يقولي انتي ليش حقوووده ...؟؟ علشان التأمين

[لمى...]

اللي يقولون مو من حقج ترفضين

اولا من حقها اولا اصلا مايجوز وذنب عليها

ثانيا بطاقتها وبإسمها وهي حرة فيها

وبث

 

[frozntouch]

فهمتج صج موقف يحر انه تسوين خير بناس ماتستاهل فاهمه قصدج
بس بصراحه لو كنت بموقفج ما راج اعرف اتصرف لانه الاخو بينظر لاخته دايما صح
لو كان عنده معزه الاهل اكثر من الزوجه ف بيحسب انج تدورين مشاكل لو ماعطيتيه البطاقه

 

[Queenleo]

اتوقع هالشيء مو قانوني

وممكن تحوشكم مشاكل من وراه

وبعد اتوقع ان شارعا مايجوووز

يفظل انج تتاكدين من شيخ دين

لان لو يبون جان عطووا دوام ريلج حق باقي اهله بس هذا تحايل عالقانون

ديري بالج ولاتعيدينها

 

[عالمي المجنون]

ع حسب علاقتج مع حماتج

اذا ما تستأهل لا تعطيني

عن نفسي لو حمواتي يطلبون مني شي اعطيهم ولا اقصر عنهم

لان حيل محترميني و حاطيني ع راسهم

فأنتي عاملي الناس ع حسب علاقتج معاهم مو كل الناس تستأهل

 

[OM-3ABADY]

لو يدرون الشركة اللي يشتغل فيها ريلج ان يستخدم البطاقة في علاج خواته

بطلعون الفلوس كلها من جبده

قانونا ما يصير بس زوجته وعياله

وشرعا ما يجوز الشركه تأمن على زوجته وعياله بس

 

[أم عزيـز]

حرااااااااااااااام وشرعا ما يجوز

اشلون يغش بالبطاقه ويدخل 3 او 4 باسم وحده !!
يعني علشان فلوس بلاش يستغلها !!

بغض النظر عن الموقف ما يصير يحلل شي طلع حق شخص معينه
ويصرفه حق مليون شخص غيره !!

وثانيا من حقج ترفضين لان البطاقة باسمج وكذا مره عطيتيها اياه حق اهله
والمبلغ اليل فيها قام يقل وانتي حامل يعني يمكن على ولادتج ومراجعاتج يكون المبلغ خالص
والسبه ان الاخص مقزرها على العايله في بطاقتج

انتي بس فهميه ان هالشي ما يجوز شرعا لان تزور وغش

 

[!الجادل الصعب!]

اهم شي يعطيها مرت ولد خااالته..!
شالسالفه مو للدرحه هذي يعني ..!

 

[فـدوه]

هذا غش و تتحاسبين عليه!!!!!

انتي تدفعين للتامين عشان انتي تتعالجين و بس مو عشان تكون سبيل, يااختي ترى حرااااام جذي و مايصيير. و اللي تقول عادي لازم تخاف الله لأنج قاعدة تعطينهم حق مو من حقوقهم يعني جنهم قاعدين يبوقون.

 

[sh_mashael]

و الله دام انج ماخذتها من وظيفة زوجج ,, فـ يتراوالي يستاهل تعطينه التأمين
ماتستاهل السالفه

 

[عيون مبارك]

مادري شلون تقعدون ولا تنامون مع رياييلكم وانتوا جذي مشاكلكم معاهم

 

[mweegah]

حبيبتي انا عندي تامين من شركتي و مالت الموارد البشريه قالتلي ان في موظفه انفصلت بسبة انها تدخا اختها بتأمينها و ردت حق شركة التأمين كل فلوس العلاجات
و بعدين هذا حرااااااااام
لا تقهروني تقولون عطيه و دام من شركته يحقله, لا ما يحقله
انا ريلي عنده تأمين من شركتي عمري ما قلتله خنعالج اخوي شالسالفه
حرااااااااااااااااااااااااااااااااااااااام تعرفون شنو حرام غش غش
و بعدين البنت مو قاصرها كا راحت سنتربوينت اشوف يا تروح حكومه يا تدفع بالخاص و اذا تبي تأمين خل تأمن
شالسالفه
والله انبطت جبدي
و لا اهو يزف و يقول حقوده و اهي مو كفو و انا اصير غشاشه علشانهم و اخذ اثم


غريبين انتوا
ادري ما تبون المشاكل بس الريال ما يصير ياخذ المره و يتحكم و يكون ضامنها

 

[ناتشوو]

حبيبتي انا عندي تامين من شركتي و مالت الموارد البشريه قالتلي ان في موظفه انفصلت بسبة انها تدخا اختها بتأمينها و ردت حق شركة التأمين كل فلوس العلاجات
و بعدين هذا حرااااااااام
لا تقهروني تقولون عطيه و دام من شركته يحقله, لا ما يحقله
انا ريلي عنده تأمين من شركتي عمري ما قلتله خنعالج اخوي شالسالفه
حرااااااااااااااااااااااااااااااااااااااام تعرفون شنو حرام غش غش
و بعدين البنت مو قاصرها كا راحت سنتربوينت اشوف يا تروح حكومه يا تدفع بالخاص و اذا تبي تأمين خل تأمن
شالسالفه
والله انبطت جبدي
و لا اهو يزف و يقول حقوده و اهي مو كفو و انا اصير غشاشه علشانهم و اخذ اثم


غريبين انتوا
ادري ما تبون المشاكل بس الريال ما يصير ياخذ المره و يتحكم و يكون ضامنها

بس هي مو قاعدة تسال عن الحكم الشرعي ولا القانوني
هي تتكلم عن علاقتها بحماتها
والعلاقة المتوترة السبب في ترددها باعطائها البطاقة

 

[PuPa^^SWeeT]

ياقلبي خلينا من البطاقة الحيين


انتي ماتحبين حماته و هذا واضح

والله صاير بينكم تاتش طقتج طقيتيها مالنا شغل باسراركم



اللي بساله ياقلبي انتي الحيين زعلانة انه طلع بالاخير وداها سنتر بوينت


اتعيير خل اتعيير على اخوها مو مشكلتج اهني


المشكلة الرئيسية البطاقة و خذاها بالغصب بس مادشت فييها



وترا مسجج مستفزز حق اخووج شنو عطوها بندول يسكت مادري يطيب راسها


؟؟؟؟ بالعذر قالج اشكرة وديتها سنتر بوينت ؟؟؟؟



ليش اتدخلين ريلج بالموضوع

ماتحبين حماتج و حماتج ماتحبج فهمنا



بس طلعو الريال من هالمواضيع


سوالف الحريم ماتخلص


تبينه شنو يسوي باخته بالله ؟؟؟ والبطاقة طلعها من وظيفته يعني لو جكووه حالة غش اهو اللي بيبتلش مو انتي حزتها لاتقطين ولا فلس وياه و طلعي حرتج ذيج الساعة



اما اتكبرون المواضيع من بطاقة ؟؟؟



و مرة ثانية اذا قالج وين البطاقة قولي ضاعت مادري وينها و خشيها عند امج


و فكي نفسج من هالمواضيع و هالزعل

 

[حبيبي فهوودي]

كلامكم على راسي

الموضوع بس زاد عن حده لما ستين الف شخص يعالجه بأسمي
وحماتي مالها قاصر وتتعالج بمستشفى لا يعلى عليه
ماهمني ودا اخته ولا شرا لها اللي يهمني انه لاياخذ بطاقة التأمين حقي ويعالج فيها اهله كلهم يتعالجون بأحسن المستشفيات
وانا حامل يخلص رصيد البطاقه واقعد ابتلش وانا حامل وحتى المستشفى اللي انعالج فيه غالي ويسحبون سحب حق مراجعاتي شنو بقى فيها حق الولاده وغيرها طبعا بالنهاية عطيته البطاقه من نفسي اه

 

[اميره1980]

البطاقة شنو منفعتها؟؟
يعني يسوون لها خصم و لا تتعالج بفلوسج ؟؟
اذا يسوون لها خصم اوكي بس اذا انتي حاطه فلوس فيها و تتعالج على قفاج شكو ؟

 

[انثى عاشقة]

اصلاً مايجوز غش هذا

:rerrerek::rerrerek::rerrerek:
​

 

[مناير ...!]

لا البطاقه ماخذتها من وظيفة زوجي انا لو هي تستاهل كان عطيتها بس ماتستاهل فعايلها واجد وانا لو ادري انها فعلا محتاجه البطاقه حطيتها لاني طيبه بس عارفه انها مافيها شي تتعير بسسس والنهاية شوفو راحت سنتر بوينت

وين طيبتج بالضبط؟؟
منزله موضوع بالسالفه من زود طيبتج مثلا؟؟

يبه تأمين ومو منج من خيره يعني مالج منه
ولايضرج انج تعطينها اياها

عطيته البطاقه من غبائي

بس شوفوا وش صار الجذابه العيارة حماتي تخيلوو بنات حدي انقهرت ارسلت رساله له وقلت ها عسى عطوها اختك بندول يسكت راسها

وحطيت فيس اني ميته من ظحك وفيس استهزاْ رد علي قالي ابشرك مارحنا المستشفى ووديتها سنتر بوينت

انا ادري انها كذابه وعيارة تبي حجه علشان تروح المكان اللي تبيه يوم اركبو السيارة ووصلو نص الطريق الا الاخت تقول خلاص مايحتاج مستشفى اخاف يقلون بطاقة زوجتك وزوجتك حامل ومدري ايش عيارة تبط الجبد عارفه من البدايه بس تبي تطلع لها عذر افف قرف

وانتي شلي يزعلج؟؟
اخو مودي اخته ؟؟ لايكون عبالج لانج صرتي مرته يعني يتبرا من كل اهله ويتفرغ لج؟؟
اعذريني مااحب نوعيتج وهالطبع
على ابو انج مرته يعني يقاطع اهله الي معاهم من قبل لايعرفج :eh_s(4)::eh_s(4)::eh_s(4):

حبيبتي انصحج تغيرين اسلوبج
ولاتكرهين ريلج فيج لانه فعلا تصرفج تصرف حقود :eh_s(7):

 

[Patcholli]

مادري اختي لو مكانج جان عطيتهم واعتبرتها صدقه وكله باجره خاصه انها مستشفى انتي ماتروحينلها مثل ماقال زوجج
واساسا اهي من وظيفة زوجج يعني اهو له المنه عليج انه مطلعلج ياها وانتي مفروض تقدرين هالشي وتقولينله تفضل ..!! هذا جزا الاحسان انه مطلعلج تامين ؟؟

 

[LuLiTa]

انا بداله اتنرفزت !!!! بصراحة حركتج إتفشل و إتقص الويه

معترضة ليش ماخذ البطاقة حق اخته ...و لا زعلانة لأنهم راحو السوق و ما استخدموها ؟؟؟ و اتقولين عن حماتج عيارة و ما فيها شي !! و كل هذا و مو عاجبج انه قال حقودة !!!! انتي شكو فيها عيارة و لا لأ!! عطيه البطاقة عشان تكبرين بعينه

السالفة اشكره إنه اخوج بيسوي خير بإخته و يراعيها وإنتي أحرجتيه جدامها .... و حماتج الظاهر حست إنج معترضة... فـ انحرجت و سوت روحها طابت و ريلج عشان يرقع موقفه جدام اخته وداها السوق يطيب خاطرها ..

 

[الشهد كله]

شرعاً ما يجوز أحد يتعالج فيها غير صالح الشان

اشلون الكل ياخذها ويعالج فيها

الجماعة ذمتهم وسيعة


آنا عندي بطاقة تأمين على دوامي صار لي أكثر من 10 سنين

والله ما فكرت أحد ياخذها مني ​