يوميا @ سجلي حالتج النفسيه اهني@متزوجات حيااكم@

[متواضعة]

ريلي الله يحفظه من النوع اللي عادي عنده اطلع مع اليهال واوصلهم المدرسه واتشرى اغراضهم كلها واروح السوبر ماركت وانطر وكل شي مااايقول ولاااااا شي في سبيل راحته اما اذا قلت له باطلع ايييين ويعصب مع انه طول يومي مع اليهال اذا باطلع يمكن كل 3 شهور مره

 

[متواضعة]

باتشولي حبيبتي يلا اليوم اوبن دي هههه بس باجر ردي حافظي على الكمياات

انا اليوم صديقتي مسويه فووول لذيييذ كليت خبزه ونص وانا مااادري صديقتي اتقص الخبز وتحط لي وانا اقوول اشفيه الخبز ماايخلص

 

[متواضعة]

باشولي دااايما يبيني ارجع من وقت يعني رايحه مطع وكوفي طالعه من البيت الساعه 8 و45 وصت المطعم 9 وربع على ماطلبنا وكل شي الا 11 الا عشر داق ووينج وشوفي الساعه وانتي ما تفهمين والجو عاجبج وماعرف شنو هههههههههههه وانا طنش تعش تنتعش اللحين صرت ماتعب نفسيتي والسبب كلامه الله يهديه

اهم شي اني ستانسسسست الحمدالله

 

[متواضعة]

باتشولي شنو معنى نكج كانه نوع من انواع الفواكه التايلنديه او اني غلطانه

 

[متواضعة]

يعصب شوي وينسى ويطخ في سبيل وناستي وةجعتي فرش حق اليهال مافيها شي

 

[Patcholli]

متواضعه انا اتصدقين مو سالفة غيره او اني احتريت بس صدمه لان ريلي وايد يسوي روحه مثالي ومتدين خلاص ماله داعي تسوي روحك كلش جدام الناس خلك طبيعي والله لو انسان طبيعي ومايتفلسف جان عادي عندي وجان مانصدمت بس الي صدمني مثاليته الزايده
بس والله وحياتج ماقمت اهتم كلش لا فيه ولا بتلفونه احس ان انصدمت فيه حيل لي درجه ماحس انه هاذا الانسان الي اعرفه
جنه واحد ثاني وصرت اخاف منه مادري ليش يمكن من ردة فعله الي بدال لا يطيب خاطري سمعني كلام جارح
اقول لو كانت السالفه اقوى خيانه مثلا ؟ جان هم نفس الرد راح اسمه

 

[Patcholli]

حبيبتي متواضعه عادي والله كلهم جذي حتى لو مو معصب بس يدق عشان لا تتعودين

اهم شي وناستج ولي رديتي البيت قوليله سوري بس لاتخربين جوج وتتظايقين

 

[Patcholli]

اتخيلي متواضعه انا ريلي ممنوع عنده اروح كافيه او مطعم بس شوبينق عادي

استغرب منه يعني شنو الفرق بين المطعم والتمشي ؟

 

[Patcholli]

معنى نكي نوع من انواع الورد :**

 

[متواضعة]

اللحين بشوفه في قووقل يا احلى وورد باتشولي

وسعي الصدر ولا تنصدمين ترا والله عادي كل الريايل جذي والله

وردي لا يطيح من عينج ولا شي

انا ريلي ولا مره اعترف بخطاه ومن فتره قال لي عمرج جفتي متهم يقول انا مذنب قلت لا قال عيل شلون لو ماكان مذنب

 

[متواضعة]

اول الزواج انا ماكان يحليني اطلع مكان اللحين عادي يخليني بس مو اي مكان

 

[Patcholli]

اي مو اغلب مشاكل المتزوجين بهالسبب

يطلع طول اليوم وكل يوم ويخلي المره بين 4 طوف

لا نادي لا ممشى لا تسوق لا ارفيجات لا بطيخ

واذا تكلمت وقالتله ظايق خلقي يتحلطم

سبحان الله وايد احس فيهم طبع الانانيه يهد المره عادي ويبيها لما يرجع تستقبله جنها جاريه ماعندها شغل غيره

بس فيها خير تهده ساعتين بالبيت بروحه وتطلع يعايرها لي يوم الدين

والله انانيه

 

[Patcholli]

بس الحمد\لله وقتنا الحين كلشي يوصلج لي البيت

تبين صالون تبين مدربات رياضه ورقص ومساج ........زالخ

والله الحين صايره حيل الهي عمري ماقعد وانطره

حتى امس هدني وراح الديوانيه مع ان يومي المفروض يجابلني فيه

والله خذيتلي شاور منعش وتعطرت ولبست ملابس مريحه

وسويتلي ذاك الاومليت و قعدت اطالع تلفزيون وقريتلي جم سوره

ولما رد انصدم ليش متعشيه ؟.!!!

انزين انت هادني يعني شنو اقعد بروحي ما اتعشى ولا انام ولا اطلع بس انطرك ..!!

والله غريب وعجيب .!!!

صدم عيشيتي لوول

بس عطيته بولابس ونمت احلى نومه

 

[Patcholli]

متواضعه سبحان الله صج رب ضارة نافعه

صج ذيج الفتره تظايقت ونفسيتي اتعبت بس هالشي خلاني قويه وصحاني عالواقع

لانعطي احد اكثر من الي يستحقه

اوكي ريلج حبيبج دلعيه وكشخيله وسويله وحطيله بس لاتنسين نفسج عشان لاتحرمين روحج عشانه لاتعيشين بس ناطرته وهمج فيه

لا طاااااااااااااااااااااااااااااااااف


انا اليوم ان شاء الله بروح اشتري الوان زجاج وجم قلاص بقعد الون عليهم وايد احب الرسم والاشغال اليدويه ^_^

 

[Patcholli]

وفي كتاب وايد حلو قاعده اقراه هالفتره اسمه شكسبير وستاربكس وايد وايد مفيد

يتكلم عن انماط البشر واطباعهم واشلون الواحد يعيش روحه بالهم غصب واشلون الواحد يتفائل بالدنيا

يفتح عيونا على اشياء غلط قاعدين نسويها بشكل روتيني ونظلم روحنا فيها بدون مانحس علبو انه روتين

والله انصحكم من قلب تقرونه راح تتسلون وايد

 

[Zinab BH]

واااي بنات ما صدقني صكيت باب المكتب و حطيت المخدة و نمت لي ساعة الا ربع خخخخ
منصدمة من روحي من قلب و للحين فيني نومة والله هالنوم مررررض متى اتخلص منه
و الحين دور زميلتي عطيتها المخدة واكا حطت راسها و نامت خخخخ شهالامة اكيد المكتب فيه شي يخلي الواحد ينام

 

[Zinab BH]

متواضعة على سالفة الريايل ترى معظمهم جذي الا ما رحم ربي
انا عبالي ريلي من مارحم ربي الا طلع من المغضوب عليهم هههه
مرة طلعت مع رفيجتي و كنت ماكدة الف مرة عليه عادي اخليك واطلع قال اي عادي بتغذا مع اهلي وبقعد اشتغل طلعت و رديت الا نافخ ليي الويه ان طالعة مخليتني وانا بطلع ومابرجع الا متاخر ومادري شنو
و هووشة شكبرها شدعوة عاد كله لان طلعت اتنفس شهالامة التعبانة ولا انا طلعاتي مع ربعي عادةً ظهر صبح الليل متعودة مع اهلي او معاه عشان مايقول تأخرتي
و اكتشفت عقب جم هوشة ان الريال حزة اللي اهو بيطلع انتي دبري لج طلعة مع رفيجتج و طلعي و رجعي قبله بخمس دقايق بهالطريقة تضمنين ان الموضوع سالك
و الريايل انانين بشكل فضيع فلا تعورين راسج معاهم و كبري المخدة و حقريهم
انا كنت احرق روحي و اموت حرة لين صادتني المعدة و القولون و ذبحني ذباااح كل جم اسبوع في المستشفى
و الدكتورة زفتني تقول لي كله من العصبية ليش تعصبين بردي اعصابج تمرضين واهو دمه بارد والله قالت هالكلام جدامه و خلته يسمع تقول قهريه ببرود دمج
والله شوي شوي عودت روحي ابرد اعصابي اهو يتهاوش ثلاث ساعات عادي جدا عادي بس انا ساااكتة ماانطق ب ولا كلمة واسوي روحي حزينة خخخخ وانا اطالع بالمكان اقول اي هالليت يبيله تغير ويبيلي كريم وباخذ لي عطر كل هذا واهو يتهاوش وانا مشغلة مخي بشي ثاني
و بس متعود يهاوش انا اسكت و بعدين اتكلم كلمتين لا عصبية ولا حنى ولا شي خله يعور بلاعيمه بروحه و ييب الضغط لروحه انا ليش ابتلي بامراض واهو صاحي كيفه
خلج انانية اكثر منه

 

[متواضعة]

باتشولي احلى شي اتسوينه وبتشوفين لي شافج منشغله عنه ماتهتمين صدقيني بيقعد في البيت بتذكرين كلامي

الريال من يشوف المره منشغله عنه يخاف

والريايل كلهم كلهم انانييييين بدون استثناء دايما ما يفكرون الا في نفسهم

زنوووب بووو الله يعييينج لي هالدرجه كنتي توصلين لا بردي اعصااابج لا تعيزين بسرعه وصحتج الزم ماعليج

وسالفت انه اطلع وقت اللي اهو طالع ماثقدر لانه احتاجه يقعد مع اليهال

اليوم اسمع مقطع من مقابله للدكتور طارق الحبيب يكلم اللي للحين ماتزوجت والمطلقه

يقول لا تخلين كل همج الزوج

مثل ما الزوج عنده انتي اله لاشباع رغباته انتي خليه اله لتفريخ

عيالج وولدج اهو زوجج الحقيقي

اول شي خلي همج الاول وظيفتج شهادتج سلاحج وبعدين عيالج وبعدين ريلج المميز المحترم وعقب ريلج ااذا كان عادي

كلامه خطير هالدكتور عاد طرشته حق زوجي المقطع ماتوقع بيعلق واذا بيعلق بيسب الدكتور ههههههههه

 

[متواضعة]

باجر بقول لكم شنو كان الرد

 

[متواضعة]

الله حلوه زهرة الباشولي اشوف مشهوره بزيتها

تقريبا مثل الخزامى


صار خاطري في شاي اعشاب باباونج على ياسمين على زهورات مساج