يطلب مني فلوس بالهبل نص معاشي له وان طلب منه يقولي ..................................

[Gypsy Style]

حبيبتي احب اقوللج شغله ...
عرفت من زمان ان للرجل والمرأة طاقة
الرجل طاقته موجبة ... يعني يعطي دااائما
والمرأة طاقتها سلبية ... المفروض انها تاخذ
لما المرأة تحول طاقتها وتصير اهي بعد موجبة نفس الرجل
هني تبدأ تصير الخلافات بين الطرفين
لان موجب وموجب يصير بينهم تنافر
وانا اقولج شغله سويها واكيد بتفيدج
سويلج حساب توفير
واول ما ينزل راتبج شيلي منه 200 وخليهم
ولا طلب منج عطيه كرتج وبيشوف ان ما فيه ذاك المبلغ اللي اهو ناطره منج
قوليله ما عندي
انتي صج ماعندج بهالحساب... بس بحسابج الثاني فيه
ونصييييحة لا يدري عن حساب التوفير
انا ما اقول لج لا تعطين... بالعكس
شاركيه وخليه يحس انج تعاونينه
بس!! عطيه كثر ما تقدرين و لا تحملين نفسج فوق طاقتها
وبجذي ما تتضطرين تاخذين منه لا 5 ولا 7 دنانير!!
انتي تتعبين طول الشهر واهو ايي ياخذ راتبج بكل برود؟؟؟؟؟؟
فكري بكلامي

 

[njoom1]

كلهم جذي يلوعون جبدج علالفلوووس ماجنها فلوسج وحلالج تسوين فيهم اللي تبينه
مايصير تستانسين فيهم كله عندهم تفسفس
والله مشكله

 

[elzain^kella]

la ta36enah marra thanyah mentay malzomah o ma yestahel o khal yez3al

 

[Tauoofa]

الله يعينج

 

[ليلو جبريت]

خل يرقع راسه في الطوفه

لاتعطينه ولا فلس


ريايل اخر زمن

والله بيت الاهل ابرك لنا من هالهم والقم

 

[دآيم آلحب]

حبيبتي ممكن اسال سؤال :

من الريال انتي ولا هو ؟ من المفروض اللي يصرف على الثاني انتي ولا هو ؟

عليه قروض اوكيه يسدد من معاشه واذا بياخذ منج مب كل شهر

شدعوه انتي تشتغلين وتتعبين عشان هو اللي يستفيد ؟

خله يزعل عشان يعرف ان الله حق انا ما احرضج ولا اقويج على ريلج

بس اذا انتي تعطينه ويوم تطلبين منه يعطيج اقل من احتياجاتج .. شنو استفدتي ؟

طبعا ولاشي .. خلج مصره على رايج واذا زعل عليج وقالج انتي منانه كلميه بهدوء وفهميه وجهة نظرج

والله يكون في عونج

 

[سلاسل ذهبيه]

النوعيه هذي من الرياجيل مايجيبهم الا العين الحمرا قولي وين تودي معاشك انت ملزم تصرف على البيت وتصرف علي
واذا صج محتاج عطيه مثل مايعطيج واذا قالج تمنين علي قولي ايه امن عليك ماتبي منه لاتاخذمني
اما اذا هو طيب ومتفهم ويستاهل واذاصار معاه فلوس يعطيج ولايبخل على بيته يستاهل تعطينه

 

[حبوبة الأطفال]

لا تزعلين مني يااختي

صج صج ارتفع ضغطي

شلون ياخذ منج فلوس ويخليج عالحديد واهو في النهاية يترس جيبه وتمنن عليج

لاتفهميني غلط .. انا موقصدي ان يصير بينكم مشاكل

وعلشان معاشج اكثر من معاشة ... انزين وين المشكلة .. ان شاءالله لو كان مية او الف اكثر

انتي مالج شغل بأمور البيت والعيال

هو الرجال ويتصرف

أوكي مايمنع أساعده مرة مرتين .. بس مو امشيله معاش واسدد ديونه
واطلع انا مكروفه بالبيت والعيال والدوام وفي النهاية ماكو معاش ولا زوج يحس بالوضع


ربي يسخرلج زوجج ويهديه ويوفقج انتي وياه قلبو

 

[طنيانه]

الله يكون بعونج

 

[*peace*]

الموضوع صارله ٣ سنين مادري ٤!!!!

شسالفة رفع المواضيع القديمه @@

 

[حبوبة الأطفال]

الموضوع صارله 3 سنين مادري 4!!!!

شسالفة رفع المواضيع القديمه @@

هههههههههههههههه

وانا حالتي حالة بالرد

لاخلاص بشوف التاريخ قبل الموضوع >>>> هذا اذا مانسيت

 

[Noor3]

انا مع كلام البنات 100%
شهالريال اللي ماكل نص معاش زوجته صج قلة ادب خبري الريال اهوا اللي يصرف على مرته وعياله وعلى نفسه والمره تساعده بالقليل مو بكل معاشها !!!!!!!!
على قولت القايل (رياييل اخر زمن حريمهم تكـــد عليهم ) وين الرجوله والشهامه والله الريال مرته لا قالتله هاك فلوس استحى وقال ما اخذهم لأن ريال وعيــــب

كلام ارنوبه كله صح

كل رياااااال بالدنيا يحب يحس برجووولته ويصرف على بيته واهل بيته ..

وشرعا من حقج انه يصرف عليج وعلى عيالج ويجيب لج خدامه هذا باشرع بديينه ..


اما ريلـــــــج رجولته ضايعه سوووري بس معطيته ويه خاش معاشه ويصرف من معاشج ! ولا قلتيله محتاجه قال ماعندي

 

[بطوووطة$بيضة]

انشالله اظل عانس ولا اتزوج واحد مثل ريلج الصراحة رياييل اخر زمن ...يقولون الريل ستر وامان الا مفصخني

 

[! بــدويه وآآيــد !]

،


من الاول غلطانه خذيتي له قرض !

الي عليج تسوينه لاتعطينه كلش وين قاعدين تقصرين على عمرج عشانه !

اذا جاج مره ثانيه عطيه 5 وقوليله مثل مايقولج @@

للاسف تماديتي حيل بالخطا اجمعي شتاتج وعيدي حساباتج من الاول

 

[ترانيم القصيم]

والله زمن أغبرر اللي المرآ تصرف فيه على الريآل !

هلا و غلا حبيبة قلبي ^^

شخبارتس يا عسل

انتبهي يا قلبي ترى جملة ( زمن أغبر ) مخالفة من الناحية الشرعية

لأنها تعتبر سب للدهر يا قلبي : (

شوفي هالرابط يا حلووووة

http://islamqa.info/ar/ref/145615

بارك الله فيك حبيبتي ^^

احترامي و تقديري

سعودية نجدية

 

[منال $]

والله معلش الصراااااااااحة انتي عودتية عليك لدرجة انة صار يتمادى والود ودة ياخد راتبك كلة

 

[حبي غالي]

أول شي قوليله منو فينـــــــآ الريــال ! أنا ولآ إنت.....!:eh_s(10)::eh_s(10):

وبعدين قوليله المفروض إنت إلي تعطيني فلـــوس مو أنـــا أكد عليك ،، والله زين رياييل آخر زمن..؟ :rgewrg:

وسأليته وين تودي فلوسك ،؛ وبعدين إنتي من حقج تشترين لج أغراض وحاجاتج بس بالمعقولـــ طبعــآ ...!؟

قطيعة ماأدري شهالرياييل..إف يبطون الجبد .... والله يعينكم يالمــدرسـآت رياييلكم بيسحكون فلوسكم عـــــــدل وبيطقونكم عين قوية:eh_s(4): ،؛ أعوذ بــالله :ggdw::ggdw:

​

والله يسخره لج إدعي ربج ،؛ والله يعينج ويوفقــــــــج ،؛ :eh_s(7):
​

 

[كتكوته نورة]

اسمحيلي انتي غلطانه وايد ،، تخيلي ريلج يأخذ من تعبج ويصرفه هدايا وخرابيط علا غيرج
ما تدرين الشيطان ما مات ،، وين يودي فلوسج،، وليش أساعده معاشج لج بروحج ،، أنا لو مكانج اقط علا عيالي وبيتي مو عليه ،، الحين انتي ما تقصرين وتحطين بيده مئة وفوق واذا طلبتيه عطاج 5 .. غلطانه شوفي لج صرفه والصراحه اساس الغلط انتي ،، انتي اللي عطيته مجال وفتحتي باب مسكر

 

[!الجادل الصعب!]

يزعل ويقعد .. خليج على رايج مرده بيرضى ..
مو كآفي مسدد ديونه على ظهرج .. وفوق هذآ شين وقوي عين
يبخل ..
حبيبتي .. انتي فاهمه فكره التعاون غلط .. هالـ 200 والي ياخذها
شهريا لو مسويه فيها استقطاع شهري ابرك ..
كافي انج ماخذه قرض له + شايله روحج ومصاريفج ..
شيبي اكثر من جذي ..
بيقول تمنين .. اي امن فلوسي وانا حره ..
200 و 300 وتمنين .. اجل الخرده الي يعطيج شنو اسمها .. صدقه ؟!

 

[!الجادل الصعب!]

مو كآنا اشتطينآ على موضوع مغبر ..!

سوري :$