يهمج راي الاخرين فيج ولا لا؟؟

[sugar & spice]

السلام بنات شلونكم..حبيت اعرف هل راي الغير فيكم يهمكم ولا لا؟؟ انا عن نفسي اي :0bee2e8d89: يهمني وساعات بزياده وهالشي فيني احسه طبع خايس وساعات ياثر فيني حتى لو ما اعرف الانسان هذا شخصيا..ما احب احد يكون عني فكره خايسه وهو ما يعرفني عدل..ما احب احس انه في احد ما يحبني والمشكله اني ادري انه من المستحيل كل الناس تحبني.. منو نفسي..ومنو كانت نفسي وتغيرت؟؟ ومنو عندها نصيحه تقدر تغيرني فيها..مليت من هالطبع :0bee2e8d89:

 

[كويتيهx5]

انا اقول خليج واثقه بنفسج بس مو لدرجه الغرور

وانا يهمني راي الناس بس مو وايد يهمني الراي اللي احس انه يساعدني مو الهدام واللي طالع عن غيره

 

[سعودية!!!]

ممم صراحة مايهمني راي الغير فيني ع كثر نظرتوه لي احب اطاري يكون الماااسي ماهوب خشبي متهالك...موفقة

 

[(كويتيه عسل)]

انا قبل مثلج حيل حساسه
ومو مثلج من كلمه ازعل لا حتى من اقل نظره ازعل واتكدر

الحين عرفت ان المفروض مااهتم الا بس لراي اللي يحبوني ويبون مصلحتي بس

في ناس تتعمد تقولج الراي الغلط او تقولج العكس علشان تحبطج وتضايقج

خصوصا البنات اذا غارو واحترو

مثل نفنوفج حلو تقولج موحلو عليج وامتنج نحاااااسه تبي تضايقج لانها محتره منج عرفتي

 

[حلوة وبس !]

شوفي انا ما يهمني راي اي بنت بالدنيا غير امي واختي غيرهم اسكب لانهم اشكره يغاروون

وهذا شي معروف بين البنات إلا من رحم ربي وهاديها

 

[ياعشيري جعلك السلال]

ايه اكيد لان راي الاخرين الحمدلله ايجابي

اما اذا كان سلبي وشفت انه صح مو حلو وغلط راح اغيره على طول بس بطريقه مو واضحه حيل

 

[كويتية و لكن]

اكيد احب اسمع راي الناس فيني
لسبب !!
علشان يا اغير الشي الي ماعجب الناس او ازيد من الي عجبهم لان الانسان عايش مع الناس ولازم يهتم برأيهم
واساس الموضوع الثقة بالنفس لان رضا الناس غاية لا تدرك
يسلمممممممممممممو

 

[NoWay2know]

من القراب بس لانه اهم اكثر اشخاص يعرفوني
فا اتقبل السلبي والايجابي بس بطريقة ذربه p;

شكرا لج

 

[برونزية الكويت]

والله يا حبيبتي انا نفسج قبل كانت عندي الثقة بالنفس مو طبيعيييييييييييييييييييييييييييه لدرجه الناس يحسبوني مغروره من كثر الثقه إلي فيني وما يهمني احد واشوف نفسي جميله وما اهتم لكلام الناس سبحااااااانه الله إنقلب هالشي إلي عدم الثقة بالنفس والحين من كلمه وحده اتأثر حيييييل مو شوي وقول يالييييييت ثقتي بنفسي ترجع مثل قبل اااااااااااه على الثقه

 

[hello!]

بصراحه لأ.. بالطقاق بالناس اذا بقعد اشوف راي فلان وعلنتان فيني متى بخلص؟؟
المهم اني عاجبه المقربين فيني واهلي وزوجي وصديقاتي وبس الباجي بالطقاق بصراحه
صدقيني لو بتقعدين تشوفين هذا شيفكر فيج وهذاك شيفكر فيج واتكدرين
اذا ما خذوا عنج خلفيه حلوه ماراح تعيشين.. الي يهمج تاخذين رايه
اوكي بس مو الكل!

 

[رفرف]

عن نفسي ما يهمني ..

يهمني اتعامل مع الناس بأدب واخلاق مثل ما ربوني اهلي ومثل ما دينا يامرني ..
يهمني ما اضر احد .. ما اقث احد .. ما اتسبب بمشاكل لحد ..
ولا اتدخل بشي ما يعنيني .. ولا احتد بالنقاش مع احد واتقبل وجهات النظر الثانية
واسوي هشي لنفسي أولا وأخيرا مو للناس لأن مستحيل كل الناس تحبج وترضى عنج ولا كل الناس قلوبها بيضا ولا كل الناس يعاملونج مثل ما تعاملينهم ...
واللي بيحبني حبته العافية .. واللي ما يحبني ما يشوف شر عادي ..

 

[بطاط مهروس]

حبيبتى كل واحد فينا فية نفس الخصلة بس لو كل واحد فينا بيزعل من كل شى راح نتعب ...... عادى مع الايام راح تتغلبين على هذى الحاسة الخايسة وتتاقلمين معاها ...... لالالالالالالالالالالالالالالالالالالالالالالالالالالالالالالالالالالالا تفكرين فيها راح ترتاحين وايد

 

[اروى77]

احب اسمع راي الناس فيني ..وماازعل حتى لو كان الراي يضايق ..لسبب ..ان ثقتي بنفسي كبيره

 

[toosh]

عن نفسي ما يهمني ..

يهمني اتعامل مع الناس بأدب واخلاق مثل ما ربوني اهلي ومثل ما دينا يامرني ..
يهمني ما اضر احد .. ما اقث احد .. ما اتسبب بمشاكل لحد ..
ولا اتدخل بشي ما يعنيني .. ولا احتد بالنقاش مع احد واتقبل وجهات النظر الثانية
واسوي هشي لنفسي أولا وأخيرا مو للناس لأن مستحيل كل الناس تحبج وترضى عنج ولا كل الناس قلوبها بيضا ولا كل الناس يعاملونج مثل ما تعاملينهم ...
واللي بيحبني حبته العافية .. واللي ما يحبني ما يشوف شر عادي ..

:ggdw: معاج 100%​

 

[sugar & spice]

مشكووورين وما قصرتوا ردودكم تبرد الجبد وتدفع الواحد نحو التغيير الايجابي

 

[سميرة العوضي]

و عليكم السلام


اكيد يهمني بس مو لدرجة ان ما عندي ثقة بنفسي

يعني يهمني ان اعرف شلون يفكرون فيني شنو سلبياتي احاول اغيره لكن ان شي احسه زين فيني و الغير يحسة لا < مالي شغل بالغير


و بس


نصيحتي لج حبوبه << اهتمي بالناس بس مو لدرجة اي شي

يعني اهتمي بس نفس الوقت ان شفتي اللي تسوينه صح مالج شغل بالناس


لان صدقيني لو بتهتمين بكلام الناس رااااااح تتعبين وااايد

 

[تفـاحهـ]

اكييييد كل وحدهـ تهمهاااا نظره الناااااس لهااا ,,,,

 

[^_^ حوراء ^_^]

انا اقولج جمله وحده حطيها دايما في بالج


حتى لو احد انتقد شي منج ..

لقني نفسج ان :


واثق الخُطى يمشي ملكاً

 

[لولا المحبه]

مايهمني واااايد

 

[C'est La Vie]

انا كنت مثلج
بس وصلت لدرجة ان طيبتي وتقديري للناس يقلل تقديرهم لي
لأن اللي يعطي الناس اكثر من حجمهم يستصغرونه
ونصيحة امي الله يحفظها عطي كل واحد على ماعونة
في شغلات المفروض الواحد ما يهتم براي الناس
لأن القرار اللي راح يتخذه اهو راح يتعايش وياه
واذا ابتلش بشي الناس ماراح تنفعه
اعطيج مثال: قرار كالدراسة او العمل الزوج وغيره
راح تسمعين آراء مختلفة وهذي تذم وهذي تمدح
بس اذا انتي اتخذتي قرار انتي اللي بتتدبسين فيه
اذا اخترتي مثلا تخصص معين لأن الناس يمدحونه
واكتشفتي انه مو ميولج؟
اذا اشتغلتي بمكان بناء على راي الناس بدون قناعاتج
واكتشفتي انه ما يناسبج؟
شبيفيدج فيه راي الناس حزتها؟
واذكر وحده قالتلي معلومة
في ناس ما يحبون الخير لغيرهم
ما يحبون احد يكون احسن منهم
فاذا سألوهم عن شي زين يذمونه
واذا سألوهم عن شي مو زين مدحوه
وشخصيا صارت فيني هالشغلة
يوم كنت بتخصص في وحدة كله تقولي تخصصج صعب ودكاترة مو زينين
بس يوم تخصصت الحمدلله صج احس انه يتماشى مع ميولي
لو سامعة كلامها جان ضيعت مستقبلي
والنقطة الاخيرة اللي احب اضيفها
ان رضا الناس غاية لا تدرك
فليش الواحد يحاول؟
وسلامتج