يعني مايصير اسأل؟؟ أصيرلك طرمة ولا شنو ؟؟ اففف قهر

[hooryah q8]

رد : يعني مايصير اسأل؟؟ أصيرلك طرمة ولا شنو ؟؟ اففف قهر

فجي عنه شوي ماصارت حب ... لزززززززززقة

حتى حريم قبل مو جذي

العن ابوكم لززززقة بالرياييل جنه محد متزوج غيركم ؟؟ شالسالفة

خلاص مرة بعمرج انسي بيوم انج متزوجة

اشفيج هبيتي ابوي المرا؟؟؟ اعصابج لا ينط لج عرج؟؟؟
في اسلوب احلى من جذي يردون فيه ؟؟؟


استغفرالله !!

 

[@الليدي لين@]

هالرياييل ما ينعرف لهم !

انا اقول هالايام لا تسالينه عن شي وشوفي شبيقول !

 

[شنكولة]

لاتعطينه وجه جم يوم وشوفي شيسوي

 

[hooryah q8]

رد : يعني مايصير اسأل؟؟ أصيرلك طرمة ولا شنو ؟؟ اففف قهر

امبلا تحنين لا تحنين وايد طفشتي الريال

صليت ماصليت كليت مع منو طلعت شنو سويت شفيج انتي ؟

والله لو انا عطيتج طراااق وقصيت لسانج .. خلو الرياييل على راحتهم ملاحق ملاحق بس

ويقولون بعد ليش رياييلنا يخونوناااا من الحنة الزايدة عيوز انتي عيوز ؟؟

هذي من صجها !!! اندمجت صج مع السالفه!!

ههههههههههههههه

 

[منيرة خالد]

لا تتدققين الحياة الزوجيه مثل المد والجزر


ساعات يزعلون اذا ما سألنا عنهم ويصارخون اذا قمنا نسأل >> خليج بين البينين مره اسألي ومره طنشي ومره ادخلي عليه بطريقه تعال نسولف


مثل الياهل اللي ينقص عليه اعطيك حلاوه وتقول

 

[om MaRyooM]

رد: رد : يعني مايصير اسأل؟؟ أصيرلك طرمة ولا شنو ؟؟ اففف قهر

فجي عنه شوي ماصارت حب ... لزززززززززقة

حتى حريم قبل مو جذي

العن ابوكم لززززقة بالرياييل جنه محد متزوج غيركم ؟؟ شالسالفة

خلاص مرة بعمرج انسي بيوم انج متزوجة

امبلا تحنين لا تحنين وايد طفشتي الريال

صليت ماصليت كليت مع منو طلعت شنو سويت شفيج انتي ؟

والله لو انا عطيتج طراااق وقصيت لسانج .. خلو الرياييل على راحتهم ملاحق ملاحق بس

ويقولون بعد ليش رياييلنا يخونوناااا من الحنة الزايدة عيوز انتي عيوز ؟؟

صج في ناس جذي اسلوبهم !!!!!


مادري اظحك ولا استنفر من ردج . .

بس معذورة .. من شاف نكج مسكينة لـوول

اللي مايحب مارح يعرف شتكلم عنه ..
اقول استريحي بس وخلي رايج حق نفسج ياماما

 

[om MaRyooM]

ياقلبي اشكر كل من تفاعل معاي ونصحني

وكلامكم ووجهات النظر ع العين والراس .. تسلمون ياقلبي

 

[×× شموخ أنثى ××]

رد : يعني مايصير اسأل؟؟ أصيرلك طرمة ولا شنو ؟؟ اففف قهر

حبيبتي حطي نفسج مكانه ..

أنتي لوتكون عندج مشاكل ومشغوله وأدخل أنا عليج وأسألج وينج وين رحتي شنو سويتي شنو أكلتي ..

شئ طبيعي تبي تحطين حرتج فيني .. وأهو كذلك تعبان وزهقان ومهموم .. يبي الراحه عندج مو الأسئله والاستجواب ..

خليه هاليومين ليم تهدأ الأمور والمشاكل حواليكم ..

وحاولي تخلينه هالأيام يلاقيه الراحه عندج واكسبيه مو تزيدين همه ومشاكله ..

ومتى ما صفا الجو قعدي معاه وتفاهموااا بود وحب ..

والله يوفقج معاه ويسر أموركم بظل طاعتة الرحمن يارب ..

 

[داريني]

اذا شفتيه متنرفز ولا مضايق لا تسالينه لانه ما راح تلقين رد الي يعجبج الا بطيح فيج تجعم وتسفل
اختاري الوقت المناسب وعادي كلهم جذي لا جديد

 

[حربيه وبس]

رد : يعني مايصير اسأل؟؟ أصيرلك طرمة ولا شنو ؟؟ اففف قهر

انتي اسالي عادي بس مو بكل وقت
يعني اذا شفتيه متضايق خلاص ماله داعي تسالينه
انا برايي افضل شي انج تختارين الوقت المناسب حق الاسئله

 

[3sho0o8a]

رد : رد: يعني مايصير اسأل؟؟ أصيرلك طرمة ولا شنو ؟؟ اففف قهر

خخخخخخخخخخ

شوفي الرياييل لازم تييهم عرات يفصلون و بعد هم في مشاكل حواليكم اكيد مأثره على نفسيته

انشالله المياه تعود لمجاريها لا تحاتين :nbptr:

:eh_s(13):عراتهم تبط الجبد وتجي فجاء انتي صبري وفجي عنه صدقيني حتى احنا اذا صارت علينا الدوره نفسيتنا بخشمنا عادي حبيبت قلبي بس مثل ماقالوا خواتي طنشي شوي:tek:

 

[So0oKaRa]

قعدي معاه وقوليله انا اسئل عنك من زود حبي وحرصي عليك
لو ماحبك ولو انت مو مهم بالنسبه لي جان ماسئلتك شسويت ووين رحت
ابي احس اني اشاركك بكل شي
ومن هالحجي الحلو راح يطخ ان شاءالله
بس انتي هم خفي عنه دام حسيتيه يتضايق ومثل ماقلتي يمكن نفسيته تعبانه من المشاكل اللي تصيرلكم بهالفتره
الله يفرجها عليكم يارب

 

[:: Diva ::]

الله يهديه و يسخره لج

 

[om MaRyooM]

حبايب قلبي مشكورين ع التفاعل
فديتكم . .الله يرزقكم اللي تبونه ويسخرلكم ازواجكم

 

[أميره الدوسري]

رد : يعني مايصير اسأل؟؟ أصيرلك طرمة ولا شنو ؟؟ اففف قهر

اللي اعرفه انه مآ يصير المره تسأل زوجهآ كل مآ طلع مع منو ؟ ومتى بترد ؟ ووين رحت ؟؟ وهالآسئله الاستجوآبيه خخخخ

البنت عآآتي تسولف بس هو يفهمهآ غييير عبآله تتحقق معآآه

والله يسخركم حق بعض

 

[رووووفان]

رد : يعني مايصير اسأل؟؟ أصيرلك طرمة ولا شنو ؟؟ اففف قهر

أنا بقولج أنا وحده مريت قبل فتره بمشاكل صج أنها ماكانت تخصني حيل بس كنت أحاتيها حيييل وزوجي أموووت عليه بس بهذاك الوقت والله ان بس سألني سؤال ودي أكفخه ماتحمل كلمه

فمبالج زوجج يمر بضغوطات وأنتي تسألينه من وين جاي ومع منو ؟

خليه فترة يهدأ وبرد أحسسن من قبل إن شاء الله

 

[haya20]

رد : يعني مايصير اسأل؟؟ أصيرلك طرمة ولا شنو ؟؟ اففف قهر

وي ام مريوم حبيبتي عادي لاتحاتين الريايل عراات
انا ريلي يتله فتره جذي وكله ينفس اذا سالته بعدين تعدل بروحه ليش تعورين راسج:23_asmilies-com:
فتره وتعدي حبيبتي:eh_s(20):

 

[dectora 7elwa]

بعد عمري ام مريوم
الله يهون عليكم ويصلح الحال يارب
انا اتوقع الوضع العائلي اللي حواليه ماثر عليه
اهتمامج بمشكله اهلج
وجود الوالد عندج بالبيت
الساااااالفه غيره وبس الريال يغار
مع اني ادري انج مو مقصره وياه
يعني انتي لاهيه عني ولما نتكلم يكون موضوعنا مشكلتهم واذا تفرغتيلي تقعدين تسالين
الحل

كبببببببببببري الابتسا مه
اذاطلع زوجج باشري بمشكلتكم
لكن اذا هو بالبيت ردي مثل ماكنتي قبل مع العيال او بالمطبخ
لكن من يوصل خليج على سنقه عشره
لكن لا تسالينه
يعني اهتمامج فيه خل يزيد بس بدون اساله وانتي لا تكثرين سوالف
كل الامور زينه
اليهال تمام
البيت مو ناقصه شي
الاشوقي لك مع ليله حلوه من اللي خبرج
ادر
وان شاء الله الرد الياي منج يطمن عليجي زياده ضغط عليج
بس ادري انتي قدها وقدود
انتي سوبر وومن سوبر وايف سوبر موم اند سوبر دوتر
واحتسبي الاجر بكللللللللل شي اتسوينه ​

 

[om MaRyooM]

مشكورين قلبي

دكتورة

فديتج مشكورة على كلامج ... فاهمتني عدل

 

[حبيبي مالكني]

رد : يعني مايصير اسأل؟؟ أصيرلك طرمة ولا شنو ؟؟ اففف قهر

لا حبيبتي اكيد المشاكل اهيه الي مأثرة فيه
تعوذي من ابليس واستحملي ريلج والله يهديه لج