وصلت فينا أنقط عيالنا عند ................ ! عبالهم قاعدين على بنك وألا طايحين على كن

[برونزية رشيقة]

هلا وغلا فيج

ومن طول الغيبات كتب مواضيع قوية

شوفي يالغالية الكلام يعور بس للأسف هذا الصج وخصوصا المعاهد اللي لج عليها.

مرة رحت اسجل عيالي بمعهد بمنطقة داخلية ونموذجية بس للأسف الطلاب هناك يلعبون لعب وماكو رقابة ولا اهتمام .

الله يصلح امورهم وعيالنا أمانة ماهم مهانة.

الحمدلله ما أحب المعاهد خير شر والمذكرات أفيد.

هلا حبيبتي منورة الموضوع يا عسل:eh_s(22):

عجبتني كلمتج :

عيالنا أمانة ماهم مهانة:eh_s(2)::eh_s(16)::eh_s(11)::bbbiu:

 

[برونزية رشيقة]

والله حبيبتي انا العام صار انقص علي وديت بنتي مركز تقويه للرياضيات لانها

ضعيفه بهالماده وكانت بالصف السادس يعني هالمرحله يديده عليها وماكنت ابي

درجاتها تنزل لانها متفوقه ورب العكبه والله شاهد علي اني خليتها تروح المعهد

بس انا كنت ادخلها الصف واقعد انطرها بره عند الباب ولما يابت الشهاده الا راسبه

بالرياضيات بغيت امووووووت طقيتها طق وتالي انا وابوها جابلناها وقمنا ندرسها

والحمدلله يابت اخر السنه نسبه 85% وبماده الرياضيات يابت 83 وصج تحسفت

ليش وديتها مع ان المركز معروف وحتى نظامه بالساعه المتوسط الساعه ب3 دنانيير

وهالسنه مفكره ادخلهم مركز جمعيه المعلمين وايد يمدحونه عالاقل مركز تابع لوزاره التربيه ورسومهم رمزيه عالاقل احسن من هالمعاهد اللي تكلمتي عنها

يحلو جمعية المعلمين ويحلو ذيج الأيام .. أذكر مركز جمعية المعلمين أللي بالدسمة القديم .. تذكرونه بنات ؟؟؟؟؟؟

لمن كنت بالثانوية كنت أدرس عندهم والله المدرسين يدرسونه بضمير ومذكراتهم قوووووووية والأسئلة أللي يعطونا إياهم متوقعة بالإمتحانات:bbbiu:

 

[برونزية رشيقة]

والله جيتي عالجرح الأسبوع الللى فات سجلت ولدي واتفقت معاهم يكون فردي موعد الحصه الساعه 4ونصف ولا الأخت السكرتيره العجيبه تتصل وتقول غيرنا موعدكم صار 5 ونصف قلت لها ليش انا ولددي يكون مصحص أول النهار قالت انا عندي جدول هذا بعد ما قبضو الفلوس قلت ياحيل الله أمرنا للله ورحنا اليوم وننطر وونطر وين الأستاذ قالت عنده حصه وننطر لين صارت 6 الا ربع وين الاستاذ ولا تقول لا ما وصل جان أرد عليها توج تقولين عنده حصه، وانطر وانطر لا الساعه 6 وربع جان تجيني وحده ثانيه معلش أصل الاستاذ عنده حصه الساعه 6 ونصف وانتي راح تكونون 7ونصف ، رديت عليها لا حبيبتي أنا ناطره أكثر من ساعتين ، جان ترد الثانيه انا ععندي جدول وما اقدر ، اهنيه انا فصلت رديت عليها تعالى أنت كل ساع تقولين عندج جدول وانا موعدي 4ونص لين وصليتها 7 ونص حبيبتي أنا اللحين اقولج ماأبي معهدكم رجعولي فلوس اهنيه انخبصوا ،والشى المسخره كثر ما أهم خايفين مني وقعوني على اني استلمت فلوسي ومالي حق اطالب منهم بشي ، بس هزأتهم عدل وبردت حرتي( يوم ما عندكم مدرسين ليش تستقبلون الناس ومسوين رووحكم اسكتوثلاث ارباع الحصه يايرد الأستاذ على اتصالاته الخاصه ولا يضيع الوقت بأى طريقه)صج مافي لا ذمه ولاضمير تجاره بتجاره .:rgewrg:​

يبا جان وديتي ريلج وإلا واحد من أخوانج يشرشحهم ..
ارتفع ضغطي وأنا أقرا سالفتج وياهم:rgewrg:

 

[برونزية رشيقة]

والله يبتيهااا صج

العام دخلت عيالي تقويه معهد العقيله بالبيرق النصابييييين واااي حاريني

اللي بخامس دخلته مع مجموعه وقالي المجموعه حدها ٤ الى ٦ طلاب فقط والصبيان بروح والبنات بروح

وكل المواد والواجبات احنا نحلهم واخر الاسبوع نعطيج شهاده بانجازات الصبي قلت اوكي وسجلته

رحت لهم بنص الدراسه فجيت الباااااب الله لاااااا يوريج

الغرفه ٢في ٣ ومكتب مستطيل المدرس بالنص واليهال فوق ١٢ طالب وطالبه لاازقين زين مايقعدون بحضن بعض

والمدرس مايبين من الطلبه

رحت الرسبشن قلت له انا مسجله ولدي وقلب بالصف حدهم ٦ والصبيان بروح والبنات بروح

قالي اييي في نقص بالاساتذه ومفيهاش حاقه دول عيال وحجي المصاروه اللي ماييب ولا يودي


وسجلت ولدي الثاني اللي بثامن كل ماده بروح لانه ماايحب الازعاج قلت يلا ادفع بس تييب نتيجه

١٥ ساعه حق ٣ مواد بـ ١٢٠ ودفعت

درس يومين بعدين قالو بننقل عماره ثانيه انطر علينا اسبوع

نطرنا اسبوع رحنا ثالو في نقص اساتذه

صار وقت الامتحانات وينكم مافي مدرسين

صار الفاينل ابي احد يدرس ولدي مو فاهم قالي تبين ادخلينه مع الطلبه مو بروحه

قلت له انا دافعه ادرسونه بروحه

جان شقولي وااااي حارني عمه بعينه يقولي شوفي الوصل من شهر ١٠ انتي مسجلته والنهارده ١٢ يعني راحت عليج الحصص

شنوووووو والفلوس يعلكم الويعه ١٢٠ مو شويه وانزل ودمعتي على خدي متحسره علي ولدي باجر امتحانه ومو فاهم

والمشكله المصري يصرخ علي جدام الناس عمه بعينه

نزلت ابي اكلم ريلي موقادره ويقوله ولدي السالفه زين ماياني ركض بدال السياره

يصعد لهم ويشرشحهم المصاروه لهوو ريلي على مانحاش الثاني مال الرسبشن

ويروح لهم ثاني يوم ويطلع واسطاته وايون يفتشون الا اغلب اللي يشتغلون مو على كفاله المكتب ولا هم مدرسيييييين

يمكن بس ٢ او ٣ مدرسن

وقصبن عليهم درسو ولدي وبروووحه بعد

أمبيييييييييييييييييييه أللي يشتغلون لا مدرسين و لاشي؟

عيل شنو هذول؟؟؟؟

والله طرطرة كل واحد يمع معارفه وعيال الحتتتته وبطل له مركز تقوية ..


ما بقى سكرتير ما صار مدرس ..

ما بقى محاسب جمعية ما صار مدرس ..

ما بقى معلم شاورما ما صار مدرس ..
في هالمراكز الفاشلة......................


كله عشان 8 دنااااااااااااااااااااااار بالساعة:rgewrg:

والضحية منو؟

أعيالنا ..

وين وزارة التربية عنهم؟:eh_s(10)::eh_s(10)::eh_s(10):

 

[برونزية رشيقة]

والله انا مااااااااااااااااايد هالدروس بالمرة

يعني الطالب ما مداه ايي البيت ويتغدا ويرتاح الا امهيهيين فيه من شارع لي شارع والله يتعب

غير لما يكون بالبيت والشاي والكيك يمه وجو هتدي وامه تدرسه وترتب له الجنطه حتي يكون فيه تواصل مع الام

الحين الامهات الله خير ماالهم خلق تدريس اشدعوه!!!
لي درجه ان فيه مراكز يحلون الواجب!!!!!!! انا مستغربه الحين الام والابو لي هالدرجه اشغالهم ما تخليهم يجابلون عيالهم

انا اطلب من كل ام وابو ساعتين بس لعيالهم حق التدريس والله كافي يعني من 4 الي 6 والله كافي

اذا بتودينه العصر عيل متي شفتيهم وقعدتي معاهم وعرفتي اللي بخاطرهم

ماني عارفه

بس انا ما اايد هالموضوع كلللللللش

نفس الكلام أللي كنت بقوله للبنات اليوم بس أنتي سبقتيني:rerrerek:
إذا من 4 إلى 8 مساء بالمركز متى تشوفين عيالج وتقعدين معاهم وتربينهم وتعلمينهم الصح من الغلط؟ وتتواصلين معاهم:bbbiu:

 

[برونزية رشيقة]

انا عندي بنتين باول وثاني بتدائي ....وبسبب دراستى ماقدرت ادرسهم وصارواشوي ضعاف بالعربي والانجليزي ...وقلت ادخلهم تقويه .مع ان ابوهم كان رافض وخايف عليهم يقول المراكز لارقيب ولاحسيب ودخلتهم...شهر اذا اوكى او اطلعهم من اول اسبوع نبطت جبدي يردون مو حالين واجباتهم وغير بنتى الصغيره تقول الابله تصرخ علي ما ابي اروح ...ولمن رحت فجاه لقيتهم مادري جم بنت وطاوله وحده وازعاج ولا شرح ولايحزنون ...ما استفادوا شيء كلش بعدها ضغطت علي نفسي صرت اخليهم ينسخون الاحرف واصحح لهم واستانسوا جنى العب معاهم وفعلا ماشاء الله تاسسوا عدل علي ايدي .....صج لو نخصص جم ساعه تدريس احسن من هالمراكز اللي الله اعلم فيها

أنا إن شاءالله بنزل لكم رابط موضوع (طريقة تدريسي لعيالي) الكاتبة : العضوة أمواج البحر .. طريقتها وايد حلوة بتدريس عيالها وماشاءالله كل عيالها متفوقين..

ساعة باليوم فقط لا غير .. تجابلين فيها عيالج يومياااااا
تغنيج عن هالمراكز المرتزقة..

 

[برونزية رشيقة]

يعطيج العافيه عالموضوع الحلو والحساس وراح يزعل امهات واااايد وبنفس الوقت راح ينبه ويفيد امهات واااايد

انا بحياتي ما رحت هالمعاهد ولا ادري شنو نظامها ولا احبها ولا احب سيرتها من القصص اللي اسمعها عنها ربي يحفظ عيالي وعيالكم ان شالله بس عاللي اسمعه يمدحون مال جمعية المعلمين والله اعلم

انا بالنسبة لي افضل ان ولي الامر يكون موجود ويراقب المدرس وهو يدرس ولده او بنته وقت الحصه من بعيد من بره الصف ، في معاهد يكون التدريس بس طالب واحد بالصف ويكون المبلغ اكثر من المجموعه هذا اللي اسمعه من اختي فهالحاله انا افضل ان ولي الامر يكون موجود خصوصا اذا كانت بنت 14 الى 16 سنه ماتكون بروحها مع الاستاذ .

بعدين اذا كان ولي الامر ماعنده القدرة عالشرح ومايعرف يدرس مو معقولة مايعرف كل المواد وبعد مايحلون الواجبات مع عيالهم يعني حرام الطفل من الصبح لي الظهر مدرسة ومن الاربع لي الثمان معهد متى تقعدون مع عيالكم وتسولفون معاهم .

يا امهات حطوا بالكم على عيالكم الطفل بالابتدائي يخاف يعلمكم بكل شي يصير له وهالمدرسين عادي يوقف على راس الياهل وينقله الحل وبس الياهل مثل الكاتب بدون فهم شالفايدة .

الله المستعان وربي يعين ان شالله

امهات حطوا بالكم على عيالكم الطفل بالابتدائي يخاف يعلمكم بكل شي يصير له وهالمدرسين عادي يوقف على راس الياهل وينقله الحل وبس الياهل مثل الكاتب بدون فهم شالفايدة .

عورت قلبي جملتج الأخيرة:eh_s(11):
يا ليت الأمهات الغافلات أللي مهتمين بالمواجيب والزيارات والأستقبالات والعروس .. كلامج يأثر فيهم:yaaaaaarb:

شفااااااااااااااااااايدة وناستي على حساب مستقبل عيالي

الدراسة مستقبل .. ومستقبل الأعيال بأرقاب الأم والأبو:eh_s(2):

 

[برونزية رشيقة]

قبل كانت التقويه اجباريه حق اليهال الضعاف

ورا الدوام ومجانااا

الحين بدال النشاط سوو تقويه عشان الياهل يتشجع ويشد حيله ويروح النشاط مع ربعه

صاجة والله .. شفايدة النشاط المدرسي بالحياة ؟؟؟

يعني الموسيقى بتخليه يصير الموسيقار محمد عبدالوهاب..
وألا الرسم بيخيله يصير بيكاسو .. مثلا:bbbiu:

 

[برونزية رشيقة]

العضوااااااااااااات

حراير

لوف لاتيه

أم عبدالله 22

بوبا سويت

مس حساوية

أنوثة من حرير

نورتوا الموضوع ومشكورين على التعليقات

​

 

[أم عبووووود]

رفع

 

[عزة وكبرياء]

الحمد لله انا مجابلة بناتي وادرسهم وللحين أوكي وانشالله ما احتاج هالمراكز يارب لاني ما أايدها كلش ولا ارتاح لها ​

 

[LuLiTa]

عندي لكم نصيحة ... جمعية المعلمين يسوون دورات بـ الصيف على شهر 8 ... يدرسون الطلبة المنهج كااااااااااااااااامل مال السنة كلها ... و الاسعار رمزية بحدود 10- 15 دينار عـ المادة الوحدة لمدة شهر كامل .. متخيلين الفرق ؟ و المدرسين يكونون من وزارة التربية مختارينهم و يدرسون حق نفس المراحل يعني ايبوون لكم مدرس متوسط يشرح مادة المتوسط و الخ ...


اذا كلش كلش ما لحقتو على هذوول ... بـ فترة الدوام جمعية المعلمين يسوون مركز تقوية اسمه مركز رعاية المتعلمين .. يكون حزت المغرب .. و نفس الطرييقة ايبون مدرسين معتمدين من الوزارة .. و يدرسون المواد كل اسبوع بـ اسبوعه ..و هم نفس الشي الاسعار رمزية .. المادة الوحدة 25 دينار حق كورس كامل .. يعني السنة كلها بـ 50 دينار ...



و الاثنين يعطون الطلبة نوتات و ملخصات و اوراق عمل .. و تلقين اخبارهم بـ نشرات تتوزع في المدارس او بـ الجرايد ..

 

[ماريي]

والله لازم تديروا بالكم على عيالكم فيه مدارس بتعمل تقوية وبتعطى الامتحان حق الطالب وينجح ويجيب تقدير والاهل يستانسوا والنهاية الطالب مايفقهه شئ يحضرني حكاية معلمة تقول ان صاحبتها بتدرس طالب والطالب بيروح ليها البيت وماله خلق يدرس يقعد الساعة بتاعته يلعب ويروح بدون مايدرس ولما قلت حرام قالته (عله مايدرس ولاينجح )
وطبع الاخت نفسها كانت بتدرس دروس تقوية بعد الدراسة في ثنائية لغو والله اربع طلاب كل واحد في مرحلة مختلفة وبتدرس مادة مختلفة (سينس ورياضيات وجغرافيا وانجليزى ـ9 وكله في ساعة واحدة والساعى كانت يمكن ب 10 او 20 مو فاكرة ولما اعترضت قالت انا سوبر مدرسة الله يوفقها دلوقتى بتبعتلي من ديرتها تقولي كنت على حق وفلوسي كانت حرام بس المدرسة كان نظامها كده سرقة ولي الامر الله يسامحهم ماعجبهمش اعتراضى ولا خوفي على الطلاب اللي بيخربوا عقولهم وبيدمروهم
حضرت لقاء مع مدرسة ساينس مع الناظرة وكان بايدها ورق العلامات واخبرت الناظرة ان فيه طالب معين ومعروف راسب كان ردها بالكى شوفي المعمل فوق ناقصه ايه ولما لم تستوعب المدرسة الامر التفتت اليها مرة اخرى لتقول لها الورقة فاضية مافيش مجال حتى انه ينجح ردت عليها _شوفي المعمل ناقصه ايه بعصبية طبعا وعموما حسبي الله ونعم الوكيل في كل من يهدر حق طلابنا امين يارب العالمين فانا عندى حساسية مفرطة لمثل الامور هادى

 

[سوزي الشرقية]

ويش نسوي طيب شوفي حالنافي السعودية اعظم واعظمن منكم في هذه االاشياء يعني ساعات المدرسة تسوي دروس تقوية بعدالعمل الرسمي ويكوب ب150ريال شهريااوك بس اذا جيتي على شرح الأستاذيقول انا مكلف اشرح مره وحده مومرتين ويحل اليهم الاسئلة حلوة دي يحل الاسئلة وعيطهم الجواب جاهز عليك بس تجي تحفظه
من وين بيفلحو الطلابـــ.........
عن نفسي بذكرموقف الي شخصيا لاني جربت تدريس التقوية عندبنات في بيتهم تخيلي الغرفة كلهم مليانه بنات من جميع المراحل وجميع الصفوف والمبلغ على قولتهم رمزي ب150ريال ولله ان امي كانت توصلني بيت الناس العصربعدربع ساعة تلاقيني راجعه البيت يعني هي تستغرب بسرعه خلصوش وتاليها شنهو رسبت وعدت سنة في صف ثالث ابتدائي هذه نتيجة دروس التقوية..
ثانيا لاتنسو بعدبعدالمدرسين يطلبو مبالغ طائلة يمكن موكل الأهالي يقدرو عليها
خذوعندكم موادالعلمية ماتقل عن 1000ريال سعودي((هذه بس حق المراجعااات)))
والبعض يقدر يدفع والبعض لا...........................

 

[كويتية صغيرة]

أنا ماراح أتكلم عن النصب والاستغلال و المبالغ ........ البنات فوق كفوو ووفو
أنا راح أتكلم عن أمولر أخرى من تجربتي الشخصية مع أولادي :


أنا جربت معهد نموذجي ...... وفي منطقة العاصمة ...... وعليه ناس واجد ...... والكل يمدحه (لا حولي ولا بالجابرية .... في منطقة داخلية ..... والمعهد معروف في منطقة داخلية داخل العاصمة وزحمه عليه )
انا كان شرطي اني ما أبي مختلط ...... والمعهد غير مختلط فصول للبنات وفصول للأولاد والسكرتيرة تسرقك بكلامها الحلو ..... فقررت أدخل عيالي .

مع الأسف ..... مع ألأسف .......مع الأسف
هذي أول و أخر مرة أجرب معهد

انا حرصي على الدين والأخلاق ..... أكثر من الدراسة
ومع الأسف كل الأخلاقيات اللي بنيتها في عيالي و كل نصايحي ...... هدموها علي بالمعهد من اخلاقيات طلبة وطالبات اشكال والوان اللي مايدرون عنهم اهلهم بس يبون يفتكون منهم علشان الام تنام وبعدين تطلع وعبالهم ولدها او بنتها تدرس بالمعهد.... وطلبة المدارس الأجنبية اللي مايعرفون الدين شي بس يعرفون الكرسمس واليسر وأعياد الكفار ..... واشكال وألوان من المدارس الثانية.


من الناحية ألأخلاقية:
# طالبات المدارس الأجنبية وغيره ...... علمو بناتي كلمات جنسية اول مرة أسمع فيها ..... يبحثون فيها بالنترنت .......

# بويات ينخشون بالحمام وينطرون فريسة !!!!!!!!!! وجدام أهلهم اهما رايحين المعهد يدرسون السايق يقطهم ومحد يدري عنهم (مافي رقابة على الحمامات وشنو يصير داخل الحمامات )

#البنات والأولاد على12 و 13 و 14 سنة وحتى 10 سنوات و9 ......... وقت الفرصة البريك ..... اختلاط وتعارف ومواعد توزيع أرقام وتبادل نظرات إعجاب ....... وبالاصنصير البنات مع الاولاد لازقين ببعض لاحسيب ولارقيب ..... والاهل مايدرون شنو السالفة وعبالهم انه مافي اختلاط بس على اعتماد ان صف للبنات وصف للأولاد اذن مافي اختلاط

# البنات .... لبس فاضح + إهمال بالدراسة + وقت الحصة ماكو اهتمام كل وحدة تسولف مع الثانية اهم شي الواجب محلول وكل شي جاهز يعني الطالب مايبذل مجهود

# غراميات ومغازل وضحك ومواقف غرامية مخجلة ...... بين السكرتيرات والمدرسين الوافدين .... أمام الطلاب والطالبات


من الناحية الأكاديمية:
# الواجب اذا في واجب ..... يجي المدرس يحل الواجب على اللوح .....وكلهم ينقلون الواجب نقل عمياني بدون فهم ...... يعني الطالب مايشغل مخه ولا يفكر يعني نقل عمياني ..... الطالب مايبذل مجهود ولايفكر شلون يحل السؤال ..... جربت سألت ولدي نفس السؤال لما رجع .... ماعرف يحله .... يعني ماكو فايدة وقت الامتحان مايعرف يحل لان مو فاهم بس ناقل

# وقت الامتحانات ..... الشرح جماعي نفس طريقة الصف بالمدرسة (مع ان العدد قليل يعني 5 فقط مثلا) ..... المدرس يشرح للكل ومايهمه منو فاهم ومنو مو فاهم .... المهم يسوي اللي عليه.......

# مافي نتيجة ...... الدرجات ضعيفة ..... مستوى عيالي نزل ......


يعني الخلاصة :
المعاهد = مص فلوس ولي الأمر + هدم أخلاقيات + مناظر مخلة + الاحتكاك بطلبة المدارس الاجنبية ومعرفة ميولهم + معرفة مواقع جنسية من الاحتكاك بالطلبة الكسالى اللي مايدرون عنهم اهلهم + مواعد وتعارف بين الجنسين + بويات + شلل لمخ الياهل لان يتعود كل شي يجيه جاهز


بس ملحوظة ونصيحة من أم حريصة:
انا الكلام هذا من سنتين ..... وإلى الآن وانا أصلح وأصلح كل المبادئ اللي زرعتها بعيالي من الروضة ...... ومع الأسف خلال سنة واحدة هدمو كل شي زرعته ...... وحتى هذا اليوم وانا اذكرهم بالخوف من الله والدين والاعتماد على النفس ......
هذا وانا ماجربت اللي بحولي والسالمية ...... بعدها حرمت

نصيحة لاتغلطون غلطتي
وخري عن شي اسمه معهد


سمعي نصائح الخليفي عن طريقة التعامل مع الأولاد ..... خليه يعتمد على نفسه بالبيت ...... خليه يشغل مخه بالبيت ويحاول يحل ..... راح يغلط اول مرة وثاني وثالث مرة ..... بعدين راح يعرف من نفسه طريقة الحل ..... اخر شي انتي قعدي معاه ساعه وساعديه ...( ها... شنو الشي اللي ماعرفت تحله انا اساعدك ) ...... اذا كبروا وفي مادة صعبة عليك انتي كأم وماتعرفين تدرسينها له .... قوليله اتصل على طالب شاطر يساعدك ..... واسوء حل احضري له مدرسة للبيت تدرسه عندك أمام عينك ...... وقوليله هذي فقط للضرورة وقاعد اعطيها فلوس ترى بعدين انت ادرس بروحك ( علشان مايتعود عليها بعد) وبعدين شدعوة بالمدرسة معقوله كل المدرسين موزينيين ...... كلهم كلهم مايشرحون عدل !!!! مو منطقي يمكن مادة او مادتين ..... الباقي يعتمد على الطالب نفسه ..... اذا يدري ان العصر في احد راح يعطيه الشغل جاهز .... وفي احد راح يحلله الواجب العصر ...... ماراح يركز وقت الحصة الصبح ...... يعني لاتقطون اللوم كله على المدرسين ..... هم عيالنا بصراحة اتكالين مايركزون بالحصة ومايعتمدون على نفسهم ...... واحنا قاعد نساعدهم على هالشي ......

الولد او البنت و اهما صغار مثل العجينة بإيدك ...... انتي تشكلينها على كيفك ....... لا تعلمينه الاتكالية منذ الصغر ..... لان بعدين اذا كبر مايعرف يعتمد على نفسه وراح يصير أضحوكه
ضعي نقطة في بالك :

المدارس عليها رقابة ورقابة شديدة ......... مع هذا مو سالمين
لكن المعاهد ..... ليس عليها رقابة بالمرة .... من جميع النواحي الاخلاقية والاكاديمية ...... سواء اختلاط او عدم اختلاط .... الفساد موجود ..... واهم هدفهم الاساسي الربح المادي خصوصا من الكويتيين

 

[كويتية صغيرة]

وبعدين في نقطة مهمة:

ليش الا لازم غصب نبي عيالنا متفوقين !!!!!!!!
شنو راح يصير اذا مستواه وسط .... اهم شي التأسيس انه متأسس صح .... الباقي يعتمد على الطالب نفسه ..... الطلاب قدرات
تخيلي اذا الطالب بالمدرسة 7 ساعات ..... يرجع العصر من 4 الى 8 بالمعهد 4 ساعات .... بعدها يرجع على طول يتعشي وينام .......

متى يرتاح الطالب .... متى انتي كأم تقعدين معاه تسولفين معاه ؟ ...... متى يلعب مع اخوانه او يقعد معاك ؟ حتى الدراسة راح يكرهها وراح يمل

انتي ساعديه وقسمي وقته ساعة لعب بعدها حل واجبات ..... بعدها نص ساعة لعب مثلا ..... بعدها يدرس ساعتين باليوم كافي و بعدين قعدي معاه سولفي شوي

ترى التربية والاخلاق وعلاقتك بولدك او بنتك ...... اهم من الدراسة

 

[كويتية صغيرة]

بعد أخذ الإذن من صاحبة الموضوع

ولان الموضوع بصراحة خطير و صار تجارة في السنوات الأخيرة وزاد بشكل ملحوظ في الجرائد الاعلانية

ولحرصي على عيالكم وتوعيه الأمهات .....

ولان الموضوع حارني وفيه استغلال للكويتيين


سأنسخ ردي في موضوع مستقل ......لانه أعتقد لم يأخذ الموضوع حقه في النقاش

بعد إذنكم لأخواتي طبعا


مع بعض التعديلات

 

[غير كل الناس]

بقولكم سالفتي اللي حرمت اودي بناتي حق هالنوع من المعاهد

مدحت لي وحده معهد في حولي نظام الساعه والساعه ب 3 او 4 دنانير علي حسب المرحله ورحت وماكنت اخليهم اقعد انطرهم داخل المعهد لين يخلصون وعباره عن شقتين نظام غرف وكل مدرس مع بنت او بنتين احيانا 3

المهم احنا تونا ساكنين بيتنا ويمي بيت ينبني ماخلص وانزعجنا من الفيران ويقوم ا بو العيال ويطلب من شركه مكافحه القوارض اللي يرشون البيوت دوا يموت الحشرات والفيران والخ

ويجيني هذاك الواحد اللي يرش بيتنا من هالدوا علشان نرتاح من هالفيران

وهذاك اليوم البنات عندهم معهد وقلت لابوهم تكفا انا تعبانه والبنت عندها امتحان رياضيات ودها وقعد معاها وكان اول يوم يروح المعهد راح مع البنت وطلب مدرس قالو اقعد الحين يوصل المدرس

ودخل المدرس وهني كانت الصدمه والرعب

المدرس اهو نفسه العامل اللي رش البيت من دوا مكافحه الحشرات

ويغوله ابو العيال يالنصاب يابو الفيران صرت مدرس رياضيات الحين لا ونفس القميص المقلم مالك من الصبح حتي قميصك حده ملوث

وهذي السالفه الله يسلمكم​

 

[برونزية رشيقة]

الحمد لله انا مجابلة بناتي وادرسهم وللحين أوكي وانشالله ما احتاج هالمراكز يارب لاني ما أايدها كلش ولا ارتاح لها ​

يمكن عيالج للحين بالمراحل الابتدائية .. تدريسهم سهل عليج بس كل ما كبروا راح تتصعب هالمراحل ..

الله لا يحوجنا حق هالمراكز أللي تستغل حاجة الناس:bbbiu::bbbiu::bbbiu:

 

[برونزية رشيقة]

عندي لكم نصيحة ... جمعية المعلمين يسوون دورات بـ الصيف على شهر 8 ... يدرسون الطلبة المنهج كااااااااااااااااامل مال السنة كلها ... و الاسعار رمزية بحدود 10- 15 دينار عـ المادة الوحدة لمدة شهر كامل .. متخيلين الفرق ؟ و المدرسين يكونون من وزارة التربية مختارينهم و يدرسون حق نفس المراحل يعني ايبوون لكم مدرس متوسط يشرح مادة المتوسط و الخ ...


اذا كلش كلش ما لحقتو على هذوول ... بـ فترة الدوام جمعية المعلمين يسوون مركز تقوية اسمه مركز رعاية المتعلمين .. يكون حزت المغرب .. و نفس الطرييقة ايبون مدرسين معتمدين من الوزارة .. و يدرسون المواد كل اسبوع بـ اسبوعه ..و هم نفس الشي الاسعار رمزية .. المادة الوحدة 25 دينار حق كورس كامل .. يعني السنة كلها بـ 50 دينار ...



و الاثنين يعطون الطلبة نوتات و ملخصات و اوراق عمل .. و تلقين اخبارهم بـ نشرات تتوزع في المدارس او بـ الجرايد ..

مشكوووووووووووورة حبيبتي عالنصيحة:yaaaaaarb:

يا ليت الأخت الصابرة المحتسبة تحط لنا معلومات عن جمعية المعلمين وطريقة الاشتراك بدوراتهم ..

أو أخبارهم في موضوعها مال أخبار الجرايد اليومية الخاص بأولياء الأمور:eh_s(22):