ويع اعقيدي لابس دشداشه

[بشاريه طربانه]

لا بالعكس الدشداشه حلوه
بس في ناس الدشداشه عليها مو حلوه

 

[aṕriliå]

بالعكس انا اشوف الدشداشة آحلى ورزة

يكفي انه لبس يميزنا آحنا الخليجين

مااحب اللي بكل شي ينجرف ورا الغرب

البس جينزات والبس دشاديش

 

[Shiyo0o5a]

منووورين خواااتي :*

 

[مـعـجـبـة]

بالعكسسس الثوب والغترة والعقال رزة وووكشخة ووهيبة

لا تخلوني عقب هالموضوع أشرط إن اللي بياخذني لازم يلبس ثوب وغترة > عالاقل حق العرس خخخخخ

وضحكتيني الله يسعدج يوم قلتي : انا موافقة اتزووجك هههههههههههههههههههههههههههههههههه

 

[مخدوشة الوريد]

من صجج ماكو أحلا من الدشداشه اخييييييييه عذاااب
انا ماحب الريال الي 24 ساعه مخصر روحه بهالبناطييييل
مايعجبني كلششش الدشاديش احلا وارز البدل والبناطيل لهاااااا وقت
اما دشداشه لأ ولي يشوف الدشداشه عقاده ماعنده سالفه ومايدل درب السنع كلشششش

 

[**فراولة**]

انا العكس
اللي يلبس بدل يطيح من عيني ماكو وسط

الا اذا لابس سبورت عشان النادي ولا رياضة ولا مشي ...عادي..

اللي يلبس بدل علطول احسه مو واثق بنفسه+بالنسبه لي اعتبره ضعيف شخصيه وجبان + ما عنده مبادئ وثوابت لانه ما اعتز بتقاليده وتراثه +ماكو رجوله قصدي مياعته زايده
طبعا اقصد اللي كلش ممصخها ما يعترف بالدشداشه الا بالاعراس
عاد هذا تحليلي واستنتاجي ورايي شخصي

لا وبعد مو اي دشداشه ..اهم شي الدشداشه وسيعه
والا الضيجه والمخصره ما تعجبني.. حشا صارو حريم..

 

[نور مغليها]

ماعليج منهم هذول عقيديات ..
بالعكس حلآت الرجآل بدشدآآشته
انا كرررهي ليما اشوف رجآل طووول بعرض ولا برمودآ !!
آفف زحمه

 

[ياحلم تحقق]

مافهمت معنى عقيدي.!

بسس بالعكس الريال اذا كان لابس ثووب او دشداشه على قولتكمم يطلع شكله هيييبه ورزه وشخصييةة

واحسن بعد بدل مآتبين عوامل التعريه الي فيهم

 

[لعنبؤؤكـ مغلآكـ]

اممممممممم انا عندي وجهة نظر ..

انا عيال عمي اذا شافوا واحد يلبس بدله يضغطونه ويقولون مالت عليه المرهـ ويدشون فيه ..
طيب لييييش ؟؟؟

انا فئة عيال عمي احسهم عقد معني احب اللي يلبسون دشاديش وعيال عمي كله دشاديش ورررزهـ بس ما يعجبني تفكيرهم

احس تفكير رجعي و همن مو معناتها اني اكره اللي يلبس بدل لأ احبه هيك وهيك ... بس الاكثريه للدشداشه طبببببببببببببعا

 

[saraaaa]

كلآمج 100%
انا مععاج بكل كلمه :rerrerek:


صح شفيهآ يعني اذا أحد لبس دشداششه !!! :eh_s(10)::eh_s(4):
لآ عقيدي و ولآ ششي !
بآلعكس يكوووون ششكله رزه :eh_s(22):
و أحلى ششي لما يلبسوون مع الدشداشه بزمه :eh_s(22):

انا بصصرآحه أحب إلي يلبسسون سسبورت و دشدآشه
يعني حلوووه الموازنه :eh_s(7):

وهذي وجهة نظري ..

ويسسلموو حبيبتي

 

[Faru7a]

بصراحه الي ماتحب الدشداشة .........شك في اصلها

 

[فرزاشيهـ]

ههههههههههههآي يازلي الوصف ""ريبان وقفل :$ "" لوووووول حبيبتي الريال حلاته و رزته بالدشداشه و كل لبس له وقته يعني مو معقوله بيلبس دشدادشه و يرووح يمشي او يروح gym و همن اشووف ان قمة الهلااقه بالوقت اللي لازم يلبس دشداشه يلبس بدله رسميه و كفرته ؛// .،.و اللي تقول ان اللي يلبس دشداشه بس بالعيد ريلها ياهل حشى مو ريال لوووووول او اللي تقول عقيدي مادري هليقي .،.امممممم ليش يعني اهي ماتشوف ابوها و اخوها يلبسون جذي !! اذا لا هذا شي اخرى .،.الريال الكويتي رزته بالدشداشه والغتره ؛) مايمنع انه يلبس سبورت بس كل شي له وقته ^_^ ثانكس على الموضوع النايس .،.~

 

[krkooora]

بالعكس يا حلاة الدشداشه

بس طبعا مو مخصره و لونها مادري شلون صاير و الشماغ لي ركبته ويع ويع هني صج عقيدي

 

[احساسي غريب]

اللي تقول هالكلام ماعندها هويه لأن الدشداشه لبس عربي مو بس كويتي وشوفي اغلب الدول العربيه يلبسون دشاديش بس تختلف من بلد للثانيه وانا اساسا ما يعجبني البنطلون لأن هذا مو لبسناولا من بيئتنا ولا من تراثنا
والله حاله بنات الكويت كل يوم طالعين بهبة جديده
ياخوفي باجر يقولون ويع لابسه عبايه مع اني اتوقع في فئه يقولون هالكلام

 

[السالفه123]

والله لو تعرفون حقيقة كلمة عقيدي كان ماقلتوها

وثانيا الرجال يليق له اي لبس انشالله لو وزار بس

وبعدين مافي احلا من البدله الرسميه(كرفته) وااااو تجنن

 

[الجو رايق ~]

الثوب حلو بالمناسبات وحتى بدون مناسبات ..

والسبور بعد حلووو لكن مو لوقت مناسبات ..

^يعطيك العااااااافية^
​

 

[منى قلبها ابيض]

انا اتمنى زوجي يلبس بدل سبورت كل دشداشه وغتره

 

[Miss Cherry]

وييييه شدعوه اللي يلبس دشداشه من عيد ليما عيد يعني يروح الدواوين والعروس والمناسبات بجينزات مثلا


انا اشوف الدشداشه رزه اكثر وفيها رجولة .. الكاجول له وقته رايح نادي او مكان يتطلب منه لبس عملي غير جذي المفروض دشداشه

 

[jod.q8]

بالعكس الدشداشه احلى , احس فيها ثقل و تكانه .
مو البدل .. يطلع شكله مو هذاك الزود .

بس مو اي دشداشه و غتره حلوه عليه , لا في بعضهم استغفر الله

يعني مثلا الدشداشه مو لونها اصفر و اكبر منه او مخصره
او المكسر اطول منه و طالع برا الدشداشه , و الغتره مو طويله

جنه بيتلحف فيها او صغيره جنها ورقة كلينكس و بالموت ينسفها عدل ,
و ما احب الغتره الي يكون لونها برتقالي و ما ادري شلون صاير
و حتى العقال حلاته وسط مو المتين او ضعيف .

حلاتها مضبوطه عليه و مرتب شكله مو بعضهم استغفر الله ..
مافي شي يساعد انج تبلعينه

 

[رضى الله غا يتي]

الصراحه الدشداشه حيل رزه وياليت يرجعووون يلبسونها ونشوف الكويتين كلهم بالدشداشه