يماا يباا خلاص تكفوون ( رجعناااا )
- بادئ الموضوع خميسيه
- تاريخ البدء
mss.86oo6a
New member
- إنضم
- 15 أبريل 2010
- المشاركات
- 276
- مستوى التفاعل
- 0
- النقاط
- 0
27
بمصافط الشاليه فهد ونوره توهم واصلين
نوره خاايفه ما تدري شنو الصدمه الي ناطرتها داخل شلون مريم بيكون شكلها
فهد يمسك ايد نوره ويبطل الباب
دخلو الصاله
فهد يصرخ بصوت معصب: مريوموووو
نوره تطالع فهد مستغربه منه اول مره تشوفه معصب جذي
فهد يدور بالغرف مثل المينون ونوره واقفه بمكانها
فهد معصب: وين ذلفت هالحقيره
نوره تحط ايدها على جتف فهد:حبيبي اهدا وين بتروح يعني
نوره: اقعد حبيبي ارتااح انا بدورها يمكن خاايفه منك اهيا
نووره تصووت على مريم وتدخل غرفه غرفه
دخلت غرفة ام فهد : مريم...؟؟
يت بتطلع جاان تسمع صوت مااي
ردت دخلت ورااحت صوب ممر الحماام لقت الماي طالع لي بره
تطق باب الحمام: مريم ... ,,
ماا كان فيه رد
ترد تطق : مريم انتي هنيي
هم ماكو رد
بطلت الباب وحست بثقل ورا الباب
دزت الباب بقوه وانصدمت
نوره تصرخ
فهد يسمع صرختها ويركض لهاا
فهد يصرخ : نوووره .. نوره شفيج
وصل غرفة امه لقى نوره قااعده على الارض عند باب الحمام حاطه ايدها على حلجهاا وتبجيي
فهد بصوت خاايف: نوره شفييج
نوره ما ترد عليه ..
فهد يقرب صوب باب الحمام ويبطله
وانصدم
بالمصافط المستشفى
بدر قاعد بسيارته
يفكر بساره قرر انه يرجع البيت ياخذ له شور ويرد المستشفى
شغل السياره ورجع قري بدون لا يشوف ورااه
سمع صوت سياره ورااه واستوعب انه دعم
نزل من السياره وشااف وله بنت الي بالسياره شااف سيارتها ما تعورت وايد
بطلت الدريشه
بدر: اسف اختي ... ما كنت منتبه .. سيارتج ما تعورت واايد واذا بغيتي هذا كرتي دقي علي ووانا ادفع فلوس التصليح
تاخذ هدى كرته : لا عادي اخوي داام ما تعورت بس لازم ابلغ الوالد
هدى شافته ويها موو غريب
بدر عطاها ظهره ومشى
قبل لا يمشي هدى :لوو سمحت اخووي
بدر يلف عليهاا : هلا
هدى تشوف اسمه بالكرت : بدر.. انت تعرف وحده بهالمستشفى اسمها سا ره؟؟
بدر يرجع لها صوب السياره : أي منو انتي
هدى: انا رفيجتهاا ممكن اعرف من وين تعرفها
بدر: انا ولد يرانهم واخوو رفيجتها
هدى حست انه اهو الوحيد الي راح يوصل هالكلام لساره: اخوي بقولك جم كلمه ابيك توصلها حق ساره
بدر مستغرب: اوكي قولي
هدى توها بتتكلم بس يقاطعها صووت هرنات من وراهاا تلف ويهاا وتشوف زحمه وراهاا
هدى : خلااص انا ادق عليك اقولك كل شي
بدر مستغرب : اوكي
هدى مشت وخلت بدر بحيره شغل السياره وراح البيت
بالبحرين
رائد رجع الفندق وقعد يفكر
موو عارف شيسوي انا غلطت مع البنت من اول شي ما كان لازم اسوي جذي
الحين شسوي
حط راسه على المخده وقعد يفكر بسااره
بطل تلفونه وقعد يطالع صورهاا
ابتسم وفجأه تذكر اليوم الي شافها فيه مع سالم تغيرت ملامح ويهاا ومسح الصور كلهاا حذف التلفون على الطاوله الي يمه ورد نسدح
توه مغمض عينه
جان يدق تلفونه
يمد ايده ويااخذ تلفونه
يفتح عين وحده ويشوف الرقم غريب
يقعد على حيله ويرد : الووو
صوت وحده : الووو هلا رائد
رائد منصدم : سااره ؟؟؟..
بالمستشفى دكتوور عبداالرحمن توه مخلص من عمليه
يا بيدخل غرفته جان يتعثر بشغله على الارض
نزل راسه وله اييد ام سااره
دكتور عبدالرحمن يصرخ : سسسترررر
ويرفع ام ساره عن الارض
ام سااره كااانت طايحه على الاض وشاقه ايدها الثنتين
والدم يطلع بشكل مو طبيعي من ايدهاا الثنتين
دخلت السستر وانصدمت من الشكل
دكتور عبدالرحمن شاايل ام ساره يبي يحطها على السرير راسهاا مرتخي وعيونها مبطله
دكتور عبدالرحمن : سستر تحركيييي
السستر تاخذ شااش وتلف ايد ام ساره تحاول توقف النزيف
تحط ايدها على رقبة ام ساره
تطالع الدكتور عبدالرحمن وهزت راسهاا
ماكو نبض
دكتور عبدالرحمن يفصخ نظارته ويمسح ويها ويرجع
يلبس نظا رته
يمد ايده
ويصكر عيون ام ساره
ام ساره توفت هاذا اول خبر بتنصدم منه ساره لما تصحى هالشي معناته انه سا ره الحين مالها غير ابوها بحكم انها قاصر
مريم الله يعلم بحالها لما الحين ما عرفنا الجواب بتموت وله لا
رائد منو الي اتصلت عليه معقوله تكون ساره
وهدى لما تقول حق بدر عن سالم شبتكون ردة فعله
mss.86oo6a
New member
اخيييييييييييييييييييييه ماتوقعت ام ساره تموووووووووووت مسكيييييييييييينه
ناطرين الباااااااااااااارت
ناطرين الباااااااااااااارت
- إنضم
- 15 أبريل 2010
- المشاركات
- 276
- مستوى التفاعل
- 0
- النقاط
- 0
28
بالمستشفى
صمت رهيب اول مره يصير الكرسي الي كاانت تقعد عليه ام ساره فااضي ام بدر تبجي بصووت واطي
ابو سااره على الارض صوب كرسي ام ساره
ما كان له أي ردت فعل عيونه مدمعه بس بدون لا ينطق باي
كلمه عينه ترمش وتنزل منها دمعه
يقوم من مكانه بصعوبه ويطلع بره المستشفى ويتصكر الباب وراه
بمستشفى العداان االباب يتبطل وفهد يركض وبيده مريم
يناادي الدكاتره مثل المينون
الدكااتره يتيمعون حوالنيه ويشيلون مريوم يحطونها على السرير يركضون فيها السسترات على غرفة العمليات وفهد يركض معاهم
دخلوو غرفة العملياات توه بيدخل جاان يمسكه الدكتور : ما يصحج تدخل معاهاااا
يووقف بره يطل عليها واهما يحطون لها الاجهزه جان يتصكر البااب
لف وله نوره بويها تطالعه وتستوعب اهوا شكثر متضاايق تفتح له ايدها
وفهد لمهاا وقعد يبجي مثل الياهل
نوره:خلااص ياا حبي فهد حبيبي تكفى خلاص مابي اشوف دموعك حبيبي والله موهينه عندي
فهدما يرد عليها
نوره تمسح على رااسه وترفعه وتبوسه على خده
استوعبت حزتهاا نوره فهد شكثر يعزها واهيا شكثر مهمه عنده
ترد تمسح على رااسه وتقعد على الكرسي واهوا لامها وقاعد على الارض
نوره :فهد لا تسوي بروحك جذي حبيبي
فهد:نووره مريم يمكن تمووت وانا السبب
نور ه تلمه اكثر: لاا تلووم نفسك حبيبي انشالله ما فيها الا الخييير
بس بقلبها كاانت حيل خايفه
بشقة ام وليد
ام وليد قاعده بالصاله
يرن التلفون
ام وليد: الوووووو
ام ناصر : هلاا والله ام وليد شلونج حبيبتي
ام وليد:هلاا بام ناصر هلا بالغاليه انا الحمد لله بخير
ام ناصر :شلون وليد وشلون صحته
ام وليد: والله على الله الحمد لله هد الويل جير وقاعد يمشي عل عصاات
قبل لا تخلص ام وليد كلامها وليد طلع من
الغرفه وماسك عصات بيده
ام وليد تبتسم له: كاااهو عمره طويل.......
ام نااصر : سلميلي عليه
ام وليد: الله يسلمج
ام ناصر : شبغيت اقولج... تذكرين الدكتور عبدالرحمن الي كان يعالج وليد
ام وليد: ايي اذكره شفيه
ام ناصر:يحليله ياا خطب فطومه
ام وليد: مااشالله عليها بالعافيه فطومه تستاهل ... أي ومتى الملجه......مو جنه بسرعه .... أي عاد على شنو العيله
ايي اكيد ايي شلون ما ايي ... فديتج تسلمين يروحي ... مع السلامه
وتصكر التلفون
وليد يطالع امه ناطرهاا تقول شي
ام وليد تطالعه وترد تلف عنه ترد تطالعه : فطومه ملجتها يوم الخميس خطبها دكتور عبدالرحمن
وليد ابتسم : لاااا زيييين مشالله الله يهنيهم يله غدى غدى يمه يوعاااان
امم وليد مااكانت متوقعه ردة فعله هااذي
قعدو على طاولة الاكل ياكلون ام وليد: انشالله ام نااصر بتكون عازمه ام فهد وبكلمها بالموضوع هنااك
وليد يشق الحلج: صج يمه .. الله لا يحرمني منج
ام وليد تبتسم وترد تكمل اكلها
بمستشفى العدان فهد كان رايح يصلي ونوره كانت وااقفه عند غرفة العمليات
يت السستر بتطلع
تبطل الباب المحت نوره الدكتور
واهوا يستخدم جهاز انعااش القلب وصوت االاجهزه كاان عاالي
وجسم مريم يرتفع كل ماا قربووه منهاا
قربت صوب البااب
جان يتصكر
حطت ايدهاا على حجلها : الله يستر
فهد خلص صلاة ورجع لهاا ولاحظها جنها مصدومه:
نوره فيج شيي
نوره : لا حبيبي ولا شي
فهد : نووره شفييج
قبل لا نوره ترد عليه
تلفون فهد دق يطلعه من مخبااته
يشوف الاسم (( الوالده))
يرفع عينه على نوره
نوره تشوفه وتشوف الاسم : فهد لا تقول لها
فهد يعطي نوره ظهره ويرد: الووو... هلا يمه ...شفييج ما فينه شي .....
ام فهد تبجي : فهد لا تخش عليي اختك صارلها يومين مو راجعه البيت .. مريم فيها شيي
فهد ما قدر يمسك نفسه : مريم ..............................................................................................
بمستشفى مبارك
دكتور عبد الرحمن يدخل على ساره علشان يفحصهاا
ام بدر كانت قاعده بره
دخل شوي ورد طلع
دكتور عبد الرحمن يطالع ام بدر : ساره صحت وتسال عن امهاا . ماا حبيت اني اقول لهاا
خلي ابوهاا يقول لهاا احسن
ام بدر بصوت مبحوح : انشالله
تتلفت تدور ابوو ساره ما تحصله ما حبت ام بدر تدق على نوره وتضيق خلقها اهيا وريلها ما تهنو بهالزواج
قالت مالي الا بدر
تدق على بدر
بدر كان يتسبح وما سمع التلفون ترد تدق عليه هم ما سمعه
دقيقتين من بعد ما دقت جان يطلع
نشف شعره توه مبطل كبته جااان يرن تلفونه
يشوفه وله رقم غريب
بدر : الوووووووو
هدى : اهلين هلا بدر
....................................................................................
شبيصير بام مريم لي عرفت انه بنتها بين الحياة والموت
وشبيصير بساره لي عرفت انه امها ودعت هالدنيا وبدر شبتكون ردة فعله لما هدى تقول له عن الي صار
- إنضم
- 15 أبريل 2010
- المشاركات
- 276
- مستوى التفاعل
- 0
- النقاط
- 0
بنااات سوري بس تدرووون حوسة العيد تخيلو ما دخلت البيت الا الساعه 2 سوري حيل على التاخير بنزل الحين بارت انشاللله بعد اجازة العيد انكمل الباجي واحتمال اقدر انزل بالعيد جم بارت على العموم الروايه ا بقى شي وتخلص اسفه مره ثانيه 
- إنضم
- 15 أبريل 2010
- المشاركات
- 276
- مستوى التفاعل
- 0
- النقاط
- 0
29
بالبحرين
هنوف:لا يباا انا هنوف
رائد مستغرب: هنووف ؟ منو هنووف
هنوف : انا هنوف اخت حمد
راائد يستغرب زياده: شفييييج حمد صااير فيه شييي ؟؟
هنووف تضحك : لااا يباا ما فيه شيي هذا يني شبيصير فيه يعني
رائد:عيل شفيج؟؟
هنوف مستحيه: راائد.. والله مو من عوايدي اسوي هالسوالف بس مادري شقولك؟؟
رائد انا حيل احس اني منجذبت لك ..وحسيت ذاك اليوم انه الشعور متبادل من ناحيتك
صح وله انا غلطانه ؟؟؟
راائد منصدم وما يدري شيقول
هنوف : الووو ..انت معااي
رائد: أي معااج
هنوف : بس هذا الي كنت بقوله
رائد: هنووف .. مو صح ألي انتي قاعده تسوينه حمد رفيجي ولا يمكن اخون ثقته فيني
هنوف: راائد تكفى لا تحرجني
رائد : ما تبيني احرجج صكري التلفون وفكري بمخج لاتفكرين بقلبج مع السلامه
ويصكر التلفون
هنوووف تحسفت على الي سوته وحست انه اهيا غبيه
قطت روحها على الفراش وقاامت تفكر
( يا ربي الحين شبيقول عني راائد بيقول اني رايحه فيهااا وما كو اخلاق افف انا ليش سويت جذيي لييش )
مسكت تلفونها ودزت حق رائد مسج
(اسفه بس انا كنت متوقعه انك تبادلني الشعور ماكنت ادري انك بتتضايق على العموم رقمي عندك ومتى ما بغيت دق علي)
رائد ابداا ما عجبه كلام هنوف وحس انها خفيفه حالها من حال البنات الي كان يعرفهم قبل ساره
صكر تلفونه وناام
بمستشفى العدان
فهد : يمه مريم ...................
نوره تسحب من ايده التلفون
نوره : الوو هلا خاالتي ... حبيبتيي لا تحاتين مريوم مما فيها شي بس كانت تعباانه ومتضاايقه على الي صاير بسااره وانا قلت لها نامي عندي .. سورري تاخرنا على ما قلنا لج .. بس كل يوم احنا بالمستشفى تدرين خالتي
ام فهد : اشوه الحمد لله....طمنتينيي ... انزين وينهاا بكلمهاا
نوره متوتره : هاااا............. أي اهياا ... الحين قاعده تتسبح تخلص واخليهااا تكلمج
ام فهد بين المصدقه ومو مصدقه : اوكي على خير انشالله مع السلامه
نوره :مع السلامه
نوره تلف على فهد: فهد شفيييك ما ينييت تقول حق خالتي ..... ماتدي انها بسرعه تتتعب وتطيح
فهد : نوره ما قدرت
نوره : حبيبي لاا لازم تتحمل .. انا انشالله بقول لها بس خل نعرف شبيصير حق مريم بالاول
اول ما خلصت نوره كلامهاا جاان
يدق تلفونها
تشوف التلفون محمد
تحطه سايلنت وتلف على فهد
وتطمنت انه ما كان منتبه لها
فهد : انا رايح عن الدكتور خلج هني
نوره بصوت مبحوح : اوكي
مشى فهد
ونوره تمت واقفه بمكانها
يرن تلفونها وله مسج من محمد
فتحته (( حبيبتي ليش حاقرتني ))
نوره تفكر (( افف هذا شلون اصرفه الحين))
تدز له مسج (( لو سمحت محمد لا تدق علي ولا تدز لي مسجات انا انسانه متزوجه وعلى ذمة ريال الحين لو سمحت انساني ))
محمد يرد عليها بمسج ( انا حبيبج واستحاله تنسيني ))
نوره (( قلت لك لا تدز لي مسجاات لوو سمحت خلاص الي بينه انتهى ))
بالشاليه
محمد دخل تلفونه بمخباته وانصدم من كلام نوره وكان يفكر بطريقه ينتقم فيها منها
قط خيطه بالبحر وقعد ينطر كان حوالينه كله خيوط حداق وميادير
عبدالله رفيجه يطلع من الشاليه وايي له على البحر
محمد كان سرحان شوي ولمه قرب منه عبدالله
محمد : عبوود دير بالك
بس عبدالله ما كان منتبه دخلو ميدارين بريله
ساعده محمد علشان يقوم وشغل السياره وراحو مستشفى العدان
وصلوا المستشفى ياب له ويل جير وقعده وداه عند العيداه دخلوه
عبدالله : الله يخس بليسك حمود يعني شكو محذف الميادير بكل مكان اخخخ يا ريلي
محمد : وانت يالجلب لا تقعد تحط كل شي فوق راسي انت لو منتبه شوي جان ما صار الي صار احسن تستاهل
عبدالله : انا اورييك بدال لا تقولي اسف شي مني مناك
محمد : لاا اسف ولا هم يحزنوون انت غلطان وحول بعد
عبدالله يضحك
نوره تتصل على امها : هلا يمه هااا رحتو المستشفى
ام بدر : أي لا حول ولا قوة الا بالله والله يا نوره مادري شقول لج ام ساره عطتج عمرهاا
نوره بصوت عالي : اوف يمه شلون.... استغفر الله لا حول ولا قوة الا بالله ... انا لله وانا اليه راجعوون
خلاص يمه انشالله انا وفهد شوي ونكون عندكم
ام بدر : يمه انتو وينكم
نوره : مادري شقول لج يمه سالفه طويله احنا بالمستشفى سالفه صايره بين اهل فهد .. يماا شهالعيشه هاذي شهالصدمات الي مو راضيه تخلص خلاص طقت جبدييي يما
ام بدر : حبيبتي نوره خلي ايمانج بالله قوي وبلا هلكلام الفاضي استغفري ربج وقولي قدر الله وماشاء فعل ما يفيد هالحجي كله ... ومابي اضغط عليج بسالفة انج بالمستشفى دام شي بينج وبين ريلج خليه بينج وبينه لا بطلع يمه
نوره واهيا تمسح دموعها : انشالله يمه .. تبين شي
ام بدر : سلامتج حبيبتي وديري بالج على نفسج وريلج وترا مو زين الي تسوينه بروحج مع السلامه
نوره : مع السلامه
وصار طبعن الي كلنه متوقعينه
ايي محمد شافها
وسمعها
نوره صكرت التلفون وقعدت على الكرسي
محمد قام من مكانه ويا قعد يمها
محمد : فقدتيني يا حلوه
نوره منصدمه : محمد تكفى الله يخليك قوم تكفى لا تفضحني عند ريلي تكفى قووم ولي يسلمك
محمد : لا لا لا لا ما هقيتج جذي جبانه انا .......... اللـــــــــــــــــــه وين نوره القويه الي ما تخااف من احد
نوره تبجي : محمد ابوووس ايدك ابووس ريلك محمد تكفى قوم كاهو فهد ياي كاهو توه طالع من غرفة الدكتور
محمد : خلاص بقوم بس شرطي انج تردين على مكالماتي اذا ما رديتي ترا فهد هالي تتكلمين عنه انا اعرفه واعرف اشلون اوصله...... يله سلام يا عسل
ويعطيها بوسه بالهوا
فهد كان توه طالع من غرفة الدكتور وشاف محمد لمحه انه قام من صوب نوره
مشى بسرعه وقبل لا يوصل حق نوره محمد كان عند عبدالله رفيجه
فهد بعصبيه : نوره منو هذا
نوره : ..............................................................
نوره شبتقول حق فهد ؟؟؟ ورائد تتوقعون الي قاله حق هنوف من قلبه ؟؟؟
