يوميا @ سجلي حالتج النفسيه اهني@متزوجات حيااكم@

[Perfume]

انووووووث الله يعيييينج
لازم تفرشون البيت قبل مايفسفس القرض
كلميييه عالاقل عشان بنتكم

 

[أم فـرح الحلوه]

بنات توها تمطر كنت جالسة اصيح وادعي من قلب
حسبي الله ونعم الوكيل في ريلي وامه
الله يسلط عليهم بحياتهم الي يسوي معاهم نفس مايسوون معاي
قاعدة احاول اهدي الوضع اسولف معاه
يحقرني قدام اهله ويبوس رجول امه
وهي تناديه ياحياتي
ع اساس الاثنين بيحروني الحين
مخليني شغالة حق طلباته بس هاتي وحطي
وينادي بنته
وانا لما اكلمه حقران جدام اهله
وامه الحين طالعة جدة تشوف فستان عرس حماي
عند المصممة حكروني بغرفة لافيها تلفزيون ولا شي
وهما ماخذين راحتهم
ودي امسك زوجي واطقه طق طق الين يبرد جبدي
حقير
اليوم يقول لامه انتي مسافرة الصيفية بنسافر معاكم
احب اروح معاج
يعني الحين يحرني
مافي فلوس لفرش البيت بس للسفر في
بس هو قاعد يسوي حركات اوفر يعني شوفيني مستانس

الله يعين اعصابج عاهات اللي عندج مايدرون ان الله يمهل ولا يهمل هي ما تدري ان الرجل اذا قلب باع حتى امه وان الدنيا سلف وعندها بنات ماعليج منهم هذيله ترى من داخلهم مو مرتاحين الله يفرجها عليج ويرزقج الصبر...​

 

[انثى عاشقة]

صباح الورد صبايا

شلونكم

ياسلاااام نهوي عين العقل
هذا الي جالسة افكر فيه الصبح
حياتي يبي لها شخصية يديدة
واسلوب مختلف
انا قاعدة اخطط شغير في شخصيتي
بحيث ما اخسر صحتي واعصابي بسبة هالادمي وامه

مشكلتي طبيت في ناس نفاق وجذب
ولف ودوران
انا انسانة دايركت سيدة صريحة
بس حسيت شخصيتي ما تناسب العيشة معاهم
يبي لي اعيش بمبدأ الحيلة
بس السالفة يبي لها تفكير

 

[انثى عاشقة]

بيري
هذا الي قاعدة افكر فيه ابي ارجع بيتي عشان اكمل التأثيث قبل لا يطير القرض
قلت له مو انت ماتبي مجلس الحريم تقول غالي
خلاص بكيفك حط الي تبيه انت
ههههههههه اقول في قلبي
مالت عليك من انسان بس افرش باقي البيت لا تطير الفلوس

 

[أم فـرح الحلوه]

خالتي قموش
هلا وغلا تمام انتي شلونج ؟

ممممممممم
نسونجي معناته ان متشبع وما يقدر يفج عن الحريم
هني المره الله يعينها على هالوضع لأن مهما تسوي ماكو فايده بيتم يلاحق الحريم
يا ان تحاول تأقلم وضعها معاه وتلفت انتباهه باي شكل من الأشكال عسى الله يهديه
ولا ان مع السلامة

الله يعينج خالتي قموش ويصبر قلبج وترى هذا مرض كل الرياجيل بعد بحث وتقصي والله كلهم مافي احد منهم مايكلم...​

 

[انثى عاشقة]

ام فروح
صج وربي عاهات
والله احس من فترة بتجيني حالة نفسية
بس مثل ما قلت قعدت الصبح بروحي
اناظر في خشته وهو نايم
قلت والله ما يستاهل احرق اعصابي
واخسر صحتي
بالطقاق هو وامه
بحتال وانافق نفسهم
تعبت امشي صح
هذيل يبي لهم لف ودوران
بتعلم الاساليب الملتوية خخخخخ


نفس ما قالت ان الدرر اخلص عليها التموين
من امس فاصلة ضحك ع كلامها الله يسعدها
ههههههههههههههه

 

[أم فـرح الحلوه]

غنج الله يعينج مشكلتج عويصه
لو منج ما اقعد عنده

خالتي قمووش حده اعصابج صفر ضحكني تعليقج خخخخخ...
الله يفرجها علييج..​

 

[انثى عاشقة]

امه معروووووفة باللف والدوران
والله انا انصدم من حركاتها
خبيثة حييييييل وتنافق
ابي اتعلم منها

 

[أم فـرح الحلوه]

صباح الورد صبايا

شلونكم

ياسلاااام نهوي عين العقل
هذا الي جالسة افكر فيه الصبح
حياتي يبي لها شخصية يديدة
واسلوب مختلف
انا قاعدة اخطط شغير في شخصيتي
بحيث ما اخسر صحتي واعصابي بسبة هالادمي وامه

مشكلتي طبيت في ناس نفاق وجذب
ولف ودوران
انا انسانة دايركت سيدة صريحة
بس حسيت شخصيتي ما تناسب العيشة معاهم
يبي لي اعيش بمبدأ الحيلة
بس السالفة يبي لها تفكير

انثى يبيلج التغافل والتطنيش والحقران وطولة البال وشقي الابتسامه خليهم يموتون وخلي كل من يشوفج يقول هذي مرتاحة البال وولدها طولي بالج عليه هو مرده لج طال او قصر الزمان صدقيني بيجي يوم تقولين الله يالسنه الفلانيه تحرني انت وامك وصدقيني بالنهايه كل شي لج انتي وكل شي عنده بتاخذينه وزوجج متربي ع اللعانه وان يحرق البال يعني اذا احترق الشخص اللي قدامه هو عنده عرس بتحرقينه طولي بالج وحسسيه بصغر عقله مو بالكلام بلتصرفات انج تطنشين وبالج طويل وحاولي تدلعينه واعطيه الريج الحلو بس الغلط وقفيه عند حده ولا تنسين اهم شي عند المراه الفراش اذا تضبط كل شي بيتضبط معاها والرجل اذا حب المراه حب نومتها لو تجيب الهم انتي الحين حطيلج فكره واقعدي طبقيها بس تذكري كل شي يبيله صبر اتوقع انتي تذكرين شكثر كنت اشكي من زوجي وكل شوي متضايقه منه ومن سوالفه صح الحمدالله الحين في تحسن مو 100% بس الحمدالله مرتاحه بس مافي شي جى بيوم وليله وانتي لازم تغيرين شخصيتج

 

[أم فـرح الحلوه]

النفاق اسهل منه ماكو ماتعرفين تعلمي بعطيج مثال خالتج بس تسبج اذا طويل العمر بره البيت كلينكس من صالتها لا ترفعين اذا دخل البيت صيري هبة ريح وسوي مطاره هالقهوه والجاي له ولامه وقهويهم ويفضل ان قبل لا يدش تكونين حاطتها واذا ع الطبخ قومي الساعه 12او 1:30 واوقفي بالمطبخ وخلي الخدامه تطبخ واذا احد جى سوي نفسج تطبخين وانج متحكمه بكل شي وحاولي لو تاخذين من امج 50 ريال وتعطينها خدامتهم ترى بتساعدج وبتحبج ومثلا شفتي احد من عيال حماتج وزوجج موجود قوليلي يا حلو فلان وفديته وبوسيه لو هو يلوع الجبد واذا راح زوجج خليهم يولون واذا موجود زوجج قولي خاله وين فلانه اللي هي حماتج ليش ماتجي قعدتها ما تنمل ومدام زوجج بالبيت الزقي عندها بلعومها وبس يطلع اقعدي بغرفتج وتبين تذبحينها خلي احد من خواتج تدق واقعدي عنها وكل شوي قولي اي اي هذي هي هذا اللي صار واسكتي ثم قولي اي اي انا شايفته بعيوني الله لايبلانا واسكتي وشوي قولي اي اي <<<<خليها تموت قهر شقاعده تقولين شنو هذا اللي كله اي اي واذا دخل زوجج قطي فونج واذا طلع اقدي بالصاله وخلي ايفونج بيدج خليهم يقولون له كلام وهو يشوف كلام ثاني واذا مثلا جى زوجج وقالت ششوف مرتك بالغرفه عاد حطي عذر مثلا ولد فلانه اذني توني بريح ظهري خالتج وحيلج بهالخاله​

 

[manoooram]

أنثى عاشقة

الله يهديها امه ويسخرها لج وماعليج منها خليها تسوي اللي تسوي
الله كفيلها بنيتها

المهم

انتي اللي عليج الحين تبدين صفحة يديده بينج وبين نفسج

ويبيلها صبر وتعود على الوضع اليديد

يمكن يحوشج خوف من ردة فعلهم أو تحسين ان مو قادرة ما عليه صبري

حاولي تهدين خاطرج وتريحين بالج

طنشي وتغافلي سوي نفسج ما تسمعين حتى لو ينغزون طااااف
ومو كل كلمة تنقال تهزج ولا تقهرج خلج قويه

اشغلي وقتج مع بنتج
وزوجج جدام أهله سكتي لا تكلمينه الا اذا كلمج تفاديا لسالفة التطنيش من حضرة جنابه

الطيبة اللي بقلبج هذي حددي منها واذا بتظهرينها خليها للي يستاهلها

خليج سطحية بتعاملج معاهم يتم بينكم الاحترام والتقدير

خالتج اي نعم تستاهل من يقوم لها ويسوي لها .. أما الباقي نعم مو بكل وقت !

وانصحج بهالكتابين روووعة بتشوفين نفسيتح بترتاحبتكون عندج ثقة بالنفس
استمتع بحياتك للدكتور محمد العريفي
فن ادارة المواقف للكاتب محمد الفريح

ولا تطوفين كتب الدكتور ابراهيم الفقي الله يرحمه عجيبين

وهذي دعوة مني لج تشرفينا بقسم تنمية المهارات وتطوير الذات
اطلعي على مواضيع البنات بتفيدج ان شالله

 

[أم فـرح الحلوه]

انثى فتحتي جروح مصكره ذكرتيني بطليقي وامه واخته مع انها صغيره كان عمرها 18 حركات سوالف حريم كنت اطيح احيانا ع سوالفها مره تخيلي داقه عليه ششوف مرتك بس قاعده فوق من الضيقه ماتشوف ولدها وفعايله فيني كافي انه مريض نفسي جنني كنت بموت تخيلي الحين بس اسمع صوته تلوع جبدي ويصكني راسي انا احب بنتي بس احيانا كان ودي هالشعره اللي تربطني فيه انقطعت اكرهه واكرهه فعايله فيني كان ماضي اسود وكنت توني من الصدمه ما استوعبت مااقول الا حسبي الله ونعم الوكيل فيه وفي امه ​

 

[كليـ دلعـ]

ياعمري يانثى الله يسخرهم لج غصصصبن عليهم

وتذكري ان الاعمال بالنيات دام نيتج سليمه

ثقي ان ربي مارح يضيع لج حق

والصبر الصبر الصبر

مع اني ماقريت اللي كتبتيه بس قريت ردود بعض

البنات


اذا تبين حياتج صصصصصصبببببببري


شوف عيني حريم صبرو ع جبال الهم

تعالي تعالي تعالي شوفيهم الحين

عاايشين الحياه اللي ماكانو يحلمون فيهاا

 

[manoooram]

أم فرح الحلوة
الله يخلي لج بنيتج ولا يفرقكم

كلي دلع
الله يهنيهم يارب
وصاجه اذا تبين ريلج صبري

 

[ام الدرر]

مسيناكم
الحالة النفسية
اليوم خمييييييييييس
متصنفرة ومتزقرته وراي عرس
من زماااان ما راحيت عروووس

انوث
اضحكي ياقلبي
ع قولة المصاروة محد واخد منها حاجة
ياما شفنا ومرت علينا سوالف تجلط
بس سبحانه يقدر الامور باللي فيه الخير


هنود
عسى الله يعطيج هون الطلق وزين الخلق

ع طاري الحمل
وين نبوض مالها حس

كلي دلع
كيفك حبوبة

ام فرح
الله يعوض صبرج خيير

بيرفوم
حياتي عسى الله يوفقج ويسهل امورج


باتشو
قموور
شدون
لازال البحث جاري ​

 

[ام الدرر]

مانورام
حبي شلونج ​

 

[ام الدرر]

خالتي قموش
حبيبتي اصبري ولا تتسرعين
واجهيه باللي تعرفينه وشوفي السبب
عسى الله يهديه ويسخره لج ويصلح ما بينكم​

 

[PuPa^^SWeeT]

السلام علييييكم


شلووونكم

 

[manoooram]

السلام عليكم

وعليكم السلام للكل

هلا وغلا .
أم الدرر بخير الله يسلمج الغلا.
انتي شلونج ؟؟
وعليج بالعافيه روحي استانسي وصج الخميس بالنسبة لي يوم يرد الروح
وعطينا ديتيل عن العرس لووووووووول

 

[Patcholli]

مساء الخير ..

اشلونكم شخباركم حبيبات قلبي .. ولهانه عليكم واايد