يوميات مكمكمه 2013

[توحه1]

ثاني يوم الي طلعة يدوبك خلصة ربع بطل صغير ماي من الظهر لي بليل
وكله دايخه ومالي خلق وحس ومسطوله
وثالث يوم صحصة اشوي
وطبعا كل مااصحصح امشي بالصاله ببيتي كم فره بو خمس ست دقايق وريح واشربلي جقمين ماي ورجع اتحرك

تكرمون الترجيع بس يوم واحد الي اهو يوم العمليه ومرتين وكله بلغم وانتوا بكرامه
والعوار بكل صاراحه يدوبك اربع ايام وبعدها يخف
وعطاني دوى لحموضة المعده وابر سيوله مده اسبوع اطقهم

 

[توحه1]

اليوم لي6ايام والحمدالله امشي ربع ساعه متواصله
واخلص بطل ماي الغير كامل خلال يوم
وخلص عصير تفاح كي دي دي واحد خلال يوم
ربي لك الحمد والشكر موعدي يوم الاحد باذن الله اتمنى اكون نازله من 6-8كيلوا ان شالله وفالنا الرشاقه بصحه وعافيه

 

[توحه1]

عيون القلب ماسوالي بس الي معاي سوالها سونار لان سخنت والسخونه موزين مع العمليه

نصيحه اطلقي العنان لقدميكي في اي وقت فراغ

 

[العفاسيه]

حمدلله ع السﻻمه الله يتمم عليج
انا سويتها بهادى وياج وقعدت 4 ايام تعبت حيل حسبالي سهله من كﻻم النت
الله ﻻيضيع تعبنا

 

[توحه1]

العفاسيه
الحمدالله على سلامتج وفالنا الرشاقه بصحه وعافيه
صاجه موهينه وفيها خطوره بس الحمدالله عدينا من الشر

 

[توحه1]

العفاسيه كم كان وزنج قبل العمليه
والحين بعد مرور اسبوع كم نزلتي ؟؟؟

 

[برد ابو الذهب]

الحمدلله عالسلامه ؟ حياتي أشلون العوار بعد العمليه هل محتمل تكفين ابي وصف دقيق حدي خايفه

 

[العفاسيه]

موعدي الأحد وراح أشوف كم نازله
وزني كان ٨٧ بس قبل العمليه بقولج الكتله كانت ٤٦ أما الوزن يكسر الميزان ههههه

 

[العفاسيه]

الحمدلله عالسلامه ؟ حياتي أشلون العوار بعد العمليه هل محتمل تكفين ابي وصف دقيق حدي خايفه

العمليه اتعب اول 4 أيام والعوار مع المسكنات والمنوم يمشي الحال لكن بعد أسبوع راح تنسين التعب ومع نزول الوزن بتستانسين فإذا وزنك كبير أنصحج تسوينها

 

[توحه1]

اضم صوتي لاختي اعفاسيه
الالم ودوخه والتعب اول اربع ايام
واذا تقدرين امشي وصحصحي لا تعيشين نفسج انج مريضه وماقد
ولاتنسين كثري ماااااي
الماي
ثم الماااي

 

[توحه1]

عند اي دكتور عفاسيه سويتيها

 

[توحه1]

الحمدالله مستمره بالمشي
وناطره موعدي على نار الاحد عشان اشوف وزني وماابي اشوفه باي مكان ابي نفس المكان الي قست فيه قبل العمليه
وبديت اشرب شوربه بس مخفففه بماي وااايد وبعد ماي النخي مخفف
وطبعا احس شهيتي مفتوحه ودي اكل بس اخاف والله
عندي عرس بعد شهر واتمنى اكون نازله ومترتب الجسم
ان شالله

 

[حضن امى]

الحمدلله علي السلامه
حبيبتي ممكن تقول لي شنو العوار اللي حسيتي فيه
الم المعده ولا ألم الفتحات العمليه

 

[توحه1]

بفتحات العمليه ويدوبك ماطولت ربي لك الحمد والشكر
بس اربع ايام

 

[توحه1]

بنات احس اني ابي اكل بعد وشهيتي مفتوحه للاكل
ابي والله خايفه يروح تعبي هدر وامتن

احلامي كله يااطبخ يااكل
ابي ببچي
ولي الحين امشي ربع ساعه الحمدالله بممشى

 

[توحه1]

الحمدالله ربي العالمين رحت موعدي امس
وشاف جروحي وطمن عليها وكل اموري بالسليم
وقالي نبدي بسوايل ثقيله وتو الناس على الاكل
وطلع اهو دكتوري نفسه مسوي حق اسيل

 

[توحه1]

بنات شنو السوائل الثقيله
غير الحليب
والمهلبيه
وعصير برتقال فرش

همتكم معاي
قولولي

 

[** رش رش **]

سوائل ثقيلة نفس
حليب - لبن - شوربات خضار تكون مضروبة بالخلاط
محلبي - جلي - روب - ماي النخي
اي عصير فواكة طبيعي بس ما اعتقد برتقال لانه حامض على المعدة بهالوقت

 

[توحه1]

مشكوره رش رش
ومنكم نستفيد عجبني جلي شكلي بسويلي زين للعظام

 

[توحه1]

المنجا ممنوعه
اي نوع عصير طبيعي فرش عادي