يالله بنات نبي نضعف ---- منو معانا ؟؟؟ 10/2/2007 تم الاقفال

[@ الرسامة @]

رد: يالله بنات نبي نضعف ---- منو معانا ؟؟؟

نتيجة السبت الاول

@ الرسامة @---------- نزلت 2.5 كيلو
سمسميه -------------- نزلت 2.5 كيلو
على نيتي
مستشاره قانونيه
عرووووس الكون
jolie_q8 ------------- نزلت 2 كيلو
faty lady
الغنادير ------------- نزلت 4 كيلوات
DaBDoBa
رواحل--------------- نزلت 1 كيلو
bent-eldera----------- نزلت 3 كيلوات
لوكريسيا
لوميه
صمت الهدوء
بطاطا
dima
أم أوراد
نور النت
تفاخيه مبطوطه ------------ 200 جرام
Brounzi_girlly
غاده
ShaYoMa------------- كيلو
* مـذهـلـه *
New Mum



وياهلا ومرحبا بالمشاركات الجديدات
فيه بنات موقاعد يشاركون وانا مسجلة اساميهم راح امهلهم اسبوع وبعدين راح اشطب اساميهم

@ الرسامة @​

 

[jolie_q8]

رد: يالله بنات نبي نضعف ---- منو معانا ؟؟؟

الغنادير

جربي ماي دافي على الريق

ويفضل 4 - 5 مرات باليوم

وشوفي النتيجه :eh_s(15):

انا من بديت استخدمة وانا قاطعة كل الاعشاب


New Mum


حياج الله ... بس نبي التزام

وكل يوم مرينا قولي شخبارج


@ الرسامة @

بالتوفيق ... بس بغيت اسألج

تسوين رياضه ؟؟ والا لا !!​

 

[@ الرسامة @]

رد: يالله بنات نبي نضعف ---- منو معانا ؟؟؟

لا والله جولي ما اسوي رياضة انا باجازة وماداومت لما الحين
وبيني وبينج اتحرك دايم بالدوام

 

[الغنادير]

رد: يالله بنات نبي نضعف ---- منو معانا ؟؟؟

@ الرسامة @

هلا ومرحبا بج الله يعطيج العافيه وتسلمين على عرض النتايج ،،، ننتظر نتايج البقيه .

jolie_q8

هلا وغلا حبيبتي بجرب وإن شاء الله يفيد

أما نظامي اليوم

تفطرت : توست وجبن وسلط كالمعتاد
ولازم كوب الجاي وإلا مايتعدل راسي خخخخخ

الغداء : محتاره اذا طلعت مع زوجي يمكن اكل نفيش في السينما واعتبره غدا

تدرون شيقولي بنمر مطعم وانا بتغدى وانتي قعدي طالعيني طلع مجرم تخصص تعذيب :eh_s(11):

والعشاء : خفايف يمكن لبن

طايحه طيحه باللبن الله يستر :eh_s(2): ​

 

[New Mum]

رد: يالله بنات نبي نضعف ---- منو معانا ؟؟؟

جولي شكراً شكراً
وانا اليوم ببدا وياكم لان من دش لشتا و انا في حاله نهم شديد اللهجه
المهم اليوم شريت من دايت شوب
لاني ماله من أكل بيتنا و عشان اهذب شهيتي المفجوعه
و راح اتواصل معاكم كل يوم إنشاء الله

 

[الطموحه]

رد: يالله بنات نبي نضعف ---- منو معانا ؟؟؟

ها بنات شلونكم مع الرجيم؟؟

الله يعطيج العافية يا@الرسامة@على مجهودج الطيب ومشكورة وما قصرتي

حياج الله معانا اختيNew Mumواتمنى تنزلين الى وزنج المطلوب ان شاءالله وبالتوفيق

ومشكوره ياDaBDoBaعلى المعلومه الحلوه وطريقتج وووايد حلوه الله يعطيج العافيه

اختى الغنادير كثري من الفاكهة وسلامات يالغالية ما تشوفين شر ولالالالالا تنسين الماي

وحبيبتي لوكريسيا ادري ان الرد اشوي متاخر عن الميزان بس انا افضل الميزان الالكتروني مثل ما قالت اختي jolie_q8 تلقينه بالصيدليات

انا اوزن وزني يوميا اول ما اقوم من النوم واسجل وزني بكتاب معين علشان اعرف جم نزلت بالاسبوع,وله شرايكم بنات؟؟؟؟؟؟​

 

[الطموحه]

رد: يالله بنات نبي نضعف ---- منو معانا ؟؟؟

اما عني انا فامس خربطت الدنيا فوق تحت
كليييييييييييتتتتتتتتتتت معجنااااااااات:eh_s(16):

بس اليوم صايمه بس ماي واناناس علشان اعوض اللي بدعت فيه امس
والله خايفة الله يستر من الميزان:eh_s(11):

وموفقييييييييين او موفقاااااااااات يا بنات:eh_s(9):

 

[New Mum]

رد: يالله بنات نبي نضعف ---- منو معانا ؟؟؟

متى توزنون ؟

 

[الغنادير]

رد: يالله بنات نبي نضعف ---- منو معانا ؟؟؟

New Mum

هلا وغلا حياج الله بينا كلنا لعب لشتا بشهيتنا :eh_s(11): حبيبتي نوزن كل سبت
ننتظر يومياتج

bent-eldera

الشر ماييج حبيبتي انا نفسج اوزن يوميا الصبح عشان اتشجع واسجله بالكلندر جدامي :eh_s(6):
سمعي الكلام :eh_s(4):
اخر مره تخربطين وخلج اليوم على الحرمان لي باجر ولا تعاودين التخربط :eh_s(4): ​

 

[New Mum]

رد: يالله بنات نبي نضعف ---- منو معانا ؟؟؟

الغنادير
ربنا يخليكي .. اشوه في وقت يعني ..

 

[Maneena Manaana]

رد: يالله بنات نبي نضعف ---- منو معانا ؟؟؟

الغنادير .. مثل ما قالت جولي ماي دافي على الريج والتوست اكلي الاسمر عشان الالياف وكثري خس وقللي لبن وروب وهالسوالف .. وماتشوفين شر

اليوم وزنت والا ناقص 2 ونص الحمدلله

الساعه توها 7 الا ربع الصبح فتو الناس على الريوق والتفكير بالاكل ..
اواافيكم بالاخبار لاحقا...

 

[سمسميه]

رد: يالله بنات نبي نضعف ---- منو معانا ؟؟؟

السلام
اشلونكم بنات؟ امس ما ادري اشفيه النت عندي مو راضي يدخلني عالمنتدى فبكتب يومياتي امس الاحد اول شي

الريوق
ما تريقت بس نسكافيه
الغدا
شيش طاووق وسلطة ملفوف
العشا
شوربة مشروم

الرسامه
يعطيج العافيه على المتابعه

دبدوبه
اي والله انا بعد حسيت ان وايد دهن!!

لوكريسيا
الله يسمع منج صج محتاجه اضعف

بنت الديره
اهو الرجيم جذيه من دكتور بس اتصدقين شكله مو شغال معاي مضبوط لان اختي سوته واضعفت 5 كيلو من ول اسبوع

بنات انا دقيت على الدكتور وقلت له ان وزني مو قاعد ينزل مضبوط لانه زاد كيلو تخيلوا!!(ما ادري ميزاني يخوره؟!)
المهم هذا غير ان امس واليوم عقب الغدا تكرمون اكت الي بجبدي كله
فقال لي لازم اراجعه وبروح له اليوم انشالله المغرب

ادعوا لي اضعف بالصحه والعافيه يا رب

 

[سمسميه]

رد: يالله بنات نبي نضعف ---- منو معانا ؟؟؟

دبدوبه
ما شاءالله مبروك النزول

الغنادير
حبوبه شربي ماي دافي على الريج وحده بوحده للامساك

جولي
رجيمج قاسي الله يعينج!

 

[لوكريسيا]

رد: يالله بنات نبي نضعف ---- منو معانا ؟؟؟

الرسامة لا تشطبين اسمي لان ماعندي ميزان محترم اللي عندي صارله لك سنة و هو يطلع وزني 60 لا و يمكن فوق السنة و الدكتور موعدي معاه الاحد الياي الصبح

سمسمية حبوبة ديري بالج على نفسج ... انشالله تضعفين بالصحة و العافية

اليوم تريقت : صمونتين صغار جبن + سلطة + ماي
الغدا : شوية سلطة + عيش مشخول + سمك مشوي
و كليت توني 3 بسكوتات (مزرقتهم ) و الله يصبرني لي العشا و انشالله ما اخربط اكثر من جذي

 

[الطموحه]

رد: يالله بنات نبي نضعف ---- منو معانا ؟؟؟

ان شاءالله يالغنادير تامرين امر خلاص ماراح اخربط لان حتى معدتي قامت تعورني من الخرابيط اللي كليتها

وحبيبتي DaBDoBa مبرووووووووووك واستمري الى الامام الى ان توصلين للوزن المطلوب

ويا سمسميه ان شاءالله ما تشوفين شر يالغالية وطمنينا عليج سلامتج​

 

[لؤلؤية]

رد: يالله بنات نبي نضعف ---- منو معانا ؟؟؟

بناااااااااات

انا اساسا بادية ريجيم من السبت اللي طاف..

ممكن ....يعني..... لو ... فيه مجال...:eh_s(22):

تضيفونااااااااا معاكم؟؟؟؟

:eh_s(7): ​

 

[ظمأ الوجدان]

رد: يالله بنات نبي نضعف ---- منو معانا ؟؟؟

مشــــــــــاء اللة عليكم عندكم ارادة عسى يحقق لكل وحدة الوزن اللى تبية واتمنى ارادتي مثلكم

 

[ظمأ الوجدان]

رد: يالله بنات نبي نضعف ---- منو معانا ؟؟؟

حبايب قلبي انا بديت الرجـــــــــــــــيم من السبت ممكن حبايبي تضيفوني معااااكم ان شاللة اضعف ادعولي اللة يخليكم

 

[@ الرسامة @]

رد: يالله بنات نبي نضعف ---- منو معانا ؟؟؟

اشلونكم بنات ؟؟؟؟؟؟؟؟؟؟؟؟؟؟؟؟

المشاركات اليدد ياهلا فيكم

يومياتي لهذا اليوم

الريوق
صمونة سمرة + جبن ابيض خالي الدسم + عصير برتقال طبيعي


الغذاء
سلطة من بيتزا هت + دايت


السناك
كتكات + دايت

العشاء
بيضتين + شابورة + قفشة جبن

 

[سمسميه]

رد: يالله بنات نبي نضعف ---- منو معانا ؟؟؟

بنات توني يايه من الدكتور انصدم لان الوزن مو نازل وايد وقال لي لازم اتحرك اكثر وعطاني جهاز حساب الخطوات

نظامي اليوم

الريوق
نسكافيه

الغدا
سلطة جرين جاردنز من ماكدونالد + دايت + اصابع الجبن

العشا
حمسة فقع(ايبا! تهبل ) + دايت

وانشالله تكون نتيجة الاسبوع الياي احسن من الاسبوع الي فات