يوميا @ سجلي حالتج النفسيه اهني@متزوجات حيااكم@

[ام الدرر]

السلام عليكم



شلووونكم بنات


من زمان عنكم



ام الدرر


كلي دلع

شادن

باتشوولي



ام الخزامى



زينب



والباجيييين بعد ماتحضرني الاسامي

هلا وغلا بوبا
من طول الغيبات ​

 

[PuPa^^SWeeT]

للاسف ما جبت الغنايم هههههه


بس خلصت سوالف العيد

باقي مواعين رمضان لو اتعرفون مكان

شلونج ام الدرر يالغالية


ما شالله عاد التجمع مكمل


غير باجي مواضيع المنتدى هدت حيل


و اشوا للحين احباابنا متواجدين

 

[Patcholli]

كلي دلع اي عمره حووووبي مضيعه بس الله يكتبلي واروح يارب محتاجه اغسل قلبي اهناك
اتصدقين الزعل هاذا نظام ريلي بالظبط
يقولي اذا مشيتيلي خطوه امشيلج مادري شكثر
واذا راضيتيني احط على راسي وتكبرين بعيني
واذا عاندتيني بعاندج واحرق اعصابج
وصج ترى ريلي جذي نظامه لما اراضيه يحبني زياده
بس امس انفجرت لاني كنت كابته وايد سوالف بقلبي
كل مره اشكت واسكت واسكت لاني مثل ارفيجتج مافيني شدة عناد كلش ماتحمل ولا نوعي الي اعرف احقر انسان انا عايشه معاه فبيت واحد
فمتعود ان انا الي كله اراضيه واكبر راسي واصالحه
بس كلي دلع الوضع صاير يحر
للامانه ريلي مايقصر معاي وانسان طيب و حبوب
بس كلش مو حاطلي اعتبار اني زوجته
احسه بس يبيني حق طباخ وحق فراش
كل وقته بالديوانيه من المغرب لي 1 بليل بس يصعد يتعشى وينام يعني انا دوري انطره واسهر بس عشان اسويله عشى وعشان اذا طاق براسه شي
طبعا لما يصعد صاير سايلنت لان مجابل هالاي فون التبن بيده ويطقطق
اذا كلمته يرد بعد جم دقيقه
واذا مامسك الاي فون يمسكلج تلفون البيت ويسولف ويا اخوه بالساعات اخوه مطلق وفاضي عادي يعني يدق 3 العصر او عالغدا او الفير اذا وده يسولف
ومن يجابل التلفزيون يحطلج هالمفاصيخ وبس اي اقعد عنده يغير ويحط اخبار ":/ ولا يحطلي ديسكفري ولا الوطن ..!!
اذا طلبت منه شي يسويه بعد جم شهر ورب الكعبه ما ابالغ الليت اذا احترق يمكن ياخذله شهر ونص عشان يتبدل
بس لا يدقون خواته يبون شي يطمر والله بنفس الدقيقه شبيك لبيك مع انهم كلهم متزوجات وعيالهم رياييل
والله ماحسدهم وما اتكلم بالعكس خواته مثل ما انا احب خواتي واخدمهم بعيوني ما اتظايق اذا خدم خواته بس اتظايق لما اشوف تفرقه ليش مايعاملني مثلهم ؟
هاذا غير انهم عادي يصعدون شقتي وانا موجوده وارفيجاتي عندي جم مره حماتي اتدرع علي بتروح الحمام ..!!
وغير انهم يزعلون ويطنقرون اذا مانزلتلهم خدامتي وللعلم في 6 خدم بالمطبخ بس الكراف كله على مالتي والله ماتكلم ولا اقول شي
بس الي يحر لما يكرفون خدامتي ويزفونها وفوق هاذا حماتي توزع فلوس على كل الخدم جدام مالتي وتحرها .. ليش هالحركات ؟
هاذي خامس خدامه ايبها وكلهم يعيدون نفس الكلام ونفس الشكاوي
اسبوع الي طاف كنت ماخذه خدامتي معاي بشتريلها هدوم واغراض يوم رديت حماتي زعلانه ومطنقره ..!! انزين ليش ..!!
وفوق هاذا لما يمشون تعالي شوفي الزباله الي يخلونها وراهم
اكل وحب عالارض وكلينكس رولات مفتوح من اوله لي اخره والعاب يهال ووصاخه وخرابيط والزباله طافحه اكل وقشور موز << باطين جبدي قشور الموز
والكراسي مقلوبه فوق تحت والله العظيم انصدم واتذكر ايام الغزو لما اشوف جذي ..!!
انزين قاعدين اتيون بيت اخوكم كل اسبوع ليش اتسون جذي ..!! بدال لا تقولون يعطيه العافيه اخونا فاتحلنا بيته جذي يزاته ..!!
وفي اشياء استحي اقولها بعد بس اصدمكم ان جم مره اكون مع ريلي بالغرفه وحماتي ورا الباب تنادي ..!!!
والله تعبت لا منه ولا من خواته

ام خزامى ورب الكعبه ما ابالغ لو اقولج نص يومي عالسياده خصوصا الفتره الخيره مع زيادة الفتن واحس الدنيا اخربت وماتسوى صرت حيل اخاف طول الوقت مجابله ربي بس هم اتظايق والله مو بيدي
لما اسوي احسان وخير ودي اشوف تقدير من الطرف الثاني ماودي اشوف نكران
ويقولي انتي شسويتي ؟؟؟

امس بس رديت من الدوام لقيته قاعد بالصاله بست راسه وخده وقتله شلونك
يرد علي بنفسيه خايسه تمام
جان يطفي الوحده وانا راده من الحر وبيدي جياس جمعيه
قتله ليش حر ؟
جان يعصب ويروح يقعد بالغرفه (( والوحده شغاله بالغرفه ماطفاها هاااا ))
وغيير جذي الحبيب حاط قفل عالتلفون :/ وحجته عناد ابي احرق اعصابج عقب اخر هوشه صارت بينا قبل اسبوعين يقول حطيته عشان تحترين ..!! انزين الحين اتصالحنا شالجذب والعذر القبيح ؟؟؟
وفي سالفه حساسه استحي اقولها بعد وهاذي الي مشيبه راسي وتخليني انفر منه واحقد عليه والله
سوا فيني حركه خايسه احس شي انكسر بقلبي خلاني ما اتقبله ولا اجامله

 

[Patcholli]

ام الدرر حياتي شخبارج عساج بخير

والله بغيت اروح بيت ابوي
بس امس عقب مابجيت كنت اكلم امي وحبيبتي والله على طول يتني واهو من شافها استحي
يوم مشت قام يراضيني ويساحلني وراح يابلي ماكدونالدز يعني رضوه حمدالله والشكر
بعد ماحبيت اكبر السالفه رضيت وسويت روحي عادي وانا الدمعه غايصه بعيني والله حطيت راسي على صدره وتغصبت اجامله واسوي روحي عادي عشان لا اكبر السوالف
ولا كنت ناويه اروح بيت ابوي جم يوم اهدي اعصابي بس خفت السالفه تكبر
باجر يمكن اروح انام عندهم مدام الحين اسمنا تراضينا عالاقل اروح وارد بكيفه لا يحسه اني ارد ذليله


يعني يهدني ويقعد بالغرفه واهو اساسا طول الوقت بالديوانيه وفوق هاذا اساحله اقوله تعال نشرب قهوه تعال مسويتلك حلو
يرد بنفسيه مابي منج شي
وبعد دقيقتين ينزل الديوانيه مع ان امس المفروض يومي انا يطلعني فيه او يقعد معاي << حشى شريجه مو ديوانيه
والله العظيم تعبت
لءو يخليني اطلع واروح وارد بكيفيني جان بالطقاق بس المشكله حاكرني مايخليني اطلع
بغيت اروح مركز سلطان اتشرى شويه اغراض ومواعين حق رمضان قبل شوي قالي لا زحمه
والحين اهو بالديوانيه من المغرب
انزين انا شنو يعني ماني جماد

 

[طالبة انجلش]

قوووه بنات شلونكم
بنات انا خايفه متاخره على الدوره واليوم يصير للتاخير 6 ايام
مادلاي تحلمت اخر مره وحده من معارفنا قالت لي بتحملين بس راح يطيح
بنات قبل لا تاخر الدوره اشيل اشيا ثقيله وجذي ومتعبه روحي وجماع وخايفه حيييل
انطر للسبت واحلل دم ولا اروح اليوم ؟
واذا رحت لعياده ممكن الدكنوره تسوي لي مثبت
اووه مادري شفيني خايفه
ادعولي يكون حمل خاطري انسى اللي يصير فيني

 

[طالبة انجلش]

تقريبا باتشولي ريلج نفسه بالضبط بالسهر
يدري باهله يغلطون علي ويسكت وقدامه بعد تخيلي يقولي شنو تبين اهاوش اختي قدامج انا ما اهاوشها قدامج
ميته من الحره وربي بس اسكت شسوي
طبعا الصبح شغل والعصر شغل وبالليل دوانيه برا االبيت وبعد مايرجع يقعد بدوانية بيتهم وان قلتليليه ليش ماتقعد يقولج مو فاضي مشغول تخيلوا ليت الحمام تكرمون محترق ولا فكر مجرد تفكير يييب واحد غيره

اليوم اخته تبيني انظف الحوش الي عند شفتي وانا شايفه الضيم منهم وتقط نغزات علي بس طاف احلى طاف لها

 

[طالبة انجلش]

شدعوه مافي احد كان يسال عني
؟؟

 

[كليـ دلعـ]

باتشووووووول

قريت كلامج والعداد وصل حده عندي ماقدر

ارد عليج الحين شويه اهدأ وارد عليج

 

[امـ خــزامـى]

باتشووولي انا قريت ومارديت على طول نفس وضع كلي دلع

الصراااحه



انت معطيتهم وجه زوجك واهله

بزيااااااااااااده
خليتيهم يتماادون عليك

يشوفونك طيبه وسااكته فاستغلووووك

انا كتبتلك اشيااااء تفيدك وترييحك مو نقصا فيه التزامك
لا والله

بس اتوقع طووول الوقت على سجادتك تدعين بهداية زوجك وتسخيره لك ووووو الخ


انا هدفي من ردي الاول تصلين عشان ترتاحين وتنسين همك
موو تذكرين كل همومك ومشاكلك وتدعين

زوجك انسيييييييييييييييييييييييييه قتلي مااقدر مااعرف
تعلمي اسلووبين

1 تجاهل كل مايضايقك

2 حب ذاتك واحترامها وتقديرها ومكافأتها


حاولي وحاوولي وتعلمي وشوي شوي بتتقنين هالاساليب


الله يريح بالك

 

[امـ خــزامـى]

طالبه انجلش

وربي انك امس على بالي وبسال عنك
والحمدالله طمنتيني عليك


شوفي هو واحد من هالاثنين
حاامل او رحمك يستعد للحمل


وان شاءالله حاامل

اما الحلم لاتوسوسين وتعوذي من ابليس
مو ضروري معناته جد بستقطين وين ايماانك وتوكلك على الله

غللللللللللط حبيبتي وخوفك ابدا مو بمحله

اتوقع معناة الحلم بتحملين وبتجيبين عكس ماتتمنين


الله يكتبلك الخير ويرضيك فيه
ومبااارك الحمل مقدماااااااا

 

[كليـ دلعـ]

وي وي وي وي

متى رد المنتدى؟!

متى رجع المنتدي!؟

صارلي يمكن ٤ ايام ادش اكتب مايطلع شي

واشوفكم بنات محد كتب شي!!!

ششسسسالفه

شششششسسسسسااااالفه؟؟؟!

تعقدت!

الحين قلت خل اجرب وجربت وصاار

معقووله محد منكم جرب؟! ​

 

[كليـ دلعـ]

من ٢٧ لي ٧/٢

مععععقووووووووووله

 

[امـ خــزامـى]

اوف

واخيرررررررررررررررررررا
كل يوم احاول واشيك

مليت طفشني


وش سالفته قهررررررني

 

[نـعـومـه]

واخيراااااا رد المنتدى

بروحه صاير صخه وهم يعلق تكمل

 

[كليـ دلعـ]

ماادري

وكل مادش مالقاكم مشاركين !

اووف شي لايطاق

تطشرنا!

ليش جذي نبي احد يعلمنا شسالفه المنتدى وليش جذي!؟​

 

[ام اريج 22]

صباح الخير شخباركم بنات شمسويين من بعدي قطعت فتره بسبب الامتحانت وشغل البيت اللي مايخلص فيني نووم بقوم اخمد امممم ااااااااه اخخخخخ بذلف انااااام تصبون على خيييررررررر

 

[ام اريج 22]

ابي خداااااااامه وتكون فلبينيه طباخه ابيها بشوشه نضيفه لااااااعت جبدي من السيلانيه والافريقيه ثنتينهن العن من بعضض

 

[امـ خــزامـى]

اي والله
المنتدى صاير حووسه وخربووطي

وام اريج الله يرزقكك

 

[نـعـومـه]

اخاف فايرس !!!!

انا بعد كل شوي ادش اخر شي فلست من الرد قعدت اقرا بس هههههههه

 

[كليـ دلعـ]

لاااااازم احد يعلمنا ششششسالفه


صارله فتره جذي

لي متى ملينا ترا

مافي الا نسوي لنا تجمع انستغرامي وننساا المنتدى

ونفتك

موحاله كل يوم مفرقينا بدون سبب!!!!​