يومياتي مع رجيم د. أحمد الخولي

[كويتيه cool]

بتبوت بالعافيه بس عادي تاكلين بطاط بو جيس؟

أنا قال لي اوعي

حدددي مبدعه بالأكل مو قاعدة التزم وقبل يومين قست وزني بصيدليه بوت بلندن طلع وزني ثابت بس الطول غلط !!!

يصير ينقص طولي ؟

والريولي بالجينزات صايرين طوال وضعاف بس من فوق والكرش اللي مو راضي يروح :/

 

[<miss botamba>]

^^^

اي بطاط بو جيس؟



امس بدعت عشاي كنتاكي


وريوقي كورن فليكس فتنس

 

[Myno0na]

^^

اتوقع قصدها البطاط اللي بالجمعيه
نايس و كتكو و ليز لوول

 

[Myno0na]

غداي
عرايس وسلطه




عشاي
كورن فليكس

 

[كويتيه cool]

نفس ما قالت مينونه لووول

 

[<miss botamba>]

^^^


ههه لا مينونه اهيا الي كانت ماكلته مو انا


والبطاط بانواعه ممنوع



وبليييييييييز اذا عندج الكيميائي ابيه لاني امبدعه

وزني زاد كيلو من الخرابيط ومابي اروح له ادري بنزف

 

[<miss botamba>]

لقيت هذا وبجربه

كاتبين يضعف اقل شي 15 كيلو بالشهر بجربه اسبوع وبروح له



(((الاسبوع الأول)))

الفطور اليومي:- بيضتين مسلوقه+ نصف برتقاله


اليوم 1


الغداء:- فاكهه صنف واحد وبأي كميه( ماعداالمناجو والتين والموز ممنوع)

العشاء:- لحم مشوي ( شرائح اومفروم)+سلطة خضروات


اليوم 2


الغداء :- دجاج مسلوق اومشوي +طماطم+برتقاله وحده

العشاء:- 2 بيضه مسلوقه+ سلطه(خيار,خس,طماطم,جزر,فلفل اخضر)+توست واحد +برتقاله


اليوم 3


الغداء:- جبن قريش اوجبن منزوع الدسم بأي كميه+توست واحد+طماطم

العشاء:-لحم مشوي اومفروم +سلطه

اليوم 4


الغداء :- فاكهه صنف واحد باي كميه
العشاء:- لحم مفروم اومشوي وسلطه


اليوم 5


الغداء:-2 بيضه مسلوقه+ خضار مسلوق
العشاء:- سمك اوجمبري اوتونه مصفاه من الزيت +سلطه+برتقاله


اليوم 6


الغداء:- فاكهه صنف واحد باي كميه
العشاء :- لحم مشوي وسلطه


اليوم 7


الغداء :-دجاج مسلوق اومشوي+طماطم+خضار مسلوق+برتقاله


(مسموح مشروبات الدايت والقهوه والشاي والاعشاب بدون سكر)

مسموح تناول جزر اوخيار بين الوجبات(اختيار صنف واحد)

ولكن قبل الوجبه بساعتين

 

[Myno0na]

بوتمبااا
لووول شسوي كان خاطري بالبطاط عاد قلت ما يخالف



غداي
صمونه هوت دوق و سلطه



عشاي
روب وخيااار

 

[<miss botamba>]

اليوم

8-7-2012

ههههه بديت الرجيم الكيميائي والله يستر علي و اضعف هال 4.5 كيلو وادش بالسبعينات

ريوقي

وشربت بالجامعه

وبعد شوي غداي

 

[Myno0na]

^^^

واي بوتمبا شنو هذا ؟؟؟؟؟؟
تعذيب مو رجيم

راح تتعبين جذي ردي حق رجيمج الاول احسن
الجسم يحتاج اكثر من جذي
بعدين يأثر حتي علي شعرج

 

[Myno0na]

غداي

عيش ابيض وكباب




عشاي

فواكه

 

[<miss botamba>]

لاااا لازم عقاب

 

[<miss botamba>]

عشاي امس


سمج مع باربيكيو صوص و خضار سوتيه من دايت كير



و سلطه خضرا





اليوم


ريوقي


بيض مفيوح 2 مع هوت صوص جربوه احلى طعمه لان انا تقلب جبدي من البيض المفيوح

و نص برتقاله

وشربت وايت موكا من ستاربكس بدون كريم وبدون كراميل و حليب خالي الدسم

وللحين ما تغديت بروح اتغدى بعد شوي

قطع دياي تكا مشوي بالفرن + سلطه ذره

اهوا المفروض دياي و طماط و برتقاله

بس مابي اكل طماط علشان الاملاح و البرتقال بغيره بالخضرا

 

[ضــمــاد]

بالتوفيق بتبوت ​

 

[<miss botamba>]

^^^

شكراا

 

[<miss botamba>]

عشاي

المفروض سلطه

بس مالي خلق توني قبل شوي يايه من تدريب مال غوص واحس متكسره وعيزانه فكليت كورن فليكس فتنس ناشف

 

[<miss botamba>]

غداي

 

[<miss botamba>]

اليوم


ماكو ريوق

بس شربت جاي وقهوه ماكان لي خلق اكل


غداي سيزر ماعون كبير (اهوا بالرجيم توسته و جبن فبدلته بالسيزر فيها قطع توست و جبن) هههه بكيفي انا اغير


وعشاي للحين ما ادري


والحلو بالموضوع كنت تقريبا سامنه فوق 84.5 كيلو جنها او كيلو شوي

الحين بس ب 3 ايام علشان الرجيم الكيميائي رديت ضعفت ووصلت ال 84.5 وان شاء الله لي رمضان اكون واصله هدفي الاول الي اهوا 80

 

[" غـادهـ "]

.

آلله يشآفييييج يآ رب ويشآفــي كل مريييييض
وتتخرجين من آلجآمعه بآسرع وقت يآرب ..!!

مآ شآءآلله رجييمج منوووع وحلوووو مآلج عذر لو مآ ألتزمتي ..
<< شرآيج فيني وآنآ آشجعج لوووووول

همن آنآ ودي آبلش دآيت وصلت وزن آول مره بعمري آوصله هع هع هع هع
مو سآترني إلآ طولي وآآآآآي لو آني قصيره جآآآن علوووووم خخخخخ
بس لآ جد بإذن آلله لآزم آسوووووي كنتروووول وآتلآحق عمررري ..!!

.

 

[aya faid]

مساءج ورد

اولا الله يشفيج وتتخرجين وتفتكين من الجامعة


ثانيا كنت داشة اكتب يومياتي مع دكتور احمد الخولي بس شفت موضوعج قلت استأذن منج اشاركج ونشجع بعض

انا اليوم ثاني يوم لي


واذا موافقة بنزل نظامي وكل المعلومات واكلي ورياضتي وبالصور


يعطيج العافيه ان شاءالله نضعف كلنا بصحة