والمراقبه والقهر ..!

البنت قهرها على قد خسارتها وهذي مبين خسرت وايد..!

الله يعين

فعلا غريبه هالقصه ..!

 

[*سوسو ستار*]

هذي وين اهلها قليلة الادب



يآآربي لاتبلانا والله يفككم من شرها



بس لاااازم ريلج يتخذ موقف يروح يشتكي عليها او يطلع رقم ابوها اخوها عمها يوقفها عند حدها جليلة الحيا استغفر الله لي هالدرجه وصلوا !!

 

[قلبين وسهم]

عسى الله يكفيج شرها

والبنات ماقصروو حبيبتي اول وتالي الموضوع بيييد زوجج يقدر يوقفها عند حدها وربي يسخركم لبعض

 

[أنا Top أنا]

اول شي حتى لو كان يعرفها ماااضي وطاف

انتي لاتتصرفين جذي تعطينها فرصه تتمادى

لاتخسرين ريلج
اهوا ريلج انتي

ووقفي معاه

:eh_s(15)::eh_s(15)::eh_s(15): عدل كلامها اوافقها الراي

وحبيبتي لا تحتارين ولا شي هذي ماضي لزوجج ولا تحاسبينه ومصيرها بتمل اذا عطيتوها طاف

 

[أم فلان]

حبيبتي انتي ببعدج عن ريلج بتخلينها صج تخرب بيتج

الوحده اذا شافت زوجها قاعد يتعرض لمضايقات خاصة وان هاذي المضايقات قاعده تصير جدامه وتشوف ردة فعل زوجها هذا معناه ان زوجج ريال نظيف الله يثبته بس بنات الحرام وايد

الحين هالبقرة الي قاعده تدق على ريلج وتقوله بخرب بيتك فعلا انتي خليتيها تطبق كلامها وماقمتي تكلمين زوجج وتنامين بغرفة أخته وهو الي باعها وشراج خليتيه ووخرتي عنه بلحظة يتمناج يمه

انا اقول لاتخربين بيتج باديج ودلعيه أكث وحسسيه انج واثقه فيه

لأنج كل ما وخرتي عنه وصار في ه بعد بينج وبينه الشيطان بيخليه يسد الفراغ هذا بوحده غيرج واكيد بتكون ام السعف والليف الي تدق عليه

 

[رحيل المرافيء]

رد : وحدة ملاحقة زوجييي!! تكفون ساعدوني

شلون تحبين زوجج من زمان وشلون يعرفها انا بفهم
معاها حق يضحك عليها ويلعب ببنات الناس تالي يهدها ويروح يتزوجغيرها اكيد معشمها بزواج
وهي شنوو بالله طرطوور
هم هي انسانة ولها مشاعر بعد

 

[ام كوشه منكووشه]

رد : وحدة ملاحقة زوجييي!! تكفون ساعدوني

الله يكوون بعونج اخذيها نصيحه من اخت تبيلج الخير لا تخليني هالموضوع يخرب علاقتج بزوجج لان الريال امبين شرايج ولو كان بينه وبينها شي صدقيني ما توصل انها تلاحقه بهالطريقه اكييييد اهوا صادها ولا ملاقيها ويهي ولا جان ما تنقهر جذي.. حبيبتي لا تعطينها اللي اهي تبيه بسهواله اهي هدفها ان تخرب علاقتكم لا تفرحينها بالشي بالعكس استنانسي بوقتج مع زوجي وانتي الحين حامل لا تحرين روحج موزين اذا حايل امضايقج الموضوع قعدى معاه وصراحه بس بيني له انج موشاكه فيه بس احساس المره لمن تحس ان احد بيحاول يخرب بيتها. وانسالله الله يرد كيدها في نحرها

 

[رووز q8]

والله كسرتي قلبي فديتج لا تضايقين روحج حرام عليج انتي حآآمل

نصيحتي لج ان تردين لريلج دام اهوا غير رقمه عشانج وكل شوي يتعذر خلاص لا تقسين عليه مهما يكون هذا ريلج وابو عيالج

والخايسه هذي خل تووولي اكيد تعرفه قبلج بس هذا ماضي ومالج حكم عليه تحاسبينه عليه واذا استلزم الامر الله يخلي الداخليه روحي اشتكي عليها بالمخفر خل يفضحوونها دام اهيا ما استحت ولا انتخت


والله يعينج ياقلبي ويريح قلبج ويفرج همج قادر كرييييم

 

[نور النـور]

هالموقف صااير حق وحده اعرفها
موقف خاااااااااااااااايس وصج قهر
بس صدقيني اهوا يحبج ويبيج
ولو مايحبج جان ماخذاااج وخلاها توولي
اهيا تركض وراه لانها احترت انه تزوج وحده يحبها وخلاها
وانتي اذا شاطرة اكسبييييه
وخليه يموت فييج اكثر
جذي عنااد عليها
وطلعي وروحي وافتري
ولاتدرين شلون
اذا لقيتي رقم غريب ردي انتي على التلفون قوولي انا برد انا بكلمها
وقوليلهاا
(( شــوفي يا وصخـــــــــه انتي وحده طايحة حظ,, واكبر دليل انج طايحه بجبد عمرج تركضين ورا ريلي ياللي ماعندج كرااامه
واملــج توحشيــن منه شعره لانه حقي بروحي واهوا يحبني ويموت فيني ,, وماتزوجني وهدج الا لانه يحبني وانا بعد اموت فييه ,والحين انا حامل وراح اجييبله احلى جااهل وانتي مووووتي بحرتج ))
وسديه بوجهها وخليها توولي
وخلي اذا دقت ريلج يقوول انا احب مرتي ولا ادقين يا وصخه جدااامج ويسده وغيروا الخط وخل توولي
والله تموووووووووووووووووووت
وكسبيه بالعكس
اهوا يحبــــــــــــــــــــــــــــــــــــــــــــــج
والله يووفقج
وادعيلي انجح واتخرج