وش رايكم اغير جنسيتي ولا لا ..؟؟

[lovely jojo]

انصحج تاخذين الجنسية الكويتية اضمن

 

[zqertya]

دامج بتستقرين بالكويت فاخذي الجنسيه الكويتيه افضل لج لانها تفيدج بواااايد اشياء بدراستج بوظيفتج وبعيالج باجر بعد والجنسيه الكويتيه ماده اولى ولا سابعه ولا ثانيه عااااااااااااااادي نفس الحقوق تاخذينها

 

[غصن الغلا]

شوفي حبيبتي انا بنت خالتي نفس حالتج

امها كويتيه وهي سعوديه تبهذلت بالجنسيه السعوديه بالكويت الكويت مو معترفه فيها بس درستها وتعالجها مجاناا فقط لاغير (ابوها متوفي) لا معاش بالكويت ولا سكن ولا زوج ولا وظيفه
أمها شارت عليها تطلع لها جنسيه خامسه وافقة البنت مشاءالله عليها أدخلت الجامعه وتخرجت وتوظفة مدرسه هي ألحين وتزوجت بعد
بس فرق بينا وبينها انها ماتصويب بالمجلس

 

[SoOoSoOo ^__^]

الله يعطيكم العافيه بناات ماقصرتوا ..

 

[@كنده@]

انا ضد انك تغيري جنسيتك لأي سبب كان الانسان ماله غنا عن اصله
بكره بتنذلي ويعارونك انك مزدوجه ومنتي اصليه وووو
وتنهان كرامتك وتكرهي نفسك

 

[SoOoSoOo ^__^]

^
^
^
مممممممم وجهة نظر ..
منووره ..

 

[اميرة-الاحجار]

تاخذين كل حقوقج ككويتيه بس ماتشاركين بالانتخابات هذا الشي الوحيد

 

[اميرة-الاحجار]

اللي فوقي شكو مزدوجه اهي تبي تسقط جنسيتها السعوديه وتاخذ كويتيه ماتبي تحتفظ بجنسيتين

 

[جولينار]

مدري شقول

انا شخصيا ضد تغييير الجنسية لأي سبب ,, وبعد عمر طويل امك مو دايمة لك ؟؟ انا اشوف خلك ع السعودية وعادي توظفي هناك وتعالجي على حسابك اساسا المستشفيات الخاصة افضل من الحكومية ,, وماشوف فيها شي ,, ياكثرهم عندنا السوارية والفلسطينين عايشي لهم سنين معانا وجنسياتهم ماغيروها ,, ولاماتو من الجوع لأنهم مو سعوديين

وماتدرين يمكن بكره تتزوجين من اهل ابوك وترجعين للسعوديه ؟؟ وتصيرين بالسعوديه اجنبية بعد ماكنتي ممن اهلها

بالاول والاخير استخيري الله مره ومرتين وثلاثه .

والله يكتب لك ك خير

 

[SoOoSoOo ^__^]

مدري شقول

انا شخصيا ضد تغييير الجنسية لأي سبب ,, وبعد عمر طويل امك مو دايمة لك ؟؟ انا اشوف خلك ع السعودية وعادي توظفي هناك وتعالجي على حسابك اساسا المستشفيات الخاصة افضل من الحكومية ,, وماشوف فيها شي ,, ياكثرهم عندنا السوارية والفلسطينين عايشي لهم سنين معانا وجنسياتهم ماغيروها ,, ولاماتو من الجوع لأنهم مو سعوديين

وماتدرين يمكن بكره تتزوجين من اهل ابوك وترجعين للسعوديه ؟؟ وتصيرين بالسعوديه اجنبية بعد ماكنتي ممن اهلها

بالاول والاخير استخيري الله مره ومرتين وثلاثه .

والله يكتب لك ك خير

حبيبتي مو قصة وظيفه والا مستشفياات
وبخصوص الزواج امي حالفه مااخذ الا من اهلها عشان ماابعد عنها

القصه اني راح اكون مقيده في كذا شغله
وبعدين وش بستفيد بجنسيتي السعوديه دام اني ماراح اعيش فيها من غير شر ..؟؟
انا قبل ماكنت بغير الجنسيه
بس خوالي قالولي راااح تتعبين في بعض الامور

عشاان كذا محتاره لسه ..

شاكرتلك مرورك حبيبتي ...

 

[جولينار]

شوفي قلبي ,, لنا اهل في الكويت راحو من قبل 40 سنة او اكثر للكويت

وتجنسو وعاشو هناك ,,

الحين بعد ماكبرو عيالهم وكبرو يتمنون يرجعون السعودية .. بس صعبة

لانهم كويتين خلاص ,,

راح يعيشون هنا مثل الاجانب ,, فهمتي علي

وكلنا نتمنى رجعتهم وقربهم منا لأن الدنيا رااااااايحة والبعد شين

عموما انتي استخيري فيها انا حاسه انك مقتنعة في الموضوع

بس مو مشكلة استخيري ماراح تندمين

 

[Grass]

ماكو فرق

الجنسيتيين بنفس القوه عالميا .... واصلا ماكو فرق بين الكويت والسعوديه

 

[دلوعة أبوهآ]

دامك حطيتي ببالك تتنازلي عن جنسيتك الاصليه اللي هي من أصل أبوكِ ..
فـ ردود الاعضاء ماراح تغير شي من قرارك ..

بس تأكدي انه امك ماهي ضامنه لكِ انك تتزوجي واحد من اهلها عشان تخليكِ جنبها وقريب منها ..
مهما قالت باخليكِ تتزوجي كويتي لو الله كتب لك أي جنسيه ثانيه بتتزوجي غصب عن الكل لأن هذا نصيبك
و اذا انتي تنازلتي عن جنسيتك .. ممكن الكويتي مايتزوجك ويقول ابي كويتيه عن أم وأب مو متجنسه
وامك الله يطول بعمرها مثل ماقالت وحده من البنات ماهي دايمه لكِ ..
ومصير اعمامك واهلك في السعوديه ..
بس اذا تنازلتي
ووقتها لافكرتي ترجعي للسعوديه بتكوني غريبه بعد ماكنتي وحده من اهلها ..

فكري بعقلك وحكمّيه في اشياء بسهوله نتازل عنها ولو تنازلنا عنها صعب نرجع لها .. : )

واستخيري ..

 

[pure-poison]

رد : وش رايكم اغير جنسيتي ولا لا ..؟؟

اختاري الجنسيه اللي بتعيشين بديرتها وبتتزوجين منها

 

[حجيه هيونه]

الجنسيه الكويتيه اكيد احسن ولا هانو السعودين بس هناك الجنسيه السعوديه بتفيدج اكثر بس لو جيتي هني اكيد الكويتيه

عموما استخيري قبل لا تسوين خطوه كبيره مثل هذي والله يكتب لج الي فيه الخير

 

[كتكوته ورديه]

انتي حره علي حسب وطنيتج

 

[..نـــهـاونــد..]

حبيبتي انا رايي دام بتستقرين بالكويت مع امج سمعي كلامها والجنسيه الكويتيه انفع لج حق الوظيفه والدراسه عالاقل

بس انتي متاكده انهم بيعطوونج الجنسيه الكويتيه على طوول لن انا اعرف ناس وايد امهم كويتيه واهم خليجيين وودهم بالجنسيه الكويتيه

بس مو حاصل لهم ,, تأكدي اول اذا بيعطوونج على طوول اول

 

[العجميه سبشل]

اول شي
مثل ماقالو السعوديه ماتسقط

وثاني شي اصلا مراح يطونج الجنسية بيوم وليله
راح تنطرين سنه او سنتين

انتي جربي بهالفترة امورج راح تمشي بالسعوديه كان بها

واذا ما صارت امورج اوكي اخذي الكويتيه

وعن الجنسيه الكويتيه سواء الاولى او الخامسة كلها وحده ومثل ماقالولج الفرق بالتصويت

وووووو

خليجنا واحد
سواء كويتي او سعودي او اي جنسية من دول الخليج
اموكم بتمشي مراح يوقفها شي



واخيرااااااااااااا

امج كويتية
ابناء الكويتيات معاملتهم مثل معاملة الكويتين

موفقه ياقلبي

 

[غلا ستايل]

علبركة الكويتية

 

[SoOoSoOo ^__^]

يسلموووو بناات الله يعطيكم العافيه ماقصرتوا ..
واللي تقوول اعمامك ومدري شنو
انا ماعندي اعمام
عندي عمتين وماتوا الله يرحمهم اجمعين
ماعندي الا اهل امي الله يحفظهم ..

ومن يوم يومي وانا اغلب السنه اقضيها بالكويت
وبما انها ديرة امي فهي ديرتي اكييييد

انا بس كنت شايله هم ان الجنسيه ماتفيدني بعدين لانها الخامسه
بس بعد ماقالو البنات ان مافيه فرق
ان شااء الله ببدا بالاجراءات ..

ممكن الكويتي مايتزوجك ويقول ابي كويتيه عن أم وأب مو متجنسه

حبيبتي انا عتيبيه
واغلب العتبان كويتيين
احنا بالزواج نركز على العايله مو الجنسيه الله يحفظك
الجنسيه مجرد ورق ..والاصل والقبيله هي المهمه ..
عموما منوووره ...