يوميات مكمكمه 2013

[توحه1]

السلام عليكم جميعا
حبيت اكتب لكم يومياتي
وحالتي خطوه بخطوه مع التكميم

اولا اعرفكم بنفسي
متزوجه وابلغ من العمر30سنه
ولدي 4اطفال
افكر بالتكميم من3سنوات
بس كنت متردده وايد وزوجي مايشجعني
ولكن كل مالي واعرض وازداد تدبدبا((لوووول))
بالنت الاغلب يقولي سوي
وكم وحده من الاهل والصديقات يقولون لا حرام خوفا علي وجهل بالعمليه وعواقبها
رحت وتجراءت وزرت كذى مكان وكنت اشجع وانا عند الدكتور وبعدها اخق
وسكر الموضوع ولاكن تعبت من نظرات الناس لي
والجسم مومتناسق من ناحيتي انا وزوجي فرق واضح
ماطول عليكم
كاني بعدكم ساعه عمليتي والله يتمم علي واسويها واقوم لاهلي وحبايبي بالسلامه
ادعولي

 

[توحه1]

طولي 159
وزني 95
كتلة وزني 38
بسوي العمليه بمستشفى خاص
((( الهادي )))
على ايد الدكتور ((علي الموسوي)) مشهور بالسيد
عيادته ب09 كلينك

بديت تحاليل وسونار ومنظار بشهريناير وبعدها توجهت لي للدكتور والحمدلله كل شي تمام
وفالنا الرشاقه والصحه والعافيه

 

[راعية الذيب]

الله يسهل عمليتج يا رب

ويقومج بالسلامه ان شاء الله

 

[توحه1]

راعية الذيب
يسلمج ربي من كل شر

 

[توحه1]

نصيحة مني لكل وحده على وجهه تكميم
تستخير
تبحث عن الافضل والدكتور الي ترتاحله
تخفف اكل قبل العمليه باسبوع ويفضل العشى سوائل
وتمشي قبل اسبوع من العمليه يوميا ولو نص ساعه
الكتمان ولاتقول الا للمقربين جدد جدد
هذا قبل العمليه والله ولي التوفيق

 

[yam_yam]

توحه الله يسهل عليج و تقومين بالسلامة

اعتقد هذ الدكتور اللي مسوي حق اسيل العوضي

 

[SILVER ROSE]

ان شاء الله تقومين بالسلامة
وهالدكتور سمعت عنه مدح وايد
والله يسهل امورج ويرزقح بالصحة والرشاقة

 

[عيون القلب]

توحه اتوقع انتي الحين نايمه و دايخه من تأثير البنج و المسكنات هههههههههههه

حمدالله على سلامتج و فالج الرشاقه بصحه و عافيه قولي آميـن

شوفي ردي برابطة المتكممات قلت يمكن تستفيدين منه عقب 10 ايام من عمليتج


http://www.q8yat.com/32120885-post2663.html

 

[عـيّــآره]

عسى الله يقومج بالسلامه يارب وتحققين اللي في بالج

طمنينا عليج​

 

[حضن امى]

الله يقومج بالسلامه
طمنينا عليج

 

[أحلام العمر]

الله ييسرلك كل خير معاك وننتظر النتايج وبسالك هل في الم قوي بعد العمليه

 

[** رش رش **]

طمنينا عليج يا توحه و شلونج الحين بعد العملية

 

[Maryam]

حمد الله على السلامة انصحج بالممشي المشي و ابر السيولة و لا تنسين كل يوم شربي ماي الديياي حاولي كوبين او على الاقل كوب وايد تقويج
و شربي اقل شي لتر و نص سوائل عشان ما تدوخين

 

[فيلجاويه كيوت]

حمدالله على سلاامتج بجم سوالج العملية ؟ وفيه عوار ؟

 

[توحه1]

انا الحين بخير بس خل افضى حبايبي
واصب لكم التقرير بالتفصيل
حبايبي مشكورين وحده وحده سالت عني
وحبيت اقولكم الحين امشي ربع ساعه
وبعد اشرب سوائل شفافه
خمسه لتر باليوم مايعاد 6بطول ماي
والتفصيل عن قريب باذن الله

 

[@شمس الضحى@]

الحمدلله ع السلامه فاااالج الرشاقه والتوفيق

 

[توحه1]

يسلمكم ربي من كل شر
وفالكم الرشاقه بصحه وعافيه

كلفتني العمليه
واتعاب الدكتور
والجهاز
والمستشفى
كله 2850
لان بعد العمليه رجعة كم شغله متبقيه من الجهاز وعطوني فلوسه


بصراحه اول يوم تعب ودوخه وعايشه على درب فقط
وثاني يوم قبل لا اطلع من المستشفى بساعتين شربوني يدوبك جقم ماي وطمنو علي وطلعة بالسلامه

 

[عيون القلب]

حمدالله على سلامتج

قبل لا يطلعونج من المستشفى ما سوو لج اشعه للتسريب ؟؟

 

[كلي_أمل]

انا الحين بخير بس خل افضى حبايبي
واصب لكم التقرير بالتفصيل
حبايبي مشكورين وحده وحده سالت عني
وحبيت اقولكم الحين امشي ربع ساعه
وبعد اشرب سوائل شفافه
خمسه لتر باليوم مايعاد 6بطول ماي
والتفصيل عن قريب باذن الله

:eh_s(9)::eh_s(9)::eh_s(9):
حمدلله عالسلامة كنت احاتيج و الله

 

[توحه1]

كلي امل
عيون القلب
الله يسلمكم من كل شر