يعني مايصير اسأل؟؟ أصيرلك طرمة ولا شنو ؟؟ اففف قهر

[om MaRyooM]

الســــــــــــــــــــلام











في سالفة محيرتني ومظايقتني من فترة



عاد قلت طبعا كالعادة ماكو غيركم :eh_s(1):



لما يطلع ريلي ويرد البيت مثلا .. طبعي اسال

خو عادي مو حرام ولا شي !! ..

قبل من كنت اساله وين رحت وشسويت وشنو كليت ومع منو و..و..و..

كان على قلبه احلى من العسل

وهالاسبوعين لما اسال صاير يستنفر .. وبس يقولي : لاتسالين وايد انا موياهل !!

ومن قال انك ياهل امبي شسالفة .. والله عقدني

امس يقولي انا بعرف باجي الحريم جذي يسوون ؟؟؟


طبعا بجيت من الكلمة لأن اول مرة يبين لي انه مظايق من اسئلتي

مع اني حرام ماشك فيه وخوش ريال الحمدلله .. بس فظوول المرة وغيرتها تذبح تعور

مادي انتو فاهميني ولا لا ؟

مظايقة مادري شسوي عشان ماأظايقه ولا اسال وايد


وصار موقف ثاني عشان تستوعبون القصة

صار اذا العصر .. ويه وقت المغرب ... فقبل لايطلع قتله ترا ماصليت :eh_s(1): ...

استنفر بويهي جان يقولي انزين انزين بصلي !!! :eh_s(14):

اول مرة يرد علي جذي

وانا صارلي شهر مو قاعدة احن عليه وايد على سالفة الصلاة..يأخرها وأسكت اقول كيفه عشان لاأحن ويعااندني

ولما طلع دزلي مسج قالي ماحب احد يقولي شنو واجباتي انا مو ياهل !!!

انقهرت .. ليش جذي ماخذ عني فكرة .. خو ماقلت شي يا نااس

والله محتارة فيه هالجم يوم .. انا اعترف انه فيه مشاكل عائلية حوالينا ومشاكل تتحذف علينا من كللل صوب .. يمكن هذا اللي ماثر ؟ ؟

ولا مل مني ومن سوالفي ؟ ؟

 

[حلتيته]

رد : يعني مايصير اسأل؟؟ أصيرلك طرمة ولا شنو ؟؟ اففف قهر

والله الرجال الحين مستخفين مالت على خششهم..
فوق شينهم قوات عينهم
اسئلي وانا امج لا تخليونه

 

[جـــواهر]

عادي حبيبتي لازم يصير مد وجزر بالحياة الزوجيه
ومثل ماقلتي عندكم ظروف ..
وانتي خليه بكيفه لاتسالينه مولازم تعرفين طااااااف
حتن الصلاة هو كبير وفاهم والله حسيبه ..

طنشي الرياجيل استخفوا هالايام ادناة الدون سوالج سالفه

 

[JNOON ||~]

رد : يعني مايصير اسأل؟؟ أصيرلك طرمة ولا شنو ؟؟ اففف قهر



لا تكثرين أسأله وادشين بتفآصيل وآيد

بعدين أختآري الوقت المناسب

مو أول مايدش هآت يا استجواب @@

 

[حلوه ولمآحه]

هم مستخفين هالفتره انا ملاحظه زوجي وابوي ووازوواج خوواتي >>شكل ياايتهم الدوره الي يقوولون عليآآ
سكتي عنه فتره ويطخ وبعدين تفاهمي معاه باسلووب بس دامه الحين فيه ضغووط سكتي عنه ،،

 

[om MaRyooM]

مشكرين ع التفاعل . .


وابي بعد ردود تقنعني .. هالشي طبيعي ولا شنوو بالظبط

مظايقة

 

[al-musk]

رد : يعني مايصير اسأل؟؟ أصيرلك طرمة ولا شنو ؟؟ اففف قهر

قوليله انا ما افرض نفسي عليك ولا اقولك شنو تسوي واتسوي بس انا معاك شخص واحد ومافيها شي لو سالت عنك وكنا شخص واحد..

 

[G!RLooNa]

هم مستخفين هالفتره انا ملاحظه زوجي وابوي ووازوواج خوواتي >>شكل ياايتهم الدوره الي يقوولون عليآآ
سكتي عنه فتره ويطخ وبعدين تفاهمي معاه باسلووب بس دامه الحين فيه ضغووط سكتي عنه ،،

خخخخخخخخخخ

شوفي الرياييل لازم تييهم عرات يفصلون و بعد هم في مشاكل حواليكم اكيد مأثره على نفسيته

انشالله المياه تعود لمجاريها لا تحاتين :nbptr:

 

[om MaRyooM]

مشكورين وماقصرتو

 

[أذكـر الله]

رد : يعني مايصير اسأل؟؟ أصيرلك طرمة ولا شنو ؟؟ اففف قهر

لا تسئلينه وايد

بس لا تخلينه يطوف الصلاه

بلغيه بكل حزه الصلاه

او كلش مانفع اشتري له شريط

عن اللى مايصلى نبيل العوضي

اتوقع هو مريض حتي بالصلاه

الله يهديكم يا رب ..

 

[the new me]

رد : يعني مايصير اسأل؟؟ أصيرلك طرمة ولا شنو ؟؟ اففف قهر

انا اقول لاتسألين وحتى لما يطلع ويطول لاتدقين تسألين وينك واذا رد لاتسألينه وين كنت
والله راح تحيرينه لين يجيج يقولج انتي ليش ماتسألين عني ليش موهامج انا
ليش متغيره
هاذي سوالف زوجي تمشي معاه دايما ومع اغلب الرياجيل..........
اذا بعدتي عنه يلحقج والله
بس اثقلي شوي عليه وكل مايدخل عليج سوي نفسج لاهيه ومستانسه وانه اهو مو محور حياتج...
جربي انتي مو خسرانه شي
وسوري اذا قرقت

 

[noo7a]

والله هالرياييل ماينعرف لهم
ان سالنا قالو تحنون و تشكون
وان ما سالنا قالو مو مهتمين فينا

 

[DaShTeYa_Q8]

سأليه بطريقة ثانية يعني لمن يرد مالج شغل فيه لا تسألينه استقبليه عادي وسوولفي وياه
بعدين قوليله انتي شسويتي لمن طلع .. وقوليله و ها انته حياتي شسويت اليوم ؟
يعني تبين تسولفين موو داشة عليه وين رحت وشنو كليت ومع منو ووو
مرات ينرفزه هالشي إذا كل يووم جذي عطيه مجاال يشوف نفسه بروحه وخليه بكيفه
بعدين أهوه بيحس إنج تغيرتي وبيتعدل

والله يهديه ويسخره لج

 

[ايام وردية]

رد : يعني مايصير اسأل؟؟ أصيرلك طرمة ولا شنو ؟؟ اففف قهر

قولي لة انا اسال من باب حبي لك وحياتك تهمني
مو من باب الشك استغفرالله الله لايجيبة
يمكن انتي طريقت سؤالك تنرفزة
وترى في رجال كثير مايحبون الاسئلة الكثيرة كأنك تراقبينة فلاتتضايقين ولاشي بالعكس خلك طبيعية
ولاتسألينة وانتي اعترفتي انة في مشاكل فهذاالسبب الاكيد اللي مضايقة وحط الحرة فيك

وان شاءاللة تنحل عندكم المشاكل ويرجع مثل العسل على قلبك قولي امييين

 

[ابتسامة ساخره]

رد : يعني مايصير اسأل؟؟ أصيرلك طرمة ولا شنو ؟؟ اففف قهر




حبيبتي انا مومتزوجه بس من يوم انا صغيره وابوي مايحب احد يساله وين بتروح ولا من وين جيت وخلاص تعودت اني ماساله
يعني لو بساله يعصصب مررا <<ودي اعرف ليه مايبون احد يسالهم
ووالاغلبية كذا مو بس ابوييعني اتوقع شيء طبيعي ياقلبي

 

[om MaRyooM]

الله يعينا بس


مشكورين ياقلبي

 

[Om_HaTaN]

شوفي حبيبتي الريال فعلا ياهل..

يعني اذا اهتميتي فيه وايد وكثرتي اساله يمل..

فانتي شتسوين مره واحده اقطعي الاسئله بس لاتبينين انج زعلانه سوي نفسج انج مشغوله عنه يعني دقي على احد وسولفي بالتلفون ولاتهتمين بروتينه اليومي راح تلقينه يستغرب ويشتاق حق اسالتج واهتمامج..

اما الصلاة فاخذي على صوب بالليل وانتو قاعدين قعده هاديه..

وقوليله يافلان تدري اني احبك وادري انك تحبني وتخاف علي من كل شي..

وانا احس هالايام ان انا وياك انشغلنا بهالدنيا وايد وصرنا نسهى عن صلاتنا ومرات ناخرها..

اشرايك انا وياك نتساعد على بعض على الصلاة يعني اذا انا اخرت الصلاة او نسيتها انت تذكرني..

وانا بعد نفس الشي عشان اعينك وتعيني على شياطينا والله سبحانه وتعالى يوفقنا في حياتنا ويشرح صدرونا..

ومن هالكلام الحلو وان شاء الله يجي بنتيجه

 

[ماكنتوشه بنفسجيه 12]

رد : يعني مايصير اسأل؟؟ أصيرلك طرمة ولا شنو ؟؟ اففف قهر

عادي حبيبتي طبيعي


سبحان الله وبحمده

سبحان الله العظيم

 

[عاشقة-الكفيل]

رد : يعني مايصير اسأل؟؟ أصيرلك طرمة ولا شنو ؟؟ اففف قهر

غيري طريقة السؤال ..

مثلا لاتقولينله وين رحت ومع منو ..
قوليله هااا عمكري شسويتو اليوم ان شاء الله استانست .. خليه اهو يقولج من كيفه ..
انا بعد لاحظت ان لما اقوله وين كنت يحسه تحقيق ويعصب بس الحين لما غيرت طريقة السؤال الحمدالله صارت الامور تمام ..
وبالنسبه حق الصلاة ..
اول مايأذن فرشيله السجاده وعطريها بشوية رشوش عربيه وبخري الغرفه وتوضي جدامه وصلو ويا بعض ..
بس لاتحسسينه ان ياهل لان صج الريال اكيد ما اخر صلاته بقصد .. يمكن لهى واستحى من هالشي ولما قلتيله اكيد حس انج احسن منه فعصب واتنرفز

 

[$نسيم الصباح$]

عادي و الله كلهم جذي ما يحبون أحد يسألهم . وساعات يستخفةن ويفصلون تلاقين عنده ضغوط بشغل أو اي شي .
بس موضوع الصلاه لا تخلينه تعاليله بأسلوب حنون شوي يمكن طريقتج شوي تنرفز .