يقولي انتي ليش حقوووده ...؟؟ علشان التأمين

[أم عزيـز]

انا عندي تأمين على دوامي وزوجي وعيالي عندهم على دوام زوجي
عمري ما عالج اهلي والا اهل زوجي فيها

لان حرام وبذمتي لان البطاقة بإسمي مو سبيل
والشركة يوم طلعتها طلعتها لي بروحي فلما اخلي اي احد يدش بسمي يعني انا زورت
وتلاعبت بالبطاقة وبالتأمين وكل هذا ربي راح يحاسبني عليه

 

[LoLaTi]

دام انتي ماتتعالجين فيها عطيها البطاقه ليش هالنحاسه
وعيب عليج تتكلمين عن حماتج جذي
و بعدين اخوها وكيفها خل يطلعها يونسها انتي شنو اللي حارج يعني

 

[عطاء أنثى]

ههههههه


اشفيها لما تاخذ بطاقتج ماراح ينقص شي لان بتعالج ببلاش مو بحساب احد



بعدين هذي اخته وعادي لو طلعوا واستانسوااا




عن نفسي انا اللي اغصب زوجي يطلع خواته

 

[دلوعة صلوح]

ااااااااااااااااااااااب

 

[انصاريه قمره]

والله لو انا بدالج اعطيه عشان اكسر عينه وعينهاااا

 

[om-3azo-83z]

صار اللي صار كبري مخج و اخذيها على قد عقلها و كل طلعه لزقي بريلج

 

[shak!shoka]

ما يصير احد ياخذ بطاقتج
مو سبيل اهيا ؟!

و اعتقد التأمين لازم معاه البطاقه المدنيه
انا تأميني جذي

مو معقوله بعد متبرعه ببطاقتج المدنيه !!

مو من حقهم يتعالجون بتأمينج
راسها يعورها تاخذ بندول و مافيها الا العافيه ههههه


لا تعطين ريلج ويه خاصتا باوراقج الرسميه و بطايقج
خوش شغله

يعالج اهله و طوايفه بتأمينج !

 

[shak!shoka]

بنات كلامك صراحه مو بمحله

شلون تعطيهم

مشالله كلكم خيرات طلعتوا !!


يبا هذا تزوير و ريلها لو انجك ع هالحركه يفصلووووورنه !! عندكم خبر

 

[mweegah]

انا مو باط جبدي الا اللي يقولونلها اخذي اجر و خليها تدش ببطاقتج
تاخذ اجر شلون و اهي السالفه من عرجها حرام

؟؟؟؟؟؟
و بعدين انتوا فهموا البنت تقول خل يطلع مع اخته خل يفتر فيها وين ما يبون مو اهنيه السالفه
السالفه البطاقه اخته او غير اخته ما يصير البطاقه سبيل كل من كح تعالج فيها !!!!!!!!!

 

[PuPa^^SWeeT]

يا بنات المدافعين و المهاجميين



اهيا كانت معصبة

انطرووها شوي تهدى و تشرح اللي تبيييه


اهي الموضوع الظاهر انها حامل و خايفة على رصيد التاميين


و بوسط هوشتها ويا حماتها اطلعت السالفة


كبروها تكبر صغروها تصغر


هدو اعصااابكم



ويا صاحبة الموضوع


مثل ماقلتلج


هدي اعصااابج


و ريحي



واذا ماتبين تعطين البطاقة قولي ضاعت و بس

 

[ąl.65мђ]

لو انا مكانك اعطيه ولا اكبر السالفه ..
م احب اصغر بعين زوجي وانا رافضه اعطيه بطاقه ...
احس اني اكبر من هالسوالف ..
وذنبه ع جنبه .. هو اللي ربي يحاسبه مو انا ..
ع قولة البنات كبريها تكبر صغريها تصغر ..​

 

[!! دلوعته !!]

اب اب

 

[كويتية222]

عاملي الناااس بطيب ​

الزوجة تتعوض لكن الاخت والام والاهل لا حطي هالشغلة في بالج ​

وبعدين انتي مو دافعة شي من حلالج ع البطاقة حلال ريلج واهو بكيفه

والاولى انج كنتي تتحرين الحلال والحرام بالبطاقة واستخدامها

يعني تتفاعمين وياه ان هالشي ما يجوز ومو من صالحه ان اكتشفوا هالشي

وانتي وراج ولادة

مو صراخ وما اعطيك ونسيتي اهم نقطة ان غيرج لما يستخدمها حرام ومايجوز ​

--------------

وخل يطلع اخته وخل اخته تتدلع عليه شلي حااارج بالموضوع ​

وريلج دام فيه خير لاهله بيكون فيه خير لج ​

واعتقد من اسلوبج وتفكيرج وهواشج مع ريلج على البطاقة شكلج انتي اللي راعية مشاكل مو اخته​

كبري عقلج ​

 

[أشبـاهـ المطـر]

غريبه انا يطلبون مني البطاقه المدنيه ؟؟
يعني مافي مجال اغشهم عموماً الموضوع حليه
ودي مع زوجج لانه والله اعلم قاعد يقع بالمحظور
والواجب يستفتي شيخ لان المسأله واضح فيها شبهه ....

امـا حماتج فأنتي حيل متحامله عليها
حبيبتي حتى لو انها تضايقج وتغثج وترفع ضغطج
انتي بالاخير اتحملين رده فعلج مهما كـانت

فكوني ذكيه معاها واستلطفيها وتكيفي معاها
وبالاخير انتي ربحانه ​

 

[ورد]

والله الموضوع في وادي وفي فكري راح في وادي ثاني ،،

احس مستسهلين الموضوع بطاقة التامين تتوزع عالعايلة كلها تتعالج فيها !

شرعاً ما يجوز ،، تاكدي من شيخ واشرحي له الموضوع ،، التامين مدفوع لك انتي تتعالجي فيه ،، احد ثاني يدفع لعمره العلاج او يدفع للتامين ،، يعتبر غش وخداع ، على هالسالفة شركات التامين عندكم خسرانه ،، واحد من الفريج يصير عنده بطاقة والكل يتعالج فيها !