يالبجريه جم حاطه ميزانيه حق طلعتج من النفاس

[دلوعه غناتي]

امبيييييه حده مبالغه

والله بأشتري لي 7 ساعات ب200 دينار مو المبلغ الفلاني

وانا معاها احط فلوسي على ليزر او تقشير او شي لنفسي احسن من الخلاجين

وبعدين انا كل شهر بالسوق مو بس حق الطلاعه

حرام بنات التبذير والعادات والتقاليد ظاهره قديمه خلاص انسوها

 

[أبله هنوف]

حبيباتي احنا بنات الكويت كل وحده حاطه في بالهاانا احنا كلنا مستوى واحد لا في ناس ربي مرهي عليهم تلقين هديتها من ابوى زوجها
مبلغ وقدره ولا حتى اهلها ابوها وامها وهي متعوده ما تلبس إلا بهذي القيمه
وبعدين بنات وايد معانه في المنتدى ولاداتهم صكت ٤٠٠٠ دينار
والبنت ما غلطت قالت مع حساب الولادة
مثلاً وحده اتقول اقط ١٠٠٠ على طلعت الاربعين غيرها على قد حالها اتقول اوله وايد
وغيرها اتقول ما قط ولا شي كل شي عندي غير الصالون ما راح اشتري شي يديد
حبيباتي الناس مستويات
وربي لك الحمد اهل الكويت معروفين بفعل الخير والصدقات ما يحتاي احد اعلمهم


وسوري على الاطاله

 

[mi corazon]

صح كلامكم ... كل وحده تسوي اللي يريحها ما يعتمد عالميزانيه كثر ما يعتمد على شنو اللي يريحها ان شالله تقط ١٠٠٠٠ المهم بالاخير هاذي نفسيتها وراحتها مو راحة غيرها


المهم كلنا نقوم بالسلامه والله يرزقنا بالذريه السليمه