يوميا @ سجلي حالتج النفسيه اهني@متزوجات حيااكم@

[امـ خــزامـى]

شدووون بإذن الله ناويه اسوي برنامج عنااايه

لشعري
وجسمي
ووجهي


عاد وصلني ع الواتس خلطه يمدحوونها
اللي هي حنا ومحلب وقرنفل وزيت وموي دافيه
يقولون مر را روعه للشعر الغامق
اذا سويتيه كل اسبوع لمده ٥ساعات ع شعرك بتشوفين اللمعه والنعومه والصحه
واغسليه بعد بسدر مره وحده

وبتعجبك النتيجه

 

[شادن33]

فوفو هههههه لا ما اعتقد يمكن اذا تلاقيتوا وجها لوجه تتالفون هههه

ام خزووووم انا الخلطه ما استحملها ربع ساعه على ويهي بعد هالمره شعري !!!!! وخمس ساعااات وااااي

انا احب الشي السريع شامبو بلسم طبيعي لو غالي هههههه

 

[شادن33]

مع تمنياتي لكم بقضاء وقت ممتع واجلزه سعيده
الي اللقاء

 

[متواضعة]

السلام عليكم


شلوونكم بنات

من زماان ماااا شبكت وااايد مشغوله
ومن فتره حاولت اشبك المنتدى ماكان يشتغل


النفسيه اليوم مرتاحه الحمدالله

 

[الكــادى..]

شدووون بإذن الله ناويه اسوي برنامج عنااايه

لشعري
وجسمي
ووجهي


عاد وصلني ع الواتس خلطه يمدحوونها
اللي هي حنا ومحلب وقرنفل وزيت وموي دافيه
يقولون مر را روعه للشعر الغامق
اذا سويتيه كل اسبوع لمده ٥ساعات ع شعرك بتشوفين اللمعه والنعومه والصحه
واغسليه بعد بسدر مره وحده

وبتعجبك النتيجه

انتبهى حبيبتى
ترا المحلب يخشن الشعر

 

[الكــادى..]

لااااااااااا
قصدى الحلبه
لان فى ناس يحطونها بشعرهم واهى اللى تخشن الشعر

 

[فوفو22]

مساكم الله بالخير

فوفو

 

[وردة متفتحة]

هلااا نفوسات

شدون إلا معايا ولد بالمدرسة

 

[امـ خــزامـى]

ههههههههه شدووون هالسرييييع سريع هو اللي مضيعنا

عمتي عجوووز عمرها بنهاية الستين ماشاااءالله
وربي اشعرها احسن مني بمليون مرررره كثييييييييييير وصحي

تستخدم هالخلطه ومليووون زين وانوااع الاهتمام

الكاادي حبيبتي ايه المحلب يمدحوونه مررره

والحلبه اتذكر قبل زواجي جربتها مع الزيت تتخمر واستخدم الزيت ماادري ماطولت الصراحه بس ماشفت جفاف


والله يعيننا والله نبي الزين بس مالنا خلق نهتم ونعتني


ورده ربي يخليه لك


متوااضعه دووم يارب وفقدناك



فوفو ياهلا



ام الدرر وينك ويف النفسيه ان شاااءالله احسن

 

[متواضعة]

صباااح الخيييير

النفسيه الحمدالله على كل حال

عندنا اجازه في البحرين تاسع وعاشر محرم اهلي كلهم بيروحون العمره خالاتي وعماتي وامي وابوي

اقول حق ريلي خل نروح الشاليه مو راضي قلت له انزين خلني اروح المعمره بعد مو راضي

قلت له بروح مع صديقتي الشاليه بنقعد يومين هم مو راضي

شسووي له


بنات بسالكم سوال اشلون الوحده تطلب من ريلها شي بحيث انه يوفق بدلع وجذي علموني وعطوني افكار اشلون اطلب

 

[متواضعة]

ام خزووم بعد عمري هلا فيج جعلج ماتفقدين غالي


انا كلش ماعندي اهتمام لا في شعر ولا في بشره هههه

شامبو صابون كريم للويه مع التونر وبس الحمدالله ما اصبغ شعري فما احتاج ذيج العنايه مع انه خفيف ويتساقط ولا احط ميك اب واايد

الشامبو اهم شي احاول اخذ شامبو من محلات المنتوجات العضويه انه مايكون فيه ذيج الماده الحارقه sps مادري شنو سلفات وبس

 

[متواضعة]

على طاري العنايه والاهتمام بالنفس

اذا بتعتنين لنفسج عشان نفسج بروحج اعتني

اما اذا بتعتنين عشان زوجج لا والف لا انا اقول لكم


عندي 3 نامذج في حياتي الزوجه جميله معتنيه في نفسها ذاك الجسم الحلو وازواجهم تزوجوا عليهم


لاحد يقول بعتني عشان زوجي مايشوف غيري

اذا في باله يشووف بيشووف لو كنتي ملكت جمال واذا في باله مايشوف مابيشوف لو انج عنزه تكرمون هههههه

 

[Zinab BH]

بنات شخباركم وحشتوووووووني اسمحو لي على هالغيبة الطويلة
ولكن الحياة و ظروفها اللي مادري شسمونها خخخخ المهم شلونكم شخباركم شخبار بعولتكم؟

 

[شادن33]

هلا زنووووووب حبيبتي شالدنيا ويااااج

ميتو حبيبتي انا اذا ابي شي من ريلي وأبيه يوافق لازم أصير أسبوع طيبه هههههه
اسويله اللي يطلبه وأكون مفرفشه وكله اضحك >>>>> وااااي مصلحجيه نمبر ون
انزين أشوف الأشياء اللي كنت اعانده فيه اسويه بكل حب واحتراااام !!!!
ولامانع من تدليعه الدلع اللي بالي بالك هذا اهم شي !!!

وبعدين اخش عليه واقدم طلبي >>>> حشا طالبه وظيفه خخخخ
وبس راح تنكسر عينه ويوافق غصبن عليه لان كنت مؤدبه وسنعه معااااه

 

[شادن33]

وأي نسيت بعد ادز له مسجات حلوه وتونس قبل تقديم الطلب خخخخخخ
المسجات تسوي شغل

 

[متواضعة]

ههههههههههههههههه


خووش طرييقه

المشكله شدون انا كله اطيعه ووادلعه بس وقت الطلب اطلب ستريت فورورد بدون لف ودوران اهو يقول لي مو جذي يطلبون بس بجوف لازم افكر بطريقه

زوزو هلا وغلا

 

[متواضعة]

ماحب اطلب وقت اللي خبري خبرك في بنات يستغلون الوضع للطلبات انا لا احب هالشي يكون بس لهشي

 

[متواضعة]

قاعده ابحث عن طريقة الطلب


شفت وحده كاتبه جذي

بصراحه انا لازم اطلب بشويه دلع وابتسامه ونظره متفائله كل مرررره

ولااااااازم حبيبي وحياتي وروحي واحلا زوج بالدنيا كلها


ودائما تنتهي بالموافقه الا بعض الحالات ينفذ الطلب بس مو بنفس الوقت

اشلون اتسوي جذي مااعرف

 

[شادن33]

لا ميتو لاتطلبين حزه الشسمونه مو قصدي جذي أصلا مو حلوه
اقصد بعد ما ادلعينه وجذي بنص السوالف دخلي الطلب

 

[شادن33]

ترا سهله ميتو هالكلمات لازم اتقولينها شكلج مومتعوده

لازم حبيبي وعمري بنص الكلام ولا اشلون عيل