ولد صديقتى يتحرش فى بنتى

[كيت كات]

السلام عليكم
اختي
انا مو قاعدة اشوف الشي اللي انتي ذكرتيه تحرش جنسي الله يكافينا وياكم الشر
ترا هالكلمة كبييييييييييييييرة خاصة بالاطفال
بعدين اهو سنه صغير ومو من الشارع يايلج اهو ولد رفيجتج يعني عارفه اخلاقها
ومن اخلاقها يبطلع الولد ....الولد لم البنت حضنها فقصها رعصها شدها او شل حركتها
كله معنى واحد
يلعب وهذي اعتقد انها طريقة لعبه ولمن شافج واختبص ...لانه اهو شال حركتها او مقيدها ومزعج البنت
فخاف منج استحاااااااااااااااله فاهم ان اللي يسويه تحرش جنسي ياربي هالحركة وين والتحرش وين
تعوذي من ابليس وقولي للولد نفسه حبيبي الشاطر لاتسوي جذي مرة ثانية وبس
اتمنى اني اكون فدتج

 

[0(مـــســـ(مطير)ــــــك)0]

وييييييييييييييييييييييييييييييييييييييه بناااااااااااااااااااااااات شفيكم

انا ادرس علم اجتماع وعلم نفس ؟؟؟

اللي صار شي عادي شفيكم

يااختي لاتكبيرين السالفه خلااااااااااااص السالفه عاديه بنتج صغيره وبهالعمر لايصير عقد ولاشي

لاتفهمينها ولا شي

ولا حتى تقولين لرفيجتج صدقيني بتخسرينها لان ولدها اغلى منج بواجد واستحاله تخليه بروحه وتزورج

انتي ديري بالج على بناتج ومري عليهم كل شوي

والولد نفسه صغير يعني بيخاف ويلعب وينسى عادي ...

وخلي الخدامات عندهم وهاوشي خدامتج وفهميها تراقب بناتج وانج ان طبيتي عليها وشفتيها لاهيه

بتسفرينها ولابتخصمين منها ولا اي شي المهم هدديها

وديري بالج تقولين لها شي خوفج تقول لخدامة رفيجتج وهذيك تقول لرفيجتج

ويصير موقفج مو شي ورفيجتج مو مرغوب فيها .

اتمنى قدرت اوصل فكرتي لج ........ بس اكرر عليج مره ثانيه لاتفتحين عيون عيالج على سوالف هم بغنى

عنها وتنتهكين طفولتهم خليها صغيره وتعيش عمرها ..

والله يخليلج عيالج ويحفظهم

 

[جوك احلى جو]

قوليلها خو خليلعب مع شباب مو بنيه ديري بالج هالشغلات مايصير تتغاضين عنها واذا كنتي خايفه علي علاقتج لاتخلينها تدش بيتكم 24 ساعه هم غلط ترا لا تعودينها وبنتج لاتخلينها معاه ديري باااااااااااااااااااااااااالج احسن ماتندمين بعدها

 

[lo0lo0]

خوش والله
حبيبتي هذي بنتج وبنتج اهم من رفيجتج
اذا رفيجتج بتزعل كيفها لانه بنتج اذا كبرت واهيه في بالها الشي هذا وتدري انج ساكته عمرها ماراح تسامحج

انا مع نونو جين والله انها صاجه
والله لا رفيجتي ولا من يحزنون اهم ما علي بنتي باجر اذا كبرت راح تتعود على هالشي هذا وتسويه مع اي احد يحاول يلمسها وبعدين اذا هذي رفيجتج وتمونين عليها راح تتفهم قولي لها ولا تييب ولدها معاها

ترى اليهال نعمه وامااااااااااااااااااااااااااانه لازم نحافظ عليهااا

 

[جوزاء]

مثل هذا الشي مايجوز تسكتين عنه

بعدين تخافين ع شعورها وبنتج ماخفتي عليها

وبعدين قوليلها اذا تقبلت كان بها واذا رفضت كيفها

وتقبلي مروري

 

[شيهانه]

انا لو دخلت الداار وشفت ولد يتحرش ابنتي اعطيه كف اصطار اصطارين شيفكه من ايدي يأدبه ويخليه يتأدب اذا اهله مو مربينه الناس اتربيه ..

وتخافين على شعور صديقتك وما تخافين على بنتك .. ليش الناس ابدى من بناتك ؟؟

 

[غربــــة اِحساس]

عمره سبع سنوات ويعرف هالسوالف ؟؟

شكله يشوف اهله او لقطات مو حلوة بالتلفزيون

بنتج أهم من رفيجتج

بالعكس صارحيها عشان تنتبه لولدها

والله يستر على الجميع ..

 

[:: Diva ::]

خلي البنوته عندج

 

[توت عنكبوت]

لا تسكتين عن الموضوع وبعدي بنتج حزت زوارة رفيجتج اذا ما تبين تزعلينها

 

[ام 4 بنات]

شيهانه وعزلان ونو وى والقران ربيع القلب وجوك و لولو وكويت و جوزاء حبيباتى مشكورين عالمرور

بس انا ماقصرت بالولد والله لا يوريج هاليوم فشلته وكان خايف لدرجة انه يقول لاتقولين لأمى تكفين خالتى

هذا معناه انة فاهم شقاعد يسوى ياكتكات الولد عارف شقاعد يسوى حتى ملامح ويهه متغيرة وانا

الاعشان شغله وحدة سبحان الله والله بغيت اخربها واللى فيها فيها بس ماهانت على رفيجتى ترى

نادر والولد خذا حقة منى وزيادة انا اتوقع ذيج الليله مانام من الخرعة غير جذية صارلى فترة قاطعة عنها بس

التلفون اتعذر منا كل مرة بنتى ياناس تسوى الدنيا ومافيها وماتهون على بس بلحظة الغضب الواحد ممكن

يخورها واكبر الغلاقات تخرب وتتنتهى بأتفه الأسباب من الغضب وبالنسبة لبنتى موفاهمة شصاير عبالها

يتميلق عليها مايبها تلعب​

 

[a7la tooota]

لو تكلمين رفيجتج أحسن وتقولينلها تكلم ولدها وتفهمه انه التصرف هذا غلط ,, وحاولي تفصلين البنات عن الصبيان لما يلعبون لأنه في يهال مخهم فااهم بهالسوالف ,, واتمنى اني فدتج ..

 

[السموو]

اولا بنتج اهم من رفيجتج
وإذا كنتي خايفة على زعلها إذا قالتلج بجي ودي بنتج عند امج او خليها جدام عينج بالصالة وقفلي غرفتها
وقولي جدام رفيجتج انها غلطت وانا قاعدة اعاقبها حاولي تخلينهم جدام عينج على طول ديري بالج تخلينهم بروحهم.
حبيبتي لاتصتصغرين السالفة ترى السالفة كبيرة ممكن تأثر على نفسية بنتج إذا كبرت او تفتح عيونها مبجر على هالشغلات
وما تدرين يمكن يتمادى أكثر بحركاته ومو حلوة تروح تقول حق ابوها وتالي يلومج
واللع يعينج يالغالية

 

[حمام شاقني فنه]

كلمي رفيجتج عشاان بنتج وعشاان الولد الولد مبين شاايف شي لازم الام تربي ولدها وتنتبه له قبل يفوت الفوت خلها تربيه دامه توه ضغيير خليها تورييه الطرييج السوي قبل ينحرف

تبلييغ الام فييه مصلحه للولد وبنتج

مااتوقع بتزعل لانه فيه مصلحه للولد

توكلي ووقوللي لها

 

[أخت مشعل]

تدرين اذا جتك مره هي وعيالها قوولي لها شوفي الجهال لايكسروون شئ انا برووح المطبخ وبجيب الحلو او اي شئ

وخليها ترووح يمكن تشووف ولدها وهو يتحرش ببنتك وتتفاهم معاه ياتخليه بالبيت والا ماتخليه يقررب من بنتك

واذا عندك اعترااض قوولي لي علشان اعطيك حل ثاني

 

[ArEEj]

أستغفر الله الصبي مسكين عمره 7 سنين
وين يفهم هالسوالف
ترى يلمها يعبر عن حبه عادي يعنى
التحرش الجنسي مو يحضنها ويلمها
التحرش الجنسي اقوى من جذى
صح حطي عينج على بنتج بس احسني النيه ولا تظنين السوء بالولد ما أعتقد بالعمر هذا يفهمون هالسوالف ابدا

 

[رشيقه]

خليهم يلعبون جدامكم ليش مخليتهم بالدار بروحهم!!!!

 

[أم روعة]

كلميها أذا زعلت ما عندها سالفه والزم ما عليج بنتج
والحق ما ينزعل منه و هالسوالف ما فيها غشمره

 

[ام جراح 2]

امبي لا انتي من صجج علي فكره هالاشياء الي تكون واهي صغيرة عمرها ما تروح وتم معاها ليما تكبر وتتعقد البنية وكلمي رفيجتج اشكرا لا تحطمين البنية كيفها مو لازم ترضا

 

[Fantazya]

شوفي اختي

اولا الولد مو كبير حيل
وترى يمكن مو قصده اللي في بالج ترى تاثير التلفزيون على اليهال الله يكافينا انشاله
انا من رايي تمسكين الولد يعني بالزياره
وتقولين له لأ جذي غلط وهذي اختك عيب جذي
الله بيوديك النار وجذي من هالسوالف اللي تحوف اليهال
واذا الولد ما تاب تقولين حق امه - رفيجتج - بس مو واهي عندج علشان لا تحرجينها
لما تكونون مع بعض بروحكم مو وقت الزياره
تبدين جذي باسلوب تحسين انها مثثلا رح تتقبله منج
يعني اول شي سولفي بشكل عام عن الرقابه على اليهال لما يطالعون التلفزيون
بكلام ديني جذي
وبعدين على شوي شوي قولي لها انا شفت ولدج يلم بنتي
اكيد هو شايف هالشي بالتلفزيون وانا حاجيته بس عادها
وحلفيها انها ما تطقه - على اساس انج خايفه على ولدها- هالنقطة اهي رح تقدرها
وجذي
والله يوفقكج وييسر امورج

 

[كعيب الضبي]

الله يستر على بناتنا وعيالنا
لا علمي رفيجتج بس باسلوب