وش رايكم اغير جنسيتي ولا لا ..؟؟

[ToOoTi]

طيعي شور امج احسن
وربي يرحم الوالد ويغمد روحه الجنة يا رب

 

[jod.q8]

رد : وش رايكم اغير جنسيتي ولا لا ..؟؟

و النعم فيج دامج قلتي انج عتيبيه

بس مراح يعطونج اياها بسرعه يعني يبيلها شهور و يمكن سنين و هم تأكدي انج مراح

تردين تعيشين بالسعوديه عشان الوظيفه و الامور هذي و اذا بتمين بالكويت

اخذي الكويتيه ع الاقل تفيدج بشغلات بسيطه بس هم لو بتمين ع السعوديه

مثل الشي بس اتم ضد تغيير الجنسيه و انتي فكري فيها عدل .. ،

 

[فداك ياخلي]

حبيبتي انتي نفس طريقتي

سعوديه وامي كويتيه ولي كااااااااااااافه حقوق الكويتي

بمأن امج كويتيته معاملتج معامله كويتي

اسأليني اناا

خليج على جنسيتج

بس قولي لي جم عمرج اذا تقدرين عشان اقولج الفرق ؟؟

 

[البخت ضايع]

توكلي علي الله واخذيها ... هذا من حقج ..اكفله القانون لامج الكويتيه.. ماحد له منه عليج .. عالاقل السعوديه تستاهل الجنسيه واولي من غيرج

من الزلامااات .. والاسيويات ...وكلن اصله محفوظ ... الجنسيه مجرد ورقه!!!

 

[زهره الجلنار]

اختي من شروط الجنسية الكويتية بالتجنس عن طريق الام انج اتكونين عايشة بالكويت طول عمرج ودراستج بعد بالكويت موعايشة بالسعودية وبس تجين الكويت امج تقدر اطلعلج الجنسية عادي لا صعبه وخلي احد من اهلج يروح ادارة الجنسية والجوازات ويسأل قسم المادة الخامسة وراح يقولولهم نفس كلامي

وبعدين الجنسية السعودية ماتسقط نهائي يعني لو اتنازلين عن جوازج اليوم وباجر اتروحين السفارة اترجعين عاديييييييي

 

[الجفول&]

رد : وش رايكم اغير جنسيتي ولا لا ..؟؟

غيريها عشان تمشي امورج بسهاله
بس الي اعرفه السعوديه ماتسقط

 

[دلوعة حسّون]

هلا ياعمري
إذا تسوين استخارة بترتاحين لانه الامر جد محير لكن اقولك
عتيبية سعوديه ولا عتيبيه كويتيه وااااااااااااحد
وبما انك بتستقرين بالكويت بتكون الكويتيه احسن لك في امور وظيفتك علاجك وماتشوفي شر ودراستك اي شئ بيكون اسهل
استخيري وانا اشوف انك تاخذين الكويتيه والله يوفقك فيها
وماتخافين ما في حد ينسى اصله كله ورق وكلها بلاد اسلام
الله يديم بينا​

 

[حبيبي وبس]

معقوله الجنسيه السعوديه ماتسقط؟؟
عيل شلون تصير من المزدوجين
وبالنسبه لصاحبة الموضوع وانتي مغمضه اخذي الجنسيه الكويتيه حتى لو ماكنتي بتزوجين كويتين على الاقل تضمنين تشتغلين تشوفين حياتج

 

[pinks]

الجنسية الكويتية والسعودية نفس الشي

بس مدام بتستقرين بالكويت ضمني حقوقج والافضل انج تستخيرين ربج
والي فيه الخير لج ان شاء الله يصير

 

[Om_Ksha]

كلهم فيهم الخير والبركه .. اهم شي الاستخاره

 

[loloالحلوة]

توكلي على الله وخذي الكويتيه

 

[ريماس21]

انا اقوووووووووول اسمعي كلاااام امج لانه تعرف بمصلحتج وما تبيلج الا الخير

وبالنسبه للجنسيه اذا اخذتي كويتيه لازم تتنازلين عن السعوووديه
معروووووف ما يصير جنسيتن لج باجر
ما تعرفين مزدوجي الجنسيه لوووووووووووووول

 

[~.ąvȍƈaȚ.~]

درجة اولى درجة سابعه جنه نفس الشي بس من ناحية التصويت و الترشيح تفرق يعني مووو شي مهم


و دامج بتستقرين بالكويت فلأفضل انج تاخذين الكويتيه و راح تنفعج بكل شي انشالله بداية من التعليم و الصحة لغاية صندوق الجمعية <<< خخخ شكووو

وو حتى باجر اذا تزوجتي احتمال كبير تاخذين كويتي و حتى لو سعودي بتفيدين عيالج اكثر اذا كنتي كويتية و ساكنة بالكويت

بالتوفيق

 

[ZajiL]

اذا محتاره استخيري وربي يوفقج ان شاء الله

 

[أإلع ـشق دلع ـهـأإ]

.














الله يرحم أبوج ويغفر له ..
بدون تفكير مدام راح تستقرين بالكويت .. أخذي الجنسية الكويتيه ..

بس ياترى راح تأخذينها بسرعه !!

لان أعرف شكثر يصيرون لنا امهم كويتيه وهم سعوديين وعايشين طول عمرهم بالكويت ويبون الجنسية الكويتيه ماخذوها لهم فوق 30 سنه @@ والله ..
بس ترى الكويت تعامل اللي امه كويتيه نفس الكويتي .. تدرسين وتدشين جامعتنا وتتوظفين نفسنا ..


















.

 

[iron women]

انا ضد انك تغيري جنسيتك لأي سبب كان الانسان ماله غنا عن اصله
بكره بتنذلي ويعارونك انك مزدوجه ومنتي اصليه وووو
وتنهان كرامتك وتكرهي نفسك

اختي الكريمة انا معاج بالسطر الاول فقط من كلامج لاكن اعارضج وبشده على باقي كلامج

الكويت عمرها ماعايرة ولا ذلة احد هاذي كويت العز والكرامه اللي من عمر الدنيا لفة وظفت وعزة ورزة

مو الكويت اللي ينهان فيها البشر واطيح كرامتهم غلطانه اختي الكويت والكويتيين يرفعون مايذلون

والاخت صاحبة الموضوع تكلمت بكل صراحه وشفافيه وقالت بتنازل عن السعودية وهاذا قانون وانا احترم فيها

صراحتها لاكنج اختي بالج راح عالمزدوجين ايجوز الكلام يا عالجرح بالنسبة لج لاكن كل اللي اقدر اقوله

الله ايسامحج ظلمتينا وظلمتي بختج

 

[إحساسي مرهف]

رد : رد: وش رايكم اغير جنسيتي ولا لا ..؟؟

الله يعطيكم العافيه بناات ماقصرتوا ..

واللي قالت السعوديه ماتسقط جد هالخبر ..؟؟

يعني اكون مزدوجه مثلا

والا مااقدر اخذ الجنسيه الكويتيه ..؟؟؟

لاطبعا ماتصيرين مزدوجه بس قصدها متى مابغيتي السعوديه تقدرين تسترجعينها
يعني تردين الكويتيه وترجعين جنسيتج الاولى السعوديه

 

[رياح الشيشان]

اكيد الكويتيــــــــــــــهـ احسن

 

[روح مغليهآ]

والله يابنت العم اخذي الكويتيه احسن ومن قال ماتنتخب بنات لا تألفون ينتخبون مو شرط ماده اولى

 

[هجووورة]

الكويتيه امتيازاتها اكثر