ولد صديقتى يتحرش فى بنتى

[gazl~q8]

لاحبيبتي لاتسكتين اهم ماعليج بنتج باجر الله لايقوله يسوي شي اكبر من جذي شتسوين عقبها

بتندمين كلمي رفيجتج بااسوب حلو ودامج معاها حيل فهميها الموضوع والولد لايفتح عيون بنتج على اشياء ماتعرفها!!

والله يعينج انشاءالله..

 

[baby rose2]

حياتي لا تصيرين من الامهات اللي جذي خايفه على زوجها على رفيجتها على مدري منو هاذي ضناج ماجبتيها عشان تعذبينها انتي على بالج ماراح تذكر صدقيني الطفل مايذكر من طفولته غير هالاشياء , فبطقاق برفيجتج ولا تحريني اعيالج هم اللي بيشلونج والا يهملونج مثل ما راعيتي شعور رفيجتج وهملتيهم واسمحيلي اذا تنرفزت

 

[le3bah]

والله شوفي انتي الحين عندج مشكلتين بنتج وولد رفيجتج هذا اذا كان يهمج يعني بنتج لاتخلينها معاه ولا مع غيره بروحهم لو شيصير بس لاتكلمينها وتفتحين عينها توها صغيرة اما الولد كلمي أمه باسلوب بسيط وهادي وحلفيها انها ماتطقه بس لازم تنتبه له وتراقبه حرام وحيدها باجر يتعود على هالأشياءالله يحفظ عيالنا من كل شر 00صدقوني خواتي كله من الفضائيات00وآسفة على الاطالة

 

[المحيلبية]

الصراحه شي غريب !!! دربالج على بنتج مالج شغل فيها , لاتخلينهم يقعدون بمكان واحد نفس الوقت !

 

[نماين]

الله يعينك

حاولي تفصلين بين البنات والصبيان باللعب

 

[منوووووله]

لازم اتقوليلها عشان اهياا بعد اتحافظ على تصرفات ولدها ؟

 

[قلب نواف]

من رايي اقول لرفيجتي بطريقة ذربة مثلااااا ان زارتني اقولها من كم يوم وانا ماانام من شفت الموقف واقولها شفت فلانة و فلان


بس باسلوب ما ينرفزها اسلوووب ام خايفة على اعيالها حتة اهو ولدج

 

[بيبي أم بيبي]

اهم شي البنية والله

 

[**أم السنع**]

الله يعينج حبيبتي على هالموقف آنا برايي تكلمين رفيجتج ان هالموقف صار لوحدة ثانية موانتي وبنتج وشوفي ردة فعلها
واذا خلصت من كلامها قوليلها الصج علشان تحكم على الموقف بدون عصبية وصدمة لأن الولد وحيدها وانتي مبين عليج شاريه رفيجتج وما تبين تخسرينها

 

[Snow angel]

شوفي يا قلبي اهم شيء لا تبينين للبنت ان هذا عيب وغلط وبعدين اذا تكرر الموقف وعندك ناس كثير بتقول فلان سوا لي حركة عيب وغلط

انتي راقبي بس من بعيد لبعيد واليوم اللي بتجي صاحبتك خليهم يلعبون قدامكم

وبعدين الولد صغير 7 سنوات مره صغير معقول يعرف اشياء غلط وتحرشات يمكن لان ما عنده خوات او اخوان صغار وهو بس الوحيد بالبيت فيشوف اي طفل او طفله اصغر منه بيبي وبيحطه في حضنه ويلعب معه

حاكي صديقتك مافيها شيء بس بطريقه غير مباشره الولد لازم يلتهي بشيء نوادي قراية لعبة يتمسك فيها عشان ما يدور اشياء ثانيه

وحاولي تروحي لمحل العاب واشتري لهم لعبة جماعيه تلهيهم عن هالحركات وما تكون لعبه ممله تكون حلوه وفيها اكشن

مافي الا العافيه ولا تخافين على بنتك ولا تبينين له نهائيا ان هذا عيييييييييييييييييب كذا تتعقد

 

[خاشووقه]

الله يعينج
بس حطي بالج على بنتج
ترى اذا البنت كبرت وهالشغلات في بالها مشكله
ومخ الياهل يخزن
وانتي اذا قلتي حق رفيجتج هالشي ما يزعل لازم تحط بالها على ولدها
اذا 7 سنين و يسوي جذيه اذا كبر شنوو بسوي ؟

 

[om mariam]

الله يكون بعونج يارب
بس اعيالج اهم شي بالدنيا ومو مهم اي احد ثاني
ولازم تقولين لها علشان تعرف شفي ولدها يمكن مريض ولا شي علشان تعالجه او شايف شي
الله يكون بعونها اهي بعد يارب

 

[هبووونة]

حبيبتي هالموضوع ما ينسكت عنه وخطير


هالشغلة تكبر شوي شوي


ما اقولج خسري رفيجتج لكن كلميها بالعقل ولمنطق واذا راح تزعل فاسمحيلي ماعندها سالفة


اهم شي انج تاكدين انه هالشي ماراح يتكرر لبنتتج


والله يكون بعونج انشالله

 

[كندية]

السلام عليكم
اختي
انا مو قاعدة اشوف الشي اللي انتي ذكرتيه تحرش جنسي الله يكافينا وياكم الشر
ترا هالكلمة كبييييييييييييييرة خاصة بالاطفال
بعدين اهو سنه صغير ومو من الشارع يايلج اهو ولد رفيجتج يعني عارفه اخلاقها
ومن اخلاقها يبطلع الولد ....الولد لم البنت حضنها فقصها رعصها شدها او شل حركتها
كله معنى واحد
يلعب وهذي اعتقد انها طريقة لعبه ولمن شافج واختبص ...لانه اهو شال حركتها او مقيدها ومزعج البنت
فخاف منج استحاااااااااااااااله فاهم ان اللي يسويه تحرش جنسي ياربي هالحركة وين والتحرش وين
تعوذي من ابليس وقولي للولد نفسه حبيبي الشاطر لاتسوي جذي مرة ثانية وبس
اتمنى اني اكون فدتج

وييييييييييييييييييييييييييييييييييييييه بناااااااااااااااااااااااات شفيكم

انا ادرس علم اجتماع وعلم نفس ؟؟؟

اللي صار شي عادي شفيكم

يااختي لاتكبيرين السالفه خلااااااااااااص السالفه عاديه بنتج صغيره وبهالعمر لايصير عقد ولاشي

لاتفهمينها ولا شي

ولا حتى تقولين لرفيجتج صدقيني بتخسرينها لان ولدها اغلى منج بواجد واستحاله تخليه بروحه وتزورج

انتي ديري بالج على بناتج ومري عليهم كل شوي

والولد نفسه صغير يعني بيخاف ويلعب وينسى عادي ...

وخلي الخدامات عندهم وهاوشي خدامتج وفهميها تراقب بناتج وانج ان طبيتي عليها وشفتيها لاهيه

بتسفرينها ولابتخصمين منها ولا اي شي المهم هدديها

وديري بالج تقولين لها شي خوفج تقول لخدامة رفيجتج وهذيك تقول لرفيجتج

ويصير موقفج مو شي ورفيجتج مو مرغوب فيها .

اتمنى قدرت اوصل فكرتي لج ........ بس اكرر عليج مره ثانيه لاتفتحين عيون عيالج على سوالف هم بغنى

عنها وتنتهكين طفولتهم خليها صغيره وتعيش عمرها ..

والله يخليلج عيالج ويحفظهم

انا معاااهم بهذي الشغله التحرش الجنسي غير واللعب غيير...وانتي قلتي حضنهااا ترى في فرق كبير...انتي انتبهي علييهم وشوفي تصرفااته...قبل لا تتكلمييين مع البنيه ويمكن تصير مشاااكل اكبر ​

 

[sweet.sweet]

لا تخلين بنتج تكون في البيت لما بتي جم مره علشان ما تييبه وياها لانه اذا ما في احد بيتملل وماراح ايي ...او عندي لج فكره تعرفين اليهال دايما اي شي يصير يسولفونه جدام لكبار فقولي لها انه بنتج قاعده تسولف مع ابوها ولا تقوله انه ولدج سوا جذي خو اليهال ياشرون بيدينهم ولا ريلج تضايق وقال جم عمره واشلون جذي وقولي لها انج انتي شفتيه مره وبنتج هم قالت لج وبس جذي ماراح تييبه

 

[معلمة روضه]

أمبيه انتي من صجك؟

يا حافظ شنو هالخيال الخصب؟؟؟


طفله ام 3 سنوات!!!!

وطفل ابو 7 سنين!!


وين التحرش الجنسي اللي يبي يصير؟؟

بالعقل اختى الولد جدامه درب كبير لحد ما يبلغ وبنتج بعد


وانتي بتعقدين بنتج إن قلتي لها هالشي غلط ومايصير

الف بالميه الولد يحب البنت لكونها اصغر منه ويمثل دور المسؤوليه يعني كأنه ابوها

اختى خيالج الجامح ركديه

انا خبره بالاطفال بهالاعمار واقوووولج بصريح العباره فكرتج غلط في غلط

ولا تخلينهم ينتبهون للمغزى اللي في راسج