يوميا @ سجلي حالتج النفسيه اهني@متزوجات حيااكم@

[نـعـومـه]

مساء الخير حبايب


شخباركم

الحاله النفسيه الحمدلله ريلاكس مرتاحه ومستانسه اليوم حقي بروحي

ريلي رايح زوارة اهله وانا منسدحه بالفراش وبطلب غدا والمغرب بروح الصالون العب بعمري

واي ياحلو الهدوء والاسترخاء

هههخخ عليج بالعافيه خوش جو احبه عليج بالعافيه

 

[نـعـومـه]

فوفو

وناسه عليج بالعافيه احسن شي شتوي عشان نجيس للشتا

ياريت لو تسوين تقرير

 

[Patcholli]

مساء الخير حبيباتي

شخباركم


فوفو عليج بالف عافيه عاد ان شاء الله يحوشنا برد انا صارلي سنتين ما اشتري شتوي يعني اخذ قطعتين 3 ويطيحون بجبدي لان ماكو برد كللللللللللللللللللللللللللش

نعومه اي والله وناسه واسترخاء لاتشوفين اشلون مظبطه الصاله حاطتلي شموع و متمكيجه وكاشخه وطالبه جوني روكتس بقعد ازط بروحي ودايخه شكلي بنام قبل لا يوصل ريلي

رحت الصالون سويت اظافري و حمام زيت و سويته ويفي تغيير شوي

بس صج بخاطري اسوي تان مو عارفه وين اروح ابي صالون مظبوط مابي يخربطون فيني واصير سيلانيه كاشخه :× لوول

 

[Patcholli]

اي صج بنات على طاري بنام قبل لا يوصل ريلي

اشرايكم عادي الوحده تنام قبل لا يدش زوجها البيت ؟؟

ولا لازم تنطره يشبع ويخلص وناسته واهي مسكينه تنطره وتسهر وتداوم متاخر عشان سواد عيونه ؟؟؟

انا الصراحه قبل كنت انطره بس هالفتره لا قلت كيفه مايشوف شر

اهو يسهر ويستانس وانا اتعذب واداوم متاخر عشانه ؟؟

اللهم ادق عليه اجيك اذا يوعان انطره عشان احطله العشى بس اذا قالي شبعان او متعشي انام

شرايكم ؟؟

 

[نـعـومـه]

المزاج اكس استغفرالله

عادي اقولكم مرتاحه وبعد ساعه مضايقه

صايره انا وزوجي نتهاوش على اقل شي :/

الله كريم






على طاري زوج

شوفي اذا كنتي حدددج دايخه وتعبانه نامي بس لاتسوينها دايما عشان لايتعود

وعن جوج وناسه احب الشموع الله يهنيج وتانو والله مادري ماعرف

 

[نـعـومـه]

وعلى طاري المنتدى صح ملاحظته ماكو تجديد نفس المواضيع

 

[Patcholli]

اشفيج نعوم عسى ماشر ليش اتناجرون اكيد في سبب مظايق واحد منكم ويخليه ينطر الزله

والله نعوم نصيحه لاتعورين راسج والله اكتشفت ان صج صج صج محد يتحمل ولا احد يطوف ولا احد يجامل ويقصر الشر غيرنا احنا

الريال عمره ماراح يتغير ولا يتنازل عن كبريائه

فتعاليله بالمسايس والدلع شتسوين بعد ..!!

عيل انا فوق اللي طايحه على تلفونه ارفيجه داز شغلات وصخه قلب السالفه علي يقول قلعتج انتي تنبشين ..!!

قواة عين والله بس شتسوين اذا بتتهاوشين على كلشي ماراح ترتاحين بتظلين على اعصابج وبيصير بينكم برود وفتور

 

[امـ خــزامـى]

مرررحبا

اكلمكم وانا نصي نوووم



نفسيتي مش ولابد انتظر الدوره والاخلاق ززفت

ودي اسولف واعلق عليكم جميلاتي بس داايخه
قلت اسلم واشوف هالمنتدى تسنع ولا لا


وعلى فكره انا منزله موضوع لي اسبوع واكثر
وللحين مااانزل



اخليكم حبيباتي اطلع الغسيل من النشافه واكمل شاهي زعتر وخزامى



وانااااام


نوم الهنا يااانا خخخخخ

 

[M!SS.LOBY]

مافي مواضيع جديده بقسم الحياة الزوجية
زاد النعاس

 

[Perfume]

اهليين يا حلواات
شلونكم وحدة وحدة

 

[Perfume]

باتشووو حبيبتي انا اذا تعبانة انام بصراحة خخخ
ومانصحج بالتااان جداً مضر للجلد

نعومة الله يهديه ويسخره لج
ام زووز عليج بألف عافية

 

[شادن33]

قووووه

الحاله النفسيه
حواجبي تعورني

 

[شادن33]

باتشوووو انا من زماااان مكبره المخده واذا يبي شي مايقصر يقومني ههههه

كلي دلع نخي وباجلا هههه هذولا عدوي اللدود يسوون دنابق إبطني

وينج دلع تعالي أكيد عندج مغامرات بايطاليا !!!!

فوفو رجعتي لو بعدج بالأجواء اللندنيه

ام الدرر خابرتج معاي تخلصين صيام الدين حار بحار السنه اخرتي !!!

بيري شلونج مع الشغل كله تمااام

ورده متفتحه اين انتي

ان خزوووووم يحليلج شغلج كله بالليل الناس نليمه وانتي تغسلين ملابس الله يقويج حبيبتي ذكرتيني يوم سافرت خدامتي اشتغل نصايف الليل

 

[Perfume]

اهليين شدون حبيبتي
بصراحة تعبانة من الشغل
جسدياً ونفسياً
الله يعين

 

[شادن33]

بيري يمكن بعدج يديده ع الشغل وجسمج ما تعود

صدقيني الجسم على ماتعودينه يتعود في ناس ماينامون الا اربع ساعات وكرااااف بس تعالي شوفيهم ماشالله يحبون الشغل مايستغنون عنه

وما يحبون ألراحه وصحتهم زينه

 

[شادن33]

بيري لاتخلين ريلج يحس انج مقصره ابيتج وولدج

الكره الشاطره اللي توفق بين شغلها وبيتها ودلعي ريلج بين حينٍ وآخر هههههه

عشان يسسسسكت

 

[Patcholli]

ام خزوم اي هاذي عمايل الدوره ولا اشوفيني قبل لا تنزل اشلون اهجم عالكاكاو امبيه معني ما اقرب يمه بالايام العاديه ماحب الحالي
اي ام خزوم كثري سوائل دافيه وريحي نفسج عمري


بيري تمام الحمدالله ولهانين عليج والله


شدون ظحكتيني انا عندي اسهر انطره وايد اهون من انه يقعدني اذكر اخر مره قعدني كنا تونا متزوجين وشاف نجوم الظهر وحرم بعد صار يمشي على اطراف اصابعه
بس اغلب الوقت احس فيه لما يدخل البيت جتى لو مايتكلم مادري اشلون احس واقعد من النوم


يعني شدون اذا انتي نايمه عادي يقعدج تسوين عشا ؟؟؟ والله جان يبي يتعشى عند باب السكه خل يقعدني ههههههعهههههه

 

[Patcholli]

بيري مبروك عالوظيفه توني ادري حوبي عااادي اول شهرين تعب وارهاااااق
انا كنت ادوخ والله ماكنت اقدر اسوق بالرده حق البيت
ومن ادخل احط راسي عالمخده لا غدا ولا بطيخ
بس الحين حمدالله تعودت لاتحاتين
ولازم عندج خدامه تعاونج حق التنظيف

 

[شادن33]

هههههه باتشوووو شنو عشاااا اكفخه
اقصد الشي الثاني خخخخخخ

لا حبيبتي انتي بعدج لاتنامين الا لما ايي ريلج
انا عشان اليهال وقومه الصبح واجابل البيت مع الخدامه وتدريس وجذي اتعود مرات أنام قبله
ومرات اسنتر بالصاله يقول اشتبين قاعده مستغرب خخخ

 

[كليـ دلعـ]

مسااائكم فل وياسمين

ام خوخه سلامات اي عاد قبل الدوره تصير الهوايل!

مره ضيقه مره اكتئاب مره نرفزه وكل دوره لها حاله!

الله يعين المره مسكينه

شدووون

صبري علي بنزل موضوع خوووراافي بس المدرسه

واليهال واللويه حتى جناطي مابطلتها وانا يومي عن سنه!

يعني سافرت واسترخيت واستانست تالي رديت لهاللويه

والمدرسه !