يوميا @ سجلي حالتج النفسيه اهني@متزوجات حيااكم@

[شادن33]

صبااااح الخير
شساااالفه

 

[Zinab BH]

ما بغيناااااااااااااااااااااااااااااااا يرد المنتدى سبب لي عاهة يدوية كتابية مليت وانا اكتب ردود وماااكو اقول شسالفته يمكن الخلل من كمبيوتر الدوااام شكيت في اخلاقياته اثاريه من المنتدى
خطانا الشر اقول ههههه

 

[شادن33]

اي والله بنات انا من الملل رحت اشتريت خاتمين ذهب هههههه

وبعد اشوي بطلع باخذ مواعين حق رمضان

 

[شادن33]

لاااااازم احد يعلمنا ششششسالفه


صارله فتره جذي

لي متى ملينا ترا

مافي الا نسوي لنا تجمع انستغرامي وننساا المنتدى

ونفتك

موحاله كل يوم مفرقينا بدون سبب!!!!​

الله لا يفرقنا حياتي صج إحنا أهني بها لتجمع مانعرف بعض شخصيا بس القلوب مع بعضنا البعض

والله يبلغنا رمضان لآفقدين ولا مفقودين :yaaaaaarb:

 

[Zinab BH]

شدوون الله يا حلو الفضاوة عليج بالعافية حبيبتي هالايام الذهب نازل يبيله زيارة لسوق
عائلتنا فيها عادة ان مهر البنت ماينصرف الا في الذهب او تصمده حقها و باقي متطلبات العرس كله من جيب المعرس من الالف للياء
عاد انا تصدقون الشهر الياي ان شاءالله اكمل سنة و ابوي ماخذ مهري عشان مااصرفه في السوق يعرفني اخلصه كله في فررة وحدة لووول
عاد الحين قاعدة اقول حق امي تقول حقه ان ابي اشتري فيه ذهب على قولة امي اشوة ماطلعتي هبلة و بتخلينه في شي ينفعج عاد ان شاءالله يقتنع لان اهو كله عباله ان بقص عليهم وباخذه و بصرفه في الخرابيط

 

[Zinab BH]

بنات اكتشفت ان انا مزعجة و شريرة :eh_s(2):
عيل ريلي يقول لي ان انتي اذا تعبانة تصيرين طيبة و هادئة:eh_s(1):
و ان اذا فيج نشاط تصيرين شريرة و تحوسين المكان :rgewrg:.
يتني قمتة اقول لهدرجة انا مسوية ازعاج لريال اي شسوي اذا اقعد هادئة في حالي يقول لي شفيج شفيج شفيج شفيج شفيج شفيج يذبحني يا اصير جذي يا جذي بس تصدقون حزت الكلمة بخاطري :eh_s(2)::eh_s(2):

 

[امـ خــزامـى]

تتهنين فيهم شدووووووون


وزنووب نظامكم جميل حبيته

روحي اشتري ذهب اهم شي اختاري اشياء تكون موديلاتها جميله وتناسب كل مكان وزمان
لاتاخذين طقوم كبيره بس تجلس بالدولاب


ومووفقه ياقلبي

 

[شادن33]

ام خزوووم وزنوووب. الله يعافيكم
وأنصحكم تروحون تشترون ذهب لان اسعاره بالقاع

 

[امـ خــزامـى]

امي وخالتي ناوين يشترووون

شكلي برووح معهم

 

[كليـ دلعـ]

مساااء الخير


شالاخبار!؟

 

[امـ خــزامـى]

يااهلا

تمام الحمدالله

صارلي يومين بشاليه انا واهلي وخالاتي وبناتهم
واحتفلنا بزووووزا
صار عمرها سنتين ويومين طبعا بالتاريخ الهجري


وانبسطنا جداااااااا

 

[كليـ دلعـ]

حيااتي والله.

الله يتمم عليكم وعسا دوم هاليمعه الحلللوه

وكل عاام وزوووز بخيييير

هاابي بيرثدي تووو زوووووززز

سنه حلووه يااقميله سنه حلوه يازوووزز

عقبال اميه سنه وتتربى بعزكم

حلو كسر الروتين وتغيير الاجواااء

انا بعد بخاااطري اروح لشاليه ابوي العوود(( يدي))

اهناك يدتي وخالاتي ٢ مومتزوجين و٤ اييون اهم وعيالهم

وحدددددده وناسه وسهر وشوي والله بخاطري ذكرتيني ياهم

وبخاطري اسافر لهولندا وامر بوكيت بالرده ههههههه


وبخاطري اتشرا من مايكل كورس!!

وامر كارتير ادور شي مالبسته احلام هههههههه

بحط جدول ارتب فيه اللي بخاطري وادري بينترس

لان خاطري مايطيب كل شي يبي ،،،،!!

 

[Zinab BH]

اي ام الزوز شكلي هالويك اند باروح السوق و اتشرى
طقم زواجي صاير كأنه اكسسوار ينلبس في كل مكان و زمان بس مو ثقيل و امي ماعجبها لانها يا تفتر السوق كااامل يا مايصير و لازم تبي ثقيل وانا دخلت المحل الخامس و شريت و كانت منقهرة عليي عاد الحين تبي اطلع الحرة خخخ
ف ذكرتيني بقول حقها تقول حق ابوي ان يعطيها اهيا المهر عشان اتيي وياي السوق على الاقل يأمن على امي انا مايأمن عليي
و كل سنة و زوزي بالف الف خير و يعلج تجوفينها دكتورة او مهندسة المهم نفر كبير و تزفينها عرووسة عاد ها اهم شي تعزميني احم احم


كلي دلع اذا بتاخذين هالفرة ماعليج امر مري البحرين اخذيني وياج و نكمل الجولة مع بعض

اما النفسية حدها معفوسة بسبب هالدوام الخايس والله فيني بجوة عدل الله ياخذ هالهنود غازيين الديرة و راكبين فوق راسنا
قررت لنهاية السنة ان شاءالله بكمل معاهم و بفنش لان صج صج مخنوقة حدي منهم تخيلو غيرو مكتبي قطوني باخر المكان من قسم المحاسبة الى مكان ماله اسم والسبب مجهول جابو هندية جديدة حطوها مكاني قال شنو قال تعديل حرووني بشكل مو طبيعي
ماقول غير حسبنا الله و نعمة الوكيل على من سلطهم علينا والله مخنوووقة بس صايرة جدامهم قووية والا اهم مو كفو

 

[شادن33]

السلام عليكم نفوسااات


الحاله النفسيه
توني راده من برا محتررررقه من الشمس
ابي اخلص أغراض العيد عشان في رمضان مااااا اطلع
اخذت ملابس حق الخدامه ومريت الخياييط أخذ بدلات بنتي ومريت اخذت عباتي وااااي شمسن حاااارقه الله المستعان

ام خزووووم كل عام والوز وز بخير والله يجعلها من الذريه الصالحة الباره
دلع لا تحكمون واااايد بسج مكان واحد الطمع مؤ زين
زنوووب انتي نفس ريلي في الشارع كل مايشوف هندي اسبه ويلعن خيره يكرهم يقول اهم اللي خيسوا البلد

 

[كليـ دلعـ]

زنووووب

اي والله شي يحررر ويحرررر ويحرررر

امبي بنت الديره يشيلونهاا ومكانها تنحط ام الدهن!

هنديه!! الله يعينج لاتسكتين ديرتكم هذي اخذو حقوقكم من هالغرب


شدون


عيوز البنات مقاضيج كلها صباااحي بذمتج هذا جو يطلعون فيه!

من صجج تشترون هدوم العيد من الحين؟!

مااعرف كلللش وايد اسمع ناس يخلصون من قبل رمضان!!!

ماعرف


الحاله النفسيه

ارق تعب ملل زهقه اووففف

اوووف

 

[شادن33]

هههههه اي والله دلع
انا كل سنه جذي احب اخلص ملابس العيد حق العيال قبل رمضان
برمضان بس من المسيد للبيت والله ما احب السوووق الا جان اخذ شباصه حق بنتي هههههه

وانا محد مكبرني الا انتي ههههه الله يسامحج

تعالي كتبت موضوع قمبله الموسم لما ينزل روحي اكتبي معلقتج فيه هههههه

 

[Zinab BH]

شدون جان ريلج يسبهم انا خاطري ادعسهم بسيارة و ماتبرد حرتي والله جفت المصايب و الهوايل من هالشركة التعبانة
كلي دلع ربج كريم شكلج ماسمعتي المثل البحريني اللي يقول عين عذاري تسقي البعيد و تخلي القريب فيني قهر عليهم مو طبيعي اتحسب عليهم بكل صلاة و بكل قومة و قعدة ياربي مايتوفقون بحق واحد احد

 

[looly87]

الحالة : الحمدلله .. relax

 

[طالبة انجلش]

السلام عليكم
شلونكم بنات
الحمدالله الله فرحني
ماشاء الله امس حللت وطلعت حامل
بس قسم بالله اخت زوجي اليوم قلبتها علي وتبي تهاوش
بس ربي ثم زوجي وامه وابوه واخته وقفوا وياي
طبعا انا من قبل لا احلل ومتاخره الدوره بس نايمه
نوم مو طبييعي فصاير لي يومين ماطبخ يعني زوجي من الي ياكل اي شي
غلطت علي قدامه وانا ولا كاني اسمع لان طقت باب شقتنا ومابطلت قلت لزوجي بطل
وقامت تتحجي خاف مرتك طابخه المحموس ومادري شنو وانا اسمع ودموعي تنزل
واهو خايف لا اعصب ويصير بالياهل شي
الله يعيني بس يقولي دام ابيج ماعليج بغيري

 

[طالبة انجلش]

ادعولي ربي يثبته لي بنات