ورشـــــــــ تصوير المناظر الطبيعية Landscape Photography ـــــة

[قلب المنتدى]

بما اني ماقدرت اصور بديرتنا الغالية لأن ماعندي وقت نهائي قلت احط لج الصورة الي قلت لج اخذتها بفرنسا

هاذي الصورة الي قلتلج عنها اني صورتها من فوق الفنر والكاميرا مو احترافية لا هاذي الي بو جم استعمال وتقطينها
ايام الجاهلية بالتصوير لوووووووووووووووووووووووووول

المهم انا عدلت شوي عليها بالفوتوشوب وان شاء الله تكون زينه ويهمني طبعا رايج
بس بسألج شلون اشيل التشويش من الصورة واخليها صافية ؟؟؟؟​

 

[a7la tooota]

احلى توته الشارب عن طريق الفوتوشوب تروحين عند الفلاتر بعدين مكتوب شارب وانتي تحكمي بالاعدادات :")

مشكوووره حياتي ,, واليوم بنزل موضوع وبطبق الشارب عالصور
:tek::tek:

 

[أحلى الجياكر]

المكان : لويزرن - سويسرا
الكاميرا : HP



من زاوية و مكان ثانى

 

[أحلى الجياكر]

منطقة مونت بلانك.ما بين سويسرا و فرنسا

منظر عجيييييييييب لإنهيار ثلجى : افلانش

 

[جاي وحليب]

a7la tooota

شكراً على المشاركة والشرح..
طبعاً لان اخذت الصورة عن طريق الموبايل وامكانيات الموبايل محدوده
فـ راح احاول ان ماتكون ملاحظاتي وايد :")

الزاويه جميله حبيت وجود الممشي الرمل عاليمين وهالشي مذكور بالنقاط اللي بالموضوع
ايضاً ترتيب الشجر والظلال حلو..

لكن، اثناء تعديلج على الصورة لازم تكونين حريصه وتراعين شغلات معينه
يعني انا اشوف ان العشب صوب اخضر مشبع بشكل حلو وصوب اخضر عادي
ايضاً البحيرة اطرافها من ناحية الضفه الثانيه الخلفيه عاليسار..
فيها خط واضح وفاصل حاد بينه وبين الزرع ماكأن ماي ماادري ليش
ايضاً الزرع عاليمين من الاطراف فوق فيه الوان ماادري من شنو..
لذلك اقولج راعي ان التعديل يكون بشكل نظيف ومرتب...


بالنسبه للشارب ..

Filters>> Sharpen>> sharpen
لكن حرصي انج ماتستخدمينه وايد يعني برايي مره او مرتين كافي جداً
لان استخدامه بشكل مبالغ فيه قد يشوه الصورة...










ام مهودي

اها الحين عرفت ظروف المكان ..
علشان جذي قلت لكم تكلمو عن الصورة اكثر عن ظروف المكان
اثناء التصوير هذا كله يساعد على فهم الصورة اكثر..

وعلى فكرة انا صورتي مقصوصة من جدام لاني ذكرت اني كنت مصوره
من دريشه الفندق.. وهالشي حكمني بوضعيه معينه مااقدر اطلع عنها..
هذي اهي ظروف التصوير او ظروف المكان اللي اقصدها عرفتي

واكيد يصير تحطين صورة ثانيه.. لكن من ماسويتي صورة وتكتبين عنها شوي
ونعلق عليها وتاخذ حقها من الملاحظات بعدين الصورة الثانيه...
ماودي تكون مجموعه من الصور بنفس الرد ونظلم الصور
وشكراً

 

[جاي وحليب]

قلب المنتدى

صورة توثيقية.. لكن نطالبج بصورة يديده :")

ممكن تشيلين التشويش بسهولة اذا تستخدمين اللايت روم
انا اشيله عن طريقه مرات...

ممكن عن طريق الفوتوشوب عند القائمة..
Filter>> Blur>> Blur
او اداة Blur Tool لمناطق معينة

لاتستعملينه وايد.. وبالمقابل هذا يقلل من حدة الصورة

ممكن بعض الصور اللي يكون فيها تشويش
بحركه ذكيه منا نحولها لابيض واسود لاخراجها بشكل افضل
وغالباً تعطي الصور ايحاء بانهاء قديمة حتى لو كانت يديده
وتحسس المشاهد بقيمة الصورة...

انا جربت هالشي على صورتج بعد اذنج...

لكن للاسف التشويش - النويز احسه وااايد بالصورة


شكراً على المشاركه بس مثل ما قلت لج
نطالبج مشاركه يديده ...

 

[جاي وحليب]

أحلى الجياكر

تمنيت تحطين لنا صورة صورة.. يعني بعد يومين تقريباً من الصورة الاولى تحطين الثانيه
علشان تاخذ كل صورة حقها ....

بالنسبه للصورة الاولى صورة جميله.. بالنسبه للاسلاك على الطرف اليمين تحت
اما انها تكون عنصر من عناصر الصورة الاساسيه يعني تدخلينه بتكوين الصورة بحركه
علشان تطلعين عن الشي العادي مثلاً....
او انج تتجنبينه مره وحده.. لكن ظهور جزء منه جذي احسه غلط

الصورة الثانيه برايي ان الاولى افضل منها من حيث الزاويه والتكوين
لكن جميعهم فيهم مناطق غامجه شوي اكيد بسبب الغيم..
بهالحاله بالفوتوشوب ادوات الـ Burn tool + Dodge tool
راح يفيدونج وايد لتغميج وتفتيح مناطق معينه بالصور

اما بالنسبه للصورة الثالثه اللي بمنطقة مونت بلانك
صورة توثيقيه لكن برايي ان الصورة الاولى من هالمجموعه كانت افضلهم

شكراً على المشاركه حبوبه

 

[يالبا قلبي]

مشاركة ثانيه
من كاميرا موبايل

جاي شلون لوبسويها ابيض واسود وشويه اخليها اوضح ؟

 

[جاي وحليب]

يالبا قلبي

مشالله تصويرج جداً حلو..
والمنظر روعه.. حبيت الزاويه وطريقه الغيوم
كأنها اطار للصورة.. وهذا يسمى التأطير ...
يزيد من جمال الصورة..

جميله جداً ماعندي اي تعليق عليها..
بس تمنيت استخدامج للفوتوشوب بلمسات بسيطه
لاخراج الصورة بشكل افضل.. مثل تشبيع الالوان
زياده الحده وضبط الوايت بالانس (الاضاءه)..

والخطوات كلها حاطتها انا بالموضوع بردودي على البنات
بشكل مختصر وسريع بالفوتوشوب..
مري على الردود اللي قبل وتلاحظين انا محدده الخطوات بالاحمر
لسهولة الرجوع اليها .. وبالضبط هذا اللي سويته لصورتج...

عدلت على الصورة بعد اذنج....
1- قبل التعديل
2- بعد التعديل
3- بالابيض والاسود، مثل ما طلبتي
لكني حبيتها بالالوان اكثر.. حرام الازرق وايد حلو بالصوره

اما بالنسبه لتحويلها للابيض والاسود...

Image>> Adjustments>> Desaturate

وتخلينها اوضح، بمعنى اخر زيادة الشاربنس (الحده) للصورة
ايضاً ذكرتها بردودي قبل، واللي اهيا...

Filter>> Sharpen>> Sharpen
مع مراعاة عدم استخدامها اكثر من مره او مرتين كـ حد اقصى
لان استخدامها بشكل مبالغ فيه قد يشوه الصورة....


توني انتبه انها من كاميرة موبايل..
مشالله مع ان امكانيات كاميرة الموبايل محدودة
لكن طلعتي لنا بصورة خياليه.. خذتنا للاجواء الباردة الجميله
ياليت كل البنات يشوفون.. هذا اكبر دليل على ان المصور هو من يصنع
الصورة وليست الكاميرا.. مشالله عليج اهنيج والله ونطمع بالمزيد..

شكراً على المشاركه

 

[جاي وحليب]

خطوات مفيدة، سريعة وسهله بالفوتوشوب لاظهار صوركم بشكل افضل
لمسات مفيدة لابد لكل مصور ان يستخدمها....



لتعديل الوايت بالانس ( الاضاءه) اذا كانت مايله للازرق او للاصفر بالصورة

Image>> Adjustments>> Auto Color
Image>> Adjustments>> Auto Levels


اما لتشبـّع الالوان عن طريق ..

Image>> Adjustments>> Auto Contrast

او بطريقه يدويه عن طريق..

Image>> Adjustments>> Brightness/ Contrast...
وتغيرين بالاسهم لين تحصلين على النتيجة المطلوبه



بالنسبه لزيادة الشاربنس / وضوح وحدة الصورة

Filters>> Sharpen>> sharpen
لكن حرصي انج ماتستخدمينه وايد يعني برايي مره او مرتين كافي جداً
لان استخدامه بشكل مبالغ فيه قد يشوه الصورة...


اذا كانت في مناطق معينة بالصورة غامجة
بهالحاله بالفوتوشوب ادوات الـ Burn tool + Dodge tool
راح يفيدونج وايد لتغميج وتفتيح مناطق معينه بالصور



اما بالنسبه لتحويلها للابيض والاسود...

Image>> Adjustments>> Desaturate

 

[يالبا قلبي]

شكرا جاي على التوضيحات والشرح
ماقصرتي يالغاليه

انا قصتي مع التصوير قصة .. انا عندي الموهبه وعندي حس التصوير وقادرة اني اصقل هالشي لكن تنقصني الادوات والوقت والحماس بصراحة.. يعني لو اهتميت اكثر ممكن اطلع بأشياء حلوة.. يالا انشالله اشتغل على هالشي
بالنسبة لتصوير اللاند سكيب حلو لكن انا ما احبه كثر تصوير البورتريهات احس ابدع بهذاك اكثر .. عندي محاولات ودي اعرضها لكن هالموضوع يخص اللاند سكيب .. فراح انطر ورشة البورتريه انشالله... بالنسبة للاند سكيب وارجع حق الصور اللي عرضتها ماكان عندي اي صعوبات بس يمكن لان الكاميرات المستخدمة مو كاميرات احترافية قللت شوي من جمالية الصور

هاذي اخر مشاركة لي هني بس حسافة هم من موبايل وحاولت اضبطها بالفوتوشوب وشوفي النتيجة وقولي لي شرايح




وسلامتكم

 

[a7la tooota]

a7la tooota

شكراً على المشاركة والشرح..
طبعاً لان اخذت الصورة عن طريق الموبايل وامكانيات الموبايل محدوده
فـ راح احاول ان ماتكون ملاحظاتي وايد :")

الزاويه جميله حبيت وجود الممشي الرمل عاليمين وهالشي مذكور بالنقاط اللي بالموضوع
ايضاً ترتيب الشجر والظلال حلو..

لكن، اثناء تعديلج على الصورة لازم تكونين حريصه وتراعين شغلات معينه
يعني انا اشوف ان العشب صوب اخضر مشبع بشكل حلو وصوب اخضر عادي
ايضاً البحيرة اطرافها من ناحية الضفه الثانيه الخلفيه عاليسار..
فيها خط واضح وفاصل حاد بينه وبين الزرع ماكأن ماي ماادري ليش
ايضاً الزرع عاليمين من الاطراف فوق فيه الوان ماادري من شنو..
لذلك اقولج راعي ان التعديل يكون بشكل نظيف ومرتب...


بالنسبه للشارب ..

filters>> sharpen>> sharpen
لكن حرصي انج ماتستخدمينه وايد يعني برايي مره او مرتين كافي جداً
لان استخدامه بشكل مبالغ فيه قد يشوه الصورة...

اي صح انا حسيت انه الزرع فيه مكان اللون متشبع بالأخضر ومكان لأ ( توني مبتدئه بالفوتوشوب )

والطرف اللي عاليسار مالاحظته كلش توني أشوفه

ومشكوره لأنج حطيتي طريقة استخدام الشارب ,,


والخطوات اللي حطيتيها وشرح استخدام الاضاءه والألوان بالفوتوشوب وايد مفيده ومهمه

مشكوره حياتي يعطيج العافيه

 

[camilia]

هالنوع من التصوير يحتاج لطبيعه روعه ,, واحنا بالكويت طبيعتنا ماتسمح وايد .

 

[جاي وحليب]

يالبا قلبي

بما ان عندج الموهبه وحس التصوير خلاص استمري .. حتى لو بكاميرا مو احترافيه
او كاميرا بسيطه.. قلت لج المصور اهو من يصنع الصورة وليست الكاميرا..
وخطوه خطوه وان شالله توصلين للي تبينه وتطورين من مستواج..

مشالله صورة جميله.. هذي بزلمسي؟
منظر جداً حلو .. بس تمنيت الجزء اللي بمقدمة الصورة
جزء من بيت برايي ان ماتدخلينه بتكوين الصورة بدونه افضل..
او ممكن تدخلينه بطريقه او فكره ذكيه.. مثلا تكون فيه حمامه فوقه او اي شيء
جذي تتميزين بصورتج العاديه وتخلينها غير عاديه..
انا دايما اقول حق البنات بحثو عن الجديد والغير مألوف

بالتوفيج ان شالله وودنا نشوف مشاركات ثانيه لج بالقسم
مو تقاطعين..








a7la tooota

العفو حبيبتي حياج الله
فعلا اهي لمسات وخطوات بسيطه
لكنها مفيده لنا كل ولكل مصور سواء محترف او مبتدئ
وبالتوفيج ان شالله

 

[جاي وحليب]

camilia

غلطان اللي يقول طبيعتنا بالكويت ما تسمح!!

اولا: حياج الله معانا بالقسم ..
ثانياً: ماطرحنا الورشه الا مع تعدل الجو ووجود الغيم بالسما
وهالشي يزيد من جمال صورنا لما نصور مناظر او معالم لديرتنا
ثالثاً: كثيرين اللي يظنون ان الكويت مافيها شي او منظر جميل
او شيء يتصوير.. وبرايي هذا تفكير خاطئ..
رابعاً: المصور بذكاءه يعرف شلون ومتى ومن اي مكان او زاويه
يطلع ديرته بصور جميله وحلوه وتبرز ديرته..
خامساً: راح احط لج لنكات لصفحات شباب كويتين مبدعين بهذا المجال
وتصويرهم للاند سكيب بدولتنا الحبيبه الكويت....
وانتي حكمي بعدها وقوليلي الكويت فيها اماكن حلوه تتصور للاند سكيب ولا لا


المصور خالد المسعود

المصور ماجد سلطان

المصور عمار العثمان

المصور عبدالله الفودري

 

[Miss.EnGiNeErA^_^]

الســـــلام عليكم,,
شلونكم صبااياا..^^

ماادري من وين ابدى ""انااا وحده..تحب التصوير بس ع الفطره^^"
وهذي جم صوره صورتهاا..بتليفوني..سوني اريكسون..k800I"cybershot"
وابي..منكم النصيحه..
____

هذي الصوره صورتهاا بماليزياا..وكاان الجوو "يخلي اللي مايعرف يصوور يبدعــ^^
**صورتهاا واحنا بالسيااره...

والصوره الثاانيه...
صورتهاا لما يتناا عااصفه رعديهــ العاامــ.."الموقع من دريشه غرفتي^^..

______________________


** جاي حليـــب مشكوره ع المعلومــات اللي قاعده تنشرينهاا..صـــراحهــ اناا متاابعه..من زماان لموواضيع..
بس كنت متردده اني احط الصور اللي اناا مصورتهم..لانهم مو احتراافياات.:050103nbh_prv:.

<<فياليت تدزيلي رساله عالخااص.."مواصفـــــات احسن كاميرا احترافيه..للمبتدئين."وان شاء الله من بااجر اناا بروح اشتريها.^^ :RoadRunner:
وشكراا مره ثاانيه..
.​

 

[toot^o^mishmish]

مساااااااااااء الخير .....
هذي مشاركتي اليوم معاكم وان شاء الله تعجبكم ...
ظروف الصورة>>>>>>>>كنت رايحة الكوت وكان الجو مو طبيعي ماشاء الله وكانت هذي من اول تجاربي في تصوير السما ولاني اول مرة العب باعدادات الكاميرا وانا على قولتهم بالميدان(اشفيني حدي صدقت نفسي)....
طبعا استخدمت الفوتوشوب في تشبع الالوان...


ويزاج الله خير جايونه عالموضووع

 

[جاي وحليب]

Miss.EnGiNeErA^_^

حياج الله معانا.. الصورة الاولى حلوه حبيت وجود الشارع
بالصورة وهذا اللي تكلمنا عنه بنقطة من نقاط الموضوع الاساسيه..
ماحبيت الجزء الصغير الاسود اللي عاليسار واظن جزء من دريشه السياره

في مناطق معينة غامجه شوي..
لو تقرين بردي فوق فيه اوامر وخطوات بسيطه
ممكن تساعدج بتفتيح وتغميج مناطق معينة من الصورة
انا محددتهم بالاحمر فوق لتسهيل الرجوع لهم..

الصورة الثانيه صورة توثيقية للحظه
ولاتترددين بالمشاركه معانا بالقسم ووضع الصور..
القسم للهواة وان شالله كلنا نطور من مستوانا مع بعض

بالنسبه لسؤالج اللي بالاخير..
مو انا اللي احدد الكاميرا الانسب او الافضل
هذا شي يرجع لج انتي.. انتي تحددين حسب اولويات معينة تحطينها
الميزانية، الشركه المفضله، المميزات المطلوبه، الحجم، الوزن....الخ

لذلك انا ارشح لج هالموضوع راح تستفيدين منهم وايد وتقررين بنفسج

==

فئات الكاميرات .. ونصائح قبل الشراء


==

ابي كاميرا واضحه! ساعدوني بشتري كاميرا! شرايكم بهالكاميرا! اسألة متكررة جوابها هنا


==

وبالتوفيج

 

[جاي وحليب]

toot^o^mishmish

مساء النور يا هلا

تجربه حلوه لتصوير السما..
والمنظر كلششش ما يتطوف شلون الاضاءه طالعه من بين الغيم
بسسسسسس.... انتي قايلة انج رايحه الكوت!!!!
انزين ليييشش ما تستغلين المنظر هذا مع المجمع او مع جزء من المجمع
يعني بدل لاتكون صورة عادية للغيم وبينها اشعه الشمس،
واكيد شفنا صور لنفس هذا المنظر من قبل..
تكون صورة مميزة جداً ونادره!!
تجمع صورة المجمع مع المنظر العجيب هذا...

اهني ارد واقولكم ذكاء وفطنة المصور مهمه جداً
في استغلال ظروف المكان والطقس والاجواء ..
بالشيء اللي يخدم الصورة ويبرزها بشكل مميز ...

حرصو على هالشي علشان تكون صوركم مميزة
في صور ماتتكرر خصوصاً لي صارت لمعالم ديرتنا
ودنا دايما نوثقها بصور قويه وحلوه...
شكراً على المشاركه وبالتوفيج

 

[a7la tooota]

هذي مشاركتي الثانيه وظروف الصوره نفسها بالمشاركه الأولى ,,

:edbf4317b9: