ويع اعقيدي لابس دشداشه

[ريـمـآأن..}]

الحين إذا شيوخنا الله يحفظهم لبسوا دشاديش صاروا عقيدي وكخه..خخخخخ الحمدلله والشكر

يبه الدشداشه رمز الرجوله والوطنيه والكشخه بعد

وهم اللبس السبور حلو بس مو بكل وقت..

:rerrerek:

مششكوره اختي على الموضوع

 

[عاشقة هواك]

بالعكس حلاته تي شيرت

 

[kuwait_queen82]

انا براي بلعكس الدشداشه رزه و تعطي الريال هيبه اكثر من البدل الي اول ماتشوفينه تقولين فلسطين مو مصدق عمره لابس بدله
و البنات الي يقولون شخباير ناس تفكيره محدود اتفكر بالمظهر الخارجي اكثر من المضمون و ارد عليهم و اقول ترى الي ماله اول ماله تالي الله يرحم ايام اول الي لو لكويتي لبس بدله قاللوه شنو انت فلسطيني حتى يفتشل يلبس بدله بعدها ؟
الله يا حلات الرمانسيه هذي الي تبي ريلها يلبسلها بدله ابعرسها غلطااااااااااانه ماتبي بعد يكتب بطاقه الدعوه كفنكغ تالتنغ و نور

 

[عطورات المطيري]

بالنسبه لي افضل الدشاشه
ارز ولانها من تقاليد المفروض انا نعتز فيها
وااحبها لما تكون ع اليهال الصغار
اشوفهاا حلووه تهبل عليهم
بالنسبه لشباب تعطيهك هيبه ورزه بلا الجيينزات والشورتات والركب اسسسود الي مطلعينها لنا

 

[الحياه أحلى]

لآ شكو عقيدي بالعكسسس بعضهم يدوخون بالدشداشه وبعضهم بالسببور أحلى يعني هييك وهييك

 

[هواجيس الفجر]

يا حلووو الدشداشه والله رزة و هيبه و رجوله

 

[ياحُبِي لِلكويت]

ردي على اللي يسمونه عقيدي اللي يلبس دشدااشه دامه عقد وليه بالمناسبات وبالاعياد وبالرسميات يلبس الرجال الدشدااشه دليل لها هيبه ورزه وثقل ... بدل السبورت والكرفته وغيره لها وقت وحلو التغير بس مااينقال عنهم عقد ^-^

 

[عاشقة الاسلام]

نعم عقيدي؟
لانه يلبس دشداشه وقترة وعقال وهذا اللبس الوطني تخيلو ان اللي يقول عن اللبس الوطني اللي اهو لبس ولاة الامر من الاشيوخ والامراء صار عقيدي

ابتلشنى اللي ماعندهم دوانية ولا عندهم سند صارو يغلطون حتى على ولاة الامر

الدشداشه والغتره والشماغ والعقال هذا لبس وطني وكل بلد بالعالم يحافظ على هويته ولباسه
او تبينا نلبس بدله من غير كرفته لانها الكرفته حرام وتشبه بالغرب وتشبه بالشيطان الاكبر امريكا واسرائيل مثل ما تعتقدين

 

[أحبج يمه]

بالعكس آنا غرامي شي اسمه دشداشة احسها تخلي الريال له هيبة و زقرتي وسكبة خصوصا لي لبس الغترة ولا الشماغ الابيض وحط له دهن عوود وتبخر أيباااه والله أحلى شي

 

[احلى لعوبة]

انا من راااااااي الدشداااااشه الزي الرسمي للكويتي وبالعكس افتخر لما اشووووف عيااال ديرتي يلبسووونها لها هيبتها وصراااحه لا تعليق علىالي تقووول عقيدي تقبلي مروري

 

[آيام السرآب]

والله تبغين الصدق حلاه الرجال يكون مرسم بالثوب والشماغ وريحه العود بكل مكان صراحه اشوفه كشخه والسبورت حلو بس له اوقاته -بس كلمه عقيدي مافهمتها !!
شكراً لصاحبه الموضوع

 

[el7ob Klah]

الدشداشه لها هيبتها

احس الريال اذا لبسها يصير شكله ثقيييل

جان زين ريلي كله يلبس دشداشه

بس اهو مايحب يقول ماياخذ راحته بالحركه وايد

الي يقولون عقيدي يمكن قصدهم عن الي مخصرين الدشداشه وتحسينها وصخه

ولا اذا عشان دشداشه وبس عيل ابهاتهم شنو يلبسون شورتات

 

[el7ob Klah]

بس كلمه عقيدي مافهمتها !!
شكراً لصاحبه الموضوع

بعد اذن صاحبه الموضوع

عقيدي يعني قروي بالسعودي و بيئه بالمصري :eh_s(22):

 

[Shiyo0o5a]

منوووورين حبيباتي والله

ما قصرتوا بأراءكم

اي والله يا حلاته اذا لبس الدشداشه وريحت العود فاحه منه يا ويليييييي لوووووووووووول


وصح فيه اوقات تلزم الريال يلبس السبورت


وصدقتو انه فيه ناس شوهو صورت الدشداشه بطريقة لبسهم الخايسه



ومشكوووره حبيبتي ( الحب كله ) على الوضيح



ويوم قلت انه فيه بنات يبون ريايلهم يلبسون بدله ترى صج

فيه وحده كويتيه خلت ريلها يلبس بدله بالعرس ويييييييع


و مشكوورين مره ثانيه

 

[احبك ليش؟]

انا اموووت على الريال الي يلبس دشداشه اعشقه بس في فئه خربت على الباقي الي يخلونها مخصره و يكون عنده خصر و صفره وييييع يكون صج عقيدي اكرهم الي جذي وييييع لاعت جبدي الحين من قبل لا اشوفهم

 

[Shiyo0o5a]

loooooooool

منووره يالغاليه

 

[ابـيـض واسـود]

الثووب ( الدشدااشه ) احلى وهييبه حق الرجاال

 

[الغلا كله لبوي]

بالعكس ياحلو الريال اذا لبس دشداشه ومالها علاقه بالعقيدي تقبلي مروري

 

[سلاسل ذهبيه]

الدشداشه هي اللبس التقليدي للكويتيين

 

[زهراء 24]

انا اخوي جذي ما يحب يلبس دشداشه كلش
حتى بعرس اختي بغصب لبس يحب اللبس السبورت
اما انا بالنسبه لي اشوف انه الدشداشه احلى على الريال
بالعكس واايد حلو وتحسين انه الريال اللي يلبس دشداشه له رزة وهيبه
واتمنى زوج المستقبل يحب الدشداشه مايكون سبورتي نفس اخوي​