يـومـيـات حـمـلة princess of winter

[baby lotion]

بسم الله الرحمن الرحيم

اول شي بقول عنايتي كانت بسيطه لاني معزومه > العزايم سبحان الله ماتيي الا الحين يوم بديت اعتني

قمت على صراخ ماماتي غسلت ويهي وخلصت تريقت ريوق صحي حطيت ماسك بو عشر دقايق تسبحت كشخت رديت الفجر مسحت مكياجي وحطيت زيت اللوز لويهي

والحين كليت تفاحه و قاعده اشرب حلللليييب


النتايج * تبارك الرحمن

جسم سمبتيك وترتييييب
لوني قام يتوحححد
بشرتي قلت مشاكلها
شعري كان كاش شوي معليه هههه من الاستشوار بس في تحسن الحمدلله
خف التساقط , الاماكن الحساسه فتحت شوي

المشاكل *

سيلولايت لاني ماتحرك وايد لانه ((((( برررد ))))))))))):eh_s(2)::eh_s(2):

اكواعي شوي بس اقعد عليهم يغمج لونهم ياربي شهالاكواع بموت منهم :eh_s(4):

وبس

 

[baby lotion]

شهيده

مشآكل ~}
- مسآمآت بسيقآني مره مضايقتني
- هالات سوداء
- ترهل الفخوذ


عقب ماتحفين اخلطي زبادي وشوية نشا وخليه جم دقيقه على ريولج واي مكان تحفينه

صج صج لاحظت ان مساماتي اختفت

اما الترهل يروح من الرياضه والمشي لا مكاين ولا خلطات مافي احسن من الرياضه

 

[النبع الحنون]

دارلا ..مشكوره حبيبتي عسى ربي يوفقك :eh_s(7):
تابع عنايتي خذيت فيتاميناتي وصلحت تمارين القرفصاء 20 وتمارين المؤخره 10 وتمارين الخصر 2 كل واحد 20 مره
وتمارين المعده 10 وتمارين اسفل البطن 10 وتمارين شد الارداف 10
عنايتي قبل النوم بما اني ماقمت الا متاخر البارح فبنام بعد شوي
غسلت بصابونه الكركم حطيت خلطه الوجه وكريم الهالات وخلطه الاكواع وكريم الركب والدوكين للرقبه والمنطقه الحساسه .

 

[فراوله..]

فهيما
وصلتني رسالتلك ع الخاص حاولت ارد عليك بس رفع ضغطي مدري شفيه يعلق وماتروح الرساله

عادي حياتي والله مازعلت الغلط وارد والانسان يغلط وينسى ودامك بتشيكين انا متأكده بتلاقينها كلها ماعدا
الخميس بس ..

 

[softa]

صصبآآح الخخيرآت


بنــآت امس ذكرت ان ماكو نتائج
بس نسيت اكتب نتائج التمماريين ,,

التممـآرين وآآيد مرتتـآحه علييها
وسالفة اني صرت على طول شافطة جسمي وامشي باستقامه
حسيت ان صدري شد و بطني مثل الششي كان فيني كرشه صغنننه
لان آكلل وآجد عشان امتن وماغير هالكرشه تمتلي ><"..
فخخودي ششدو بععد ..

..

عنـآيتي اليوم
صحيت غسلت فيسي بصابونة البابايا
كليت كورن فليكس و شربت مممويه دآفيه
جآتني الدوره ><" , بس الحمدلله هالمره كلش ماكو الم ..
يعني هاليومين مارح اشرب حلبه "
والله ودي في برننامج يغيرني جذذذذذذري ><
وجهي والله احسس منعفسسس
يصير اوكيه و يرد يرجع مثل ما كان
ان شاء الله استفيد الحين من صابون البابايا
وبكره بروح آخذ جدد عشان بسوي خلطة الباباايا
لانجل كات حق جسمي ..

:*

 

[mona q8]

السلام عليكم
آسفه حبايب قلبي على الغياب بس صدقوني ما يبعدني عنكم غير الشديد القوي
إن شاء الله راح أغير عنايتي ع الشهر الجاي لان بصراحه في اشياء نفعتني واشياء ما نفعتني
وبما ان الحين بديت حملة تعديل الجسم احتاج اشياء ثانيه اضيفها لجدولي
لان اردافي صغرت حييييل لاني ضعفانه<<انا نوع جسمي يضعف ما يسمن
بضيف اشياء تكبر الخلفيه واشياء تخفي الكرش
وانا مشاكلي ولله الحمد عاديه مو كثيره
ببدا بعنايتي الصباحيه
اول ما قعدت فرشت اسناني بسنسوداين
وغسلت فيسي بغسول غارنييه
ودهنت فيسي بكريم النهار وكريم الهالات السوداء وحطيت مرطب هيمالايا
دهنت جسمي كله بخلطة الزيوت لتوحيد لون بشرة الجسم
دهنت رجولي بجلسوليد ولبست دلاغات
نقعت اظافري بليمون لتقويتهم
ولي رجعه بعنايتي الليليه

 

[دارسين]

مرحبا صبايا


ماشالله الله يهنيكم بالنتايج

اولا عنايتي اليوووم
غسلت وجهي بالصابونه الفلبينيه وحطيت اولاي النهار وخلطه رموش وزيت شعري

سويت تمارين وشربت شاي اخضر وزنجبيل وتريقت خفيف


وحطيت خلطه الكوع والركبه وابطحط خلطه قبل الشور واخذ شور بالصابونيه

المشاكل عندي سيلولايت بالافخاذ

ووزن زايد من الزنود والافخاذ بس


النتايج
الحمدالله لمعه حلللوة بجسمي وتفتيح واضح

والشعر الحمدالله في تحسن ولضح

اسطورة والبنات اللي يستخدمون مسكره مافالا من وين ؟

واللي عندها تفتيح بالمنطقه واضح تكتبلنا شنو تستخدم !؟

 

[دارسين]

بالسبه للسيقان والمسامات كانت عندي قبل الحمله هالمشكله والحمدالله بديت اتخلص منها 90 بالميه

علاجها السنفرة والترطيب والتقشير من خلال التفرك بالصابونيه


واللي تبي تفتيح اباط الحمدالله اباطي متفتح كثير من صابونة الكركم وسنفرة كاب لما تحطين كل وحدة خليها عشر دقايق واغسليها مو على طول وبعد اسيكنول بابايا خفيف وحلو تمسحين فيه باليوم مرتين




بالنسبه للبنات اللي يبون تكثيف للشعر مثل ماذكرت اول خلطتي مالت الشعر روعه ونتايجها سريعه

في خلطه حلوة تستخدمونها مرة بالاسبوع
موزة وكيوي وحدة بالخلاط عباره عن ماسك مرة بالاسبوع يعطي غزاره للشعر ولمعه وطول

اسم الماسك ماسك ممثلات هوليوود

 

[دارلا]

مرحبا

البارحة المسا تسبحت بالصابونية وتفركت بكربونات الصودا بس الاماكن الغامجة
وشليت شعري يوم اني مصحصحة لووول وقبل لا اتيني الدورة
ورطبت جسمي

اليوم

يتني الدورة الظهر
شربت جرفة صينية منها للامساك ومنها للدورة واحبنه قاعدة اشرب كووب ^^
بوقف خلطات الشعر عسب لا ابرد
التركيز بيكون عر الركب والاكواع بقشرهم برتن ايه دام ماشي صلاة لانه المم فظيع تقشير الركب وقت السجود
+
مفااصل اليد (زيت زيتون - شكر )

كريم الهالات

فيوسيديت للبقع والحبوب
بيباناثين للفيس كاامل

اسكنول للرقبه

 

[Fahema]

سلام عليكم

بنات الي تحس عمرها بالكسل أو الي ماتقدر تستمر
والي غايبه فوق 3 ايام و4 ايام بدون ماتقولي سبب تكتبلي الحين اذا بتستمر او لا , والي كانت غايبه وناويه تستمر توعدني بالاستمرار وحضور يومي + عنايه مكثفه والي مابتقدر تستمر وبتغيب فوق 3 أيام ولا بتستمر
تقولي من الحين علشان احذف عمودها من اكسل لانه شهر الياي ابا جديه واايد مابا لعب مثل هالشهر وعنايه خفيفه وغياب واايد واذا شفت غياب 3 ايام او فوق 3 ايام بدن عذر مابتفاهم وياحد على طول بمسح عمودها
لاني بفتح موضوع تسجيل يديد حق بنات يداد علشان ينضمون في هالحمله

 

[Fahema]

بنات من اليوم ابا جديه وعنايه مكثفه وكل وحده تشجع ثانيه لو ماكانت عنايه كثيفه وكسل صدقوني مابتستفيدون شي والحمله فرصه علشان تتغيرون لأحلى وتشجيع
علشان اذا وحده قريبا بتزوج او الي بيها نصيب ماتراكض منتديات واتقول ساعدوني انقذوني في حبوب في ويهي وفي جسمي
وجسمي مب موحد او انا هيكل عظمي او انا فيله و تصبغات في جسمي زواجي قرب
هالكلام مابينفع بعدين عادي اي وحده في سبوع تغير في مده قصيره تستخدم كريمات وخلطات فيها كورتيزن علشان تبيض فجاه في مده قصيره اهتمام من الحين لازم علشان ماتمرون بموقف تنحرجون فيها بنات والله اذا شفت هالتشجيع والاهتمام بسوي حمله ثانيه بجمعكم لين توصلون وتتغيرون 180 درجه لأحلى

 

[mona q8]

المشاكل:
بنات اردافي حيييييل ضعفوا صرت ما اقدر اقعد عليهم بسبب سوء التغذيه
اسناني ما زال لونهم اصفر بنات ابي شي يبيضهم مابي ليزر

النتايج:
شعري صح ما زال خفيف بس حييييل تحسن عن اول بسبب الحنه قل التساقط بشكل ملحوظ
جسمي فتح عن اول حتى ركبي
وجهي فتح وصفى وصارت فيه نضاره

 

[byoooni]

اليوم ما شاء الله عنايتي مكثفه

اول ما صحيت

غسلت وجهي بصابونة الببايا

غسلت اسناني

رجعت من الدوام

غسلت وجهي بالغسول اللي وصف لي الدكتور

دهنت كل جسمي بخلطه كريمات و زيوت

حطيت كريم الجمال فركبي و اكواعي

محت رقبتي بتونيك ليمون

سويت تمارين 50 مره لمنطقة الزنود

وصدري دهنته بكريمات للشد

حطيت جل للهالات تحت العين

و حطيت جل للشفايف

شربت غرشة ماي كامله

و بعد نص ساعه من الغسول بحك رتن ايه و اخد لي غيلوله

لي عوده بالباقي :eh_s(7):

 

[byoooni]

بنات بليز اللي عندها حل للبشره الدهنيه تفيدني

لما احط ميك اب ما تمر اعه الا الفاونديشن ساع خصوصاً عند خشمي

بلييييييز ساعدوني متوهقه

كرهة ابو الميك اب من هذا السبب

 

[byoooni]

فهيمه انا اسبوع اللي راح كنت حيل مضغوطه و اختبارات ورا بعض

بس كنت ادخل و اكتب اليومياتي

لكن اللحين فضيت شوي صحيح عندي اختبار ايلتس قريب

بس ابد مو مضغوطه مو مثل اسلوع اللي راح

ان شاء الله هالاسبوع و الاسابيع اللي جايه بعده تكثيف و عنايه قويه

 

[تبيني آرضى عليك]

مساء الياسميييييييييييييييييييين
كيفكم ي احلى بنااااااااااااااااااااااااااااااااااااات

عنايتي
اول ماصحيت غسلت وجهي ورقبتي بصابونة الغااااااار ونشفت ورطبت بزيت جنين القمح
وقبببل الظهر اخذت شووور بصابونة الغاااااااااااااار ودهنت خلطة دوف
ووجهي غسلته بالغسسسسسول ورطبته بنيفيا
وشربت كووووب شاي اخضررر
والسااااااعه 3 اخذت شوووور وغسلت شعررررررررري بشامبببببببببو برت
ووجسمي اتفركت بصابونيه مزيوووووونه وليفت جسمي وسنفرته بسنفره الممشمش ورطبت بجلسوليد \وووجهي غسلته بالبايايا
ورطبت بنييفا
وبعد المغررب بسوي تماارين الكرررررش وشد الصدر

 

[تبيني آرضى عليك]

لي عوووووووووووووووووده إن شاء الله بشوووووف عنااايتكم ي حلوووووووووووين ونحل مشاااااااكل بعض

 

[MISs SoMa]

سلآم صبآيآ

عنآيتي لليوم

صحيت 7 آتروشت بصآبونة لآلى وغسلت فيسي بـ صآبونة مون لآيت
سوكت آسنآني ب كرست ودعكتهأ بقشرة ليمونه
سويت مآسك زبآدي + عسل + صفآر بيضه لـ شعري
ومآسك آلدهب لـ فيسي ويدي ورجلي
ركبي واكواعي وبآطي وآلمنطقه دعكتها بقطنه مبلله بـ خلطة بيكربونآت آلصودآ

دهنت جسمي بـ لوشن لآلئ + وفيسي بكريمآت آلتهآر م آولآي
يدي ورجلي دهنتهآ بـ آلدوكين وكريم آلحمآيه
ركبي آكوآعي بآطي وآلمنطقه جلسرين + جلسوليد + ليمون
شفآيفي زبدة آلكآكآو وزيت آلورد
عيوني كريم فيتآمين e
رموشي خروع + فآزلين
صدري زيت جنين آلقمح وحلبه ولبست جهآز آلتكبير

فطرت
سيريلآك + حليب صويآ + توست + نوتيلآ + موزه + حبة فيرموجلوبين وكبد آلحوت
بعد سآعتين
5 حبآت تمر + لبن + تفآحه + رز مقلي + حبة زهرة الربيع آلمسآئيه
آتغديت
رز + جمبري + سمك + فتوش + سلطة فوآكه + عصير برتقآل فريش


و دحين حروح آسبح فـ آلبحر حتنقع شويآ

سي يآآآآ

 

[نفحات طيبة]

يوم السبت عنايتي شور بالصابونية وسنفرة دلع
الوجة سنفرة وخلطة السدر والحليب والزبادي
الرقبة كركم وجليسرين وعسل
الجسم بالليل راح استخدم صابون مغربي وسدر وزيت اللوز
المناطق السوداء مقشر اكرتين
الوجة صابونة بيزلين وكريم اولاي الليلي الشفايف فازلين والهاللت زيت جنين القمح
المشي ربع ساعة واشرب زنجبيل ونعنع

 

[baby lotion]

بالنسبه للمنطقه الحساسه : سمعت وايد بنات خربطو وصارت لهم مشاكل واللي تقول محترقه واللي مادري شصار فيها

واساسا المنطقه هذي مو مالت تجارب وتخبص ..فانا خخليت عنايه بسيطه بدون تخبص والمكان الحمدلله قاعد يفتتح صار نفس لون جسمي

اقوم الصبح اغسله بصابونة بابايا ( بس من فوق والاطراف )

فالليل ادهنه مره سودو مره زيت اللوز ...... وبعد الحف زيت الزيتون (فقط )

واتنشف عدل بعد كل حمام والبس شورتات قطنيه بيضه فالبيت و بس