يحبها واتحبه .... بس يدرون انهم مالهم نصيب مع بعض! تعآلوآ فديتكم :(

[yam_yam]

الله يعينها
خل تصلي استخارة و تشوف اذا تيسرت امورهم اوكي و اذا لا الفراق الحين افضل من بعدين

 

[دلوعة أبوهآ]

آلله يجمع بين كل قلبين بالحلآل

 

[mona q8]

,

عميتيني من حجم الخط و اللون !


حبيبتي الريال الي يقول حق البنت روحي توكلي على الله
اخذيها مني يعني اهوة ما يبي يتزوجها
بتقولين لا حرام يحبها و تحبه .. انا ما اشكك في حب الريال
صج يحبها بس ما يبيها كـ زوجه ..

خل تمسح دموعها و تصلي ركعتين و تتوكل في نصيبها
ياما حبايب افترقوآ و السبه ماكو شجاعه من ريال يواجهه اهله
صدقيني حبيبتي لو صج يبيها جان وقف جدام عمه و بنت عمه و امه قال انا ابي بنت ومابي غيرها
بس سالفه انه امي تبيني اخذ فلانه و علانه
> هاذي فهميها على طول يعني ما راح اتززززززززوججججج :/

[fon
t=tahoma][/font]

والله هذا الكلام الصحيييييح
وياليت البنات يفهمون

 

[بنات حواء2]

حبيبتي لو يبيها جان عرف شلون ياخذها
الريال لمن يبي البنت يسوي المستحيل لجل ياخذها
انا برايي بما ان قالها توكلي على الله خلتتوكل على الله
نصيبها مو معاه لاتضيع عمرها معاه

 

[ماكواسم2]

بعد قلبببي والله كلامكم على رآآآآآآآآآآآآآآآآآسي

و مآتوقعت آلموضوع ينزل لانه لمأ حطيت آنتر علق و اليوم دخلت وآنصدمت آنه نزل من جذي طولت عليكم بآلرد ​

بس بنآت آللي آتحب صعب صعب آنهآ تنسى ​

الله كريم فديتكم ​

آشكركم من كل قلبي وهم آللي عآشت نفس آلموضوع يآليت آتقولنه شلون آقدرت تتغلب ع آلموضوع !!!!! ​

يعني آتهده ؟​

اشلون ؟؟؟ يكفي انج اتعرفين انه كان يضحك عليج وشايفج سهلة وينقص عليج بجم كلمه بعد هذا ينحب لانج اكيد كنتي تحبين واحد ثاني مو هذي شخصيته فالحين عرفتي هذا الشخص على حقيقته فموهو الشخص اللي حبيتيه

 

[همس^الزهور]

حبيبتي ماكو شي صعب حتى نسيان الحب و الامه الانسان الله عطاه نعمه النسيان و صح ان ممكن يطول الوقت حتى تنسى لكن الزمن كفيل ان سنيها و يشفي جروح قلبها. اسفه اني مضطره اقول الواقع الاليم لكن مبين و واضح وضوح الشمس ان هالانسان اللي تحبه مو واضح و لا صريح لان خبى عليها من البدايه و عشمها بأوهام و عيشها قصه حب فاشله و اهوا كان يدري عن ظروفه بس ساكت قال خل اقزرها لعب و حب مع هالبنت و لما ايي وقت الزواج بتزوج اللي يختارونها اهلي. اللي يحب يضحي و يحارب عشان يفوز بحبيبته لو شنو ما صار. و لو بالنهايه فشلت محاولاته ممكن نقول الواحد يقول اوكي سوا اللي عليه، بس الاخ ياي يقول لها خليج معاي لا تتركيني الى ان الزمن يفرقنا (قصده الى ان اتزوج قريبتي) فهذا يحسسني ان يبي وحده تسليه و اتعيشه قصه حب مؤقته عشان الوناسه بس على ما يخلص دراسته و يتزوج قريبته. اكو نوعيه من الرياييل يبون يتزوجون زواج تقليدي و بنفس الوقت ودهم يعيشون قصه حب مثل الافلام و المسلسلات فيعشم بنات الناس من صوب و تالي ياخذ اللي يختارونها اهله و جذي يكون حصل على مبتغاه. سوري عالاطاله بس والله يقهر ان البنت تتعلق بواحد تحبه و ما يحبها، و لا تقولين يحبها، لان الحب مو مجرد كلمه تنقال، الحب فعل و سوري بس افعاله كلها تدل على ان ما يحبها و رايي تسوي استخاره حق اللي خاطبها و اذا فيه نصيب تتوكل على الله و تنسى زميلها بالكليه نهائيا و حتى لو ما صار نصيب مع اللي متقدم لها هم لازم تشلع زميلها من حياتها نهائيا و ادري يمكن تقول ماقدر لس لازم تحاول و تقدر حفاظا على سمعتها و سمعه اهلها حرام والله. و بالنهايه احب اذكرها بالايه الكريمه (و عسى ان تحبوا شيئاً و هو شرٌ لكم). الله يوفقها و يستر عليها

 

[(ليلآس)]

اعرف واحد كان يحب وحده تزوجت وهو تـزوج وهي جابت عيال وهو جاب عيـال
هي كبرت وماتت واهو كبر وشيب ومات

 

[مياسـة القد]

واظحه وظوح الشمس مايبيها
الريال لو يحبها مايعوقه شي
يمممه يمه منهم يخرعون اذا بغوا شي مايردهم الا ملك الموت :/

 

[يآلبى ضحكتي:$$]

على رآآآآآٍسي كل آلردود فديتكم وربي :$ الله لا يحرمني منكم

حبيبتي ماكو شي صعب حتى نسيان الحب و الامه الانسان الله عطاه نعمه النسيان و صح ان ممكن يطول الوقت حتى تنسى لكن الزمن كفيل ان سنيها و يشفي جروح قلبها. اسفه اني مضطره اقول الواقع الاليم لكن مبين و واضح وضوح الشمس ان هالانسان اللي تحبه مو واضح و لا صريح لان خبى عليها من البدايه و عشمها بأوهام و عيشها قصه حب فاشله و اهوا كان يدري عن ظروفه بس ساكت قال خل اقزرها لعب و حب مع هالبنت و لما ايي وقت الزواج بتزوج اللي يختارونها اهلي. اللي يحب يضحي و يحارب عشان يفوز بحبيبته لو شنو ما صار. و لو بالنهايه فشلت محاولاته ممكن نقول الواحد يقول اوكي سوا اللي عليه، بس الاخ ياي يقول لها خليج معاي لا تتركيني الى ان الزمن يفرقنا (قصده الى ان اتزوج قريبتي) فهذا يحسسني ان يبي وحده تسليه و اتعيشه قصه حب مؤقته عشان الوناسه بس على ما يخلص دراسته و يتزوج قريبته. اكو نوعيه من الرياييل يبون يتزوجون زواج تقليدي و بنفس الوقت ودهم يعيشون قصه حب مثل الافلام و المسلسلات فيعشم بنات الناس من صوب و تالي ياخذ اللي يختارونها اهله و جذي يكون حصل على مبتغاه. سوري عالاطاله بس والله يقهر ان البنت تتعلق بواحد تحبه و ما يحبها، و لا تقولين يحبها، لان الحب مو مجرد كلمه تنقال، الحب فعل و سوري بس افعاله كلها تدل على ان ما يحبها و رايي تسوي استخاره حق اللي خاطبها و اذا فيه نصيب تتوكل على الله و تنسى زميلها بالكليه نهائيا و حتى لو ما صار نصيب مع اللي متقدم لها هم لازم تشلع زميلها من حياتها نهائيا و ادري يمكن تقول ماقدر لس لازم تحاول و تقدر حفاظا على سمعتها و سمعه اهلها حرام والله. و بالنهايه احب اذكرها بالايه الكريمه (و عسى ان تحبوا شيئاً و هو شرٌ لكم). الله يوفقها و يستر عليها

ردج مآآدري شقول فديتج آلصرآحه عجييييييب ومقنع حيل وآحس كلآمج صح صح صح صح صح

بعد قلبي آشكرج

 

[ـوودي آبـكـي]

​

قالها عفيه مو اللحين ماابي نتفارق اللحين خل انكون مع بعض لما القدر يفرقنا !:eh_s(2): لما اشوفج رحتي بنصيبج وارتاح واطمن عليج !!!

​

انا الي فهمته من هالجمله ان يبيها تقزيره هالفتره لين ماايتخرج و يروح اهوه في نصيبه و يخليها تروح في نصيبهآ !!
واضح ان الصبي مو ناوي نية زوااج

 

[pink Barbie]

يمكن صح يحبها
بس حب خربوطي يعني يبيها علاقة عابره وبس
ما يفكر فيها كزوجه و ام لعياله
لو يحبها صج جان ما قالها توكلي على الله ومن هالسوالف :/

يسمونه الحب الخربوطي وعلاقات عابره
دام قالها توكلي على الله وتزوجي خل تحفظ كرامتها وتتزوج وتنساه
وتحب ريلها

 

[ميمآ101]

الله يعين صاحبين الموضوع ، مقدر اقول الا آآآآآآآه من الزمن
وبالنسبه لَ سؤالش الاخير ، " ماقدرت اتغلب ع هالموضوع ابدا ولا زلت اعاني وهو يعاني "

الله ينول كل شخص الي بباله وصالح له

 

[Nanoosa]

,

عميتيني من حجم الخط و اللون !


حبيبتي الريال الي يقول حق البنت روحي توكلي على الله
اخذيها مني يعني اهوة ما يبي يتزوجها
بتقولين لا حرام يحبها و تحبه .. انا ما اشكك في حب الريال
صج يحبها بس ما يبيها كـ زوجه ..

خل تمسح دموعها و تصلي ركعتين و تتوكل في نصيبها
ياما حبايب افترقوآ و السبه ماكو شجاعه من ريال يواجهه اهله
صدقيني حبيبتي لو صج يبيها جان وقف جدام عمه و بنت عمه و امه قال انا ابي بنت ومابي غيرها
بس سالفه انه امي تبيني اخذ فلانه و علانه
> هاذي فهميها على طول يعني ما راح اتززززززززوججججج :/

درر درر و الله كنت بقول نفس كلامج

و ترى علشان جذي انا ما اشجع ان البنت تتعرف على واحد
مو من ناحية ان ما يجوز لا قصدي يمكن ما يكون نصيبها و تنقهر
حلاته تحب واحد و اهلها و اهله يدرون عنهم و يتحلون عليهم بعد (يعني مخطوبين قبل لا يتزوجون)
انا عندي هذي احلى مرحلة اللي قبل الملجة

 

[hayoOona alntfa]

اذا الريال ما عنده الجرأه انه يواجه اهله اهي عندها الجرأه ؟؟

و اذا هذا اولها ينعاف تااليهاا اذا بااعها من اول شغله سارتلهم لا تتامل فيه خيير !!
و هذا شخص ما يتامن له !!

و حتى لو قلتيلي يحبها !!
بس لو يحاول مجرد محاوله يقول لأهله حتى لو شنو كانت الظروف

 

[al-musk]

مايبيها أشكره وماعنده القدرة عالمواجهه .. لاتغلط وترفض الخطيب الزين الوحده مو كل يوم يجيها نصيب زين وخصوصا ان هذا بايعها وتتكل على رب العالمين وهو حسيبها ... اما حب وماحب واتم معاه لي ماحضرته يتزوج فهذا دماااااااار

 

[عسل مرت قيمر]

حبيبتي اخذيها قاعده


اذا واحد حب وحده وبغاها لو شنو يصير جدامه ياخذها ياخذها ماتوقفه هلامور


بس هذا مبين يتسلى

 

[أإلع ـشق دلع ـهـأإ]

اخذيهآ مني يآ حبيبتي مآيبي يتزوجهآ

شوفي إسآليني آنآ عن الشبآب مسسستحييييل يفكر يتزوج اللي يحبهآ مستحيييييل

يبي بس يمشي وقته بالحب معآهآ وتلهيي والهدف كله ارضآء شهوآته ..

وعذرهم وآحد ووآضح إنه جذب بس البنت تكون معميه عيونهآ عليه وتصدق كل كلمه قآلهآ

عذرهم آمي حآلفه اخذ بنت عمي ابوي كلمته عنج وعصب وقآل انت لبنت عمك ولآ ازعل علييك

ولآ يمثل الدور يكلمج إنه حزييين. هع

والله جذآبين لآ تصدقووونهم يبي يلعب يستانس يطلع مع عشيقته والدليل حتى ربعه عادي بخليهم يكلمونهاا لآنهآ مجرد رفيجه !!!

وربعه يدرون تكلم رفيجتك !!

إهاانه للبنت ؟؟ وين تربيتهآ شلون ترضا وآحد غريب مآيحل لهآ إن يتكلم معآهآ ويتغزل فيهآ ؟؟

وتكلمه بالسر تعرف إن اللي تسويه غلط !! واهي من دااخل يعذبها ضميرها لانهاا انساانه مؤمنه وعاارف ان اللي تسويه غلط

حبيبتي نصيحه من اخت لإختهآ خليهآ تزوج اللي خآطبهآ وتعرس قبله نصييييحه

اذا رفضت والله والله بيتزوج عليها ومآرآح يرد ع دمووعهااا والله بتندم اهي بعدييين

بيعيش حيااته وبيحب مرته وبتحمل وبتجيبله الولد

واهي خليها تبجبج اخر الليل وتنطر احد يخطبهآ وينسيهآ

دام ربي ستر عليها خليها تتوكل ع الله وتوافق وتغير خطها وتصلي ركعتين تتوب فييهااا وتستغفر ربها ع الذنب اللي سوته لانه اللي سوته يمكن ربي ماراح يبارك لها في حياتها من الذنب

وتترك اللي تكلمه وتخاول مااتتطلع من المحاضرات وماتماشي شبااب عيييييييب عيييب مااتخااف من الله يشوفهاا هذت حرام محرم بالقرااان.

" ولا متخذات اخدان " يعني عشااق

الدنيا تخوف وكلن يبي الستر بس خليها تستر ع نفسها

طولت عليج من خوفي والله

 

[رغدوشة]

حبيبتى ماكو بهالدنيا احد مااحب او انحب بس تتوقعين كل هالبشر تزوجوا اللى يحبون لا وبعدين خلص تزوجى وهديه لايلعب عليج الشيطان وتالي محد بيخسر الا انتى والا الريال ماراح تصير له مشكله بيكمل ويدور غيرج يعشقها وتعشقها صفحة واطويها بكرة تتزوجين وتصير حلال واحد ثانى فلاتخلين هالانسان يلعب بمشاعرج ويكرهج بالرياييل

 

[جوري الهاشمي]

اهه عالجرح 

مع الايام راح تنسى حاولي فبها توافق

 

[غنآآآتي]

الله يفرجلها ي رب ..