مرحباااااااا كويتيااااااات :eh_s(9)::eh_s(9):
شخباركم اشتقت لكممممممم :eh_s(22):
لي فتره افكر افتح موضووع حق يومياتي مع الرجيمات بس كنت خايفه ما اكون قدها
لاكن الحين خلاص مافي وقت للبربسه ابداااااا
ف قلت اجي اسوولف معاكم واتحمس من ردوودكم اللي ان شاءالله بتخليني ما الخبط الدايت يارب :eh_s(15):
القصه ومافيها << اخلصي هههههه
المهم القصه ان زواج اختي قريييييييب وابغا انحف 10 كيلوووووووووو
ف سويت لي نظام رجيمات امشي عليهم وكم المده وكم متوقع انقص عليهم
رجيم التووست = 3 ايام = 2 كيلو
رجيم دشتي = 14 يوم = 3 كيلو
** يوم مفتووح << لأني انغثثثث من بعد دشتي واحتاج شي حلووو
رجيم التوست = 3 ايام = كيلو ..
رجيم اسامه حمدي نظام اول اسبووع فقط منه = لمدة اسبوع .. كيلو .. << في اسوء الأحوال ..
مدة الرجيم مع اليوم المفتوح = 28 يووم
لازم اكون نقصت = من 6 الى 7 كيلوو << ولو انقص 5 يكون خير وبركهـ
رجيم التوست
اليوم الأول :
الفطور : 2 توست أسمر + جبنة مربعات قليلة الدسم شريحة واحدة
الغداء: 2 توست أسمر + علبة تونة صغيرة بدون زيت
العشاء : 2 توست أسمر + همبورجر مشوي على الفحم + تفاحة
اليوم الثاني :
الفطور: 2 توست أسمر + بيضة مسلوقة + نصف موزة
الغداء : 4 شابورة ريجيم صغيرة + شريحة جبنة مربعات منزوعة الدسم
العشاء: 2 نقانق مشوية + كوب خضار مشكلة + موزة
اليوم الثالث:
الفطور : 1 جبنة مربعات خالية الدسم + 3 شابورة ريجيم صغيرة
الغذاء : 2 توست أسمر + بيضة مسلوقة
العشاء : 2 توست أسمر + علبة تونة صغير بدون زيت + كوب سلطة فواكه
ملحوظة مهمة جدا : لاعادة الريجيم لابد من التوقف لمدة يومين ثم يكرر
مسموح بالشاي والقهوه بدون سكر
ممكن استبدال الشابوره بالكراكيرز (بسكويت خفيف)
ويشترط للحصول على النتيجه الالتزام فعليا يعنى لا للتخبيص
الرجيمات الباقيه معرووفه !!
بس انقص ال 6 او 7 كيلو ان شاءالله راح اشووف كيف راح اكمل عشان انقص الوزن اللي باقي لي
بس اكيد اني راح اختار رجيم صحي مثل السعرات عشان ما ارجع الوزن اللي راح انقصه ان شاءالله ..
الرياااضه
بحاول ارجع النااادي"كيرفز" اصير اروحه الصباااح ع الاقل 3 مرات بالاسبووع
والمغرب اسوي على الاوربت تراك ببدا ب 10 دقاايق
وبزيد حبه حبه كل فتره الين ابقى عليه ع الاقل نص ساعه
انا مسويه من فتره كريم الزنجبيل وحاطته بالثلاجه الين ربي يفكني من الكسل واستخدمه وبس اجي اللعب ع الاوربت تراك بدهنه ع جسمي ان ربي كتب
وبلبس بدلة الساونا او ملابس قطن
ووقت السبووح مسويه لي صاابونه بالقهوه التركيه بستخدمها ان شاءالله بعد ..
وبسووي تمارين حق زنودي مثل المرووحه وشووية اثقال و أي حركه تطري ع بالي هذا طبعا اذا كان فيني حيل ..
بس انقص 4 كيلو تقريبا او 5 راح اسوي جلسات ال "ال بي جي"
وجهاز تكسير دهون اسمه "كيسي" وجلسات ال لف الحراااري
عندي كم شغله لازم اقولها لكم عشان يمكن هي الي ماتخليني انقص زي ما انا مخططهـ
اول شي : الدوره متأخره علي 12 يوم "اول مره تصير لي" وبكره بتطلع نتيجة التحليل ويارب خير
ثاني شي : معاي امساك داااايم من القولون ف هذا يصعب نزول الوزن حبتين بس بحاول اخذ حبووب مسهله بكره ..
و آخر شي : مزاجي مرره يكون تمام ومره يكون تحت الزفت وانتو بكرامه
وكل هذا طببببببعا عشان الدوره المتأخره احس اني ع اعصااااابي وكارهه نفسي كثييييير ..
ف بليز صبايا ابغا احد يشجعننننني عشان اكمل .. كلها شهر بس :eh_s(17)::eh_s(17):
تيب معلومات عني
عمري : 22 سنهـ
طولي : 166
وزني : ..... بقيس بكره وبجي اقول لكم
فصيلة دمي : a+ << حق البنات اللي يحبوون يعرفون الفصايل
نوع جسمي : الدرقي
ترا يمكن يكون وزني زايد اكثر عن الطبيعي عشان الدووره
لأني احس ب الم بس لسى ماجات :*_*: << متأزمه وميته خوف :eh_s(2):
بس ماعلي بوزن الدوره انا ببدا بالرجيم وخلاص ..
لأني انتظرتها كثيييييير اسبووعين انتظرتها تجي ولسى ماجات ف مابي اضيع وقت اكثر ..
اذا جات حياها ومابووقف رجيم بالطقااق << :eh_s(2):
امممممممممممم وبسس تقريبااا ياليت صبايا تشجعووووووووني :eh_s(9)::eh_s(9):
واللي حاب ينظم معاي برجيماتي طبــــعآ حياااهـ الله :eh_s(9)::eh_s(9):
بس اذا مو برجيماتي لا :rgewrg: << وجهها مغسوول بمرق
:eh_s(17): المايكـ لكم :eh_s(17):
