يومياتي مع الليزك- يوم بيوم (حياكم يالخوافات)

[اللاما]

الحمدلله على سلامتج انا سويتها من شهرين عند دكتور محسن ابل صح اول يوم حسيت اني تعبانة وابي انام بس الحمدلله ما حسيت بصداع الا
باول يوم على خفيف وبعدين عادي والغشاوة تمت معاي شهر وعند مراجعتي له عطاني مرهم احطه بالليل علشان الغشاوة والحين الف حمد
وشكر

 

[soo_soo]

وانا اقرا الموضوع احس قلبي يتبض بسرعه من الخوف
نفسي اسوي ليزر مادري ليزك مادري شنو الفرق بينهم بس خاايفه

وانا اول كنت خايفه بس ع خفييف يعني 20 من ميه
بس عقب يوم قريت كيف طريقه العمليه ولا يشلون طبقه الاوله والخ
خفت 100 بالميه

لان انا طبعي ما احب اعرف اذا عرفت اخاف احب المجهول لوووووول

بس لا جد الالم الي حسيتيه من اليزر يوم ركزتي صح ؟؟

شلون ألمه يعني مثل شنوو
ونفس الشي يوم شال الطبقه الاوله مثل شنو ألمه

 

[mi corazon]

soosoo حبيبي جمدي ألبك

لا تخافين

العوار ما يسوى شي بالنسبة للراحه اللي آنا فيها

تخيلي أرد من بره ماحاتي عدسات اقطها

اقعد من النوم مادور نظاره

ادش البول واسبح ماحاتي ( يعني الحين أعرف اسبح يعني !!!)

بس والله راحه

الشي الوحيد اللي اتذكره الحين الصداع وبس

والله كريم

تشجعي حياتي تشجعي

 

[bint_looda]

الحمددددددددددددددددددالله عالسلااااااااااااااااااامه
عقبااااااااااااااااااااااااااااااااااااااااااااااااااااااااااااااااااااالي يارب ... بس وين الي يشجع ! اذا الام والابو خوافين اكثر من البنت @@

 

[bint_looda]

اااااااااااااااه !!!! جان زين ماشفت الفيديوووو !
انا ماشفته اصلا بس شفت اول لقطه الي فاتحين العييييييييين واااي استغفرالله لاعت جبدي !!!! عاد قبل دقايق كنت متشجعه ومشتطه لول جني هونت

 

[mi corazon]

السلام عليكم بنات

LATEST UPDATE
:nbptr:

اليوم خلصت اجازتي وداومت الحمد الله

مو حاسه بشي مجرد صداع عادي من ارهاق الشغل

وناسه بناتي سابع سوولي حفله و يابولي هدايا باجر ثامن مادري شنو خاشين شكلهم خاشين لي مفاجأة الله يستر .. قتلهم لو سويتوا حفله راح اعطيكم امتحان دربالكم لول

تصدقون بنات اليوم حاجيت وحده وياي بالدوام

قالت لي غريبه حسيتي بالعوار

تقول اهي سوت عند المنار كلنك اللي بالسالميه وما حست بأي شي

وصدمتني ان الاجهزه اللي عند الربيعه قديمه علشان جذي حسيت بعوا

تقول اكو جهاز في مركز المنار الطبي وبوشهري كلينك بس اللي ما تحسين فيه بأي عوار

لا والصدمه ان العمليه كلفتها بس 300 دينار

لوووووووول راحت علي

قلت افيدكم حبوبات

وانتظروا الابديتس اليدد ان شالله :eh_s(15):

 

[cataract]

الحمدالله على السلامه
بس حالتج غريبه وايد طول معاج الصداع هل عشان درجه القصر كبيره ولا جيوب أنفيه من جونا الحلو؟ عموما الله يتمم عليج.
والبنسه لأجهزه سامي الربيعه سألته نفس السؤال قلتله جهاز الليزك من متى عندك إياه قالي من 93 وقالي إنه من أول ما انتقل الفروانيه جدد كل الأجهزه إلي عنده حتى جهاز الليزك.

 

[moony77]

حمدالله على السلامة يا حلوة
وما تشوفين شر يالغالية لا تواخذيني ترا ما كنت ادري انج امسوية عملية محد قالي من قسمكم ولهيت ويه شغل الوكيله
توني اليوم افضى واخلص من الشغل واوديه للمنطقه

 

[mi corazon]

لااااااااااا عاد إلا موني

حبيبتي والله معذورة حياتي

المهم اني شفتكم .. ولهت عالمدرسة ( بس مو عالشغل لول)

بس شرايج بلون عيوني الديد؟ استريحي بس

تسلمين يالغاليه

 

[moony77]

صراحه يهبلون ماشالله

يله يايج الشغل

 

[bint_looda]

ان شالله يروح الصداع والحمدالله على نعمة النسيان كلشي تنسينه وتبقى الفايده ان شالله
اي والله صدقتي
احلى شي القعده الصبح ماتدورين نظاره ! ولاطاحت ورا الكمدينه ولا عالرخام قعدي تحسسي لمن تلقينها اذا ماطق صبعج بالزاويه بعد لول

 

[mi corazon]

لوووووووووووووووووووووووووول

بنت لودا .. ضبطتي الوصف

لا عاد تصدقين اول اربع تيام كل ما اقعد من النوم اضيج عيوني واتحسس عالنظارة لول مو مستوعبه الوضع

 

[Heaven Light]

الحمدلله على سلامتج يااا قلبي ..

وانا اخذت موعد عند سامي الربيعة ..

بس شرااايج اسويها عند مركز المنار الطبي وبوشهري كلينك على ابو انه ارخص ؟؟

ولا ارووح للأضمن ؟؟

 

[mi corazon]

حبيبتي تعبت والله آنا عن نفسي تحسفت اني ماسألت قبل

لأن مدحولي مركز المنار واجهزتهم المطورة وماكو عوار ابد

بس دامني استخرت فاكيد كانت خيره لي عمليتي عند سامي الربيعة

انتي استخيري

والكل يمدحون بوشهري والمنار والربيعة

ولج الخيار حبوبه

 

[MassComm]

انا ودي اسويها بس الخوف ذابحني ..وفي كذا وحده سوتها تشتكي من الجفاف،صج عاد؟

والحمدالله عالسلامه

 

[mi corazon]

حبيبتي مسكم ياقلبي الجفاف يصيب بسبب الاهمال اول شي لأن اول شهر اهم شي

طاع من ايتحجى!!! آنا كاشته بموعدي انطر المعاش


انتي علطول رطبيها وان شالله مافيج الا العافيه توكلي

 

[رسييل]

حمدلله عسلامتج حبيبتي....بس عندي سؤال يصير البس عدسة ملونة بعد العملية..مو يعني على طول..عقب شهر مثلا؟

 

[mi corazon]

هلا حياتي

الله يسلمج قلبي

بالنسبة للعدسة فايعتمد على عيونج لو تقبلت ما نشفت اوكي والدكتور يحدد

 

[أخر العنقود 2007]

حمد الله على السلامة
انا اخترعت وانا قاعدة اقرا كلامج شلون لو اسويها
خوافه موووووووووووووووت
علشان جذيه متردده والعدسات عندي اشوى من العملية

شرايكم بالمستشفى العسكري بعمليات الليزك ؟؟؟؟؟؟؟؟؟؟؟؟

 

[mi corazon]

حلو المستشفى العسكري امي واخوي مسوين فيها

استخيري وبسج خوف آنا كنت نفسج وسهالات