~يوميات mi$$ di$a$ter =) واللي تبي تشاركني حياها الله ~

[* اجمل ملاك *]

والله ودي اشارك والله انا لا تشوفين شكثر منزلة ريجمات بس مشكلتي مو اي شي يعجبني بالأكل
تصدقين مع اني وايد اشياء تمتن مااحب آكلها ونوعي مو وايد احب آكل بس المشكلة الأساسية اني مااتحرك وايد
لأني ارد من المدرسة اتغدا احل واجبات انام لين مثلا جريب ال9 اقول على مااصحصح واصلي الخ.. ارد اتعشى واشبك وارد انام
وأساسا مااحب امارس الرياضة بمكان مكشوف تدرين والله جونا مايساعد ولا ساعات لي بغيتي تمشين على البحر مشكلتي فيني فوبيا من القطاوة اكثر شي :$ فتعالي شوفيني اتلفت يمين يسار طول الوقت
وناوية ادش نادي بس المشكلة انا آخر سنة اخاف اشترك واكشت بالنادي
انا صارلي جم يوم قاعدة اضغط على نفسي ماانام نومة العصر عشان اقدر اشترك بنادي واسوي رجيمي عدل

وبالنسبة للرجيمات قلت اجرب رجيم التمر ومانفع لأني اساساً ما آكل تمر فماكملت حتى نص يوم
وقلت اسوي رجيم الاناناس والكيوي بس يوم شربت عصيرهم الصبح قعد على جبدي وماقدرت اكمل الرجيم احس ماينفعلي
فآنا ابي رجيم يضعف ويكون صحي بس ترى انا ماآكل العيش ولا الاكلات البحرية ولا الأكلات الكويتية <<< حسستج امي شقرة لوووول بس شسوي ماادري شفيني عكس الأوادم وهم مووايد مع القهوة ماابي اعود نفسي عليها و المشروبات الغازية بعد ما اشربها <<< ودج تقولين هاذي شتحب بالضبط
يعني مو مشكلة عندي آكل ستيكات وسلطات

ووو بالنهاية ماادري شنو تنصحوني
1- اخلي اول ماارد من المدرسة اتغدى واحل واجباتي واخلص والمغرب اروح النادي ؟
2- ولا مااسجل بنادي واذا مااسجل شسوي رياضة

وادري قرقت بس من الحرة وبالنسبة للوزن ماادري وين الميزان هع والطول يا 167 او 168 يعني هالطقة

وياريت تفيدوني

ههههههههههههههههههههه والله ضحكتيني

بالنسبه للحركه نفسـي بالضبط ما احب اتحرك كلـش ..
النـآدي خلـيه بعدين تقدرين تشترين جهاز وتحطينه بدال الروحه والرده ع الفاضي ويمكن ماتروحين بعد لووول
لا تناميـن بعد الغـدى حلي واجباااتج بعدها سـوي رياضه بعدها نت يخلص يوومج
يـلا شـدي حيـلج وخنشوووف نزوول هالاسبوع :eh_s(22):

 

[* اجمل ملاك *]

مثلا اول يوم

الصبح تتريقين عال 8 :بيضه مع توسته

وبعدها بساعتين عال10 :موزه

وبعدها بساعتين عال 12 :روب

الغدا يكون عال2 :تونه مع توسته

وبعدها بساعتين عال 4 :تفاحه

وعشاج يكون مبجر عال 6 او 8 ويكون:بطاطه مسلوقه مع سلطه

واذا يعتي تشربين ماي او تاكلين خياره

وكل الايام تقسمينها جذي اذا تبين اقسم باجي الايام قوليلي :**

اهاااااا جذي وايـد حلوو
يعني قصدج 3 وجبات رئيسيه خفيفه وبين الفترات ادخل سناك .. فاكهه او روب او عصير :eh_s(3):

 

[* اجمل ملاك *]

بنات اليوم لما رحت الزواره خربطت

وادري باجر بعد بخربط بس بحاول لا

وان شاء الله يوم السبت رجيم وجبه كل ساعتين ونشوف النتايج الحلوه

وقولولي متى تبون الميزان ؟؟؟!!

شلون خربطتـي شماكله :eh_s(14):

شرايكم الميزان كل خميس الصبح قبل الزواره لوووووووووووووول :ggdw:

 

[«ღ»Pure Soul«ღ»]

شلونكم بنات ؟؟

اليوم 3 يوم وصورت لكم اكلي اليوم ان شاء الله بالليل انزل الصور

الحين بروح الزواره .. الله يستر باذن الله ماراح اخربط

بخصوص الميزان .. ان شاء الله كل اربعا اشوف وزني لان بديت الاربعا

 

[miss disaster]

اجمل لا خل نخليه السبت احسن شرايكم ؟؟!!!


يلا ناطرتكم وينكم ؟؟؟!!

 

[«ღ»Pure Soul«ღ»]

انا اعـتـرفــــ اليوم خربطت شوي اكلت كب كيك شوكليت

كرهت الزواره من الحلوو والاكل ولان الاراده للاسف مو شي لااااازم اقويييها اتحمل

 

[* اجمل ملاك *]

الـحلو مسـوي عمــآيله معاج ..

شلون دايت كير ..؟ اكلهم حلو ولا مو شي ؟

 

[ريا&سكينة]

والله شكلي بسوي اللي قلتيلي عليه وثانكس قلبوو

وشكله بالنسبة للرياضة شكلي بمشي كل يوم ساعة ان شاء الله

 

[* اجمل ملاك *]

ريوقي كورن فلكس + حليب خالي الدسم

بنات وينكم

 

[«ღ»Pure Soul«ღ»]

سوري انشغلت

الحين بنزل لكم صور اكلي امس واليوم نسيت اصور الريوق بس تقريبا نفس ريوقي امس

ملوكه .. اكلهم حلو وماتحسين دايت
في سويت وفي جوكلت

 

[«ღ»Pure Soul«ღ»]

اكلي امس

ريوقي .. اومليت مع جبن وخبز اسمر وانا زدت الحليب /:



غداي .. كباب دياي ( حلو ) مع عيش مادري شنو وسلطه روب وخيار ( صغيره بس كفايه )



عشاي .. بطاطا محشيه بذره وصلصه ( حلووه )

 

[«ღ»Pure Soul«ღ»]

بربـ اتغدا واصور لكم غداي

 

[miss disaster]

عوافي بنات


انا اليوم تريقت عصير تفاح

والغدا اكلت شويه عبش مع مرق

وادعولي ما اخربط بعد شوي معزومه

بحاول كثر ما اقدر اني ما اخربط

وبـــــــــــــــــــــــس

 

[«ღ»Pure Soul«ღ»]

مسوو الله يعينج ع العزايم .. احس اصعب شي الحلو لووووول

ان شاء الله ثواني واحط لكم صوره غداي

 

[«ღ»Pure Soul«ღ»]

ريوقي اليوم .. اومليت بالطريقه الاسبانيه ( عاادي ) نسيت اصوره

غداي .. برياني دياي لذيييذ



>> اللي فوق كله شلته لووول

 

[«ღ»Pure Soul«ღ»]

بعد صلاه العشا اكلت السناك .. جولكت ( دارك جوكلت ) بالبندق 4 حبات

>> حلووو الدلع

 

[* اجمل ملاك *]

عوافي بنات ..


اكلج يشووق بالعافيه انا ع الاسبوع الياي بشترك بدايت سنتر ان شاء الله ..


غداي صدر رومي مدخن + عصير اناناس

 

[«ღ»Pure Soul«ღ»]

الله يعافيج

اول كنت متردده بس الحين اقول الحمد لله اشتركت لان ماعندي وقت اغلب يومي بالجامعه وطبعا بالبريك اتغدا فـ الحين ملتزمه بالاكل وما اكل بالجامعه ولان الاراده ضعيفه شوي الوجبات تلزمني بالدايت

اذا اشتركتي صوري اكلج

 

[«ღ»Pure Soul«ღ»]

رشيقات ان شاء الله كل اربعا اشوف وزني وانتوا ؟؟

 

[* اجمل ملاك *]

خمـيس انا ان شاء الله :*