يوميا @ سجلي حالتج النفسيه اهني@متزوجات حيااكم@

[متواضعة]

انا اسلوبي دلع بس انه اتدلع ماااعرف

بجرب بوقف عن المنظره وبمثل اليوووووم

 

[متواضعة]

شدوون المشكله انا كلامي كله حبيبي وعمري مافي شي يديد حتا مع عيالي اخواني وابوي

 

[شادن33]

صح أصلا بيطلع الكلام دايركت لان مدربه عليه

 

[متواضعة]

مثلا شرايج افرص خدوده واقول له حبيبي عمرري انتا خلني اروح الشاليه


زين جذي

 

[شادن33]

اهاااا عيل غيري الموجه عطيه العين الحمرا هههه

 

[متواضعة]

ههههههههههههههههههههههههههههههه اي جربت العين الحمرا يواافق

 

[شادن33]

لا ميتو شكله ريلج من النوع اللي لازم يسمع أوامر !!!!
يعني مثلا قوليله احنا لااااازم أنروح الشاليه ماينفع جذي لازم نغير جو العيال ملواااا
سمعت لااااازم نروح وقوليها بحزم مو صراخ يمكن ينفع

 

[متواضعة]

بس توني مسويتها ما قدر اسويها مرا ثانيه

 

[متواضعة]

هههههههههههه شدوووون اخاف اسمع كلامج وينخرب بيتي اهووو ماينعرف له مرات اوامر ومرات لا مايمشي معاه

 

[شادن33]

لا ميتوووو انتي عاد لاتصاااارخين عليه
لا خليه يفهم ان صار لااازم تغيرون جو اشوي !!!

شوفي هالاسلوب مرات ينفع مع ريلي اصيغ طلبي بأسلوب الامر وابين له أسبابه وإخليه يفكر !!!
بعد اشويه ادز له اليهال هههه بنفس الطلب خخخخ
وأشعب يريد تحقييق المطااالب ههههه

 

[امـ خــزامـى]

ولكم باااك زنووب ولهنا عليك


ميتو حبيبتي ههههههه ضحكتيني انا عشان يووافق استغل نقطه فيه

انه مايحب يحس اني مظلومه واقل من غيري

اجلس عنده ووجهي يكوون مكتئب واحوس بالمطبخ والا بالغسيل

يعني اكررف قدامه واوضح له اني محتاجه طلعه مليت من الكرف

وكله اساأل تامرني على شي اسويلك اياه

ترى فاضيه ماعندي شي

وبعدين امسك الواتس واخليه يشوف سوالفهم اذا فيه اتفاقات واستعداد
او اذ ا صور بالانستقرام واقول الله يهنيهم مع تنهيده تعبررر عن معاناة خخخخخخخخ

يفيد فيه هالاسلوووب وبقووه
على طول ينكسر خااطره



واختي مهما قالت وسوت مايفيد بسو لو عيالها طلبوا يواافق على طول اهم شي وناسة عياله


وسالف الاهتمام والعناايه ماطقيت له خبر
اصلا لو بسمع لامه طول عمري كان صلللعت يبي شعري اسقر مثل الااجانب. وفل ميك اب


خربت بشرتي وشعري احتررق
بس خلاص ستوووب

بعتني بنفس وهو بكيفه

 

[متواضعة]

ههههه شدووون خووش طريقه طريقة اشعب يريد تحقيق المطالب

 

[متواضعة]

حبيبتي ام خزووومه والله صج انه كيدهن عظيييم هههههههه

وه اشوا لا تسمعين كلام امه ولا شي هههههههه

بجرب معاه كل اسلووب

بشوف شلون وبخبركم

 

[متواضعة]

ام خزوومي الموضوع روووعه اللي نزلتيه

بس مادريت عنه الا توني

ياريت بنات اللي تنزل موضوع اتقول لنا عشان انسوي هجوم على مواضيعها

 

[متواضعة]

خلصت السنه بسرعه

لله يجعل السنه اليايه واللي بعدها اجمل سنين حياتنا واروعها وتكون كلها ايمان بالله وحسن عباده يارب

قوولوا امييييييين

 

[Zinab BH]

اهلين فيكم حبيبات قلبي ولهت عليكم شدون ام الزوز متواضعة كلي دلع ام الدرر والبقية طبعا
لاخر نفرة فيكم

من زمان ماقلت سوالفي ومابدااااااااخلي اه على اللي مابداخلي خليها مستورة بس
تصدقون جاني كبت مشاعر مو طبيعي خخخخخ بس صرت اخاف من الكبت
جدة زوجي توها متوفية الله يرحمها و سبب وفاتها ان قلبها وقف مرة وحدة
و السبب ان كانت تكبت وايد وايد مشاكلها مع ابو عيالها و مشاكل عيالها واهيا تصير الصدر الحنون للكل و ماتتأفأف ولا تقول شي لأحد وعلى طول مبتسمة ... و مرة وحدة من القهر اللي بداخلها قلبها وقف وا عليا عليها الله يرحمها يارب اتذكرها اخر ليلة كانت تضحك ومستانسة معانا اااه راحو الطيبين و الحنونين والله كنت احبها الله مايختار الا الطيبين والا الشرانين ومأذين خلق الله للحين عايشين ملعوزين البشر فيهم

فأنا قررت مااكبت مشاعري و قهري و سوف انطلق و اتحلطم و اهاوش ومااخلي شي بخاطري خخخخ
على ان صايرة اذا يهاوشني سي سيد اسكت ومااتحجى احقره واحاجي روحي داخليا والله صادني خلل احاول اتفاعل بالهوشة لكن مافيه فايدة

 

[Zinab BH]

ليش مطولين السالفة عشان تبون تطلعون مايبي يطلع سبع البرمبة عادي لبسي نعالج و عباتج و جنطتج و طلعي و انطلقي خله قاعد في البيت بروحه يحوس منقهر بس لا تنسين تسحبين فلوس من عنده خخخ
كلش مااساحل فيه صايرة حدي عملية هالايام اللي مايسويه لي اسويه بنفسي ولا اعور راسي ولاشي فيحس على دمه ترى مابموت بدون وجودك في تفاصيل حياتي فمنه ومن نفسه يسويها
يمى مني اخاف من روحي صايرة شرانية مادري ليش يمكن لان فيني الدورة و كورس تخرج و كارفيني الدوام هههه مادري يمكن

 

[امـ خــزامـى]

هههههههههه ميتوو اكتب من الايباد وانواااع الحوسه خخخخخخ طبعا اقصد كلامه مو امه اكيد فاهمتني صح



يازينك نوورتي موضوعي حبيبتي ويااااارب الكل يستفيد وتتغير حياته للاحسن


زتووب الله يرحمها ويغفرلها


انت مضغوووطه بشكل وربي تكسرين خاطري شغل وكرف جامعه وبيت وزوج

ان شاااءالله تتخرجيييين وتتوفقين بحياتك حبيبتي هونيها وتهورون ولا تكتمين وكل ويك اند حاولي تنبسطين وتغيرين جو


ونصيحه سوي حمام مغربي ومسااج بترتااحين


انا هالفتره محتاجته وبقوووه قريبا ان شاءالله بسويه

 

[متواضعة]

هلااااااااااااا زوزو نوورتي الله يرحمها ويغمد روحها الجنه ياحبيبت قلبي كبتي ولا فضفضتي يومج مكتوب قبل لا يولدونج اللهم حسن الخاتمه


اما اني البس عباتي واطلع اطلع ولا افتكر لكن السالفه فيها مبيت في الشاليه ياخويتي ماايصير بدون موافقته

ام خزوووم يازيين قلبج ان شاءالله نستفيد

 

[متواضعة]

وااااااااااي جبتيها على الجرح ياسلام حمام مغربي ومسااج الله وكبرر يبيييله