يالبجريه جم حاطه ميزانيه حق طلعتج من النفاس

[راقيه وجذابه]

تدرين السوق ليومج هذا مانزلت اتسوق الا جم مره والله اذكر

نزلت فصلت دراريع لان دراريع تجهيزي حقت بيت الحموله مخصره حيل وانا حمواني يقعدون ويانا عادي فـ عشان جذي فصلت و وسعت بالي عندي شوي

مره ثانيه بعيد الاضحى بعد عرسي بشهر والله زوجي الا قالي روحي شوفي شنو تبين وانا للحين عروس

المره الثالثه لمن كبرت كريشتي شوي بالحمل رحت ماكس حذيت لي جم بجامه للحوامل


وسلامتج

 

[طيبة83]

ههههههههههههههههه

انا اكره طبع عندي اللي تفوشر

شريت جوتي بالف
وساعه بالفين
وشنطه بمدري جم

مثلا يعني

الناس اتفاخر بدينها وحنا بس همنا المظاهر

وثاني شي مب كل البنات اللي في المنتدى في خير بعضهم حالتهم عادية وبعضهم على قد حالهم ماله داعي هل فشاار كله

 

[mi corazon]

ضحاوي الديره حبيبتي الله يهنيج

محد مجذبج


الحمد لله كلنا عندنا خير ونقدر نسوي جذي وزود بس الله ما يحب الاسراف وعلى قولتج يمكن العادات تختلف وانتوا عندكم جذي

ربي يهنيج

احنا عندنا اهم شي البيبي وامه .. يعني لو مخصصه مبلغ 3000 او اكثر اقطه في اشياء تبقى مو دراريع ( اتحجى عن عاداتنا مو بشكل عام )

الدراريع اي اييب دراعتين لي كثرت ب 80 وجم وحده من دراعات ساره حق الحريم الكبار لي زاروني .. والباجي كله درسات لأن انا ستايلي جذي ماحب الدراريع الطويله

والساعات الحمد لله عندي من عرسي واكو محد شافهم فا ماله داعي .. بكشخ بالرولكس حتى لو شافوها ستل اسمها رولكس ومعروف سعرها اما الباجي جوفيال وايقنر والعاديات

اللي ممكن اقط عليه الليزر لأني ماكملت باجي الجلسات وحملت ( الحمدلله )


والله ما يندرى بيوصل جم الخير موجود بس اتمنى ما توصل 5000 لأني ناويه اشتري سيارة ان شالله هالسنه وتبي مقدم

الله يباركلي ويباركلكم في حملكم وطلعتكم

 

[أتقهوى عذابك]

بصراحه انا بجريه واخترعت من مبالغ الموجوده
كنت حاطه في بالي الف بس انتم خوفتوني

 

[*رومنسيه*]

ابيه شنو هالتبذير حرااااام بصراحه انا من الحين بديت اشتري لنفاسي وطلعتي لان الحين كله معارض ومشاغل كلها عروض تجنن وكل معاش اخذه من زوجي احط فيه جم شغله لطلعتي من الاربعين والحمد لله ماشيه معاي اوكي لان لو اسوي مثلكم اجهز مره وحده مراح اقدر الميزانيه مراح توفي معاي بس بهالطريقه ماشيه معاي عال العال

 

[ماسة الاسلام]

مساكين البنات قالولكم مع الولاده والنيرس والطلعه ب4000 النيرس الحالها تاجذ بنص يوم 10دنانير

 

[ماسة الاسلام]

يا قرد حظها ههههههههه قالت كامل مع استقبال وطلعه 4000 وانتوا عبالكم بس طلعتها 4000 أنزين بصراحه عن نفسي أنا أنتقد الي تقط على الاستقبال بس 4000 و5000 وتسوي برويال حباة وما أدري شنو وتهتم حيل بسوالف الحريم ولي جت طلعتها بس صبغت وقصت وطلعت بجم بجامه وقميص تناقض

 

[ماسة الاسلام]

تبون صج أنا ما فكر جم أقط حق نفاسي ولا شنو بسوي لين ما أولد بسلامه وشوفه بحضني ذيك الساعه جم أقط ولو بقط بقط 1000 بس لطلعة نفاسي لأني مو كل سنه أحمل هذي أو حمله لي من 7 سنين وطبعا استقبال ماراح أسوي ما أحب أقط حق الحريم شي أقط على كشختي وولدي أبرك الي تبي تباركلي حياها البيت مفتوح

 

[شيخه كويتية]

اولله انابجريه بس اخترعت من 5 الالف

يعني الي اعرفه الوحده تسنع رووحها بعد الاربعين مثال


بالصالون:-
قصه يديده صبغه يديده تبين تغيرين طريقة حواجبج حمام مغربي منكير وبديكير شيره
سنفرات ومساجات


بالسوق:-
جم بدله تاخذينهم اذا سفور
اذا عبايه تاخذين لج عبايتين ثلاث وتاخذين لج 4 دراريع
وعندج ساعاتج القديمة واغراضج الي ماخذتهم موشرط يدد

بالعيادة :-
اسنان تبيض اذا تحتاجين
بشرة علاج او نظارة حسب حالتج
ركزو ع جسمكم وبشرتكم


بجذي تطلعين نيو لوك
والايام يايه والمعاشات يايا وكملي كشختج بعدين





بصراحة هذا الي انا باذن الله مفكرة فيه
تقريبا بخليلي الف لان احتاج مساج بعدالولادة وابي اركز ع جسمي وبشرتي تعبانه




ويعطيكم العافية الله يتمم ويسهل ويقومنا بالسلامة

 

[مشتطـه]

هههههههههههه
استغفر الله بس

بأي مناسبة بتقطون الفلوووس بالهبل

بدلة سنعة صالون
قمصان نوم

جم بدلة استقبال وطلعة
وبسسسسسسسسسسس


الاف ششحقة !!

 

[عسل حدي]

ربي لا تذرني فردا وانت خير الوارثين

 

[انسام الكويت]

خخخخخخخخخ دريينه ريلج عنده خير ويسفرج كل شهر من ديره لي دييره :d

لووووووووووووووووول ضحكتيني انتي وبعد النات :krkrkr: اشدعووه عليكم

زين عندي سؤال لو وحده توها متزوجه ومن اول شهر حملت هم تزهب من يد ويديد كأنها عروس؟؟

واهيا للحين عروس مامداها تلبس السوالف اللي زهبتها اول ماتزوجت؟؟

:eh_s(10)::eh_s(10)::eh_s(10)::eh_s(10)::eh_s(10):

شتسوي بهل حااله؟؟

حبوبه ليش مو مصدقه مثل ما بعض الخوات يقطون 5000 او 6000 ويمكن

اكثر على الاستقبالات لي ولدوا اهي العكس تقط على طلعتها اكو ناس

ماشاءالله جماعتهم كبير وعزايم وطلعات وزيارات مو مثل اللي اتسوي

استقبال ولب طلعت من نفاسها ردت شقتها محد درا عنها لانه اكو تاس يهتمون للاستقبال

اما طلعة النفاس مايهتمون كثر اهتمامهم بالاستقبالات واهي مو ملزومه انها تقول بشنو

قطتهم وبشنو شرت لحد يعلق تعليق موذاك الزود ويطنز ماشوف احد جذب هاللي يسون

استقبالات ويقطون ألوف وحق منو !!! حق ناس يايه اتطمش وتاكل ابلاش الزبده انا قصدي

كله انه قولوا خيرا او صمتوا ماله داعي التجذيب اشكره

 

[ام يويو-89]

ما شريتوا سياره يديده بعد !!! مو من صجكم !! بنات اللي بتغير و بتترتب تترتب و تطلع باحلى لوك سواء ب 10 او 1000 ... و الصالونات الله يا كثرهم بالديره و عندج 40 يوم حطي خلطات و تدهني و تسنعي ماله داعي الفسق ... قمصان نوم اخذيلج جم واحد يديد و جم بدله اذا بخاطرج تغيرين اللوك ماج و انتي طالعه مع ريلج... صرفوا بعقل وراكم حساب و عقاب

 

[ام يويو-89]

بنات ترا عيب الطنازه عن اللي قالت 5000 كيفها و اهي طريقت صرفها جذي الكل يصرف على حسب اللي عنده .. اهو صج مبالغ فيه لان ماله داعي بس مو معناته ان ناكلها جذي ..

و على اللي اهي شاريته صح يطلع حوالي 5000

 

[رغد84]

الله يعينج
تجهيز الطلعه شوي متعبه بس لها طعم

 

[أإلع ـشق دلع ـهـأإ]

شددعوه ؟؟؟

ليييش الاسراااف لييش التبذيييير ؟؟


حرام ربنا راح يحاسبنا ع كل فلس قطيناااه


مو لهدرجه اجهز من جديد

حتى الولاده والاستقبال مو لهدرجه الاسرااف

الواحد يقول يالله السلامه

الولاده اللي تخسرنا الغرف المستشفى والوحده مو لازم تاخذ اغلى غرفه بـ ٢٠٠٠

وتجهييز حق طلعة النفااس شنو يبيله ؟؟؟

تشتريلج بدله فخمه حق طلعتج وجم دراعه وعبايتين وجم بجاايم

وشغلات خفيفه وتصبغين شعرج وتسوين تنظيفات بالصالون.

وجم اكسسوارات للزينه

وبسسسسس

بعدها انتي وزوجج طلعي واشتري ع كيف كيفج كل مانزل المعاااش


ماله داعي الخساير والكلافه هذي !!

الوحده تدعي ربها يقومها بالسلامه اهي والبيبي. وتشكر ربها وتتصدق اذا ولدت

 

[معزوفه حنين]

العشق دلعهاا

عدل كلامج والله

 

[عسل حدي]

ربي لا تذرني فردا وانت خير الوارثين

 

[دلوعتهـ]

الله يهداكم بنات خليتوا الموضوع جم صرفتوا وقمتوا تعلقون على ٥٠٠٠!!!!!!
انزين قريتوا البنت شنو كاتبه شنوو مسويه تقول ساعة بالمبلغ الفلاني و٣ بدل استقبال وليزر وتبيض وتقشير وغيره وغيره وغيره
اقروا عدل حبايبي واظن انكم عايشين معانا وتعرفون الاسعاار هالايام وبعدين العادات والتقاليد تختلف اهي عندها حموله كبيره وناس تكشخ بتطلع لهم طلعة عرووس خل تستانس بعد

عني انا ما اذكر بالضبط جم بس حوالي الالف لاني كنت عروس وثلث ارباع لبسي ما لبسته فخشيته لطلعتي مع التوسيع طبعا هههههههه

 

[beauty rose]

مو حلوة المبالغه بس حلو تكشخين بنفس الوقت

1000 دينار تكفي و توفي
من صالون لي ملابس لي عيادة اسنان