ورشـــــــــ تصوير المناظر الطبيعية Landscape Photography ـــــة

[a7la tooota]

جاي وحليب ما عليج امر اذا شفتي مشاركتي اتمنى انج تصغرين الصوره ,,

لأني صغرتها لي 800 وهذا اللي طلعلي مادري ليش

 

[camilia]

مشالله اللينكات اللي عطيتيني ياهم تصويرهم حلو بس هم أعيد واقول ماعندنا طبيعه لو لاحظتي اغلب الصور اهي بحر + صحرا + عمارات ومجمعات ,, انا لما قلت طبيعه قصدي كان ورووود اشكال والوان ,, ارض واسعه كلها خضرا , جبال وبحيرات ,,, هذا اللي مو متوفر عندنا , بس الصور اللي دزيتيهم لي رووووعه .

 

[OnLy.Style]

يعطيج العافيه جاي حليب عالموضوع النايس

ابي رايج بهذي؟ ترا انا مو خبره توني وهالصوره بالموبايل

ياليت تصغرينها لاني ماعرف:$

 

[جاي وحليب]

a7la tooota

مشاركه جميله حبيت الظلال اللي على الارض
اختيار وقت جميل للتصوير..

يمكن لو كان في شخص بالصورة يمشي ومعطينا ظهره
بتكون معبره اكثر.. مجرد فكرة..

بالنسبه للسما انا اشوف ان التعديل فيها واضح
وانا اكرر اتمنى ان تكون اللمسات والتعديلات نظيفه وبسيطه
يعني صوب الشجر مبين التعديل.. وايضاً في خط بنص السما

اقري وتابعي دروس اكثر لتعديل الصور وان شالله تتطورين اكثر
بهالمجال.. شكراً على المشاركه وبالتوفيج

 

[جاي وحليب]

camilia

حبيبتي والله هذا مو موضوعنا الحين.. لو كان موضوعنا كنت راح اوريج صور
لطبيعه وورود ماراح تصدقين ان بالكويت..
الطبيعه موجوده والمصور الذكي يعرف شلون يطلع ديرته باحسن الصور
ماادري الظاهر ماعندج فكره ولا جربتي تصوير اللاند سكيب بالكويت..
وايد ناس يحطون هالاشياء كـ اعذار لهم وفي بالهم الطبيعه والتصوير للطبيعه بس بالخارج

بالعكي المصورين الكويتين الشباب يبحثون عن الطبيعه بالكويت بنفسهم ويكتشفون اماكن وايد حلوه
وايد شفنا صور لمنطقه الجديليات وصور لمحميات جداً حلوه وعلى مستوى راقي..
وغيرهم من مزارع وحدايق وشاليهات ....
بس للاسف دايماً الناس يظنون ان الطبيعه مو موجوده بالكويت وهالشي غلط
لما تبحثين بنفسج اكثر وتتوسعين بهالموضوع بتلقين ان الفكره اللي حاطتها ببالج كانت غلط

وعلى فكرة ...

لو لاحظتي اغلب الصور اهي بحر + صحرا + عمارات ومجمعات

وهذي الاشياء كلها تندرج تحت اللاند سكيب landscape واللي اهو موضوعنا!

شكراً

 

[جاي وحليب]

De3La

مشاركه جميله.. هذا النوع من التصوير
اللي تكون فيه الاضاءه خلف العنصر وبالتالي يطلع لنا العنصر او العناصر
بالصورة بالشكل الظلي يسمى بالتصوير الظلي - السلويت - silhouette
وايضاً منتشر كثيراً بتصوير الاشخاص..

حبيت وجود الابراج بالصورة والبحر بالمقدمه
وايضاً انعكاس اضاءة الشمس على البحر..
لكن برايي اضاءه الشمس اوفر
واكيد لان التصوير عن طريق الموبايل واعداداته محدوده
فـ مااعتقد تقدرين تحلين هالمشكله بسهوله..
شكراً على المشاركه الجميله

 

[a7la tooota]

a7la tooota

مشاركه جميله حبيت الظلال اللي على الارض
اختيار وقت جميل للتصوير..

يمكن لو كان في شخص بالصورة يمشي ومعطينا ظهره
بتكون معبره اكثر.. مجرد فكرة..

بالنسبه للسما انا اشوف ان التعديل فيها واضح
وانا اكرر اتمنى ان تكون اللمسات والتعديلات نظيفه وبسيطه
يعني صوب الشجر مبين التعديل.. وايضاً في خط بنص السما

اقري وتابعي دروس اكثر لتعديل الصور وان شالله تتطورين اكثر
بهالمجال.. شكراً على المشاركه وبالتوفيج

هلا حبيبتي ,,
بالنسبه لوجود شخص بالصوره حاولت باللي اعرفهم بس مايرضون يطلعون بصوره والكل يشوفهم

تعديل السما والشجر ليلحين مو قادره اضبطه ,, السما انا تعمدت اخلي خط بالنص كنت بشوف

تطلع الحركه حلوه والا لأ ,,

ماعليج امر لو تقولينلي وين الاقي دروس تعديل الصور ,, وابي اعرف شلون صغرتي الصوره لهالحجم مع اني

كنت مصغرتها لي 800

وشاكرتلج ملاحظاتج وان شاء الله بحطلج مشاركتي الثالثه ,,

 

[جاي وحليب]

a7la tooota

فعلا بعضهم مايرضون يطلعون بالصورة..
لكن مثل ما قلت لج من ورا يعني تصورينهم من الخلف
وهم اذا مارضو استغلي اي شخص مار بالطريج من الموجودين مو الا تعرفينه
جكي الصورة بوجود شخص وبدونه وشوفي الفرق ...
خصوصاً اذا كان طريج طويل او ممشى او جسر .. مع وجود شخص
تعبر اكثر...

بالنسبه للدروس والله ماادري يمكن بقسم الفوتوشوب تلقين شغلات تساعدج
او حتى اهني بقسم التصوير عند الاسأله والاستفسارات فيه بنات كاتبين طرق وشرح
وممكن تبحثين عن طريق قوقل اذا تبين درس معين تبحثين عنه...
مثلا "طريقة تنعيم البشره" .. او " دروس تعديل الصور" ..... وجذي

وبالنسبه للصورة صغرتها عادي عن الحجم اللي انتي حاطته
دايماً الصور اللي بالطول تكون غير عن اللي بالعرض..

 

[ام مهودي]

هاذي الصوره بديزني باريس
وقت الغروب طبعا الغروب عندهم يهبل بس بصراحه صورتها على السريع بدون ترايبود حتى.. لانه كان وايد زحمه وكنا مستعيلين خايفين القطار يروح علينا فا زين منها طلعت جذي وطيعا وضحت الالوان بالفوتوشوب
والشمس كانت ورا المبنى فخله المبنى يصير لونه غامج جذي

 

[a7la tooota]

مشكووره جاي وحليب

 

[zoozoo]

مشكورة جاي و حليب عالموضوع الحلو و المفيد

و بانتظار جديدج

 

[جاي وحليب]

ام مهودي

مشالله تصوير جميل.. والوان ساحره للغروب
لانج قلتيلنا بدون ترايبود ومستعيله فـ مانقدر نلومج
بس اكيد لو كانت بترايبود والـ F-number كانت رقم كبير
علشان تكون عندنا تفاصيل اكثر..
بس مشالله مع ضيق الوقت الا انج طلعتي بصوره جميله وجداً مميزة
دايماً اقول المباني والمناظر تصويرها جميل..
لكن لو صورناها بوقتي الشروق او الغروب بتكون اجمل
ونطلع بصورة مميزة عن غيرنا..

استخدامج صح للفوتوشوب.. لمسات حلوه على العمل

وفعلاً الاضاءه لي صارت بخلف الشيء اللي نصوره
نشوف الشيء يصير مظلم او مظلل..
وتكون عندنا الصورة ظليه - سلويت - silhouette

شكراً على المشاركه






a7la tooota

العفو حبيبتي..





zoozoo

حياج الله..

 

[ام مهودي]

thaaaaaaaaanks :")

 

[مسك الغلا]

تسلم الايادي

 

[toot^o^mishmish]

هالصورة بعد مصورتها بالكوت بس للاسف ماكان معاي ترايبد...
وان شاء الله تعجبكم........

 

[a7la tooota]

توت ومشمش الصوره حدها روعه ,, ماشاء الله ,,

تسلم ايدج حبيبتي

 

[toot^o^mishmish]

احلى توووووووته ...
مشكووووووووووووووووووووورة عالتشجيع ويزاج الله خير ونستيني

 

[M&M]

حبيت اشارك بصوره واشوف رايكم





المكان : مدينه جاسبر/كندا
الكاميرا كانون G9
الوضعية عل الاوتو
م استخدمت الفوتوشوب الشمس ما شاء الله كانت مكفيه
صورتها اول ماطلعت الشمس لان الماي صافي والانعكاس رهيب

 

[toot^o^mishmish]

m&m الصوووووووورة ابدااع ماشاء الله صج روعة تسلم ايدج ...
بس لو تلاحظين من الجانب اليمين في جزء طالع من الشير لو تقدرين اتشيلينه او اتقصينه راح تطلع كامله
موفقة يارب

 

[a7la tooota]

m&m

الصوره حدها ابداع ماشاء الله

انا عندي لو كنتي مستخدمه الفوتوشوب ومشبعه الألوان جان تطلع الصوره أحلى