يومياتي مع الليزك- يوم بيوم (حياكم يالخوافات)

[mi corazon]

يسلمو هند حبيبتي

لهدوم تشوق .. عندج سايز للبطات نفسي؟

 

[cataract]

الحمدالله على سلامتج
و مشكوره على up date

 

[<<لمار>>]

الحمد الله على سلامتج واجر وعافية

 

[sweet31]

حبيبت عمج سوا عملية ليزك ولا ليزر

وكان قبل العملية يقدر يقرا بدون نظارة ولا لأ

عمي نفس حالتي كيلا لابس نظارة بس بعد ما سوا ليزك مايقدر يقرا لازم يلبس نظارة القراءة
الحين اهوا صارة سنة بعد الليزك

 

[mi corazon]

السلام عليكم يا حلوين

شلونكم شخباركم؟

اليوم الثالث :

الرؤية واضحة تماما ولله الحمد قولوا ماشالله

ستل أحس بصداع اللي تحسون فيه لمن تلبسون العدسات لمدة يوم كامل .. يخف مع البنادول

ولله الحمد القطرة قاعده استخدمها ( المرطبة) اليوم قلت عدد المرات .. ( ثلاث مرات باليوم)
والمضادة استخدمها كل 7-8 ساعات


الحمد لله يابنات والفال لكم

حياتي صج تغيرت وبعدي مو متعودة على النظارة مو على ويهي والله لي يومكم احسس تحت المخدة أول ما أقعد من النوم


الحمد لله الذي تتم بنعمته الصالحات .. ادعولي بالشفاء التام

 

[mi corazon]

السلام عليكم

اليوم الرابع:

بنات أحس بصداع فضيع والرؤية بعدها مزغللة

وعيوني تعورني تتوقعون علشان فركتها مرتين وآنا ناسية؟؟؟

الله يستر ويتمم لي الشفا على خير

 

[نووووونا]

عادى مس كرازون


يخف بس لا تحكينها ,,,


وان شاءالله خلال هالاسبوعين تحسين بفرق كبير

 

[sweet31]

الله يشفيج

 

[تلفوني رن]

الف مبروك والحمدالله عالسلامه والفال لي بصراحه صارلي فوق السنتين وانا افكر بس عندي جم سؤال ماعليج امر

1- ممنوع احط مكياج خاصه الكحل او الماسكرا بعد العمليه ولا عادي لاني مااستغني عنهم ؟؟

2- يكفي اسبوعين ولا اخذ اجازه شهر احسن ؟؟

3- العمليه تكلف 450 فقط ولا اكو مصاريف ثانيه يعني وقت المراجعات ياخذون شي وحق القطرات ولا بس 450 ؟؟

4- لاحظت تقولين صداع وضباب بكثره يعني مايروح هالشي ولا يخف ولا شسالفه ؟؟

5- انا مااستغني عن العدسات كلش قالج الدكتور لاتلبسينها قبل العمليه بجم يوم ولا شلون ؟؟

اسفه طولت عليج

 

[mi corazon]

الله يسمع منج حبيبتي نجد تسلمين يالغالية

سويت حبيبتي الله يعافيج حبوبه

تلفوني رن الله يسلم قلبج عسولة

راح أجاوبج :


1- ممنوع احط مكياج خاصه الكحل او الماسكرا بعد العمليه ولا عادي لاني مااستغني عنهم ؟؟

إذا الماي بعد العملية بيومين ممنوع يلمس العين فما بالج الكحل ..ممنوع وضع الكحل والمسكارا بيوم العملية وبعد العملية لمدة اسبوعين .. تحملي علشان خاطر عيونج .. نفس حالتي ما استغني عن العطور بس شسوي عيوني اهم


2- يكفي اسبوعين ولا اخذ اجازه شهر احسن ؟؟

لا إنشالله يكفي اسبوعين

3- العمليه تكلف 450 فقط ولا اكو مصاريف ثانيه يعني وقت المراجعات ياخذون شي وحق القطرات ولا بس 450 ؟؟

تفتحين ملف وفحص بخمسين دينار .. والعملية 400 دينار وبعدها ثاني يوم تروحين يشيلون العدسة ابلاش وتطلعين

والقطرات ثنتينهم يكلفونج اقل من 15 دينار

يعني العملية بتكاليفها 470 ( لا مخليه 10 احتياطي بعد المفروض 460)

بس اللي اعرفه انه حسب العملية يهني الضعف العادي بالنظر على درجاته يكلف 400 اكو الليزر غير

دقي وسألي حبوبه منتي خسرانه

4- لاحظت تقولين صداع وضباب بكثره يعني مايروح هالشي ولا يخف ولا شسالفه ؟؟

لا هالشي قالولي كل اللي سووها انها تدوم 3 تيام وتروح .. وآنا أمس كان كل شي تمام إلين قمت أحك عيني خو متعوده فا عورتني أو آنا انوهمت مادري عاد .. بس سالت قالولي ما يمر الاسبوع إلا كلشي تمام بإذن الكريم

بس اليوم الصداع حايشني لأني رحت الشرقيه مع اختي ما سويت مساج بس قعدت بفرع المساج والزيوت العطريه تفحفح .. فاحسيت بصداع .. اهو الدكتور قال لي بعدي عن العطور بس آنا عاد ماسمع الحجي مالت علي


5- انا مااستغني عن العدسات كلش قالج الدكتور لاتلبسينها قبل العمليه بجم يوم ولا شلون ؟؟

حبوبه آنا اختي فيها انحراف بالشبكية قال لها الدكتور قطي العدسات قبلها بثلاث شهور ولبسي النظارة

آنا عاد سويت نفسها مع اني مو انحراف فقط ضعف .. ولمن سالته جم نظري كان قبل العملية قال 5% .. شنو قصده مادري

عاد ميخالف يمه تحملي لا تلبسينها لمدة شهر عالاقل إلى 3 شهور .. وقولي لنفسج ماهي طايره لابستها لابستها بإذن الله

اهي العدسات ممنوعه والفتره على حسب ما يحددها الدكتور لعيونج .. يعني حسب قوة النتيجه وحسب حساسية عينج

اسفه طولت عليج

( لا طولتي ولا شي .. تحت أمرج عسوله)

ciao

 

[تلفوني رن]

تسلمين حياتي عالرد ماقصرتي

 

[sarooona]

قوة بنات ولله معلومات حلوة استفدناها منج انا عماتي الثنتين وبنت عمي مسوينها عند الصايغ كلينك كلفتهم 300 دينار
وتوني داقه عليهم حجزت موعد بس قالتلي لازم قبل الفحص ب10 ايام ماتكونين لابسه عدسه وانا ما استغنى عنها
وعملياتهم كل بليل لان عقبها تحسين بدوخه وتحتاجين تنامين وتقومين الصبح مفرفشه
هذا على كلام الي مجربينها وطبعا ما تستغنين عن النظاره الشمسيه في الشمس ومايكون تعرضج للشمس مباشره وفتره طويله وعلى كلامهم ما تحتاجين اجازه عادي تقدرين اداومين و استخدام الكمبيوتر اكيد بالتركيز عيونج ادمع شوي وتحرقج بس اول ايام ومع القطرات الي راح يعطونج اياها انشالله بتعدي السالفه على خير
انا انشالله موعدي تاريخ 14 بسوي الفحوصات و2 يوم العمليه تكون الخميس احسن عشان ارتاح يومين بالاجازه

 

[mi corazon]

تسوينها بالسلامه سارونه


مشكوره يالغاليه فدتينا

 

[عبق الورد]

حمدلله على سلامتج
وانا مفكره اسويها بالصبف ان شاء الله عند سلطان المطيري
مشكوره قلبو شجعتيني لان حدي خوافه

 

[عمشه المنتفشه]

الله يتمم عليج الصحه والعافيه انا بغيت اسويها بس سمعت من كذا دكتور من الاهل قال لاتسوينها وحتى رفيجتي راحت عند سلطان المطيري

ودفعت عربون ولبست النظارات وصلت استخاره كذا مره واخر شي هونت تقول مارتحت

مابي اخوفج اكو وايد ناس سووها من سنين ومرتاحين بس بنت خالتي تقول انا يمعت فلوس لعمليه بس ريل اختها جراح

قالها انسي تسوينها مادري ليش

 

[mi corazon]

الله خير حافظ

بنات يوميات اليوم الخامس:

بنات الرؤية مزغلله عندي امس اهون تهقون ليش؟

صايره ماشوف الاشياء لبعيده عدل والليت الاحمر يعور عيني

آنا اقعد عالكمبيوتر وايد تتوقعون منه؟


عمشه ياعمري تكفين سأليهم حبوبه

 

[mi corazon]

عبق توكلي واستخيري وسويها
الواحد لا يحاتي باجر شدرانه نعيش لي باجر ولا لأ؟

 

[راجيه عفو ربها]

حمدالله عالسلامه

 

[toota]

الحمد لله على سلامتج

 

[mi corazon]

راجية عفو ربها

توتا

:hjy5jewf:

الله يسلمكم ويعافيكم حبيباتي :*

تحديثات اليوم السادس من العملية:


صدااااااااااااااااااااااااااااااااااااااااااع

والرؤية أحسن من أمس ولله الحمد بس الرؤية موشي على بعد 7 أمتار