يعيشون بيننا اصبح بعضهم هواجيس تنغص لنا الحياه ياترى من هم ؟ @ قروب رباط الأخوة @

[manoooram]

يعطيج الف عافيه على الموضوع المهم والمفيد للاغلبيه اذا مو للكل
الخدامه بالنهايه انسانه وفديرتها عندها مشاكل واهل وتغربت عشان لقمة العيش
الخدامه لها حق بالاكل والملبس وساعات الراحه
يعنى مو استعباد طول اليوم
وما شاء الله عليج طرحتى كل الجوانب في الموضوع
الاهم انه ما نظلمها ونعاملها بالحسنى
بس اغلبنا يكسرون خاطرنا الخدم وندلع ونطيح الميانه
الحدود بالتعامل شي اساسي
انا احتجت الخدامه بس والعيال صغار وورا بعض
وبعدين تعودت انا اقوم ابيتي
بصراحه ما أأمن
الحين صار لى اكثرمن 15سنه من غير خدامه وامشيه اموري
واذا احتجتها اطلب اللى نص دوام تساعد وتروح وانا موجوده وتحت عيني
وشكرا ع الطرح الراقى

يقويج ربي ويديم عليج الصحه والعافيه
ولا تكونين بعازة أحد
تسلمين لي على افادتج

 

[manoooram]

ماعندي تعليق...
گــلامـ قـمه الروعـه مشالله...
ولـو گـل وحـده فينا قـرت المـوضوع وطبقـته
ماصـارت مشـاكل الخـدمـ جـذي ..
ويعطـيج الـعافيه ياقلبـي ...

تسلمين يا قلبي فعلا انتي اسم على مسمى
وأتمنى باسمي واسم القروب الافاده للكل

 

[manoooram]

السلام عليكم ورحمة الله وبركاته
شكرا علي هذه الدعوه الجميله وعلي الموضوع الجميل
الخدم شر لابده منه وخاصة للامهات العاملات لان الام لاتستطيع تلبيه الحاجات لوحدها دون اللجوء للمساعده وللاسف معظم الازواج او اغلبهم متكلين ومعتمدين علي زوجاتهم للقيام بكل الواجبات المنزليه وخاصه في الكويت ويمكن البعض موالكل ،وهناك زوجات تقوم بشراء مستزمات البيت وتوصيل الاطفال للمدارس ليس الكل ولكن الاغلبيه ومن هنا يجب الحرص من اختيار الخادمه بدقه ويكون مكتب الخدم ذو سمعه ومعروف لان هناك مكاتب ما يخافون من الله
ثانيا المعامله الحسنه وهذا من تعاليم رسول الامه سيدنا محمد عليه الصلاه والسلام عاملي الخادمه انها فرد من افراد الاسره واعرفي انها ليست آله بل هي بشر ولها مشاعر وتاركه اطفالها بعيد عنها والله اني افكر في حال الخدم واشفق عليهم انهم مجبورين يتركون فلذات اكبادهم لطلب العيش
لي صديقه لديها خادمه من الهند وهي عبده الاصنام والبقر وصديقتي لانها حسنه المعشر ودمثة الخلق حببتها في ديننا الحنيف واحبت ان تدخل الاسلام لي معاملتها الحسنه وللآن تخدم لديها مده لاتقل عن عشره سنين
من واجبنا نحن ان الا نرمي الواجبت المنزليه علي الخادمه وحتي تربيه الاطفال واين دوركي ايتها الام يجب ان تفرقي بين المساعده والاتكال
ثالثا الدعاء والتوكل علي الله في كل صلاه ادعي ان تسخر الخادمه وتجعلها طبيه المعشر
في كل يوم وقبل خروجك استودعي اطفالك بالدعاء ( استودعتكم الله الذي لا تضيع ودائعه واذكري بالاسم مثلا بيتكي ومالكي واولادكي وزجك )الله الحافظ
اتمني من جميع الامهات ان تحفظ مقوله (من لايرحم لايرحم )

وبالختام شكرا لصاحبه الموضوع :eh_s(7):

الله يعطيج العافيه باضافتج الطيبة يا قلبي

 

[manoooram]

مانورام والاخوات اللي شاركوا بكتابه الموضوع لكم شكري وتحياتي لهذا الطرح المميز والتسلسل والسرد الواضح فالخدم هم بشر يجب علينا احسان المعامله معهم وخير الامور اوسطها فلا ضرر ولا ضرار لهم حقوق وواجبات اذا احسنا تعاملنا معهم تفادينا الكثير من المشاكل ونعمنا بالسلام فلهم طاقه لابد عدم تكليفهم بما هو اكبر من طاقتهم ولنا اجر وثواب من الله عند معاملتهم بالرحمه والود ومكافئتهم وتحفيزهم بالهدايا عند انجاز عملهم على اكمل وجه واعتبارها صدقه ننتظر منكم مواضيع مميزه ورائعه

الشكر لله يا قلبي
ونتمنى كقروب ان نكون كفينا ووفينا
بطرح أهم النقاط اللي ممكن تفيدكم

 

[manoooram]

اب اب اب اب ......

 

[manoooram]

مانورام انا يمكن هذا ثاني موضوع اقرا لج وماشالله عليج كلام راقي و يليت هل الكلام يكون فعل اكثر من انه موضوع يقرونه لتسليه
ومشكوره على الموضوع الراقي

فديـــــــج وكلامج الحلو اعتبره شهادة اعتز وأفتخر فيها
مشكورة حبيبتي

 

[manoooram]

،،


،،

السلآم عليكم


الصرآآآحه مجهوووود تشكرررووووون عليه


الله يعطيكم العآفيه


كلكم



وبضيييف شغله

إذآ سمحتوآ


نسيتوآ أهم شي والله

ألآ وأهو

(( السحر ))

بقووولكم قصه بنآآآت

وحقيقيه والله


شووفوآ لآتقووولوون الخدآمه تسحر الكفيل أو معزبتهآ أول عيآلهم عشآن مأذينهآ أو زآفينهآ واهي مقهووه ومحتره اسحرتهم لآ



موشرررررررررررررط



حتى إذآ كآنوآ زييينييييين تسحرهم اي تسحرهم


تدرررون شلووون ؟


شووفوآ وإقروآ هالقصه


(( في وحده متزوجه صآرلهآ خمس سنيييين ،، والله مآرزقهم بطفل ،، رآحت كل مستشفيآت الكويت تفحص اهي وزوجهآ ،، يطلعووون سليييمين ،، والأطبآء مستغربيين ،،
بس قآلت من رب العآلمين وكل شي خييره ،،


قآمت البنت وإفقدت خآتمهآ المآس شكت بالخدآمه معنى الخدآمه صآرلهآ خمس سنييين من تزووجت واهي عندهآ ،،

وكبيره بالثلآثينآت ونظيفه ومؤدبه وطبآخه


المهم قآلت لأمهآ يمه بخلي الخدآمه تجيج البيت عشآن اقدر افتش غرفتهآ ،،

المهم رآحت الخدآمه بيت اهل البنت قآلتهآ امي تبييج تسآعدينهآ وفتشت اغرآضهآ ولآ تلقى ::

الصددددمه تلقى ملآبسهآ اهي وزوجهآ الدآخليه مربطه مع بعض ،، وعليهم كلآم مو مفهووم المهم رآحوآ لشيخ وقآلهم هذآ سحرررررر

تدروون ليييش سحرت البنت ؟


لأنهآ مرتآحه بالبيت وومآتبي عيآآآل تلآحيهم من مكآن لمكآن

سحرت البنت خمس سنييين عشآن مآتحمل !!!

المهم لمآ قروآ وإنفج السحر حملت سبحآن الله وحسبي الله على الخدآمه ،، ))



هذآ موضوووع مهم والله يآبنآت ترآ مهمآ يكون الإنسآن طمآع وإذآ شآف الخير والنعم يطمع بأكثر


......................
...............
...

أهلا و سهلا بالغالية نورتي الموضوع
تسلمين لي على اضافتج المفيده
ولا حول ولا قوة الا بالله
بلاوي الخدم وايده بس ربي يحفظنا بحفظه

 

[manoooram]

ما شالله عليج مانورام موضوع كاااااامل و متكاااامل ..
انا الصراحة اخاف من الخدم و بس انا و ريلي و بنتي بالبيت فماأحب تحوس بينا ماله داعي .. ما اقولج مو تعب علي .. لا والله تعب الجامعة و التنظيف و الياهل .. بس والله أهون عندي من الخدامه ..

بس والله يا ريت موضوعج يقرونه بعض الناس .. ناس أعرفهم و شوفة عيني شلون يعاملون خدمهم .. ولا جنهم أوادم .. من ناحية التعامل أتكلم .. تراهم حالهم من حالنا لهم مشاعر ساعات يكونون متضايقين مو شرط تقعد تبوسم 24 ساعة ..

والله مفروض نحس فيهم انا اذا قطيت الهدوم بالغساله و الصحون بالدش ووشر .. و نظفت شوي هني و هناك ظهري ينكسر لوول و هذا كله على بعضه ساعه .. عيل شلون اهمه اللي من اول ما يقومون لي 11 12 بالليل .. و الله ساعات اشوف خدم من 6 الصبح يغسلون السيايير والله حرام ..

و يعطيج ألف عافة انشالله و تسلمين على الموضوع المفيد عسااااااج على القوه يالغاليه

googoosh
حياج الله بالموضوع وشاكرتلج وجهة نظرج الراقية

 

[manoooram]

يعطيج العافية ع الموضوع الحلو وبصراحة استفدت منة وااااايد والله
وبكتب النصايح بورقة لأمي علشان تستفيد بعد

فديت قلبج مااقصرتي؛***

تفداج الروح aem
وتكفيني كلمتج ان استفدتي من الموضوع وايد
ألف شكر

 

[manoooram]

يزاج الله خير يا اختي manoooram ومشكوره على طرحج الراقي وماقصرتي عالدعوه :eh_s(17)::eh_s(17):​

بصراحه شديده انا اول مشاركه لي بالمنتدى كانت عن الخدم اذا ماخاب ظني​

واللي كنت متعاطفه فيها مع الخدم عكس اغلب المشاركات​

بوجهة نظري واللي اشوفه من عمر في ناس تشوفها تحسن للخادم وتعطيه بس " بمنه " ​

ماتعطي من قلبها وتقول انا عطيت وسويت ووو ومابين بعينها اللي فيها ومافيها ..​

للأسف هذا اللي داير الحين بشكل كبير .. ما انظروا لأهم نقطه واللي اهي ان هالخادم " انســـــان "​

تدرون شنو يعني انسان ؟ يعني حاله حالج بشر لحم ودم واحساس وكثار مننا رغم عطاءه​

للخادم بس ماينظر له كبشر؟ معتبر الخادم آله او كائن قليل الشأن وماله حقوق ونتعب واحنا نتحجى​

اما اللي غاسلين ايدنا منهم واللي يهينون الخدم ويطقونهم ووو .. وعقب نسأل ليش اذت عيالنا​

ترى هم علاقه عكسيه .. ومثل ما احنا نغلط هم الخادم يغلط مثل ما احنا مو منزهين عن الغلط​

هم الخادم مومنزه .. وعلى الرغم من حزني الشديد من الحوادث الاجراميه اللي تحصل من الخدم في البيوت​

اللي زادت من فتره وخاصه من الخدامه اللي تعاملينها احسن معامله وعقب تفجعج بشي !!! والاسباب مختلفه يا انها​

مريضه نفسيآ او مختله او مجرمه بالفطره الخ .. الزبده هذي جرايم ايضآ تحصل برى البيت بالمجتمع​

خارج نطاق البيت وهذي مشكله كبرى بس مو بيدنا نحل كلشي يعني بيدنا بس نحد منها ..​

بس انا ابي اللي مسلطين الضوء على الجرايم .. يسلطون الضوء بعد على المعامله السيئه او السيئه جدآ من بعض​

الاسر للخادم وتحقير هذا الانسان ومن ثم اليهال يحقرون هالخادم والمراهق يحقره الخ .. ترى نادر احد يهتم لي انظلم ​

الخادم .. بس نهتم ونقوّم الدنيا لي صار شي للبيت .. مو احنا لنا حقوق زين حقوقهم هم مانبي نهضمها ؟​

وانا اتحجى عن البعض طبعآ مو الكل .. وموضوعج يالغاليه وافي وكافي ومحتااااااجينه محتااااجينه​

والله بردتي قلبي لأن موضوع الخدم هذا متعبني من زمان .. ​

يزاج الله خير وماقصرتي حبيبتي وبميزان حسناتج ان شالله :eh_s(17)::eh_s(17):​

حياج الله حبيبتي
ولازم اذا نبي نعطي بقلب صافي دون تحقير لهالفئة
لو ما ظروفهم الصعبه ماكان يخدمون ببيوت الناس
تسلمين لي الغاليه على رأيج الطيب

 

[manoooram]

،،

إمممم وفي شي بعد
الخدم

ترآ من أهم الطرررق اللي تخلي الطفل من صغره مآيعتمد على نفسسسسه


وتخلي البنت تتعود عالخدآمه دآم كل شي عليهآ ولمآ تتزوج مآتعرف شي لآتغسل ملآبس ولآ تطبخ ولآ حتى تكوي اوووتي


...................
.............
...

وجهة نظر معبرة
هني الغلط على الأم اتكاليتها واعتمادها على الخدم بكل صغير وكبيره
هذي نتايجها تشوفها باهمالها ببنتها

 

[manoooram]

موضوع غايه في الاهميه وغايه في الترتيب....

فعلا مجهود واضح جدا ...عن نفسي ما عمري استقدمت خادمه , كل شغل البيت اسويه بنفسي , واغلب الارشادات الوارده اسويها ,لكن البعض أعتبرته افكار ممكن تريحني وتوفر على الوقت والجهد , واكيد راح استفيد منها ....
مرجع ممتاز لاي وحده عندها خادمه او تفكر تستقدم وحده

كل الشكر لج حبيتي انتي والخوات اللي ما قصروا بانجاز هالجهد الاكثر من رائع ....​

أحترت أعبر ما شالله عليج وقواج الله :eh_s(15):
ويهمنا كأخوات بالقروب دون تحديد
أن نوصل لج ولخواتنا قدر المستطاع .. الافاده والنصح

 

[manoooram]

ماشالله خوش موضوع يعطيكم العافيه نفرا نفرا :eh_s(7):

موضوع مميز ومنسق ..ومعانيه رائعه وتهم كل عضوة في حياتها اليومية :eh_s(17):

واشكر من ثبت الموضوع لانه يحتوي على عدة معاني ومواضيع هي للنقاشات الجادة :eh_s(17):


واحلى سياسة تسوونها مع الخدم سياسة ابوي :

اذا امي هاوشت خدامة..ودزتها > ابوي تقريبا بعد ساعة يعطيها خمس دنانير او عشرة او عشرين (حسب كبر الهوشة وعدد الطراقات .. لان مرات اخواني الصغار يطقون الخدامة )
اقول لابوي لا تخلص فلوسك لا تعطي الخدامة فلوس ( قولها حصل خير وخلاص )

يقول لا لا لا هذي بإيدها حياتنا > اكلنا وشربنا عندها

وشوفي الجرايد
كل يوم الخدامات مسوين
تسمم لطفل او حارقين طفل ..
والانتقام احيانا يوصل للقتل ..
وهذيلا بشر عندهم احساس وكرامة ..
واذا تضايقوا ينتقمون من بيتنا واحنا نايمين ..
يحرقون البيت.. خبيثين وحياتهم بدولهم كلها شقا ومشاكل وجرايم يقربون ملابس للدفاية ويخلون البيت يحترق )

ولي عودة للموضوع الجميل اللي كلا فايدة ؟

الشكر موصول لمشرفات القسم الحلوين

والله يخلي لج الوالد والوالدة ويبعدكم عن الشر سواء من الخدم وغيره
وفديت قلبه أبوج يداري خاطرهم على شانكم :eh_s(17):
أهم شي عندنا استفادتج ويا خواتنا بالمنتدى وفي انتظارج غاليتي

 

[manoooram]

السلام عليكم ورحمة الله


بداية

احب اشكر أختنا العزيزه stay alive
على تصميمها لمواضيع القروب

تسلم يمناج يا الغاليه وجعله في ميزان حسناتج لوقفتج ومساعدتج قروب رباط الاخوة



وكل الشكر والتقدير لاخواتي عضوات القروب

عساهم عالقوة على جهودهم المبذولة في سبيل نشر الخير وكتابة المواضيع الهادفة



بالفعل هذا الموضوع يستحق منا النقاش وتبادل الاراء حتى الكل يستفيد

ونتمنى الافادة للكل لتفادي مشاكل الخدم


أختي منوورام

يعطيج الف عافية حبيبتي لمتابعتج الموضوع وعلى المقدمة الرائعة اللي كتبتيها في بداية الموضوع

أهلا نهى
منورة الغالية ويسعدني مشاركتج واااايد بالموضوع
:eh_s(22):
صج نتمنى الافاده للكل بقدر الامكان
و بنات Q8yat يستاهلون كل كلمة طيبة ورائعه بحقهم
:eh_s(7)::eh_s(7)::eh_s(7):

 

[manoooram]

السلام عليكم

تشرفني دعوتج اخت مانورآم لـ هالموضوع الثري بصراحه لانه الاغلب يبيلهم دروس في ثقافة التعامل مع الخدم!

كل اللي ذكرتوه بالموضوع بيرفكت !

وحبيت اضيف شغلات..لابد انج تكونين شوي قاسيه في بعض الاحيان مع الخدامه لانه ساعات القسوه تفيد لكن مو القسوه اللي تهين الكرامه وتذلها وتولد الكراهيه وعقب تكون نتايجها وخيمه لا!

تكون معامله شوي فيها حزم علشان تحط لج الف اعتبار قبل لا تفكر تسوي شي مو زين !

لانه بالاخير اهم بيئتهم مختلفه وماتدرين اهي شنو هدفها جايه تشتغل او جايه تسوي شي ثاني!

وطبعا بالاخير اهمه نفس بشريه ولهم مشاعر لابد نراعيها من حيث المآكل والمشرب !

ونراعي الله فيهم ونعاملهم معامله حسنه مثل ماتعلمنا من اسلامنا الحنيف !

وشكرا لكم مره الثانيه على طرحكم المثمر في المنتدى

ارق التحايآ لـ جميع عضوات القروب ^_^

الله يجزاج الجنه بكلامج الطيب
للأسف نصادف بحياتنا شريحه كبيرة من البشر تسيء معاملتها للخدم وتجهل مالهم من حقوق
وان شالله باسمي وباسم خواتي بالقروب نكون وصلنا الفكره لكل من يظلم هذه الفئة ويحملهم فوق طاقتهم
مشكورة وما قصرتي

 

[manoooram]

يعطيكم العافية جميعا الصراحه موضوع رائع الف شكر

الشكر لج بمشاركتج بالموضوع

 

[manoooram]

دقيتي عالجرح يا منورام

تعرفين إني جم مره أتصل عالاذاعه عندنه أطلب مثل هالموضوع لأني الصراحه وايد متأثره فيه

شكراً لإختيارج هالموضوع هالشي يدل على الروح الانسانيه إلي عندج إلي للأسف الكثير إفتقدها وبالاخص في العالم العربي وفي الخليج بالتحديد

أدري وايد بيخالفوني لكني ماتكلم من فراغ أتكلم من إلي أجوفه جدامي

أجحد شعب في معاملته مع الشغاله هم الخليج والله إنه قلبي يعورني لمن أجوف أحد يذل أو يقسي على أحد

بعطيج جمن مثال وسامحيني بطول في ردي لأنه صج صج قلبي مشحون من هالموضوع

مره كنت طالعه وجفت أم معاها عيالها ووراهم شغالتهم وقفت الام شرت آيسكريم لها ولعيالها الايسكريم سعره 150 فلس يعني ريال ونص تمت الام تلحس في هالايسكريم وتبلع إهي وعيالها وهالفقيره الشغاله تطالعهم ولاحقتهم حتى ماسألتها تبين أو لا طيب هذي مو إنسانه مالها خاطر والله

موقف ثاني وأغلب هالمواقف في المجمعات كنت في قسم المطاعم عائلة كامله كلها قاعده تزط وتبلع مالذ وطاب والشغاله بروحها في طاوله بروحها مع الياهل تأكله وجبة أطفال يعني هي تجوف الاكل وتشمه وتوكل الياهل وإهي ماتاكل ليش لأنها شغاله مره وحده من هلي دار بيني وبنيها نقاش قالت والله آنه مب مسؤوله آخذ لها بعد هاي الي قاصر أعطيها معاشها وآشتري لها أكل من برع

قلت لها وإهي مو شغلها إتيي معاكم وتداري عيالكم برع البيت إهي يايه تشتغل في البيت خليها في البيت عيل

لي هالدرجه الناس صارت جاحده وماتفكر

مره وحده طولها طول الباب مع عيالها بعد كلهم شارين آيسكريم بس هالمره غالي شوي مب بو مئة فلس كانو شارين من بنك بيري تخيلو الموقف معاي الام نادت الشغاله وعطتها قطعه من مانجو الي ينحط على الايسكريم والله قطعه صغيره قالت لها تعالي ذوقيه والله شكلها خافت بطنها يعورها من نظرات الشغاله لها قالت خل أعطيها شوي لاتعور بطني

لايشيخه كلفتي على روحج بلعي هالنتفه بعد ليش تعطينها وطبعا الشغاله مارضت تاخذ قالت مابي

مره خذيت شغالتي وعيالي ورحنه محل الايسكريم نفسه وأمي معانه بعد أهمه قعدو وآنه أطلب طلبت للكل نفس الشي الطاوله إلي لاصقه فينه فيها بنت في العشرينات من عمرها مع بنتها وشغالتها تكلم شغالتي بقلة أدب وتقولها ليش قاعده صوبي روحي قعدي بعيد ومابغت إلا روحها كنت مقهوره عليها لأنها تبلع آيسكريم والله أكبر حجم ماخذه وحق بنتها حاطه منه شوي على كلينكس والخدامه تأكل الياهل من فوق الكلينكس تخيلو الشكل قلت دام حق بنتها مسويه جذي عيل ماعليها حرج إذا ماخذت حق الخدامه وعقبها صار هالموقف

شغالتي قالت لها وين آروح آنه قاعده مع الياهال ردت عليها إي ماعليه بس باعدي عني ومابغت إلا روحها رحت لها قلت لها في شي قالت لا بس لو الشغاله تروح هناك عشان آقعد قلت لها وليش ماتقعد إهني المسافه عوده إنتي ماتبين غيري مكانج وفعلاً قامت غيرت مكانها لأنها برنسيسه مو قدرها تقعد يم شغاله

ياناس ياعالم هذيله أوادم بشر الوحده منه لمن تروح الشغل تبي ترجع بسرعه حق عيالها فكرو في هذيله هادين أهلهم عيالهم وكلشي وياين رحموهم شوي حسو فيهم كل وحده تتخيل إنها في مكان الخدامه شنو بيكون إحساسج وغير ذي إنتي هاده عندها أغلى ماعندج عيالج إشلون تقدرين تعاملينها بهالطريقه إشضمنتج شتسوي في عيالج لاتقولين إنتي في البيت وتجوفينها الخدم إذا بغو يسون شي يسونه بوجودج أو عدمه

منــــــــــــــــــــــــورام موضوعج يبيله صفحات يبيله أيام مشكوره على هالطرح المهم وأتمنى مثل هالمواضيع توعي الناس وتزرع في قلوبهم الرحمه شوي وأكيد برجع أكمل في جعبتي كلامن طويل ماقدره أكتبه كله في رد واحد

حبيبة قلبي مراوي حيل فرحتني مشاركتج بالموضوع
واخذي راحتج الموضوع لج ولخواتنا
تسلمين لي ويجزاج ألف خير بذكرج للموقف اللي يحز بالخاطر
ان في من المسلمين يعاملون غيرهم بهالشكل المؤلم وبقلوبهم غشاوة بحسن التعامل مع الخدم
ونسوا انهم من البشر لهم احساس
لا حول ولا قوة الا بالله ..
وبانتظارج يا قلبي
:eh_s(17):

 

[ميما الاموره]

شكرا كتير عالموضوع الحلو والمفيد
بصراحه استفدت منه في بعض الاشياء مع اني ماعندي خدامه
بس فعلا الحياه راح تكون مو حلوه بوجود شخص غريب بالبيت
ممكن سؤال؟
ماهو قروب رباط الاخوه
جديد انتبهت اله وحابب اعرف عن شو بيحكي وازا ممكن اشترك فيه​

 

[manoooram]

طبعا موضوع مميز و جزاكم الله الف خير
ودي اقول اشمعني الأجانب يشتغلون و عندهم يهال و بيت و تنظيف بس ما يستعينون بالخدم كثرنا بس للأمانة أنا ما أخذ سلوكي من الغرب أنا اقتدي بالسيرة النبوية العطرة و القران الكريم




كان قد أصاب السيدة فاطمة الزهراء -عليها السلام - التعب والإرهاق والنحول من جراء أعمال البيت وتعليم بعض النساء فقررت أن تذهب إلى أبيها النبي العظيم -صلى الله عليه وآله وسلم- وتطلب منه أن يبعث معها من يعينها في أعمال البيت من الجواري..وعندما ذهبت إلى النبي -صلى الله عليه وآله وسلم- وأخبرته بالأمر .



قال لها النبي -صلى الله عليه وآله وسلم- ولعلي -عليه السلام-:ألا أعلمكما خيرا مما سألتني؟؟*
فقالا -عليهما السلام-:نعم*



فقال -صلى الله عليه وآله وسلم- :كبرا أربعا وثلاثين مرة ,وسبحاً ثلاثا وثلاثين مرة ,وحمداً ثلاثا وثلاثين, فهو خير لكما من خادم يخدمكما.
وهكذا فرحت السيدة فاطمة -عليها السلام- بهذا الحل المعنوي وآثرته على الحل المادي فهي دائما تنظر إلى طريق المجد المخلد ولاتغرها مباهج الحياة الدنيا..لأنها ترنو إلى الحق سبحانه وتعالى فكانت هذه التسبيحة لاتفارق شفتي فاطمة الزهراء -عليها السلام- حتى صارت سنّة جارية إلى يومنا هذا



الخادمة انسانة اول و أخير
بس مو ضرورة لو الواحد بيته علي قده
اما اللي عنده شخص كبير بالسن او مريض او عدد كبير من اليهال
فلا حرج من المساعدة

بس ترا ما راح نموت لي قعدنا بدون خدامة
جربناها بالغزو و الوضع كان شزينه
احس ردينا علي ايام اول جنه إحنا بفريج شرق و جبلة
ماكو كسل ماكو تنقل حجي ما كو شي تخشينه ع الخادمة أمان
والجيران يتعاونون

واعرف وحدة والله من سفرت الخدامة تقول بيتي و ماجلتي احس فيهم بركة و مباشرة عيالي بنفسي تبارك الرحمن

مافيها شي الغسالة و النشافة موجودين
و اشتري غسالة صحون و حطي جدول تنظيف
شي يومي مثل الطبخ و التنظيف الروتيني مثل الحمام و السراير
وشي أسبوعي مثل تنظيف الغرف والشبابيك و غسيل و كوي
وشي شهري علي حسب حجم البيت طبعا

واذا اليهال المشكلة
عندج الحضانة او بيت الأهل

*

تسلم الأيادي بمشاركتج .. كلام من ذهب
صج نورتينا بأفكارج والله يعطيج العافيه الغالية

 

[manoooram]

جزاج الله خير
كلامج طيب
الخدم والله حظ ومانقول الا الله يكفينا شرهم بس

ويجزاج بالخير بالمثل
صاجه الخدم حظ فيهم الزين وتالشين وربنا يحفظنا
شكرا الهنوف