يوميا @ سجلي حالتج النفسيه اهني@متزوجات حيااكم@

[ام الدرر]

السلام عليكم
الحالة النفسية
فاطرة:ch12::ch12:

شلونكم نفوسات


بيرفيوم حبيبتي انا بخير يسلم عمرج

بوبا هلا والله حبي
بشري عن العسولة شلون عويناتها


زنوب
الحبوب تعطي مانع لفتره حتى لو تتركينها

كلي دلع
شدون
ام خزامى
كيفكون​

 

[Perfume]

وعليكم السلام ام الدرر
حلوووة فاطرة
انا هالسنة ماخذة حبوب مالي خلق اعيد صيام استغفر الله

 

[طالبة انجلش]

السلام عليكم شكرًا لكل اللي سالت عني الله لا يحرمني منكم الحمدالله رحت الطبيب وسويت سوترا وقالت كل شئ الحمدالله زين بس لازم الراحه ويؤمنوا الجماع وايد آشيا وعطتني فيتامينات والحمد الله بس ذابحتني اللوعة وابشركم أن أهل زوجي وايد صاروا زينين لان نفسه زوجي قال انتي مؤ مالة لسان ومرادد فتركوني شكلهم بحالي الحمدالله

 

[امـ خــزامـى]

^^^^
ربي يتمم عليك ياقلبي ويسعدك



الحاله تمام يارب لك الحمد


زعلانه شوي على ناس ظلموووني وظنوا ظن سئ وانا مااستاهل
بس عاااذرتهم لهم ظروفهم اللي معكررررره صفووهم


زنوووب هههههه نفس الحاله انا لولب وكل يوم اشك

قبل يومين بصمت اني حامل
لاني اسوي رياضه نط الحبل
وصار ينزل علي افرازات مو طبيعيه لدرجه احس فيها وهي تنزل الله يكرمكم ويعزكم
واحس بالم بظهري وبطني ونزل الالم لفخووودي

ومليت وانا اقرا واحوس بالنت يقولون اذا التهاب يكون فيه ويحه وانا مااشم شي

ولو تحرك اللولب يقولون ينزل دم اسود واوقات نزيف
وانا مانزل الا خيط احمر فاتح وانا امسح

والله محتاره كنت ناويه امنع الدوره بحبوب بريموت ان بس مره اقول لا خليها تنزل واتطمن
مابي اوسوس



بس بالاخير توكلت على الله واكلت حبه قبل الاذان ببمنعها

اما انت زنووب ارتاحي انا اكلت حبوب ديانا سنه وشهرين وماحملت عليهم بس كنت محافظه ومسويه تنبيه بفوني عشان ماانسى

لو نسيتي ممكن تحملين


فوفو الله يكتبلكم الخير ويرضيكم


ام الدرر ياحبيلك ولهت عليك


بيرفيوم وبوبا وشدوون كيفكم حبيباتي


كلي دلع وينك ياحلوه تتغلين طمنينا عليك



ملكه فينك ياقميل



ان شااءالله مانسيت احد

 

[حميدانيه سريعه]

الحاله النفسيه منغثثثثثثثثثثثثثثثثثثثثثثثثثثثثثثثثه

 

[Zinab BH]

هلا يا بنات اول مرة اشبك من الفون خخخخ
شدووون اي خل اخلص جامعة و مقررة احمل باذن الله لان جذي تعب وايد
ام الدرر ان شاءالله الله يسمع منج استغفر الله لان كلش ماقدر بهالفترة
ام الزوز الحبوب خذيته كامل ماطوفت ولا حبة
بس غيرت موعده قبل شهر رمضان خذيته 11 الصبح
و في شهر رمضان الساعة 8 الليل تتوقعين ياثر؟؟
و انا المبايض عندي صغيرة والله حدي محتارة و مادري شسوي
لان اليوم سادس مدري خامس من تركت الحبوب و الامها فيني
بس اهي مانزلت

 

[ام الدرر]

السلام عليكم
الحالة النفسية
الحمدلله

طالبة انجلش
عسى الله يتمم عليج حملج
ويسخر لج زوجج واهله

بيرفيوم
اول كنت اخذ حبوب بس مع خمول الغده
الدورة تقل ايامها والدم عزج الله يقل
فمابي احوس روحي زياده
والحمدلله 5 ايام امرهم سهل
باجر باذن الله صايمه


ام خزامى
ربي يعطيج على قد نيتج
التمستي لهم العذر
والجزا من رب العالمين

زنوب
لا تحاتين ان شالله تنزل
ربي يكتب لج اللي فيه الخير​

 

[Perfume]

اهلين يا حلواات
ام زوز انا بخير حبيبتي اسأل عنج
طالبة الحمد لله
الله يتمم عليكم
ام الدرر بعد عمري ٥ ايام مقدور عليها
انا دورتي ١٠ ايام واخاف تييني بداية الشهر ونهايته

شدون زنوب كلي دلع فوفو باتشوو
شلونكم

 

[جووري الكويت]

انا الحمدلله احس اليوم نفسيتي مرتاحه واللي يديم علي الراحه وعليكم

 

[امـ خــزامـى]

زنووب حبي انا كانت ماتنزل الا خامس او سادس يوم
كل جسم يختلف عن الثاني
الله يشفيك ويرزقك ماتمنين وتخلصين من الجامعه وتفتكين


ام الدرر بعد قلبي احرجتيني بكلامك لبى قليبك

ييرفيوم نفس الحال واردى منك انا تخيلي اوقات تصك ١٣ يوم من اللولب
وكل مره اقول بشيله خلاص مليت بس اذا تذكرت الحبوب وغثاها والتفسيه الزفت والصياح والهوشات
ابلع العافيه واحمد الله وادعي للي اخترع اللولب هههههههههه

اللي منغثه ربي يبرد على قلبها

واللي متهنيه الله يزيدها من نعيمه

 

[امـ خــزامـى]

حالتي النفسيه
ماادري احس بملل مليت من الكرررررف وحوسه بنتي

وزوز ماخذه تفكيري هالحزه بس افكر بتصرفاتها الاي ماتعجبني
بنتي شبه عايشه بمجتمع كله كبار
واذا اجتمعت مع ناس عندهم بعمرها ماتلعب معهم وبس تجلس بحضني وتشرب شاهي وقهوه خخخخخ عجوز مو بنت
طفشتني ابيها تلعب وتنبسط واول مااشيلها من حظني تعالوا شوفوا الصراخ
احاول اخليها تدخل جو مع الاطفال واروح معها بس برضه ماتعرف تلعب واول مايلمسوونها تفتح هالفم صياح وتتشره ليه ليه كيذا بعني ليش تضربوني
ماادري هي دلووعه ولا ماتعودت على الصغار


اتمنى تعيش طفولتها وتخلي عنها المكياج والعطور والمواعين والشناط


بس مااعرف كيف !!!

 

[Zinab BH]

احم انزلت عليي و اخيرا ههههه
ام الزوز يمكن زوزه متعودة روتين في حياتها ماكو اطفال حوالينها
و البنت تسوي مثل الام دام انتي كله معها بتسوي مثلج و بتلزق فيج مثل البطة
اذا عندكم بالسعودية اماكن يسوون برامج للاطفال اسبوعيا مثلا مركز او جمعية يخلونهم يرسمون و يلونون و يلعبون بالطين و من هالحركات و تنمية الطفل و قدراته وديها تختلط شوي باليهال و تتعود عليهم
ولد اختي الكبيرة كان من قبل جذي كله بحضن امه و ابوه حتى المدرسة مايلعب مع الاطفال حتى اختي خافت ان فيه توحد
لان يقعد بروحه و يلعب بروحه بس بعدين قامت تخليه بهالمراكز و اخوانه الحين مشاءالله عليهم شاقيين الارض و طالعين خصوصي اصغر وحدة الشر بعينه و علمه سنة ونص و تاخذ حقها بايدها اللهم ياكافي منها خخخخ الله يحفظها شبيهتي

النفسية الحمدالله الليلة القرقااااعون الله يعوده علينا و عليكم بالخير و الافراح و المسرات اللي عندهم عيال شنو تجهيزاتكم و ترتيباتكم واللي ماعندهم مثلي شنو برنامجكم
في بيت ابوي ,, الله يحفظ اخوي الكبير بيحط طاولة يم البيت و بيخلي علليها مالذ و طاب من الاكل و الحلويات و طبعا انا لازم اتذوق قبل مااطلع كل صحن اكل و حلوى ههه و ان شاءالله زوارات و انتو؟

 

[شادن33]

شلوووونكم حبايبي

النفسيه اللهم لك الحمد والشكررر

بروح اعطي الخدامه التعليمات اليوميه للفطور ورااااجعه

 

[شادن33]

طالبه الله يتمم عليج حبيبتي ويسخره لج تسخيييييير ولو ماشافج بنت اصل واجوديه جان ماغير أسلوبه الله يسعدج

ام الدرر بعد عمري شلوووونج

بيري عشر ايام وايد زين خذتي الحبوب بس انشالله ماتضرج

ام خزوووم بنتج مؤ متعوده قطيها مره بيت اختج اهلج اي حد عند يهال وطلعي عنها وشوفيها شلون تتصرف بدونج لازم تعودينها ع الاستقلاليه ثلاث سنوات خلاص كبيره

زنوووب مبروك ههههه
فوفو هلا فيج والله يوفق ريلج بالانتخابات

 

[امـ خــزامـى]

شدون تحمست وش التعليمات غششيني

محتاره مادري وش ازين على الفطور

وزنوب حلولك جميله شكلي بعد رمضان بوديعا مراكز او بسجلها بحضانه


وشدوون مشكلتي لا بيت اهلي ولا حمولتي فيه اطفال تخيلتي
هي اصغر وحده


وعمرها ٢ وتصرفاتها ياربي تقليد اعمى لي


مليت ابيها تعيش حياتها وتلعب مع الاطفال



عاد تراها لعابه وتموت باللعب بس معي او مع خواتي الكبار
تلعب غمييه ويالله تعالوا دوروا علي

بس معانا

 

[Zinab BH]

ام الزوز شفت صورتها بالانستغرام و ذبحتني من الضحك شكلها مسوية مصيبة في الثلاجة او في مكياجج
جربي الحضانة او المراكز احنا عندنا في البحرين مدرسة مادري شسمها بالظبط بس تاخذ الاطفال من عمر السنتين وتسوي لهم برامج و تسوي لهم مسرحيات يمثلون فيها و اللعاب يعني يشغلون وقتهم و بمثل الوقت يخلونهم يتأقلمون مع بعض جوفي لها حضانة او مراكز من هالنوعية و اصلا مابترجع عندج الا هي دايخة و تبي تناام

امس على الفطور يزعم مسوية صينية دجاج بالطاطس و الكريمة خخخ استوت عقب الفطور و كليتها في السحور

 

[شادن33]

السلام عليكم بنات
شلووونكم

الحاله النفسيه

فاقده قموووووره بعد عمري �� يت على بالي كنت اسالها برمضان عن التشريبه والأكل وجذي ����

الله يسعدها وين ما تكون كانت اياااام حلوه

 

[امـ خــزامـى]

مرررحبا جميلاتي

كيفكم


تشووفين بس زنوووب ماامداني اتحلطم الصبح عليكم الا بنتي بدددعت العصر ولعبت بمكياجي


يوم ناداني ابوها يقول شوفي زوز وش مسويه خطر على قلللللللللبي

كلشي ولا مكياااجي


الله يهديها شايشه لها فتره ومخربه موووووووودي
وطول الوقت معصبه والسبه هي

 

[كليـ دلعـ]

مساكم خير


بنات شفيكم خاملين ماتدشوون كلش!!

سلم كلي يالله خلها لامها يالله

قرقيعان وقرقيعان بين قصير ورمضان

عادت عليكم صيام كل سنه وكل عااااام


يالله تخلي شاادن>>>>>> زعيمه الموضووع

يالله تخليها لامها عسى


البقعه ماتخمهاا ولاتوازي ع امهااا

 

[طالبة انجلش]

السلام عليكم شلونكم بناتً حالتي الحمدالله يارب مرتاحه ولله الحمد وعند اهلي وذابحتني النساه كل شي اكله ارده اكره الدياي واللحم والمرقدوالدقوس يبووووي عطوني بس عيش ابيض وروب وضعفت حييل احسن بعد الحمدالله اكلت بيت اهلي ككاو وفاكهه وعصير بس احس باللوعه الحمدالله والله ياجرنا يارب