يوميا @ سجلي حالتج النفسيه اهني@متزوجات حيااكم@

[PuPa^^SWeeT]

بنات شلون الوحده تقدر تتعايش مع الزوج النسونجي

في حريم تطلق


في حريم تقعد بس زواجها صوري



في حريم تتغافل



وفي حريم كل يوم هوشة



يعني حسب شخصية المراة

ان كانت سسيدة ماترضى بالغلط


او كانت تضحي علشان الاطفال


او اتغط راسها بالرمل مثل النعامة



او كانت حارة و عديمة الحكمة

 

[خالتي قموش]

واذا كان ماكو عيال
وهي على نياتها ما تحب الحال المايل
ومو متعوده على النفاق


هل التغافل ينفع مع الريال
ابي طريقه اخليه يندم على انه خان

هي خيانه انترنتيه

 

[PuPa^^SWeeT]

الزعل داخل البيت



و عدم الاخد والعطا معاه


بس اداء الواجبات و من طبخ و تنظيف و هدوم بس



لازم يحس الجو متكهرب و انج مو راضية علييه



والله يهديييه يارب

 

[خالتي قموش]

انا زعلانه عند اهلي

والنفسيه منهاره
وقاعده صبغ و اغير من حالي كمظهر خارجي
اما الداخلي خلاص ما عاد في مكان غير الجروح

 

[PuPa^^SWeeT]

اذا اول مرة


فا انتي تسرعتي بالطلعة


عالعموووم

دامج طلعتي لازم يراضيج لانه اهو الغلطان


وشي طبيعي عالاقل يدق يعتذر



حزتها حطي النقاط عالحروف


وقووليله انا وحدة عادي ابيعك لو بعتني


و اسلوبك جذي معناتها انك شايل لي قدر ولا احترام




يعني طلعي اللي بقلبج كله


الله يعييينج

 

[manoooram]

مم حبيبتي الله يعينج يا قلبي
تجاهلي اتصاله هالفترة ما عليه ضغطي على نفسج شوي
وزين ما سويتي ان تغيرين لوكج هالشي حلو ينعكس على نفسج
وان ياج البيت يعتذر عن تصرفه حاولي تفضفضين اللي بقلبج
ذكريه بطيبج معاه وشلون صاينته ترى بتأثر فيه حيل
خصوصا اذا هذي غلطته الأولى
وان شالله يهديه وينصلح حالكم يا قلبي
بس ضروري اذا الله اراد وبتردين بيتج
لا تردين الا مفضفضه اللي بقلبج على شان ما تكملين الزعل وانتي ببيتج

 

[خالتي قموش]

مشكورين
الله كريم مالي غيره
ما راح ارجع له ابدا

 

[Perfume]

اهلييييييييين حبيباااااتي
وحشتوووووووووووووووووووووووني
المنتدى كان معلق عندي :/

 

[&هند&]

توني لي 9 ايام بالتاسع وموعد ولادتي 21 -1

قموش طنشي وريحي قلبج الذنوب عليه وادعي الله يهديه

هلا والله ببارفيوم فديتج ما يوحشج غالي ها شلون الدراسه ؟؟؟

 

[Perfume]

هنودة ادعي لي
امتحاناتي بعد اسبوعين
خايفة حييييل
قمووش بعد عمري
والله شي يحر بس حرام تستسلمين وتخلين له الجو
اذا يبيج وشاريج حطيله شروط وحدود مايتعداها

 

[انثى عاشقة]

ههههههههههههههههههههاااي
يقطع ابليسج ام الدرر
والله جبتيها ع الجرح
عاد توها كانت تصارخ تقول صكرو الشفاط مال المطبخ
كهربا ومصاريف

 

[انثى عاشقة]

ياقلبي ياقموش
الخيانة تذبح ما الومج
انتي ادعي وربك ما يضيع حقك

 

[انثى عاشقة]

تخيلو المعتوه يقول مافي فلوس لفرش البيت
والحين يقول بيطلع جوال
وشوية يقول لامه نشتري هذا ونشتري هذاك
جالس يفسفس القرض
وانا ولا فلس بجيبي
وكلها قنفة عجبتني لمجلس الحريم استكثرها علي
جعله مايتهنى بالفلوس ربي لايبارك له فيها
اناني حقير

 

[((غنج))]

٨

٨

ههههههههههههههههههه
​

الحمدالله الاوضاع مستقره وكل شي تمام بس اللي باط جبدي اليوم قلتله حبيبي قوم سويلي شاي اخضر

وماقام الله يسامحه
​

 

[خالتي قموش]

غنج الله يعينج مشكلتج عويصه
لو منج ما اقعد عنده

 

[وردة وطني]

غنج !!
هههههههآي
شر البليه مايضحگ

حالتي النفسيه : محتأإرهـ ي رب بين كل شخص ع حقيقته لو انصدم عادي بس اصير ع بينه

 

[manoooram]

صباح الخير
نون النسوة شلونكم
مع هالجو البديع ما شالله


خالتي قموش
لا تسبقين الأحداث حبي نطري شوفي شنو يصير والله يهديه وان شالله يكون حاس بغلطته

بيرفيوم
ولكم باك اي كان معلق اليومين اللي فاتو
شلونج ؟


((غنج))
لوووووول وهذا اللي ضايقج يا قلبي انتي
تدلعي على زوجج


انثى عاشقة
ادعي ربي انه يهديه
ونصيـحه حقري حقري وطنشي كثر ما تقدرين بترتاحين
والفلوس الله بيحاسبه عليهم جانه مقصر معاج لا تحاتين كل شي محسوب

هند
يا حلوج موعد ولادتج 21/1

نفس تاريخ ميلاد بنتي فديتها

 

[نهى الأحمد]

صباح الورد والنور والسرور


شخباركم يا خواتي


عساكم بخير الجميع


الله يحفظكم ويخليكم لازواجكم ويبعد عنكم كل مكروه


كل مشكلة تعانوا منها ولها حل اكيد اذا الانسان فكر بايجاد حلول لها


مشكلة الانسان في هالحياة انه يبي الحل باي طريقة واسرع وقت


وهالشي غلط


طبعا الانسان لازم بالأول يلجأ لله عز وجل بالدعاء الخالص الصادق من القلب
لانه ما لنا غيره يفرج الهم ويزيل الغم


طبعا انتو ماشاءالله عليكم مو محتاجين لكلامي هذا


بس حبيت اكتبه علشانكم يا خواتي


عسى ربي يوفقكم الجميع

 

[manoooram]

نهى الأحمد
صباح الورد والجوري
نهوي شلونج قلبي

صدقتي كل مشكله لها حل
والله يفك ضيق ويفرج هم كل ان انسان

 

[أم فـرح الحلوه]

مساء الجوري

شلونكم يالغوالي اشتقت لكم

شدون & قمور & صديقة قوقل >>> مختفين عسى المانع خير

الله يعين تعبت من الثقل ابي اولد والله يسهل علي واولد طبيعي

انثى & ام فروح فديتكم عسى الله يصبركم ويفرجها عليكم

الله يسهلها عليج وتقومين بالسلامه ...​