وناستنا في رشاقتنا يعود بقوة بالجزء الرابع

[mn.mn]

رسيل مشكورة على الطلة الحلوة وربي يوفق الجميع

ايمي حلو رجيمج وان شاء الله تلقين نتيجة ترضيج

ام فجور هلا والله حبيبتي ان شاء الله تردين دوامج وترتاحين الله يعينج بس اهم شي التزمي بالرجيم

حبي أغلى الناس حياج الله حبيبتي وناطرين مشاركاتج كلنا بحاجة التشجيع

 

[teenaa]

منمن انشالله تنزلين بس قولي جم تبين ؟؟

انا كبدايه ودي اب 69
وبعدها 65
وبعدها 60 وبس راح اعيش عيشت الملووووووووووك

 

[بــ زايد ــنت]

صباح الخير

شحالكم شخباركم

من من وحشتيني شخبارج فديتج عاش من شافج


اخيرا بطلتو الجزء الرابع والله كل يومين ادش اشوف بطلتو التجمع والا لا

انا معاكم قلبا وقالبا وبقوه

 

[mn.mn]

تينا انا حاليا ابي اكون على نهاية شهر واحد واصلة 75 تالي شهر 2 بسويه تثبيت

وان شاء الله من شهر 3 راح ارد اكمل لين اوصل على الاقل 65 واذا قدرت 60 خير وبركة ليش لا

بنت زاااااااااايد هلا والله هلا شلونج حبيبتي وشخبارج ؟؟؟؟؟؟؟

اكيد التجمع ينوووووور فيج بعد عمري والله لج وحشة هاااااااااااااااااااااااااااااالكبر

 

[بــ زايد ــنت]

تسلمين يالغاليه منور باصحابه

والله انتي اكثر

ان شاء الله هالمره اوفي بوعدي لنفسي والتزم التزام تام وما اخربط

ان شاء الله

الحين اخليك بما ان عندنا الفجر بسير اصلي واحط راسي شوي لين الساعه 10

واليوم صايمه يعني بدش الظهر اسولف وياكم شوي الحين دايخه بس قلت لازم اوثق دخولي عندكم هههه

 

[mn.mn]

يا بعد قلبي لا ان شاء الله هالمرة تكون غير بس لي متى واحنا نأجل ونقول باجر وباجر

انا كل ما أتذكر اني من 6شهور وانا على نفس الوزن يضيق خلقي بس هم الحمد الله على كل حال

الله وياج نوم العوافي وتقبل الله طاعتج

 

[Ashoka]

السلام عليكم ورحمة الله وبركاته

اهلييين من من واااي انا من زماان اتابعكم من بعيد لي بعيد وحمدلله حزات انزل وارد لوول

الفتره يالي رديت فيها يالي نزلته كانت لما قطعت النت واللحين راده وبقوه وان شاء الله نحط ايدنا بأيد بعض ونشد حيلنا

ودام اني اشتركت بنادي بعد وهدفي مني لي شهر فبراير 70 كيلو

ها من من تبين نسوي تحدي بينا

بس جان زين يكون كل اسبوع الميزان وان شاء الله افيدكم وتفيدوني يارب

 

[روعة خيال]

هاي منمن شخبارج شمسويه؟
ونااأسة سويتي تجمع يديد
يلا إن شاء الله معاكم بس ابيكم تعذروني ماراح ادش وايد لأن الفاينل بلش
وزني اعطيج إياه باجر الصبح إن شاء الله
يلا حياتي عن اذنكم

 

[بطة رشيقة]

موفقه منمن حبيبتى انا بكون وياج فى الدوانيه وبااازرج واشجعج وسواء كنت معاج فى رجيم المطوع او ماكنت بس انا وياج مشتركه بنفس الحلم ..

 

[eemee]

صباح الخير يا قروب الخير تريقت موكا مع 3 تمرات والغدا ما ادري ليلحين يمكن دجاج بالخضره

 

[mn.mn]

هلا والله اشوكا خلاص نخلي التحدي بينا انا ان شاء الله باجر بوزن ويوم الميزان تبونه كل أحد ولا كل سبت ؟

بطبط يا بعد عمري والله ربي لايحرمنا من بعض وان شاء الله نتم مع بعض علطول حتى لو تحقق حلم الرشاقة

روعة حياج الله يا قلبي وربي يسهل عليج امتحاناتج

ايمي بالعافية الريوق

الحين باخذ سناكي قهوة 3 في 1 والغدا راح يكون سلطة و2 همبرجر

 

[teenaa]

عوااااااااافي منمن



انا غداي توست وجبن وطماط وخس وتيركي بالشوايه يمي يمي ويمكن مع دايت

وبس الحمدلله عالنعمه

 

[mn.mn]

الله يعافيج تينا انتي بعد بالعافية عليج غداج

 

[روعة خيال]

آنا صاااايمة

و فطووري لي الحين ما قررت بنات عفيه شتنصحووووني فيه؟؟

 

[mn.mn]

هلا والله روعة وتقبل الله طاعتج

الفطور خليه 3 تمرات ولبن وشوربة وسلطة وشي مشوي او صمونة أمريكانا

انا تغديت سلطة و2 همبرجر والحين خذيت سناكي ككاو وسط وقهوة عربية

العشا لي الحين ما قررت

 

[mn.mn]

ملوووووووووووووك هلا والله هلا بالغالية نووووووووووور التجمع بهالطلة الحلووووة

اي والله مصخناااااااها حدنا بس ان شاء الله هالمرة غير لا تحاتين انا خلاص قررت اني ما اقطع الرجيم

اذا حسيت اني مالة بسوي تثبيت وبعدها ارد ابدي من يديد ربي بس يسهل علينا وربي يتمم لج وتتمتعين بالرشاقة الابدية بصحة وعافية

------------------------------------------------------------------------------

رحت مع الياهال برجر كنج البحر تعشينا ولعبوا وعشاي كان وابر دياي بدووون مايونيز وشلت قطعة الصمونة اللي تحت

طبعا هذا الخيار من ضمن الرجيم وممكن اخليه مرتين خلال الاسبوع والرياضة يمكن اسوي تمرين المعدة وألعب على القرص

 

[بــ زايد ــنت]

مساء الخير

شحالكم يالعرب

كيف امسيتو



اليوم بما اني صايمه فطرت على لبن وتمرتين

صليت وبعدين شربت شوربه كنور بالبروكلي وبس

الحين يوعانه ماعرف شو اكل بشو تنصحوني بما ان الساعه 9 ونص

 

[روح مغليهآ]

قوة بنات شلونكم
امس خففت شوي
واليوم ببدا بالجد واهم شي الرياضه المشكله الجو ينوم بس بضغط على نفسي

 

[Loving Stella]

صباح الخير لكم جميعا
عسى تتذكروني ؟؟ غبت عنكم فتره طويللللللللللللله و ياليتني ماغبت والله زدت للأسف بس انا قدها باذن الله راجعه و بقوه للاراده باذن الله
ولهت عليكم كلكم والله و على تشجيعكم لي .. و على سوالفكم الحلوه
انا لابتوبي اخترب و ماقمت اطل وايد ... و من العيد تقريبا ماكنت ملتزمه يعني شهر و نص و انا يومين تخربط و يوم رجيم .. و هالشي عفسني
المهم شلونكم جميعا من من مبروك الافتتاح يارب يكون خير عليج و علينا و ننزل بصحه و عافيه اللهم امين
ايمي و تينا و روعه وبطه رشيقه و كل البنات من غير استثناء شخباركم و عسكم كلكم بخير صج ولهت عليكم

روعه خيال .. في جمله قلتيها وصلتني عالايميل انه لازم اذا برجع الفضل لربي سبحانه نكتب بفضل الله (ثم) دكتوري .... انا وصلتني عالايميل و قمت كله اكتبها جذي سبحان الله بعد فا حبيت اقولج عنها حبيبتي

 

[mn.mn]

صبااااااااااااااااح الخير

ملوك زين تسوين خلج علطول جذي محافظة حرام يروح تعب الشهور اللي طافت

حبي ان شاء الله اليوم تبدين تلتزمين 100 %

ستيلااااااااااااااا هلا والله حبيبتي حياج الله وميخالف كل شي يتعوض خلج معانا لا تقطعين

-------------------------------------------------------

اليوم وزني 79.3

وريوقي حليب مع نسكافيه عقب راح آكل 3 شابورات مع جاي