وداعا للسمنه واهلا للرشاقه رجيم الدكتور فادي 5 كيلو واكثر بالاسبوع حياك معانا

[غارقة بأحزانها]

ياصبااااااااح الرشاقة
متحمسة كثيييير للريجيم وناطرة يوم الجمعة بفااااارغ الصبر عشان
اشوف الميزان والقى نفسي نازلة ٥ كيلوووو ياااااارب

طبعا توني قاعدة من النوم عشان عطلة بس
طبعا من باجر ان شاء الله ريوقي الساعة ٦ الصبح

قاعدة اسلق بيض وناطرته يستوي واهجم عليه
طبعا اعتذر منكم يومياتي بدون صور لاني شابكة من ايفون

وبالتوفيق زميلاتي العزيزات

 

[غارقة بأحزانها]

تنويه وزني اليوم بداية الريجيم
٨٧،٢

 

[النزغة أسيل]

معاكم معاكم

الاسم أسيل
الوزن 50
الطول 145

 

[Cherri!]

مساااااء الرشاقه

انا اليوم
شربت كاسين ماي وعقب نص ساعه
فطرت بيضتيين مسلوقه وحبة خياره

وتغديت سلطه ( خس فلفل بارد خيار وشوية ليمونه وذرة ملح
الحمدلله

والحين اشرب لي نسكافيه مع نص ملعقة حلى سكر
والحمدلله

طبعا ودي احط صور اكلي بس دااااشه بالايباد وما عرف طريقة وضع الصور

توني انتبه ان الرجيم مافيه خبز او توست او مكرونه او عيش
خلااال الاسبوعيين ��

............ يالله لي باك الليله ��...........

 

[Cherri!]

وينكم بناااات وين اليوميااات والحماس
خلنا نشجع بعض فديتكم

يومياتي

بعد صلاة العشاء مشيت نص ساعه

وتوني مخلصه عشاي قطعه وحده استيك لحم
مع زبادي ببذرة الكتان


وبعد شوي راح اشرب ماي وااايد عشان اخلص 8 كاسات حقت اليوم

والحمدلله رب العالمين ع النعمه ......


طبعا ما ننسى شغل البيت والحين عندي حوسة عشاي وعشى عيالي
بروح انظف مطبخي ورجع لكم

يارب يكون في احد كتب يوميااااته حدي متفاااائله بتجمعنااااا :eh_s(9):

 

[ابي قربك]

اليوم كان تماااام بس في شوية لخبطه تعرفون لزوم اول يوم يكون ملخبط

فطوري كان : بيضتان + خيار بس مرتديلا نسيت اشتريه ما اكلته
غداي : صحن سلطه صغير امكن 3 ملاعق اكل بس لاني مو مشتهيه
عشاي : لان اليوم عيد ميلادي خواتي طلعوني مطعم بس اانا ما اكلت الا قطعة كباب مشويه وايدام ملعقه وحده كيك عشان خاطرهم
وبس هذا يومي وان شاء الله يومي بكررره يكون احسن ومنتظم ومو ناااقصه شي

 

[%F&R%]

امبيه بنات سامحوني ناسيه الرجيم اليوم انشالله باجر
والبنات الي طبقو الرجيم عفيه عليكم وباجر ايلكم

 

[ابي قربك]

النزعه اسيل : هلا فيك حبيبتي نورررتي التجمع مع ان ما شاء الله وزنك حلو بس امكن ودك باكثر صدقينا بنشجعك للي تبينه بس حطي اهدافك لو سمحتي

cherii: ما شاء الله حياااتي ملتزمه الله يوووفقك ويخليك على هالطريق سوري ما دخلت المغرب لان النت كان مخرف شوووي

F&R: عادي حياتي مو مشكله تصير سالفة النسيان بنسبه انك بتبدين بكره عاادي مع انه مخالف للقوانين بس مسموحه فديتك

غارقه باحزاني : وينك حبيبتي شفيك ما كتبتي يوميااااتك عسى المانع خير

 

[ابي قربك]

يلا حبااااايبي بـــرب بقوم اجهز فطوري والبس للسكوووول
ان شاء الله افتح المغرب او العصر والقاكم كلكم موجدين ونتناقش باول يوم


وبنسبة لتوقيع التجمع للاسف ارسلت لكذا مصممه بس ما ردت علي :bbbiu: وما اقدر اشترك بالموضوع حق طلب التواقيع لان مشاركتي اقل من 800

 

[Cherri!]

كل عام وانتي بخير ... ابي قربك
عقبال المليون يالغلاااا
وعليج بالعااافيه بس اليوم شدي حيلج ما نبي خربطه
☺☺☺☺☺☺☺☺☺☺☺

% f&r %

عادي لازم النسيان يالغلااا
بس اليوم ننتظر يومياتج OK ....

 

[غارقة بأحزانها]

كل عام وانتي بخيييير

انا امس تريقت
٢ بيض مسلوق ومرتديلا
والغدا روب اكتيفيا
بس ماكليت سلطة ولا الستيك بالليل
لاني ماشريت لي اغراض الريجيم
وصراحة كنت وايد زعلانة وبكيت وايد فما شتهيت اكل



واليوم كان يومي حييييل زحمة
تريقت مرتديلا ٣ شرايح عالسريع مع مااي

وبعد الدوام بمر الجمعية اشتري اغراض الريجيم
والله يضعفنا بصحة وعافية

 

[%F&R%]

هاي بنات شيري وابي قربك عفيه عليكم شدو الهمه
اليوم قعدت من النوم متاخر فسويتلي صحن سلطه والحين قاعده اكله بس انا ماحب السلطات كلش الله يعيني واقدر اكملها

انشالله بليل ارد ادش مره ثانيه

 

[%F&R%]

يلا غارقه باحزانها ناطرين نشوف اغراض. الجمعيه لقافه صح ههههههههههه
وماتشوفين شر حبيبتي ليش زعلانه انتي بس قوليلنا منو مزعلج واحنا نادبه لج

 

[غارقة بأحزانها]

ههههه حياتي والله
زوجي بعد احد يقدر عليه ؟؟؟

 

[غارقة بأحزانها]

وبالنسبه للجمعية توه رحت بعد الدوام حر مووووت والعيال سوو مهرجان داخل الجمعية ماخذيت الا روب اكتيفيا وجبن
القريش

وغدانا اليوم مجبوس دياي باخذ الصدر بس بدون الجلد ولا راح اقلي قطعتي
وبذرة الكتان عندي
بليل عقب ماينامون انحاش عنهم واشتري اللي ناقصني

 

[غارقة بأحزانها]

وبالنسبه للجمعية توه رحت بعد الدوام حر مووووت والعيال سوو مهرجان داخل الجمعية ماخذيت الا روب اكتيفيا وجبن
القريش

وغدانا اليوم مجبوس دياي باخذ الصدر بس بدون الجلد ولا راح اقلي قطعتي
وبذرة الكتان عندي
بليل عقب ماينامون انحاش عنهم واشتري اللي ناقصني

 

[Cherri!]

عليكم بالعاااافيه

انا اليوم فطرت بيضتيين وخياره وحبة نقانق لان ما عندي مرتدلاااا

وشربت لي كاسين ماي

وتغديت فخذ دياي وعلبة زبادي مع بذر الكتان وكليت لي حبة كوسا مسلوقه ما قدرت اقاومهاااا


بنات اللي تعرف اشلون احط صور في المنتدى من الايبـــــاد تعلمني فديتكم ....

 

[%F&R%]

غارقه باحزانها دام ريلج ميخالف تحمليه وانتي صاجه محد يقدر عليه
بنات انا بس كليت السلطه وانتو بكرامه مسكني ترجيع من الظهر للحين وعوار راس مو طبيعي في وحده صار معاها مثلي
ولا علشان كليت سلطه عالريج

 

[Cherri!]

بنات بصراحه خربتها اااا

سوت الوالده قيمات وانااا اعشق شي اسمه قيمات
وطحت فيه اكل من غير شعوووور
بس عقبهاااا ندمت <<<< عقب شنو

والله متفشله منكم .....

بس بصير سنعه وبتعشى بس سلطه بدون بيض <<<<< عقاااااااب
وببتدي اليوم الثالث عدل وبدون خربطه

بأذن الله ....

 

[غارقة بأحزانها]

ماتعشيت مو مشتهية كلش

بس في اعتراف
خربطت شوي عالمغرب
كليت رقي 
اشتهيته شسوي 